Connect with us

columns

പെരിയ ഇരട്ടക്കൊലക്കേസിലെ സി.ബി.ഐ അന്വേഷണം

ചീഫ് ജസ്റ്റിസ് എസ്.മണി കുമാര്‍, ജസ്റ്റിസ് സി.ടി രവികുമാര്‍ എന്നിവരടങ്ങുന്ന ഹൈക്കോടതി ഡിവിഷന്‍ ബെഞ്ച് 2020 ആഗസ്ത് 25 ന് പെരിയ ഇരട്ടക്കൊലപാതക കേസില്‍ സി.ബി.ഐ അന്വേഷണം തുടരാന്‍ ഉത്തരവിട്ടതിലൂടെ പിണറായി സര്‍ക്കാറിന്റെ കരണത്താണ് പ്രഹരമേറ്റത്.

Published

on

യൂനുസ് അമ്പലക്കണ്ടി

ചീഫ് ജസ്റ്റിസ് എസ്.മണി കുമാര്‍, ജസ്റ്റിസ് സി.ടി രവികുമാര്‍ എന്നിവരടങ്ങുന്ന ഹൈക്കോടതി ഡിവിഷന്‍ ബെഞ്ച് 2020 ആഗസ്ത് 25 ന് പെരിയ ഇരട്ടക്കൊലപാതക കേസില്‍ സി.ബി.ഐ അന്വേഷണം തുടരാന്‍ ഉത്തരവിട്ടതിലൂടെ പിണറായി സര്‍ക്കാറിന്റെ കരണത്താണ് പ്രഹരമേറ്റത്. ജനപക്ഷത്തു നില്‍ക്കേണ്ട സര്‍ക്കാര്‍ കൊലപാതകികളുടെ സംരക്ഷണമേറ്റെടുത്ത് സാമാന്യ ബോധത്തെയും നിയമവ്യവസ്ഥയേയും വെല്ലുവിളിച്ച് നാണംകെട്ട നാള്‍വഴികള്‍ എല്ലാ അതിര്‍വരമ്പുകളും ലംഘിക്കുന്നതായിരുന്നു. അതിക്രൂരമായി രണ്ടു ചെറുപ്പക്കാര്‍ വെട്ടിനുറുക്കപ്പെട്ടപ്പോള്‍ വിതുമ്പിയ കേരളീയ മന:സ്സാക്ഷിയെ കൊഞ്ഞനംകുത്തുകയായിരുന്നു ഇടതു സര്‍ക്കാര്‍. എന്തു വിലകൊടുത്തും പ്രതികളെ രക്ഷിക്കാന്‍ കച്ചകെട്ടിയിറങ്ങിയ കേരള സര്‍ക്കാര്‍ നിര്‍ലജ്ജം അതിനു സ്വീകരിച്ച വഴികള്‍ ചരിത്രത്തിലെ കറുത്ത പാടുകളായി അവശേഷിക്കും.
2019 ഫെബ്രുവരി 17ന് രാത്രിയാണ് കാസര്‍കോട് ജില്ലയിലെ പെരിയയിലെ കണ്ണാടിപ്പാറയില്‍ വെച്ച് കല്യോട്ടെയൂത്ത് കോണ്‍ഗ്രസ് പ്രവര്‍ത്തകരായ ശരത്‌ലാലും കൃപേഷും കമ്യൂണിസ്റ്റ് കാപാലികരാല്‍ വധിക്കപ്പെടുന്നത്. പിടിയിലായ പതിനാലു പ്രതികളും സി.പി.എമ്മിന്റെ നേതാക്കളോ പ്രവര്‍ത്തകരോ അനുഭാവികളോ ആണ്. തുടക്കം മുതല്‍ കേസ് വഴിതിരിച്ചുവിടാനും യഥാര്‍ത്ഥ പ്രതികളെ രക്ഷിച്ചെടുക്കാനും കൊണ്ടുപിടിച്ച ശ്രമങ്ങളാണ് ഭരണകൂടവും പൊലീസും നടത്തിയതെന്ന് വ്യക്തമാണ്. ലോക്കല്‍ പൊലീസും പിന്നീട്‌വന്ന ക്രൈം ബ്രാഞ്ചും കൊലചെയ്യപ്പെട്ടവര്‍ക്ക് നീതി നല്‍കുന്നതിനല്ല പ്രാമുഖ്യം നല്‍കിയത്. പ്രതികള്‍ക്ക് പുറത്തുവരാനുള്ള പഴുതുകളുണ്ടാക്കുന്നതിലായിരുന്നു അവരുടെ വ്യഗ്രതയെന്ന ആക്ഷേപം കുടുംബം ഉന്നയിച്ചത് അതിനാലാണ്. സി.പി.എമ്മുകാര്‍ പ്രതികളായ കേസില്‍ അവര്‍ ഭരിക്കുന്ന സര്‍ക്കാറില്‍നിന്നോ അവരുടെ നിയന്ത്രണത്തിലുള്ള അന്വേഷണ ഏജന്‍സികളില്‍ നിന്നോ നീതി പ്രതീക്ഷിക്കാതെ വന്നപ്പോഴാണ് കുടുംബം ഹൈക്കോടതിയില്‍ സി.ബി.ഐ അന്വേഷണം ആവശ്യപ്പെട്ട് ഹരജി ഫയല്‍ ചെയ്യുന്നത്. കൊല്ലപ്പെട്ടവരുടെ ബന്ധുക്കളുടെ ഹരജി പരിഗണിച്ച് 2019 സെപ്തംബര്‍ 30 ന് ഹൈക്കോടതി സിംഗിള്‍ ബെഞ്ച് കേസ് സി.ബി.ഐക്ക് വിട്ടു. 2019 ഒക്ടോബര്‍ 29 ന് പതിമൂന്ന് പ്രതികളെ ഉള്‍പ്പെടുത്തി എറണാകുളം സി.ജെ. എം കോടതിയില്‍ സി.ബി.ഐ പ്രഥമ വിവര റിപ്പോര്‍ട്ടും സമര്‍പ്പിച്ചു. വിചിത്രമെന്ന് പറയട്ടെ അതിനിടയിലാണ് കേരള സര്‍ക്കാര്‍ സി.ബി.ഐ അന്വേഷണത്തെ എതിര്‍ത്ത് അപ്പീല്‍ നല്‍കുന്നത്. അതോടെ പ്രതീക്ഷയോടെവന്ന സി.ബി.ഐ അന്വേഷണം നിലച്ചു. ഈ അപ്പീലില്‍ തങ്ങള്‍ക്കനുകൂലമായ വിധിക്കായി സര്‍ക്കാര്‍ അനുവര്‍ത്തിച്ച നയനിലപാടുകള്‍ തീര്‍ത്തും പരിഹാസ്യമായിരുന്നു.
കോടിയില്‍ പരം രൂപ ജനങ്ങളുടെ നികുതിപ്പണത്തില്‍നിന്നും സംസ്ഥാന ഗവണ്‍മെന്റ് ഇതിനായി ചെലവഴിച്ചുവെന്നതാണ് ഞെട്ടിക്കുന്ന വസ്തുത. സ്വാഭാവികമായും ഒരു ജനപക്ഷ സര്‍ക്കാര്‍ കാണിക്കേണ്ട സാമാന്യ മര്യാദയുടെ അയലത്തുപോലും ഭരണ വര്‍ഗം നിന്നില്ല. പ്രതികളെ പരസ്യമായി ചേര്‍ത്തുപിടിക്കുന്ന നിന്ദ്യമായ സമീപനമാണ് ഭരണകൂടത്തില്‍ നിന്നുണ്ടായത്. 88 ലക്ഷം രൂപയാണ് അഭിഭാഷകര്‍ക്ക് മാത്രമായി സര്‍ക്കാര്‍ നല്‍കിയയതത്രെ. ബി.ജെ.പി സഹയാത്രികരായ സുപ്രീംകോടതിയിലെ അഭിഭാഷകരേയാണ് കേസ് വാദിക്കാന്‍ നിയോഗിച്ചിരുന്നത്. കേസില്‍ ഒരു തവണ ഹാജരായ മുതിര്‍ന്ന അഭിഭാഷകന്‍ രഞ്ജിത് കുമാറിനു ഫീസായി നല്‍കിയത് 25 ലക്ഷം രൂപയാണ്. ഒന്നാം മോദി സര്‍ക്കാറിന്റെ കാലത്ത് അഡീഷണല്‍ സോളിസിറ്റര്‍ ജനറലായിരുന്ന മനീന്ദര്‍ സിങിനു മൂന്നു തവണ ഹാജരായതിനു നല്‍കിയതാവട്ടെ 60 ലക്ഷം രൂപയും. അദ്ദേഹത്തിന്റെ ജൂനിയര്‍ പ്രഭാസ് ബജാജിനു മൂന്നു ലക്ഷം രൂപയും നല്‍കി. ഇത് സുപ്രീംകോടതിയിലെ വക്കീലുമാര്‍ക്ക് മാത്രം നല്‍കിയതിന്റെ കണക്കാണ്. ഒരു കോടി 85 ലക്ഷം രൂപ ഹൈക്കോടതിയില്‍ നിയോഗിച്ച അഭിഭാഷകര്‍ക്ക് മാത്രമായി സര്‍ക്കാര്‍ ഖജനാവില്‍നിന്നും നല്‍കിയെന്നാണ് പ്രതിപക്ഷ നേതാവ് ആരോപിച്ചത്. സര്‍ക്കാറിനുവേണ്ടി കേസ് വാദിക്കാന്‍ കഴിവും പ്രാപ്തിയുമുള്ള അനേകം അഭിഭാഷകരെ ലക്ഷങ്ങള്‍ ശമ്പളം നല്‍കി നിയമിച്ച ഒരു സംസ്ഥാനത്താണ് മുടന്തന്‍ ന്യായങ്ങള്‍ നിരത്തി പ്രതികളെ രക്ഷപ്പെടുത്താനും പാര്‍ട്ടിയെ സംരക്ഷിക്കാനും മാത്രം ഒരു ജനാധിപത്യ സര്‍ക്കാര്‍ വഴിവിട്ട നീക്കം നടത്തിയത്.
