കാണാതായ നാലു വയസുകാരി അഥീനയുടെ മൃതദേഹം കുഴിച്ചിട്ട നിലയില്‍ കണ്ടെത്തിയെന്ന് പൊലീസ്. ജനുവരി 10 മുതല്‍ അഥീനയെ കാണാതായ സംഭവത്തില്‍ കുട്ടിയുടെ കെയര്‍ ടേക്കറായ അലിഷ്യ ആഡംസ് (31), ഇവോണ്‍ ആഡംസ്(36) എന്നിവരെ നേരത്തെ അറസ്റ്റ് ചെയ്തിരുന്നു.

ആന്ധ്രാപ്രദേശിലെ ശ്രീഹരിക്കോട്ടയിലെ ഇന്ത്യന്‍ ബഹിരാകാശ ഗവേഷണ കേന്ദ്രത്തില്‍ ഒരാഴ്ച്ചയ്ക്കിടെ മൂന്ന് പേര്‍ ആത്മഹത്യ ചെയ്‌തെന്ന് റിപ്പോര്‍ട്ട്. രണ്ട് പോലീസുകാരും ഇവരിലൊരാളുടെ ഭാര്യയുമാണ് ആത്മഹത്യ ചെയ്തത്.

2023 ജനുവരി 10 ന് കോണ്‍സ്റ്റബിള്‍ ചിന്താമണിയെ(29) തൂങ്ങിമരിച്ച നിലയില്‍ കണ്ടെത്തിയതാണ് ആദ്യ സംഭവം. ഛത്തീസ്ഗഡ് സ്വദേശിയായ ചിന്താമണി പിസിഎംസി റഡാര്‍ സെന്ററിലാണ് ജോലി ചെയ്തിരുന്നത്. തിങ്കളാഴ്ച രാത്രി ഐഎസ്ആര്‍ഒയില്‍ ഡ്യൂട്ടിയിലുണ്ടായിരുന്ന സിഐഎസ്എഫ് സബ് ഇന്‍സ്‌പെക്ടര്‍ വികാസ് സിംഗിനെ (30) സര്‍വ്വീസ് തോക്ക് ഉപയോഗിച്ച് സ്വയം വെടിവച്ച് മരിച്ച നിലയില്‍ കണ്ടെത്തിയതാണ് രണ്ടാമത്തെ സംഭവം. വികാസ് സിങ്ങിന്റെ ഭാര്യ പ്രിയ സിംഗിനെ കിടപ്പുമുറിയിലെ ഫാനില്‍ തൂങ്ങിമരിച്ച നിലയിലും കണ്ടെത്തി. സംഭവത്തില്‍ ശ്രീഹരിക്കോട്ട പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്. ആത്മഹത്യ കാരണം വ്യക്തമല്ല.

കോഴിക്കോട് പന്തീരങ്കാവില്‍ കൂട്ടബലാത്സംഗം. 22 കാരിയെ ജ്യൂസില്‍ ലഹരിമരുന്ന് കലര്‍ത്തി പീഡിപ്പിച്ചെന്നാണ് പരാതി. സംഭവത്തില്‍ പൊലീസ് ചേവായൂര്‍ സ്വദേശികാളായ മൂന്നുപേരെ കസ്റ്റഡിയിലെടുത്തു. കേസില്‍ ഉള്‍പ്പെട്ട ഒരാള്‍ക്കായി തിരച്ചില്‍ ഊര്‍ജിതമാക്കിയിട്ടുണ്ട്. രണ്ടുദിവസം മുമ്പാണ് പൊലീസില്‍ പരാതി ലഭിക്കുന്നത്. സോഷ്യല്‍മീഡിയ വഴി പ്രതികളിലൊരാള്‍ യുവതിയുമായി സൗഹൃദം സ്ഥാപിച്ചിരുന്നു. പിന്നീട് കോഴിക്കോട്ടെ ഒരു ഫ്‌ലാറ്റിലെത്തിച്ച് ജ്യൂസില്‍ മയക്കുമരുന്ന് കലര്‍ത്തി കൂട്ട ബലാത്സംഗത്തിന് ഇരയാക്കിയെന്നാണ് യുവതിയുടെ പരാതി. സംഭവത്തില്‍ പ്രതികളെ ചോദ്യം ചെയ്തുവരികയാണ്.