Career
career chandrika: നിയമപഠനത്തിന് വഴി തുറന്ന് ക്ലാറ്റ് 2023; ഇപ്പോള് അപേക്ഷിക്കാം
തിരുവനന്തപുരം, കോട്ടയം, എറണാകുളം, കോഴിക്കോട്, കോയമ്പത്തൂര്, മംഗലാപുരം, മൈസൂര്, ചെന്നൈ, ബംഗളുരു എന്നിവയടക്കം എണ്പതോളം പരീക്ഷ കേന്ദ്രങ്ങളുണ്ട്.
വിശാലമായ സാധ്യതകളിലേക്ക് വാതായനം തുറക്കുന്ന ആകര്ഷകമായ പഠനമേഖലയാണ് നിയമം. കോടതി കേസുകളിലെ വ്യവഹാരങ്ങളില് ഇടപെട്ട് പ്രാവീണ്യം തെളിയിക്കാനുള്ള സാധ്യതകളേറെയുണ്ടെങ്കിലും അതിനുമപ്പുറമുള്ള മേഖലകളിലേക്ക് കൂടി അവസരങ്ങളുടെ ചക്രവാളങ്ങള് വികസിച്ചിട്ടുണ്ട്. നിയമ ബിരുദ യോഗ്യതയുള്ളവര്ക്ക് മത്സരപ്പരീക്ഷകളില് മികവ് തെളിയിച്ച് സംസ്ഥാന, കേന്ദ്ര സര്ക്കാര് സര്വീസില് ജോലി നേടാനവസരമുണ്ട്. മറ്റു യോഗ്യതകള്ക്കനുസൃതമായി കീഴ്കോടതികളിലും മേല്ക്കോടതികളിലും ജഡ്ജ്, പബ്ലിക് പ്രോസിക്യൂട്ടര്, സ്റ്റാന്ഡിങ് കോണ്സല് തുടങ്ങിയ പദവികളങ്കരിക്കാം. സേനകളിലെ ജഡ്ജ്, അഡ്വക്കേറ്റ് ജനറല് ഒരു പ്രധാന സാധ്യതയാണ്. കമ്പനി സെക്രട്ടറി യോഗ്യത കൂടി നേടി കരിയറില് തിളങ്ങുന്ന നിയമ ബിരുദധാരികള് ഏറെയുണ്ടിപ്പോള്. സിവില് സര്വീസ്, ബിരുദം യോഗ്യതയായുള്ള മറ്റു ജോലികള് എന്നിവയും ആലോചിക്കാവുന്നതാണ്. ഉപരി യോഗ്യതകള് നേടി അധ്യാപനവും തിരഞ്ഞെടുക്കാം.
കോംപ്ലക്സ് ലിറ്റിഗേഷന്, കോര്പ്പറേറ്റ്, ടാക്സ്, ബൗദ്ധിക സ്വത്തവകാശം, ബ്ലോക്ചെയിന്, പരിസ്ഥിതി, പബ്ലിക് ലോ, ഹെല്ത്ത് കെയര് കംപ്ലെയ്ന്സ്, മൈനിങ്, ഡാറ്റാ ആന്ഡ് സൈബര് സെക്യൂരിറ്റി കംപ്ലയ്ന്സ്, ഫാമിലി ആന്ഡ് ജുവനൈല്, ഓള്ട്ടര്നേറ്റീവ് ഡിസ്പ്യൂട്ട് റസല്യൂഷന്, ജി.ഐ.എസ്. & റിമോട്ട് സെന്സിങ്, ഏവിയേഷന് & എയര് ട്രാന്സ്പോര്ട്ട്, ലേബര് ആന്ഡ് എംപ്ലോയ്മെന്റ്, മെര്ജര് ആന്ഡ് അക്ക്വിസിഷന്, സ്പോര്ട്സ്, മാരിടൈം തുടങ്ങിയ മേഖലകളില് സ്പെഷ്യലൈസ് ചെയ്ത മികവ് തെളിയിക്കുന്നവര്ക്ക് ആഗോള തലത്തിലടക്കം അവസങ്ങളേറെയുണ്ട്. ലീഗല് ഓഫീസര്, ലോ ജേര്ണലിസം എന്നീ സാധ്യതകളുമുണ്ട്.