എന്നാല്‍ കേസില്‍ സത്യസന്ധമായ അന്വേഷണം നടക്കണമെന്നും അന്വേഷണത്തിലെ അപാകതകള്‍ ആത്യന്തികമായി നീതി നിഷേധത്തിനാണ് കാരണമാവുകയെന്നും നിരീക്ഷിച്ച ഹൈക്കോടതി ഡിവിഷന്‍ ബെഞ്ച് സര്‍ക്കാറിന്റെ വാദങ്ങളെ നിരാകരിക്കുകയും സി.ബി. ഐ അന്വേഷണം തുടരാന്‍ ഉത്തരവിടുകയുമാണ് ചെയ്തത്. അന്വേഷണം നടത്തി സി.ബി. ഐ തയ്യാറാക്കുന്ന ഫയലും നേരത്തെ ക്രൈം ബ്രാഞ്ച് സമര്‍പ്പിച്ച റിപ്പോര്‍ട്ടും വിചാരണക്കോടതി പരിഗണിച്ച് തുടര്‍നടപടിയുണ്ടാവണമെന്നാണ് ഡിവിഷന്‍ ബെഞ്ചിന്റെ ഏറെ ശ്രദ്ധേയമായ വിധി. സി.ബി.ഐക്ക് കേസ് ഡയറി കൈമാറാതെയും അന്വേഷണത്തോട് സഹകരിക്കാതെയും ശുഭപ്രതീക്ഷയോടെ കഴിഞ്ഞ ഒമ്പതു മാസമായി കാത്തുനിന്ന സര്‍ക്കാറിനും അന്വേഷണ സംഘത്തിനും ഹൈക്കോടതിയുടെ വിധി കനത്ത ആഘാതമായി. അതുകൊണ്ടുതന്നെ മകന്‍ കമ്യൂണിസ്റ്റുകാരാല്‍ കൊലചെയ്യപ്പെടുന്നത്‌വരെ സി.പി.എമ്മിന്റെ പ്രവര്‍ത്തകനായിരുന്ന കൃപേഷിന്റെ അച്ഛന്‍ കൃഷ്ണന്‍ പറഞ്ഞത് പോലെ അപ്പീലുമായി ഖജനാവില്‍നിന്ന് കോടികള്‍ ചെലവഴിച്ച് പിണറായി സര്‍ക്കാര്‍ സുപ്രീംകോടതിയില്‍ പോയാലും അത്ഭുതപ്പെടാനില്ല. പെരിയ കേസ് ഉള്‍െപ്പടെ സി.പി.എം പ്രതിസ്ഥാനത്തുള്ള നാലു രാഷ്ട്രീയ കൊലപാതക കേസുകളാണ് ഈ മേഖലയിലിപ്പോള്‍ സി.ബി.ഐ അന്വേഷിക്കുന്നതെന്നോര്‍ക്കണം. എം.എസ്.എഫ് നേതാവായിരുന്ന അരിയില്‍ ശുക്കൂര്‍ വധം,തലശ്ശേരിയിലെ ഫസല്‍ വധം, കതിരൂര്‍ മനോജ് വധം എന്നീ കിരാതമായ കൊലപാതക കേസുകള്‍ സി.ബി. ഐ അന്വേഷിച്ചുവരികയാണ്.
സര്‍ക്കാറിന്റെ ആജ്ഞാനുവര്‍ത്തികളായി ക്രൈംബ്രാഞ്ച് മാറുന്ന ദയനീയ കാഴ്ചയാണ് ഇയ്യിടെയായി കണ്ടുകൊണ്ടിരിക്കുന്നത്. എട്ടും പൊട്ടും തിരിയാത്ത പിഞ്ചു ബാലിക ബി.ജെ.പി നേതാവായ അധ്യാപകനാല്‍ ക്രൂരമായി പീഡിപ്പിക്കപ്പെട്ട പാലത്തായി കേസിലെ ദുരവസ്ഥ സമൂഹ മാധ്യങ്ങളില്‍ ഏറെ ചര്‍ച്ച ചെയ്യപ്പെട്ടതാണ്. ഇരയുടെ നീതിക്ക് പകരം പ്രതിയുടെ പ്രീതി മാത്രമായിരുന്നു അന്വേഷണ സംഘത്തിനാവശ്യം. ഏറെ ഒച്ചപ്പാടുകള്‍ക്ക്‌ശേഷം ദുര്‍ബല വകുപ്പുകള്‍ ചേര്‍ത്ത് സമര്‍പ്പിച്ച കുറ്റപത്രത്തിന്റെ ഞെട്ടിക്കുന്ന ഉള്ളടക്കം പുറത്തുവന്നത് ഏതാനും ദിവസങ്ങള്‍ക്ക് മുമ്പാണ്. കുട്ടി പീഡിപ്പിക്കപ്പെട്ടുവെന്ന് വ്യക്തമാക്കുന്ന മെഡിക്കല്‍ റിപ്പോര്‍ട്ടും സഹപാഠിയുടെ വെളിപ്പെടുത്തലുംപ്രതിക്കെതിരെയുള്ള സുപ്രധാന തെളിവാണ്. വൈരുധ്യമെന്ന് പറയട്ടെ കുറ്റപത്രത്തോടൊപ്പം ഇതു രണ്ടുമില്ല. പ്രതിയുടെ ജാമ്യം റദ്ദാക്കണമെന്നാവശ്യപ്പെട്ട് ഇരയുടെ മാതാവ് ഹൈക്കോടതിയില്‍ നല്‍കിയ ഹരജി പരിഗണിച്ചപ്പോള്‍ അവിടെയും പ്രതിയുടെ പക്ഷത്താണ് അന്വേഷണ സംഘം നിലയുറപ്പിച്ചത്. ജാമ്യം റദ്ദാക്കേണ്ടതില്ല എന്നു പറഞ്ഞ ക്രൈംബ്രാഞ്ച് ഇരയായ പെണ്‍കുട്ടിയെ മോശമായി ചിത്രീകരിക്കുക പോലും ചെയ്തു.
കൊലപാതകമായാലും പീഡനമായാലും മുഖം നോക്കാതെയുള്ള നടപടികളുണ്ടായാലേ ഇത്തരം കൃത്യങ്ങള്‍ആവര്‍ത്തിക്കപ്പെടാതിരിക്കുകയുള്ളൂ. എന്നാല്‍ മറിച്ചാണ് സംഭവിക്കുന്നത്. തിരുവനന്തപുരത്തെ വെഞ്ഞാറമൂട്ടില്‍ഡി.വൈ.എഫ്.ഐ പ്രവര്‍ത്തകരായ രണ്ടു യുവാക്കള്‍ കൊല ചെയ്യപ്പെട്ടത് ഈ തിരുവോണത്തലേന്നാണ്. അത്യന്തം അപലപനീയമായ കൊലപാതകത്തിലെ പ്രതിസ്ഥാനത്ത് കോണ്‍ഗ്രസ്സാണെന്നാണ് സി.പി.എം പറയുന്നത്. മുല്ലപ്പള്ളിയും ശാഫി പറമ്പിലുമുള്‍പ്പടെ ഉത്തരവാദപ്പെട്ടകോണ്‍ഗ്രസ് നേതാക്കള്‍ ഈ വിഷയത്തില്‍ സ്വീകരിച്ച നിലപാടുകള്‍ തീര്‍ത്തും മാതൃകാപരമാണ്. പ്രതിസ്ഥാനത്ത് കോണ്‍ഗ്രസ് പ്രവര്‍ത്തകരുണ്ടെങ്കില്‍ യാതൊരു വിധ സഹായവും പാര്‍ട്ടി നല്‍കില്ലെന്ന് സമൂഹമധ്യത്തില്‍ അവര്‍ ആവര്‍ത്തിച്ച് ഉറക്കെപ്പറഞ്ഞു. മാത്രവുമല്ല കൊലപാതകം സി.ബി.ഐ അന്വേഷിക്കണമെന്നാവശ്യപ്പെട്ട് കോണ്‍ഗ്രസ് പ്രവര്‍ത്തകര്‍ സാമൂഹ്യ മാധ്യമങ്ങളിലുള്‍പ്പടെ കാമ്പയിന്‍ ആരംഭിച്ചിരിക്കുകയാണ്. മനുഷ്യ ജീവനും അഭിമാനത്തിനും തെല്ലും വില കല്‍പ്പിക്കാത്ത നികൃഷ്ട ചെയ്തികളെ പല്ലും നഖവും ഉപയോഗിച്ച് എതിര്‍ക്കുകയും അത്തരക്കാരെ ഒറ്റപ്പെടുത്തുകയും ചെയ്യുന്നതിനുള്ള ത്രാണിയാണ് എല്ലാവര്‍ക്കുമുണ്ടാവേണ്ടത്. പക്ഷെ, വിവിധ താല്‍പര്യങ്ങളാല്‍ സര്‍ക്കാറും പൊലീസുമുള്‍പ്പടെ നേരും നെറിയുമില്ലാതെ പ്രവര്‍ത്തിക്കുന്ന വേദനാജനകമായ ദുരവസ്ഥക്കാണ് വര്‍ത്തമാന കേരളം മൂകമായി സാക്ഷ്യം വഹിക്കുന്നത്.

