നിങ്ങള്‍ക്ക് മുസ്‌ലിംകളെ തകര്‍ക്കണമെങ്കില്‍ നിങ്ങള്‍ ബി.ജെ.പിയ്ക്ക് വോട്ട് ചെയ്യണമെന്ന് ബി.ജെ.പി നേതാവ് രണ്‍ജീത്ത് ബഹദൂര്‍ ശ്രീവാസ്തവ. കഴിഞ്ഞ അഞ്ച് വര്‍ഷം പ്രധാനമന്ത്രി നരേന്ദ്രമോദി മുസ്‌ലിംകളുടെ മനോവീര്യം ഇല്ലാതാക്കിയിട്ടുണ്ട്. ഈ തെരഞ്ഞെടുപ്പില്‍ നരേന്ദ്രമോദിയെ അധികാരത്തിലെത്തിക്കുകയാണെങ്കില്‍ മുസ്‌ലിം എന്ന വംശത്തെ ഇല്ലാതാക്കാന്‍ കഴിയും. ഉത്തര്‍പ്രദേശിലെ തെരഞ്ഞെടുപ്പ് റാലിക്കിടെ സംസാരിക്കുകയായിരുന്നു അദ്ദേഹം.രാജ്യത്ത് മുസ്‌ലിംകളുടെ എണ്ണം വര്‍ധിക്കുകയാണെങ്കില്‍ രാജ്യത്ത് അവരുടെ ശക്തി വര്‍ധിക്കും അത് തടയാന്‍ ബി.ജെ.പിയ്ക്ക് മാത്രമേ സാധിക്കൂ. ലോക്‌സഭാ തെരഞ്ഞെടുപ്പിന് ശേഷം ആയിരക്കണക്കിന് മുസ്‌ലിംകളെ പാര്‍ട്ടി ഹിന്ദു മതത്തിലേക്ക് എത്തിക്കും. എന്നാല്‍ ഇതിനെല്ലാം നിങ്ങളുടെ വോട്ട് ബി.ജെ.പിയ്ക്ക് നല്‍കണമെന്നും മറിച്ചാണെങ്കില്‍ നേരിടാന്‍ പോകുന്നത് വലിയ ആപത്തായിരിക്കുമെന്നും അദ്ദേഹം കൂട്ടിച്ചേര്‍ത്തു.