കൊച്ചിയിലുള്ള നാഷണല് യൂണിവേഴ്സിറ്റി ഓഫ് അഡ്വാന്സ്ഡ് ലീഗല് സ്റ്റഡീസ് (ന്യുവാല്സ്) ഉള്പ്പെടെയുള്ള രാജ്യത്തെ 22 നിയമ സര്വകലാശാലകളിലെ നിയമ ബിരുദ കോഴ്സുകളിലെ പ്രവേശനത്തിനുള്ള മത്സരപരീക്ഷയാണ് ക്ലാറ്റ്2023 എന്ന ചുരുക്കപ്പേരില് അറിയപ്പെടുന്ന കോമണ് ലോ അഡ്മിഷന് ടെസ്റ്റ്. പ്ലസ്ടു കഴിഞ്ഞവര്ക്കുള്ള പഞ്ചവര്ഷ എല്എല്.ബി പ്രവേശനത്തിന് നവംബര് 13 വരെ https://consortiumofnlus.ac.in/ എന്ന വെബ്സൈറ്റിലൂടെ അപേക്ഷിക്കാം. വിവിധ സ്ഥാപനങ്ങളിലായി ബിഎ.എല്എല്.ബി(ഓണേഴ്സ്), ബി.എസ്.സി.എല്എല്.ബി(ഓണേഴ്സ്), ബി.ബി.എ.എല്.എല്.ബി (ഓണേഴ്സ്), ബി.കോം.എല്എല്.ബി (ഓണേഴ്സ്), ബി.എസ്.ഡബ്ള്യു.എല്എല്.ബി(ഓണേഴ്സ്) എന്നീ കോഴ്സുകളുണ്ട്. ഉയര്ന്ന പ്രായപരിധിയില്ല. ഒട്ടുമിക്ക കോഴ്സുകള്ക്കും പ്ലസ്ടുവിന് ഏത് സ്ട്രീം എടുത്തവര്ക്കും പ്രവേശനവസരമുണ്ട് എന്നത് പ്രത്യേകമോര്ക്കണം.
45 ശതമാനം മാര്ക്കോടെ പ്ലസ്ടു വിജയിച്ചവര്ക്കും (പട്ടിക വിഭാഗങ്ങള്ക്ക് 40 ശതമാനം) 2023 ല് +2 പരീക്ഷ എഴുതുന്നവര്ക്കും അപേക്ഷിക്കാം. 2022 ഡിസംബര് 18 നാണ് പരീക്ഷ നടക്കുന്നത്. രണ്ട് മണിക്കൂര് ദൈര്ഘ്യമുള്ള പരീക്ഷയില് 150 മള്ട്ടിപ്പിള് ചോയ്സ് രീതിയിലുള്ള ചോദ്യങ്ങളാണുണ്ടാവുക. തെറ്റുത്തരങ്ങള്ക്ക് നെഗറ്റീവ് മാര്ക്കുണ്ടാവും. ഇംഗ്ലീഷ് ഭാഷ, പൊതുവിജ്ഞാനം & ആനുകാലികം, ലീഗല് റീസണിംഗ്, ലോജിക്കല് റീസണിംഗ്, ക്വാണ്ടിറ്റേറ്റിവ് ടെക്നിക് എന്നിവയില്നിന്ന് ചോദ്യങ്ങളുണ്ടാവും.