Continue Reading
Advertisement
Click to comment

Leave a Reply

Your email address will not be published. Required fields are marked *

Article

ധൂര്‍ത്തിനു പണമുണ്ട്, പെന്‍ഷന് പണമില്ല

RPWD Act 2016 അതതു സര്‍ക്കാറുകള്‍ പൂര്‍ണാര്‍ത്ഥത്തില്‍ പ്രാവര്‍ത്തികമാക്കുകയാണെങ്കില്‍ 21 വിഭാഗങ്ങളായി തരം തിരിക്കപ്പെട്ടവരില്‍ ഏതൊരു ഭിന്നശേഷിക്കാര്‍ക്കും ഭിന്നശേഷിക്കാരുടെ പ്രതിനിധികള്‍ക്കും തങ്ങളുടെ ആനുകൂല്യങ്ങള്‍ക്ക് വേണ്ടിയും അവകാശ നിഷേധങ്ങള്‍ക്കെതിരെയും ശബ്ദിക്കേണ്ടി വരില്ല. മറിച്ച് ഇവരോരോരുത്തരും സന്തോഷവാന്‍മാരും സംതൃപ്തരുമായിരിക്കും.

Published

on

ബഷീര്‍ മമ്പുറം

ഡിസംബര്‍ മൂന്ന് അന്താരാഷ്ട്ര ഭിന്നശേഷി ദിനം. രാജ്യമൊട്ടുക്കും ഭിന്നശേഷിക്കാര്‍ക്ക്‌വേണ്ടി വിവിധ ആഘോഷ പരിപാടികളും മറ്റും അരങ്ങേറുന്ന പ്രത്യേക ദിനം. കലാ, കായിക ആഘോഷപരിപാടികള്‍ ഒരു പരിധിവരെ ഭിന്നശേഷിക്കാര്‍ക്ക് മാനസിക ഉല്ലാസവും സന്തോഷവും നല്‍കുമെന്നതില്‍ അഭിപ്രായവ്യത്യാസമില്ലായെങ്കിലും ഭിന്നശേഷിക്കാരുടെ ആനുകൂല്യങ്ങളെ കുറിച്ചും അവകാശ നിഷേധങ്ങളെ കുറിച്ചും എത്രപേര്‍ ഓര്‍ക്കാറുണ്ട്. ഈ വിഷയവുമായി ബന്ധപ്പെട്ട് ബോധവത്കരണ ക്ലാസുകളോ സെമിനാറുകളോ ക്യാമ്പയിനുകളോ നടത്തുകയാണ് ഏറെ അഭികാമ്യവും അനിവാര്യവും. 2016 ന്റെ ആരംഭത്തില്‍ കേന്ദ്ര സര്‍ക്കാര്‍ പുറത്തിറക്കിയ ഞജണഉ RPWD Act 2016 അതതു സര്‍ക്കാറുകള്‍ പൂര്‍ണാര്‍ത്ഥത്തില്‍ പ്രാവര്‍ത്തികമാക്കുകയാണെങ്കില്‍ 21 വിഭാഗങ്ങളായി തരം തിരിക്കപ്പെട്ടവരില്‍ ഏതൊരു ഭിന്നശേഷിക്കാര്‍ക്കും ഭിന്നശേഷിക്കാരുടെ പ്രതിനിധികള്‍ക്കും തങ്ങളുടെ ആനുകൂല്യങ്ങള്‍ക്ക് വേണ്ടിയും അവകാശ നിഷേധങ്ങള്‍ക്കെതിരെയും ശബ്ദിക്കേണ്ടി വരില്ല. മറിച്ച് ഇവരോരോരുത്തരും സന്തോഷവാന്‍മാരും സംതൃപ്തരുമായിരിക്കും.

RPWD Act 2016 സെക്ഷന്‍ 24 സബ് സെക്ഷന്‍ 1 ഭിന്നശേഷിക്കാരുടെ ജീവിത ഉന്നമനത്തിനും സമത്വത്തിനും സര്‍ക്കാറുകള്‍ പ്രത്യേക സ്‌കീമുകള്‍ നടപ്പാക്കുകവഴി ഭിന്നശേഷിക്കാര്‍ക്ക് സമൂഹത്തില്‍ സ്വാതന്ത്ര്യത്തോടെയുള്ള തുല്യ അവസരവും നീതിയും ഉറപ്പാക്കാന്‍ ഉതകുംവിധത്തില്‍ ഭിന്നശേഷിക്കാരുടെ പ്രായം, സാമ്പത്തികം, സാമൂഹിക ചുറ്റുപാട്, ശാരീരിക പരിമിതിയുടെ തരം, ശതമാനം എന്നിവ പരിഗണിച്ചുകൊണ്ട് മറ്റിതര വിഭാഗങ്ങള്‍ക്ക് നല്‍കുന്ന ഇത്തരം സ്‌കീമുകളേക്കാള്‍ ചുരുങ്ങിയത് 25 ശതമാനം വര്‍ധനവോടുകൂടിയായിരിക്കണം നല്‍കേണ്ടത് എന്നു പ്രത്യേകം നിഷ്‌കര്‍ഷിക്കുന്നുണ്ട്. ഇത്തരത്തിലുള്ള പാക്കേജുകളും സ്‌കീമുകളുമെല്ലാം നിലവിലുണ്ടെന്നിരിക്കെ അവ പ്രാവര്‍ത്തികമാക്കി നല്‍കുന്നതിനു പകരം ലഭിച്ചുകൊണ്ടിരുന്ന പല ആനുകൂല്യങ്ങളും വെട്ടിച്ചുരുക്കാനും നിഷേധിക്കാനുമാണ് സര്‍ക്കാര്‍ ശ്രമിക്കുന്നത്.