4,000 രൂപയാണ് പരീക്ഷാ ഫീസ്. മുന്വര്ഷങ്ങളിലെ ചോദ്യപ്പേപ്പര് കൂടി വേണമെങ്കില് 500 രൂപ അധികമായി ഒടുക്കണം. ക്ലാറ്റ് പ്രവേശന പ്രക്രിയയയില് പങ്കെടുക്കുന്ന സര്വ്വകലാശാലകളുടെ പ്രവേശനം, സംവരണ രീതികള്, ലഭ്യമായ കോഴ്സുകള്, ഫീസ് വിവരം എന്നിവ സംബന്ധിച്ച വിവരങ്ങളറിയാന് https://consortiumofnlus.ac.in/ ലുള്ള സ്ഥാപനങ്ങളുടെ വെബ്സെറ്റുകള് പരിശോധിക്കാം മാതൃകാ ചോദ്യങ്ങള്, മറ്റു പഠന സഹായികള് എന്നിവ വെബ്സൈറ്റിലുണ്ടാവും. ക്ലാറ്റ്2023 യോഗ്യത നേടിയ ശേഷം ചേരാനാഗ്രഹിക്കുന്ന സ്ഥാപനങ്ങള് മുന്ഗണനാടിസ്ഥാനത്തില് തിരഞ്ഞെടുക്കണം. 22 ദേശീയ നിയമ സര്വകലാശാലകള്ക്ക് പുറമെ ഐഐഎം റോത്തക്ക്, സേവിയര് ലോ സ്കൂള് ഭുവനേശ്വര്, ഏഷ്യന് ലോ കോളേജ് നോയിഡ തുടങ്ങിയ വേറെയും സ്ഥാപനങ്ങളും അവരുടെ ചില കോഴ്സുകളിലെ പ്രവേശനത്തിന് ക്ലാറ്റ് പരീക്ഷാഫലം ഒരു മാനദണ്ഡമാക്കാറുണ്ട്.
തിരുവനന്തപുരം, കോട്ടയം, എറണാകുളം, കോഴിക്കോട്, കോയമ്പത്തൂര്, മംഗലാപുരം, മൈസൂര്, ചെന്നൈ, ബംഗളുരു എന്നിവയടക്കം എണ്പതോളം പരീക്ഷ കേന്ദ്രങ്ങളുണ്ട്. മുന്ഗണനാ അടിസ്ഥാനത്തില് മൂന്ന് കേന്ദ്രങ്ങള് തിരഞ്ഞെടുക്കണം.
ബിരുദം യോഗ്യതയായുള്ളവര്ക്ക് ത്രിവത്സര എല്.എല്.ബി കോഴ്സിന്റെ പ്രവേശനത്തിനുള്ള എന്ട്രന്സിനും (ക്ലാറ്റ്2023) മേല് വെബ്സൈറ്റിലൂടെ ഇപ്പോഴപേക്ഷിക്കാനവസരമുണ്ട്.
Career
പി.ടി. സഫ്വാൻ ഹുദവിക്ക് ഡോക്ടറേറ്റ്; അഞ്ച് ഭൂഖണ്ഡങ്ങളിൽ നിന്ന് മക്കയിലേക്കുള്ള യാത്രാ വിവരണങ്ങളുടെ താരതമ്യ പഠനത്തിലാണ് ഡോക്ടറേറ്റ്
നിലവിൽ നിലമ്പൂർ അമൽകോളേജ് ഓഫ് അഡ്വാൻസ്ഡ് സ്റ്റഡീസിൽ അസിസ്റ്റൻ്റ് പ്രൊഫസറായ സഫ്വാൻ ദേശീയ അന്തർദേശീയ കം പാരറ്റീവ് അസോസിയേഷൻ അംഗമാണ്.
റഹൂഫ് കൂട്ടിലങ്ങാടി
മലപ്പുറം: പി.ടി.സഫ് വാൻ ഹുദവി ഹൈദരാബാദ് ഇഫ്ളു സർവകലാശാലയിൽ നിന്ന് ഡോക്ടറേറ്റ് നേടി. ദി വേ ആൻ്റ് ദ വോയേജ്, എ കംപാരറ്റീവ് എൻക്വയറി ഇൻ ടു ജിയോ പൊയറ്റിക്സ് ആൻ്റ് ഇൻ്റർ സ്പെഷ്യാലിറ്റി ഇൻ ദ ട്രാവലോഗ്സ് ഓൺ മെക്ക (പഥവും സഞ്ചാരവും: അഞ്ച് ഭൂഖണ്ഡങ്ങളിൽ നിന്ന് മക്കയിലേക്കുള്ള യാത്രാവിവരണങ്ങളിലെ വൈവിധ്യങ്ങൾ സബന്ധിച്ചുള്ള താരതമ്യ പഠനം ഒരു അന്വേഷണം എന്ന വിഷയത്തിലാണ് ഹൈദരാബാദിലെ ഇംഗ്ലീഷ് ആൻ്റ് ഫോറിൻ ലാംഗ്വേജ് യൂണിവേഴ്സിറ്റി (ഇഫ്ളു)
യിൽ നിന്ന് ഡോക്ടറേറ്റ് ലഭിച്ചത്.