ഈ അവസരത്തില്‍ പ്രതിഷേധ സൂചകമായി കളക്ട്രേറ്റ് പരിസരത്ത് ഉഅജഘ മലപ്പുറം ജില്ലാ കമ്മിറ്റിയുടെ നേതൃത്വത്തില്‍ ധര്‍ണ നടത്തുകയാണ്. താല്‍ക്കാലിക ഭിന്നശേഷി സര്‍ട്ടിഫിക്കറ്റ് മാത്രമുള്ളവരുടെ ആനുകൂല്യങ്ങള്‍ നിഷേധിക്കുന്ന ഉത്തരവ് പിന്‍വലിക്കുക, സാമൂഹ്യക്ഷേമ പെന്‍ഷനുള്ള വരുമാന സിര്‍ട്ടിഫിക്കറ്റില്‍ പെന്‍ഷനറുടെ വരുമാനം മാത്രം ബാധകമാക്കുക, ആശ്വാസ കിരണം തുക കുടിശ്ശിക തീര്‍ത്തു നല്‍കുക, 2004 മുതല്‍ താല്‍ക്കാലിക തസ്തികയില്‍ ജോലി ചെയ്തവര്‍ക്ക് സ്ഥിര നിയമനം നല്‍കുക, സാമൂഹ്യ പെന്‍ഷന്‍ വിഭാഗത്തില്‍ നിന്നും ഭിന്നശേഷിക്കാരെ വേര്‍തിരിച്ചു പെന്‍ഷന്‍ നിശ്ചയിക്കുക എന്നീ ആവശ്യങ്ങളുന്നയിച്ചാണ് ‘ധൂര്‍ത്തടിക്കാന്‍ പണമുണ്ട് പെന്‍ഷന്‍ നല്‍കാന്‍ പണമില്ല’ എന്ന ശീര്‍ഷകത്തില്‍ ഭിന്നശേഷിക്കാരോടുള്ള നീതി നിഷേധങ്ങള്‍ക്കെതിരെ ധര്‍ണ നടത്തുന്നത്.

ഭിന്നശേഷിക്കാരുടെ വിദ്യാഭ്യാസം തൊഴില്‍ പുനരധിവാസം അതോടൊപ്പം തന്നെ അവരെ സാമൂഹ്യ ജീവകാരുണ്യ മേഖലയില്‍ ഇടപെട്ടു പ്രവര്‍ത്തിക്കാന്‍ പ്രാപ്തരാക്കുക എന്നീ ലക്ഷ്യത്തിലൂന്നി രൂപം നല്‍കി ഇന്ത്യന്‍ യൂണിയന്‍ മുസ്‌ലിംലീഗിന്റെ അനുബന്ധ സംഘടനയായി പ്രവര്‍ത്തിച്ചു പോരുന്ന ഡിഫറെന്റ്‌ലി ഏബ്ള്‍ഡ് പീപ്പിള്‍സ് ലീഗ് സമാനമായ ഒട്ടനവധി അവകാശ സമരപരിപാടികളുള്‍പ്പെടെ ഭിന്നശേഷിക്കാരുടെ വിദ്യാഭ്യാസ പുരോഗതിക്കും പുനരധിവാസത്തിനും ജീവകാരുണ്യ പ്രവര്‍ത്തനങ്ങള്‍ക്കും നേതൃത്വം നല്‍കി പ്രവര്‍ത്തിച്ചുവരുന്നു. ഭിന്നശേഷിക്കാര്‍ സമൂഹത്തിന്റെ ഭാഗമാണെന്നും അവര്‍ക്കും സമത്വം തുല്യനീതി എന്നിവ ഉറപ്പാക്കേണ്ട ഉത്തരവാദിത്തം സമൂഹത്തിനുണ്ട് എന്നും അനുകമ്പയോ സഹതാപമോ അല്ല മറിച്ച് പരിഗണനയാണ് ഭിന്നശേഷിക്കാര്‍ ആഗ്രഹിക്കുന്നതെന്നുമുള്ള സന്ദേശം അന്താരാഷ്ട്ര ഭിന്നശേഷി ദിനത്തോടനുബന്ധിച്ച് സമൂഹത്തിലേക്ക് സമര്‍പ്പിക്കുന്നു.
(ഡിഫറെന്റ്‌ലി ഏബ്ള്‍ഡ് പീപ്പിള്‍സ് ലീഗ് സംസ്ഥാന പ്രസിഡന്റാണ് ലേകകന്‍)

 

 

Continue Reading

Article

കോപം അഗ്‌നിയാണ്; പടരാതിരിക്കാന്‍ കരുതല്‍ അനിവാര്യമാണ്

കേരളത്തിലെ വര്‍ധിച്ചുവരുന്ന ദാമ്പത്യ സംഘര്‍ഷങ്ങളിലും വിവാഹമോചനക്കേസുകളിലും അമിതകോപം പ്രധാന ഘടകമാണെന്ന് ഇക്കാര്യം നിരീക്ഷിച്ച മനശാസ്ത്ര വിദഗ്ധര്‍ ചൂണ്ടിക്കാട്ടുന്നു.

Published

on

ടി.എച്ച് ദാരിമി

എല്ലാ മനുഷ്യര്‍ക്കും ഉണ്ടാകും ചില പ്രതീക്ഷകളും കണക്കുകൂട്ടലുകളും. അവ ഒരുപക്ഷേ നടക്കാം, നടക്കാതിരിക്കുകയും ചെയ്യാം. അതിനാല്‍ ബുദ്ധിയും വിവേകവുമുള്ളവര്‍ സംഗതി നടക്കുന്നതു വരെ ക്ഷമയോടെ കാത്തിരിക്കും. എന്നിട്ടേ അതിന്‍മേല്‍ മറ്റു പദ്ധതികളെ ഏച്ചുകെട്ടൂ. എന്നാല്‍ ചിലരങ്ങനെയല്ല, ഒരു ഉറപ്പുമില്ലാത്ത വെറും പ്രതീക്ഷയുടെമേല്‍ ഒരുപാട് കാര്യങ്ങളെ ആദ്യമേ കെട്ടിക്കൂട്ടും. കുറെ സ്വപ്‌നങ്ങള്‍ കണ്ട് അതിനെ ഉറപ്പിക്കുകയും ചെയ്യും. എന്നിട്ട് ആ പ്രതീക്ഷ നടക്കാതെ പോയാല്‍ മനസ്സ് താളം തെറ്റുകയും കോപമായി നിരാശ പുറത്തുചാടുകയും ചെയ്യും. എല്ലാ കോപങ്ങളും ഇങ്ങനെയാണ് ഉണ്ടാകുന്നത്. അമിതമായ പ്രതീക്ഷ പുലര്‍ത്തിയ കണക്കുകൂട്ടലുകള്‍ തെറ്റുമ്പോള്‍ അവരുടെ വൈകാരികത ദേഷ്യമായി പുറത്തേക്ക് വരികയാണ്. ഒരു വ്യക്തിയോട് തോന്നുന്ന കോപം പോലും ഇങ്ങനെ തന്നെയാണ് ഉണ്ടാകുന്നത്. അയാളില്‍ പുലര്‍ത്തുന്ന പ്രതീക്ഷക്ക് അയാളുടെ കാരണമായി ഭംഗം വരുമ്പോള്‍ ദേഷ്യമുണ്ടാകുന്നു. കോപത്തെ സാമൂഹ്യ ശാസ്ത്രം വളരെ ഗുരുതരമായ ദുരന്തമായാണ് കാണുന്നത്. ബന്ധങ്ങള്‍ തകരുന്നതില്‍ ഏറ്റവും വലിയ പങ്കു വഹിക്കുന്ന ഒന്നാണ് അമിത ദേഷ്യം. പല കുടുംബ ബന്ധങ്ങളും തകര്‍ച്ചയുടെ വക്കിലെത്താന്‍ പ്രധാന കാരണം പങ്കാളികളുടെ ദേഷ്യമാണ്. ചിലപ്പോള്‍ ചെറിയ പ്രശ്‌നമായിരിക്കാം. എന്നാല്‍, അമിത ദേഷ്യം കൊണ്ട് വലിയൊരു പ്രശ്‌നമായി തീര്‍ന്നതായിരിക്കും. കേരളത്തിലെ വര്‍ധിച്ചുവരുന്ന ദാമ്പത്യ സംഘര്‍ഷങ്ങളിലും വിവാഹമോചനക്കേസുകളിലും അമിതകോപം പ്രധാന ഘടകമാണെന്ന് ഇക്കാര്യം നിരീക്ഷിച്ച മനശാസ്ത്ര വിദഗ്ധര്‍ ചൂണ്ടിക്കാട്ടുന്നു.