ചെമ്മാട് ദാറുൽ ഹുദാ ഇസ്ലാമിക് യൂനിവേഴ്സിറ്റിയിൽ നിന്ന് 2012 ൽ ഹുദവി ബിരുദം നേടിയ സഫ്വാൻ അതേ വർഷം തന്നെ കാലിക്കറ്റ് യൂനിവേഴ്സിറ്റിയിൽ നിന്ന് ഇംഗ്ലീഷ് ലാംഗ്വേജ് ആൻ്റ് ലിറ്ററേച്ചറിൽ ബിരുദവും നേടിയ ശേഷം ഇഫ്ളുവിൽ നിന്ന് ഇംഗ്ലീഷിൽ ബിരുദാനന്തര ബിരുദവും ഹൈദരാബാദ് സർവകലാശാലയിൽ നിന്ന് കംപാരറ്റീവ് ലിറ്ററേച്ചറിൽ എം ഫില്ലും നേടി. നേരത്തെ ഇഫ്ളുവിൽ നിന്ന് തന്നെ അറബിക് ഇംഗ്ലീഷ് ട്രാൻസലേഷനിൽ ഡിപ്ലോമയും നേടിയിട്ടുണ്ട്. തുടർന്നാണ് ഇഫ്ളുവിലെ ഡിപ്പാർട്മെൻ്റ് ഓഫ് കംപാരറ്റീവ് ലിറ്ററേച്ചറിൽ പി.എച്ച്.ഡിക്ക് ചേർന്നത്.
നിലവിൽ നിലമ്പൂർ അമൽകോളേജ് ഓഫ് അഡ്വാൻസ്ഡ് സ്റ്റഡീസിൽ അസിസ്റ്റൻ്റ് പ്രൊഫസറായ സഫ്വാൻ ദേശീയ അന്തർദേശീയ കം പാരറ്റീവ് അസോസിയേഷൻ അംഗമാണ്. ഐ.സി.എസ്.എസ്.ആർ ഡോക്ടറൽ ഫെലോഷിപ്പ്, മൗലാനാ ആസാദ് നാഷണൽ ഫെലോഷിപ് എന്നിവക്ക് അർഹത നേടിയിട്ടുണ്ട്.
നിലമ്പൂർ അമൽ കോളേജ് ഇഗ്നോ സ്റ്റഡി സെൻ്റർ അസിസ്റ്റൻ്റ് കോർഡിനേറ്റർ, ശ്രീനാരായണഗുരു ഓപ്പൺ സർവകലാശാല അക്കാഡമിക് കൗൺസിലർ, ന്യൂനപക്ഷ വിദ്യാർത്ഥികൾക്കുള്ള യു.ജി.സി.നെറ്റ് ഇംഗ്ലീഷ് പരിശീലനത്തിൻ്റെ സംസ്ഥാനതല കോർഡിനേറ്റർ, കോളേജ് അധ്യാപക സംഘടനയായ സി.കെ.സി.ടി മലപ്പുറം ജില്ലാ ജോ: സെക്രട്ടറി എന്നീ നിലകളിൽ പ്രവർത്തിക്കുന്നു.
നേരത്തെ, ഹൈദരാബാദ് മൗലാനാ ആസാദ് നാഷണൽ ഉർദു യൂനിവേഴ്സിറ്റി, മൗലാനാ ആസാദ് നാഷണൽ ഉറുദു സർവകലാശാല, മലപ്പുറം ഗവണ്മെന്റ് ആർട്സ് ആൻ്റ് സയന്സ് കോളേജ്, കുറ്റ്യാടി ഐഡിയൽ ആർട്സ് ആൻ്റ് സയൻസ് കോളേജ് എന്നിവിടങ്ങളിൽ
ഗസ്റ്റ് അധ്യാപകനായി ജോലി ചെയ്തിട്ടുണ്ട്.