ബന്ധങ്ങളെ നശിപ്പിക്കുന്നു എന്നതിലേറെ വേദനയുളവാക്കുന്നതാണ് അത് മനുഷ്യനെ തന്നെ നശിപ്പിക്കുന്നു എന്നത്. അമിതമായ കോപം വ്യക്തിയെ രണ്ടു നിലക്ക് പ്രതികൂലമായി ബാധിക്കുന്നുണ്ട്. ഒന്നാമതായി അവന് സമൂഹത്തില്‍ സ്ഥാനവും സ്വീകാര്യതയും മാന്യതയും നഷ്ടപ്പെടുന്നു. വിഷയങ്ങളിലും സദസ്സുകളിലും ഇടപെടാന്‍ മാത്രം വേണ്ട പക്വത ഇല്ലാത്തവന്‍ എന്ന ചാപ്പ വീഴുന്നു. രണ്ടാമതായി ആരോഗ്യത്തെ ഗുരുതരമായി ബാധിക്കുന്നു. കോപം വരുമ്പോള്‍ ശരീരത്തിലുണ്ടാവുന്ന മാറ്റങ്ങള്‍ നിരവധിയാണ്. കോപം മനുഷ്യനു ആരോഗ്യപരമായി ചില ദോഷങ്ങള്‍ ചെയ്യുന്നു. കഫം അഥവാ ശ്ലേഷം സ്രവിക്കുന്ന ഗ്രന്ഥിയെ, വികാരസമ്മര്‍ദമുണ്ടാകുമ്പോള്‍ വൃക്ക ഗ്രന്ഥികള്‍ സ്രവിക്കുന്ന അഡ്രിനല്‍ ദ്രാവകത്തെ വിസര്‍ജിക്കാന്‍ പ്രേരിപ്പിക്കുന്നു. ഇത് മുഖേന ഹൃദയമിടിപ്പ് വര്‍ധിക്കുകയും പെട്ടെന്ന് രക്തസമ്മര്‍ദം കൂടുകയും ചെയ്യുന്നു. ഇത് തലച്ചോറിലേക്ക് രക്തം ഇരച്ചുകയറാന്‍ ഇടവരുത്തുന്നു. ഇതിന്റെ ഫലമായി ഒരു ഭാഗം കുഴയുകയോ ഹൃദയസ്തംഭനമുണ്ടാവുകയോ അല്ലെങ്കില്‍ പെട്ടെന്നു കാഴ്ചശക്തി നഷ്ടപ്പെടുകയോ ചെയ്യാം. രക്തത്തില്‍ പഞ്ചസാര കൂടുന്നു. അത് കാരണം ശരീരത്തിന്റെ താപം വര്‍ധിക്കുകയും ചര്‍മം ചൂടാവുകയും ചെയ്യുന്നു. രക്തത്തില്‍ കൊഴുപ്പ് വര്‍ധിക്കുന്നു. അത് ധമനികള്‍ അടയാന്‍ കാരണമാകുന്നു. തുടര്‍ന്ന് ഹൃദയ സ്തംഭനമോ മസ്തിഷ്‌ക്ക സ്തംഭനമോ ഉണ്ടാകുന്നു. ആമാശയത്തിന്റെ പ്രവര്‍ത്തനം മന്ദീഭവിക്കുന്നു. അത് മലബന്ധം സൃഷ്ടിക്കുന്നു. അഡ്രിനല്‍ ഗ്രന്ഥിയില്‍നിന്നു അമിതമായി അമ്ലം വിസര്‍ജിക്കാന്‍ ഇട വരുത്തുന്നു. അത് പലതരം അണുജ്വലനങ്ങളും സൃഷ്ടിക്കുന്നു. തുടര്‍ന്ന് ആമാശയത്തിലെ അമ്ലം വര്‍ധിപ്പിക്കുകയും ആമാശയത്തിനു വ്രണമുണ്ടാക്കുകയും ചെയ്യുന്നു.

സാമൂഹികവും സാംസ്‌കാരികവും ആരോഗ്യപരവുമായ ഈ കാരണങ്ങള്‍ എല്ലാം ഉള്ളതിനാലാണ് വിശ്വാസിയുടെ കാര്യത്തില്‍ പ്രത്യേകിച്ചും അല്ലാഹുവിന്റെ ദീന്‍ കോപത്തെ നിയന്ത്രിക്കാന്‍ ഇത്രമേല്‍ ഇടപെടുന്നത്. വിശ്വാസികളുടെ ലക്ഷണം തന്നെ അതായിട്ടാണ് വിശുദ്ധ ഖുര്‍ആന്‍ പറയുന്നത്. അല്ലാഹു പറയുന്നു: അവര്‍ കോപം ഒതുക്കിവെക്കുന്നവരും ജനങ്ങളോട് വിട്ടുവീഴ്ച ചെയ്യുന്നവരുമാണ്. (അത്തരം) സല്‍ക്കര്‍മകാരികളെ അല്ലാഹു ഇഷ്ടപ്പെടുന്നു (ആലു ഇംറാന്‍: 134). കോപത്തെ ആത്മനിയന്ത്രണം കൊണ്ട് തടഞ്ഞുനിറുത്തുക വലിയ പ്രയാസമാണ്. അതിന് കഴിയുന്നവനെ ബലവാന്‍ എന്ന് വിളിച്ച് നബി (സ) ശ്ലാഘിക്കുന്നത് മറ്റൊന്നാണ്. നബി (സ) പറഞ്ഞു: ഗുസ്തിയില്‍ വിജയിക്കുന്നവനല്ല ശക്തന്‍, കോപം നിയന്ത്രിക്കാന്‍ കഴിവുള്ളവനത്രെ കരുത്തുറ്റവന്‍ (ബുഖാരി, മുസ്‌ലിം).
കോപമുണ്ടാകുന്ന സമയത്ത് ആത്മനിയന്ത്രണം പാലിക്കുന്നത് വലിയ ത്യാഗമാണ്. അതവനെയും ആ വിഷയം ബന്ധപ്പെട്ടു കിടക്കുന്ന എല്ലാവരെയും വലിയ നാശത്തില്‍നിന്ന് രക്ഷപ്പെടുത്തും. അല്ലാഹുവിന്റെയും ജനങ്ങളുടെയും പ്രീതി കരസ്ഥമാക്കാന്‍ സഹായിക്കും. ഉപദേശം തേടി വന്ന ഒരാളോട് നബി (സ) പറഞ്ഞു: നീ കോപിക്കരുത് (ബുഖാരി). ആഗതന്‍ നബിയോട് ആവര്‍ത്തിച്ച് ഉപദേശം ആവശ്യപ്പെട്ടപ്പോഴെല്ലാം മറുപടി അത് മാത്രമായിരുന്നു. ഈ സ്വഭാവമുള്ളവരെ നബി (സ) നിര്‍ല്ലോഭം പ്രകീര്‍ത്തിക്കാറുണ്ടായിരുന്നു നബി (സ) ഒരിക്കല്‍ തന്നെ കാണാന്‍ വന്ന സാര്‍ഥവാഹക സംഘത്തിലെ അശജ്ജ് അബ്ദുല്‍ ഖൈസിനോട് പറഞ്ഞു: തീര്‍ച്ചയായും അല്ലാഹു ഇഷ്ടപെടുന്ന രണ്ട് ഗുണങ്ങള്‍ താങ്കളിലുണ്ട്. സഹനവും അവധാനതയുമാണത് (മുസ്‌ലിം).

ദേഷ്യത്തെ പൂര്‍ണമായും ഒഴിവാക്കാന്‍ ആര്‍ക്കും കഴിയില്ല. അത് മനുഷ്യനില്‍ നിക്ഷേപിക്കപ്പെട്ട ചെകുത്താനിക സ്വഭാവമാണ്. ഈ ദുനിയാവ് അല്ലാഹുവിന് ഒരു പരീക്ഷണാലയമാണ്. അതില്‍ അവന്‍ ശരിയും തെറ്റും അവ ഏതും ചെയ്യാനും ചെയ്യാതിരിക്കാനുമുള്ള ശക്തിയും ശേഷിയും ജീവിതവും സമയവും എല്ലാം മനുഷ്യന്റെ കയ്യില്‍ കൊടുക്കുകയാണ്. എന്നിട്ട് ശരി മാത്രം സ്വമനസ്സിന്റെ പ്രേരണയാലെ ചെയ്യാന്‍ ആവശ്യപ്പെടുകയാണ്. അങ്ങനെ ചെയ്തവന് പ്രതിഫലവും അല്ലാത്തവര്‍ക്ക് ശിക്ഷയും നല്‍കും. ഇതാണ് സ്രഷ്ടാവിന്റെ പദ്ധതി. അതിനാല്‍, അപകടകാരിയായ ദേഷ്യത്തെ നിയന്ത്രിക്കാന്‍ സത്യവിശ്വാസികള്‍ക്ക് സാധിക്കേണ്ടതുണ്ട്. ദേഷ്യത്തിന്റെ ഒരു നിമിഷത്തില്‍ ക്ഷമിച്ചാല്‍ ദുഃഖത്തിന്റെ അനേകം ദിവസങ്ങളില്‍നിന്ന് രക്ഷപ്പെടാനാകും. കുറ്റബോധത്തിന്റെ നാളെകളില്‍നിന്ന് മുക്തരാവാന്‍ കഴിയും. അനിയന്ത്രിതമായി പുറത്തേക്ക് പ്രകടിപ്പിക്കലോ പൂര്‍ണമായും അടക്കി വെക്കലോ അല്ല ദേഷ്യത്തോട് സ്വീകരിക്കേണ്ട ആരോഗ്യകരമായ സമീപനം. ദേഷ്യത്തെ അടിച്ചമര്‍ത്തുമ്പോള്‍ ദേഷ്യമല്ല ഇല്ലാതാകുന്നത്, അതിന്റെ ബഹിര്‍സ്ഫുരണം മാത്രമാണ്. അതു പോരാ. ദേഷ്യത്തെ സ്വയം തിരിച്ചറിയുകയും അതിനെ ഇല്ലാതാക്കുകയുമാണ് ചെയ്യേണ്ടത്. ഇങ്ങനെയല്ലാതെ അടിച്ചമര്‍ത്തിയാല്‍ അത് പല രൂപത്തിലായി പുറത്തുവരും. കാരണം അപ്പോള്‍ സത്യത്തില്‍ അയാള്‍ തന്റെ പ്രതികരണം നീട്ടിവെക്കുക മാത്രമാണ്. അത് പിന്നെ പുറത്തുവരിക തന്നെ ചെയ്യും. സ്വാസ്ഥ്യം നഷ്ടപ്പെടുക, ഒന്നിലും ശ്രദ്ധ കേന്ദ്രീകരിക്കാന്‍ കഴിയാതിരിക്കുക, കാര്യങ്ങള്‍ വെറുതെ നീട്ടിവെക്കുക, പരിഹസിക്കുക, പതിവിലും നേരത്തെ ക്ഷീണിക്കുക, സംസാരിക്കുമ്പോള്‍ ആദരം കാണിക്കാതിരിക്കുക, മുഷിപ്പും കൂസലില്ലായ്മയും അനുഭവപ്പെടുക, ആരെയും വില വെക്കാതിരിക്കുക, ശബ്ദം ഉയര്‍ത്തുക, പതിവില്‍ കവിഞ്ഞ് ഉറങ്ങുക, പിരടിയിലും ചുമലിലും മരവിപ്പുണ്ടാവുക തുടങ്ങിയവ അടിച്ചമര്‍ത്തപ്പെട്ട ദ്വേഷ്യത്തിന്റെ പ്രതിഫലനങ്ങളാണ് എന്ന് മനശ്ശാസ്ത്രം പറയുന്നു.

കോപത്തെ ചികിത്സിക്കുന്നതിന് ഫലപ്രദമായ പല മരുന്നുകളും റസൂല്‍ (സ) നിര്‍ദേശിച്ചിട്ടുണ്ട്. അല്ലാഹുവിന്റെ സഹായം തേടുകയാണ് അവയില്‍ പ്രധാനം. കാരണം കോപം പിശാചിന്റെ ഭാഗത്തു നിന്നുള്ളതാണ്. അവന്റെ ഉപദ്രവത്തില്‍ നിന്ന് രക്ഷ നേടാന്‍ അല്ലാഹുവിനെ ഉച്ചരിച്ചാല്‍ മാത്രം മതി. നിസ്‌കാരത്തിന് വാങ്ക് കൊടുക്കുന്നത് കേള്‍ക്കുമ്പോള്‍ പിശാച് വിരണ്ട് ഓടുന്ന രംഗം നബി (സ) പറഞ്ഞിട്ടുണ്ട്. മനശാസ്ത്രജ്ഞന്‍മാരുടെ ചികിത്സാമുറകളില്‍ കാണാം, സ്വന്തം മനസ്സിനോട് സംസാരിക്കുന്ന ചില ചികിത്സകള്‍. കോപത്തെ പിടിച്ചുകെട്ടാനുള്ള ചികിത്സയിലുമുണ്ട് അത്തരമൊന്ന്. അത് ദേഷ്യം വരുമ്പോള്‍ പലവട്ടം അഊദു ബില്ലാ.. എന്നു ആവര്‍ത്തിക്കലാണ്. നബി(സ) ഇത് പറഞ്ഞിട്ടുണ്ട്. ഖുര്‍ആനും ഇതാണ് സൂചിപ്പിക്കുന്നത്. അല്ലാഹു പറയുന്നു: പിശാചില്‍നിന്നു നിനക്കു വല്ല ദുഷ്‌പ്രേരണയുമുണ്ടായാല്‍ അല്ലാഹുവിനോടു ശരണം തേടുക. അവന്‍ എല്ലാം കേള്‍ക്കുന്നവനും അറിയുന്നവനുമാണ് (7:200). മറ്റൊരു ചികിത്സ ദേഷ്യം വരുമ്പോള്‍ മിണ്ടാതിരിക്കുക എന്നതാണ്. കോപം വരുമ്പോള്‍ സംസാരിക്കുന്നത് കോപത്തെ വര്‍ധിപ്പിക്കുകയും തല്ലാനോ മറ്റെന്തെങ്കിലും ചെയ്യാനോ പ്രേരിപ്പിക്കുകയും ചെയ്യും. അതിനാല്‍ ദേഷ്യം വരുമ്പോള്‍ മിണ്ടാതിരിക്കാനും പ്രത്യുത്തരം പറയാതിരിക്കാനുമാണ് നബി ഉപദേശിക്കുന്നത്. റസൂല്‍ (സ) പറഞ്ഞു: നിങ്ങളില്‍ ഒരാള്‍ക്ക് ദേഷ്യം വന്നാല്‍ മിണ്ടാതിരിക്കട്ടെ (ബുഖാരി). കോപത്തിനുള്ള നബി(സ)യുടെ ചികിത്സകളില്‍ ആത്മീയവും ഒപ്പം ശാസ്ത്രീയവുമായ ഒന്നാണ് ദേഷ്യം വരുമ്പോള്‍ നില്‍ക്കുകയാണെങ്കില്‍ ഇരിക്കുക, ഇരിക്കുകയാണെങ്കില്‍ കിടക്കുകയോ അത് പോലുള്ള മറ്റെന്തെങ്കിലും പ്രവര്‍ത്തിക്കുകയോ ചെയ്യുക എന്നത്. അവസ്ഥാമാറ്റം സൃഷ്ടിക്കല്‍ നബിയുടെ ചര്യയാണ്. ദേഷ്യത്തിന്റെ രൂക്ഷത കുറക്കുന്നതില്‍ അതിനു വലിയ സ്വാധീനമുണ്ട് എന്ന് മനശാസ്ത്ര പഠനങ്ങള്‍ പറയുന്നുണ്ട്.