ദേശീയ തലത്തിൽ ശ്രദ്ധേയമായ എജ്യുക്കേഷൻ ആൻ്റ് സൊസൈറ്റി ജേർണലിൽ ഫാദർ ഫിഗർ ഇൻ മാട്രിലിനി, ഹിസ് റ്റോ റൈസിംഗ് ഫാദർഹുഡ് ഇൻ ദ സോഷ്യോ കൾച്ചറൽ മില്യു ഓഫ് കേരള, ഇൻ്ററോഗേറ്റിംഗ് ദ ന്യു ട്രെൻഡ്സ് ഇൻ ട്രാൻസ് ലേഷൻ സ്റ്റഡീസ്, ദി ഷിഫ്റ്റ് ഫ്രം ലിംഗ്വിസ്റ്റിക് ടേൺ ഇൻ ടു കൾച്ചറൽ ടേൺ തുടങ്ങി ഇരുപതോളം പഠന പ്രബന്ധങ്ങൾ പ്രസിദ്ധീകരിക്കുകയും ദേശീയ അന്തർദേശീയ സെമിനാറുകളിലും ശിൽപ്പശാലകളിലും അവതരിപ്പിക്കുകയും ചെയ്തിട്ടുണ്ട്.
മലപ്പുറം കൂട്ടിലങ്ങാടി ചെലൂരിലെ പുളിക്കത്തൊടി മോയിൻ കുട്ടിയുടെയും കുട്ടശ്ശേരി നഫീസയുടെയും മകനാണ്. ഭാര്യ: കാട്ടിൽ പീടികക്കൽ ശഫ്ന. (മങ്കട പള്ളിപ്പുറം ഹൈസ്കൂൾ അധ്യാപിക). മകൻ: അയ്മൻ അഹമ്മദ് (മൂന്ന് വയസ്). നസീമ, ഫസീന, സുനീറ, നസീറ എന്നിവർ സഹോദരങ്ങളാണ്.
Career
ഡിപ്ലോമ ഇന് എയര്ലൈന് ആന്ഡ് എയര്പോര്ട്ട് മാനേജ്മെന്റ് കോഴ്സിന് അപേക്ഷിക്കാം
അംഗീകൃത പഠന കേന്ദ്രങ്ങളുടെ നേതൃത്വത്തിലാണ് സമ്പര്ക്ക ക്ലാസ്സുകള് ക്രമീകരിച്ചിട്ടുള്ളത്.
സംസ്ഥാന പൊതുവിദ്യാഭ്യാസവകുപ്പിന് കീഴിലുള്ള സ്റ്റേറ്റ് റിസോഴ്സ് സെന്ററിന്റെ നേതൃത്വത്തില് പ്രവര്ത്തിക്കുന്ന എസ്.ആര്.സി കമ്മ്യൂണിറ്റി കോളേജ് ജൂലൈ സെഷനില് ആരംഭിക്കുന്ന ഡിപ്ലോമ ഇന് എയര്ലൈന് ആന്ഡ് എയര്പോര്ട്ട് മാനേജ്മെന്റിന് (DAM) പ്രോഗ്രാമിലേക്ക് പ്ലസ്ടു അഥവാ തത്തുല്യ യോഗ്യതയോ ഉള്ളവര്ക്ക് അപേക്ഷിക്കാം.
അംഗീകൃത പഠന കേന്ദ്രങ്ങളുടെ നേതൃത്വത്തിലാണ് സമ്പര്ക്ക ക്ലാസ്സുകള് ക്രമീകരിച്ചിട്ടുള്ളത്. വിവിധ എയര്പോര്ട്ടുകളില് ഇന്റേണ്ഷിപ്പ് ഉള്പ്പെടുത്തിയിട്ടുണ്ട്. https://app.srccc.in/register എന്ന ലിങ്കിലൂടെ ഓണ്ലൈനായി അപേക്ഷിക്കാം. https://srccc.in/download എന്ന ലിങ്കില് നിന്നും അപേക്ഷാഫാറം ഡൗണ്ലോഡ് ചെയ്തും അപേക്ഷിക്കാം. ആഗസ്റ്റ് പത്തിനുള്ളില് അപേക്ഷ സമര്പ്പിക്കണം. വിശദ വിവരങ്ങള് തിരുവനന്തപുരം നന്ദാവനത്തുള്ള എസ്.ആര്.സി ഓഫീസില് നിന്ന് നേരിട്ടും ലഭിക്കും. വിലാസം: ഡയറക്ടര്, സ്റ്റേറ്റ് റിസോഴ്സ് സെന്റര്, നന്ദാവനം, വികാസ് ഭവന് പി.ഒ, തിരുവനന്തപുരം-33. ഫോണ്: 0471 2570471, 9846033009. വിശദാംശങ്ങള് www.srccc.in എന്ന വെബ്സൈറ്റിലും ലഭിക്കും.