ശക്തിയായ കോപത്തിനും മാനസിക ക്ഷോഭത്തിനും വിധേയരാകുന്നവര്‍ നാവിന്റെയും അവയവങ്ങളുടെയും കടിഞ്ഞാണ്‍ അയച്ചുവിടും മുമ്പ് ശരീരത്തിന്റെ പിരിമുറുക്കത്തിനു അയവ് സൃഷ്ടിക്കണമെന്ന് ആധുനിക വൈദ്യശാസ്ത്രം പറയുന്നു. കോപം വരുന്നവന്‍ നില്‍ക്കുകയാണെങ്കില്‍ അവനോട് ഇരിക്കാന്‍ പറഞ്ഞ നബി (സ) ഈ യാഥാര്‍ഥ്യമാണ് വ്യക്തമാക്കുന്നത്. കോപം ഉത്ഭവിക്കുന്നത് പൊതുവായ ഉഷ്ണം, വിയര്‍ക്കല്‍, പ്രയാസാനുഭവം തുടങ്ങിയവ മൂലമാകയാല്‍ നാഡീ വ്യൂഹത്തെ ശാന്തമാക്കി കോപത്തിനു ചികിത്സിക്കാന്‍ തണുത്ത വെള്ളത്തില്‍ കുളിക്കുകയോ കൈയും മുഖവും കഴുകുകയോ ചെയ്യണമെന്നാണ് ഏറ്റവും പുതിയ വൈദ്യശാസ്‌ത്രോപദേശം. ഇത് പതിനാല് നൂറ്റാണ്ട് മുമ്പ് നബി(സ) പറഞ്ഞതു തന്നെയാണ്. നബി തങ്ങള്‍ പറയുന്നു: കോപം പിശാചില്‍ നിന്നാണ്. പിശാച് അഗ്‌നിയില്‍ നിന്നാണ് സൃഷ്ടിക്കപ്പെട്ടത്. അഗ്‌നിയെ വെള്ളം കൊണ്ടേ കെടുത്താന്‍ പറ്റുകയുള്ളു. അതിനാല്‍ നിങ്ങളില്‍ ആര്‍ക്കെങ്കിലും കോപം വന്നാല്‍ വുളൂഅ് എടുക്കട്ടെ. കോപത്തെ നബി (സ) നിര്‍ദേശിച്ച മരുന്നുകൊണ്ടാണ് ചികിത്സിക്കേണ്ടത്. അതിന്റെ മുന്നോടിയായി കോപം വരുന്ന ആള്‍ കോപം ഒതുക്കി നിര്‍ത്തുന്നതിന്റെയും മാപ്പ് നല്‍കുന്നതിന്റെയും സഹനത്തിന്റെയും ശ്രേഷ്ഠതയെപ്പറ്റി ചിന്തിക്കണം. ഇതിനര്‍ഥം വിശ്വാസി കോപിക്കുകയേയില്ല എന്നോ കോപിക്കേണ്ടതേയില്ല എന്നോ അല്ല. അല്ലാഹു നിര്‍ദേശിച്ച ജീവിതതാളത്തില്‍ ബോധപൂര്‍വമായ താളഭംഗം വന്നാല്‍ ദേഷ്യപ്പെടേണ്ടിവരും. അത്തരം സാഹചര്യങ്ങള്‍ നബിക്കു പോലും ഉണ്ടായിട്ടുണ്ട്. മഖ്‌സൂമിയ ഗോത്രത്തിലെ സ്ത്രീ കളവ് നടത്തിയത് ഖുറൈശികളെ വല്ലാതെ വിഷമത്തിലാക്കി. ഇക്കാര്യത്തില്‍ ആ സ്ത്രീക്ക് വേണ്ടി ശുപാര്‍ശക്ക് പ്രവാചകനെ സമീപിക്കാന്‍ ആരെയാണ് തിരഞ്ഞെടുക്കുക എന്നവര്‍ ചര്‍ച്ച ചെയ്തു. പ്രവാചകന് ഏറെ ഇഷ്ടപ്പെട്ട ഉസാമത്തി (റ)നെ അതിനായി അവര്‍ തിരഞ്ഞെടുത്തു. ഉസാമത്ത് (റ) ശിപാര്‍ശക്കായി പ്രവാചകനരികിലെത്തി. പ്രവാചകന് കടുത്ത ദേഷ്യം വന്നു. അവിടുന്ന് പറഞ്ഞു: അല്ലാഹുവിന്റെ തീരുമാനങ്ങളില്‍ ഒന്നില്‍ നിനക്ക് ശുപാര്‍ശയോ? പിന്നീട് അവിടുന്ന് പറഞ്ഞു: നിങ്ങള്‍ക്ക് മുമ്പുണ്ടായിരുന്ന ആളുകള്‍ നശിച്ചിരിക്കുന്നു. അവരില്‍ പ്രധാനികളില്‍ ഒരാളാണ് കളവ് നടത്തിയതെങ്കില്‍ അവര്‍ അവനെ വെറുതെ വിടുകയും, അബലനാണ് കളവ് നടത്തിയതെങ്കില്‍ അവനെതിരില്‍ ശിക്ഷാ നടപടികളെടുക്കുകയും ചെയ്യുന്നു! അല്ലാഹുവാണ്, മുഹമ്മദിന്റെ മകള്‍ ഫാത്വിമയാണ് കളവ് നടത്തിയതെങ്കില്‍ തീര്‍ച്ചയായും ഞാനവളുടെ കൈ മുറിക്കുക തന്നെ ചെയ്യും (ബുഖാരി, മുസ്‌ലിം). ഇത് ഒരു ഉദാഹരണം.

Continue Reading

Article

ദുരന്ത മറവില്‍ നടന്ന കൊള്ള-എഡിറ്റോറിയല്‍

ലോകായുക്തക്കെതിരെയുള്ള ഹര്‍ജി പരിഗണിച്ച കോടതിയില്‍നിന്ന് സര്‍ക്കാറിന് ലഭിച്ചിരിക്കുന്നത് ചുട്ട അടിയാണ്. സുതാര്യതയും സത്യസന്ധതയും ഉറപ്പുണ്ടെങ്കില്‍ എന്തിനാണ് ആശങ്കയെന്നാണ് ചീഫ് ജസ്റ്റിസ് അധ്യക്ഷനായ ബെഞ്ചിന്റെ ചോദ്യം. കേരളത്തിനും അതുതന്നെയാണ് അറിയാനുള്ളത്.

Published

on

അഴിമതിക്ക് ദുരന്തങ്ങള്‍ മറയാക്കരുതെന്ന ഹൈക്കോടതി വിമര്‍ശനം ഇടതുസര്‍ക്കാറിന്റെ തലക്കിട്ടു കിട്ടിയ കിഴുക്കാണ്. മനുഷ്യരാശിയെ ഒന്നടങ്കം തളര്‍ത്തിക്കിടത്തിയ കോവിഡ് മഹാമാരിക്കാലത്തും അഴിമതിയുടെ ചക്കരക്കുടത്തില്‍ കയ്യിട്ട് നക്കിയ സര്‍ക്കാറിന്റെ ക്രൂരമുഖം തുറന്നുകാട്ടുന്നതാണ് പി.പി.ഇ കിറ്റ് അഴിമതി. ദശലക്ഷങ്ങളുടെ ജീവന്‍ കവരുകയും കോടിക്കണക്കിന് ആളുകളെ രോഗശയ്യയിലാക്കുകയും ചെയ്ത കോവിഡിന്റെ അഭിശപ്ത ദിനങ്ങളെ പൊതുഖജനാവ് കൊള്ളയടിക്കാനുള്ള ഇരുട്ടുമറയായി അന്നത്തെ ആരോഗ്യ മന്ത്രി കെ.കെ ശൈലജയും ഉന്നത ഉദ്യോഗസ്ഥരും കണ്ടുവെന്നത് മാപ്പര്‍ഹിക്കാത്ത കുറ്റകൃത്യമാണ്. പുറത്തിറങ്ങാന്‍ ധൈര്യപ്പെടാതെ ലോകം അകത്തങ്ങളിലേക്ക് പിന്‍വാങ്ങുകയും കൂട്ടമരണങ്ങളും കൂട്ടച്ചിതകളും നിത്യക്കാഴ്ചകളാവുകയും ചെയ്ത മഹാമാരിക്കാലത്ത് ഇത്ര വലിയൊരു കൊള്ളക്ക് സര്‍ക്കാറിന് ധൈര്യം വന്നത് കേരളത്തെ ഏറെ അമ്പരപ്പിക്കുന്നുണ്ട്. സമ്പദ്ഘടന തകര്‍ന്നിരിക്കെ ഉപജീവനമാര്‍ഗങ്ങള്‍ നഷ്ടപ്പെട്ട് ജനങ്ങള്‍ ഒന്നടങ്കം പട്ടിണിയെ മുഖാമുഖം കണ്ട ഭീതിതമായ ദിനങ്ങളില്‍ ഇവിടെ കൊച്ചുകേരളത്തില്‍ ഒരു ഭരണകൂടം പിച്ചചട്ടിയില്‍ കയ്യിട്ടുവാരി കീശ നിറയ്ക്കുന്നതില്‍ വ്യാപൃതരായിരുന്നു.

കോവിഡ് വ്യാപനത്തില്‍ പേടിച്ചരണ്ട് കഴിയുന്ന ജനങ്ങളെ മുഴുവന്‍ വഞ്ചിച്ച് നിന്ദ്യമായ അഴിമതികളില്‍ തടിച്ചുകൊഴുക്കുകയായിരുന്നു മുഖ്യമന്ത്രി പിണറായി വിജയന്റെ നേതൃത്വത്തിലുള്ള മന്ത്രിസഭയിലെ വരേണ്യ വര്‍ഗം. പി.പി.ഇ കിറ്റുകളും മെഡിക്കല്‍ ഉപകരണങ്ങളും വാങ്ങിയ ഇടപാടില്‍ മറനീക്കി പുറത്തുവന്നിരിക്കുന്നത് വന്‍ അഴിമതിയാണ്. സാമ്പത്തിക പ്രവര്‍ത്തനങ്ങള്‍ നിശ്ചലമായ കാലത്ത് കേരളം പണമില്ലാതെ വലയുമ്പോള്‍ 500 രൂപയ്ക്ക് കിട്ടുമായിരുന്ന പി.പി.ഇ കിറ്റ് ആരോഗ്യ മന്ത്രി വാങ്ങിയത് 1500 രൂപയ്ക്ക്. ടെന്‍ഡര്‍ വിളിക്കാതെ നടത്തിയ ഇടപാടില്‍ പൊതുഖജനാവിന് ആയിരം രൂപ നഷ്ടം. അക്കാലത്ത് പി.പി.ഇ കിറ്റുകള്‍ക്കുപുറമെ സര്‍ജിക്കല്‍ ഉപകരണങ്ങള്‍ ഉള്‍പ്പെടെ മെഡിക്കല്‍ സാമഗ്രികള്‍ വാങ്ങിയതിലും വലിയ സാമ്പത്തിക ക്രമക്കേട് നടന്നുവെന്നാണ് കണ്ടെത്തിയിരിക്കുന്നത്.

സ്വകാര്യ കമ്പനികളില്‍നിന്ന് പി.പി.ഇ കിറ്റുകള്‍ വാങ്ങിയത് വിപണി നിരക്കിനേക്കാള്‍ മൂന്നിരട്ടി വിലക്കായിരുന്നു. സാധനങ്ങള്‍ വിതരണം ചെയ്തതിന് ശേഷമാണ് സാധാരണ പണം അനുവദിക്കാറുള്ളതെങ്കില്‍ കിറ്റുകള്‍ എത്തുന്നതിന് മുമ്പ് തന്നെ കമ്പനിക്ക് ഒമ്പതു കോടി രൂപ നല്‍കാന്‍ സര്‍ക്കാര്‍ ആവേശം കാട്ടി. മുഖ്യമന്ത്രി പിണറായി വിജയന്റെ അറിവോടെയാണ് ഇതെല്ലാം നടത്തിയതെന്ന് ശൈലജ സമ്മതിച്ചിട്ടുണ്ട്. വെട്ടിപ്പില്‍ പിണറായിക്കും പങ്കുണ്ടെന്നാണ് അതിലൂടെ വ്യക്തമായിരിക്കുന്നത്. രണ്ടാമൂഴത്തില്‍ മന്ത്രിപ്പണി തരാതെ മൂലക്കിരുത്തിയതില്‍ ശൈലജക്ക് അമര്‍ഷമുണ്ട്. തന്നെ ഒതുക്കി സുഖിച്ചുവാഴാന്‍ സമ്മതിക്കില്ലെന്ന സൂചന കൂടിയാണ് അവര്‍ പിണറായിക്ക് നല്‍കിയിരിക്കുന്നത്. പൂക്കള്‍ക്കൊപ്പം മുള്ളുകളുമുണ്ടാകുമെന്ന് പറഞ്ഞ് തട്ടിപ്പിന് നിറം കൊടുക്കാനും ശൈലജ ശ്രമിച്ചിരുന്നു.

നാട്ടുകാരെ പറ്റിച്ച് രക്ഷപ്പെടാമെന്ന് സമാധാനിച്ചിരിക്കുമ്പോഴാണ് ലോകായുക്തയുടെ ഇടപെടല്‍. കെണിയിലാകുമെന്ന് ഉറപ്പായപ്പോള്‍ ഇടതുപക്ഷത്തിന്റെ പതിവ് അടവുമായി സര്‍ക്കാര്‍ ഇറങ്ങിത്തിരിച്ചു. അഴിമതിയാരോപണം അന്വേഷിക്കാന്‍ ലോകായുക്തക്ക് അധികാരമില്ലെന്നാണ് ശൈലജയുടെയും സര്‍ക്കാറിന്റെയും വാദം. തട്ടിപ്പും വെട്ടിപ്പും തടസ്സം കൂടാതെ നടത്തിക്കൊണ്ടുപോകാന്‍ പല്ലും നഖവും തച്ചുകൊഴിച്ച് ലോകായുക്തയെ ആട്ടിന്‍കുട്ടിയാക്കി മാറ്റിയിട്ടുണ്ടെങ്കിലും അതിന് ജീവനുണ്ടെന്നത് സര്‍ക്കാറിനെ ഇപ്പോഴും ഉറക്കം കെടുത്തുന്നുണ്ട്. അതുകൊണ്ടാണ് അന്വേഷണത്തിനെതിരെ ഹൈക്കോടതിയെ സമീപിച്ചത്. ശൈലജക്കുപുറമെ, അന്നത്തെ ആരോഗ്യ പ്രിന്‍സിപ്പല്‍ സെക്രട്ടറി രാജന്‍ എന്‍ ഖോബ്രഗഡെ, മെഡിക്കല്‍ സര്‍വീസസ് കോര്‍പറേഷന്‍ എംഡിയായിരുന്ന ബാലമുരളി, മെഡിക്കല്‍ സര്‍വീസസ് കോര്‍പറേഷന്‍ മുന്‍ ജനറല്‍ മാനേജര്‍ എസ്.ആര്‍ ദിലീപ് കുമാര്‍, സ്വകാര്യ കമ്പനി പ്രതിനിധികള്‍ എന്നിവരടക്കം 11 പേര്‍ക്ക് ലോകായുക്ത നോട്ടീസ് അയച്ചിരുന്നു. ഇവരില്‍ ഖോബ്രഗഡെയാണ് അന്വേഷണത്തെ എതിര്‍ത്ത് ഹൈക്കോടതിയെ സമീപിച്ചത്.

ലോകായുക്തക്കെതിരെയുള്ള ഹര്‍ജി പരിഗണിച്ച കോടതിയില്‍നിന്ന് സര്‍ക്കാറിന് ലഭിച്ചിരിക്കുന്നത് ചുട്ട അടിയാണ്. സുതാര്യതയും സത്യസന്ധതയും ഉറപ്പുണ്ടെങ്കില്‍ എന്തിനാണ് ആശങ്കയെന്നാണ് ചീഫ് ജസ്റ്റിസ് അധ്യക്ഷനായ ബെഞ്ചിന്റെ ചോദ്യം. കേരളത്തിനും അതുതന്നെയാണ് അറിയാനുള്ളത്. സ്വന്തം കരങ്ങള്‍ ശുദ്ധമാണെന്ന് വാദമുണ്ടെങ്കില്‍ ശൈലജ എന്തിനാണ് പേടിക്കുന്നത്? കള്ളന്മാര്‍ക്ക് മാത്രമേ നിയമപാലകരെ പേടിക്കേണ്ടതുള്ളൂ. സാധാരണക്കാരന്‍ പൊലീസ് സേനയെ കാവല്‍ക്കാരായും സംരക്ഷണത്തിന്റെ അഭയകേന്ദ്രമായും കാണുമ്പോള്‍ കുറ്റവാളിയുടെ ചിന്ത മറിച്ചാണ്. കോവിഡ് കാല സാമ്പത്തിക ക്രമക്കേടുകളെക്കുറിച്ച് ലോകായുക്ത അന്വേഷണം നടത്തുമ്പോള്‍ ഇടതുസര്‍ക്കാറിന്റെ മനോഗതി കൊള്ളക്കാരന്റേതില്‍നിന്ന് വ്യത്യസ്തമല്ല. പക്ഷേ, ഏത് മാളത്തില്‍ പോയി ഒളിച്ചാലും നിയമത്തിന്റെ പിടിയിലാകുമെന്ന അംഗീകൃത സത്യം കുറ്റവാളികളെ വേട്ടയാടിക്കൊണ്ടേയിരിക്കും.

Continue Reading

Trending