Career
ചന്ദ്രിക തൊണ്ണൂറാം വാർഷികാഘോഷത്തിൻ്റെ ഭാഗമായി സംഘടിപ്പിക്കുന്ന വിദ്യഭ്യാസ പ്രദർശനവും സെമിനാറുകളും Edu Excel Education Expo ഇന്നും നാളെയും
ചന്ദ്രിക തൊണ്ണൂറാം വാർഷികാഘോഷത്തിൻ്റെ ഭാഗമായി സംഘടിപ്പിക്കുന്ന വിദ്യഭ്യാസ പ്രദർശനവും സെമിനാറുകളും Edu Excel Education Expo ഇന്നും നാളെയുമായി കോട്ടക്കൽ പിഎം ഓഡിറ്റോറിയത്തിൽ നടക്കും. മലപ്പുറം ജില്ലയിൽ നിന്ന് ഈ വർഷം എസ്.എസ്.എൽ.സി, പ്ലസ്.ടു പരീക്ഷകളിൽ മുഴുവൻ വിഷയങ്ങളിലും എ പ്ലസ് നേടിയ വിദ്യാർത്ഥികളെ ആദരിക്കുന്ന വിജയമുദ്ര 2023 പരിപാടിയും ഈ അവസരത്തിൽ നടക്കും. പങ്കെടുക്കാൻ മുകളിൽ നൽകിയ QR code scan ചെയ്യുകയോ,https://chandrikanavathi.in/ ഈ ലിങ്ക് ഉപയോഗിച്ച് രജിസ്റ്റർ ചെയ്യുകയോ ചെയ്യുക.
-
india2 days agoബി.ജെ.പി ശിവസേന നേതാക്കളെയും പ്രവര്ത്തകരെയും ചാക്കിലാക്കാന് ശ്രമിക്കുന്നു; പരാതിയുമായി ഏക്നാഥ് ഷിന്ഡെ
-
GULF2 days agoദുബൈ എയര്ഷോയില് ഇന്ത്യന് ജെറ്റ് തകര്ന്നുവീണു; പൈലറ്റിന് ദാരുണാന്ത്യം
-
world21 hours agoക്യൂബയ്ക്കെതിരായ സാമ്പത്തിക ഉപരോധം പിന്വലിക്കണം: യു.എന്
-
kerala2 days agoവിവാഹ ദിവസം വധുവിന് വാഹനാപകടത്തില് പരിക്ക്; ആശുപത്രിയില് എത്തി താലികെട്ടി വരന്
-
india2 days agoകേന്ദ്ര സര്ക്കാര് സംസ്കൃതത്തിന് 2400 കോടി രൂപ അനുവദിച്ചപ്പോള് തമിഴിന് 150 കോടി രൂപ മാത്രമാണ് അനുവദിച്ചത്: ഉദയനിധി സ്റ്റാലിന്
-
kerala2 days agoപാലത്തായി കേസ്; പെൺകുട്ടിയെ മാനസികമായി പീഡിപ്പിച്ച കൗൺസലറെ സസ്പെൻഡ് ചെയ്തു
-
kerala2 days agoതൃശൂര് ബി.ജെ.പിയില് തമ്മില്ത്തല്ല്; കൗണ്സിലര്ക്ക് അവസാന നിമിഷം സീറ്റ് നഷ്ടം, പകരം ആര്.എസ്.എസ് നേതാവിന്റെ മകള് സ്ഥാനാര്ത്ഥി
-
kerala3 days agoശബരിമല സ്വര്ണ്ണക്കൊള്ളയ്ക്ക് പിണറായി ടച്ച് ഉണ്ട്; പങ്ക് പിണറായിക്കും പോയിട്ടുണ്ട്: കെ സുധാകരന്