kerala
സംസ്ഥാനത്ത് ഉച്ചയ്ക്ക് ശേഷവും സ്വര്ണവില വീണ്ടും കൂടി
രാവിലെ വര്ധിച്ചതിന് പിന്നാലെ ഉച്ചയ്ക്ക് ശേഷവും വില കുതിച്ചുയര്ന്നു.
കൊച്ചി: സംസ്ഥാനത്ത് സ്വര്ണവിലയില് വീണ്ടും വലിയ ഉയര്ച്ച. രാവിലെ വര്ധിച്ചതിന് പിന്നാലെ ഉച്ചയ്ക്ക് ശേഷവും വില കുതിച്ചുയര്ന്നു. ഗ്രാമിന് 175 രൂപ ഉയര്ന്നതോടെ സ്വര്ണവില 15,315 രൂപയായി. പവന് വില 1,400 രൂപ വര്ധിച്ച് 1,22,520 രൂപയിലേക്കെത്തി. ഇന്ന് രാവിലെ തന്നെ സ്വര്ണവിലയില് വര്ധന രേഖപ്പെടുത്തിയിരുന്നു. രാവിലെ (28/01/2026) ഗ്രാമിന് 295 രൂപ ഉയര്ന്ന് 15,140 രൂപയായപ്പോള്, പവന് വില 2,360 രൂപ ഉയര്ന്ന് 1,21,120 രൂപയായി. ഇതിന് പിന്നാലെയാണ് ഉച്ചയ്ക്ക് ശേഷം വീണ്ടും വില ഉയര്ന്നത്.
18 കാരറ്റ് സ്വര്ണത്തിന്റെ വില ഗ്രാമിന് 145 രൂപയും, 14 കാരറ്റ് സ്വര്ണത്തിന് ഗ്രാമിന് 110 രൂപയും ഇന്ന് വര്ധിച്ചിട്ടുണ്ട്. ആഗോള വിപണിയിലും സ്വര്ണവിലയില് വന് മുന്നേറ്റമാണ് രേഖപ്പെടുത്തിയിരിക്കുന്നത്. സ്പോട്ട് ഗോള്ഡിന്റെ വില ഔണ്സിന് 208.55 ഡോളര് ഉയര്ന്ന് 5,293 ഡോളറിലാണ് വ്യാപാരം നടക്കുന്നത്. ആഗോള വിപണിയില് 4.10 ശതമാനം നേട്ടമാണ് സ്വര്ണം നേടിയത്. യു.എസ് ഡോളറിന്റെ ദുര്ബലതയാണ് സ്വര്ണവില ഉയരാനുള്ള പ്രധാന കാരണം. നാല് വര്ഷത്തിനിടയിലെ ഏറ്റവും താഴ്ന്ന നിരക്കിലേക്കാണ് ഡോളര് വീണത്. ഇതോടൊപ്പം യു.എസ് കേന്ദ്രബാങ്കായ ഫെഡറല് റിസര്വിന്റെ തലപ്പത്ത് താന് അവരോധിക്കുന്നയാള് എത്തുമെന്ന് പ്രസിഡന്റ് ഡോണള്ഡ് ട്രംപ് നടത്തിയ പ്രസ്താവനയും വിപണിയെ സ്വാധീനിച്ചിട്ടുണ്ട്.
kerala
സ്ത്രീധനം നല്കുന്നത് കുറ്റകരമല്ലാതാക്കാന് ശുപാര്ശ: ഹൈക്കോടതിയില് വിശദീകരണവുമായി സംസ്ഥാന സര്ക്കാര്
നിലവില് സ്ത്രീധനം വാങ്ങുന്നതും നല്കുന്നതും ഒരേപോലെ ശിക്ഷാര്ഹമായ കുറ്റമാണെന്നിരിക്കെയാണ് ഈ നീക്കം.
കൊച്ചി: സ്ത്രീധന നിരോധന നിയമത്തില് (1961) നിന്ന് സ്ത്രീധനം നല്കുന്നത് കുറ്റകരമാക്കുന്ന വകുപ്പ് ഒഴിവാക്കാന് കേരള നിയമ പരിഷ്കരണ കമ്മീഷന് ശുപാര്ശ ചെയ്തതായി സംസ്ഥാന സര്ക്കാര് ഹൈക്കോടതിയെ അറിയിച്ചു. നിലവില് സ്ത്രീധനം വാങ്ങുന്നതും നല്കുന്നതും ഒരേപോലെ ശിക്ഷാര്ഹമായ കുറ്റമാണെന്നിരിക്കെയാണ് ഈ നീക്കം.
സ്ത്രീധനം നല്കുന്നത് കുറ്റമല്ലാതാക്കുന്നതിലൂടെ, പീഡനത്തിന് ഇരയാകുന്ന സ്ത്രീകള്ക്കും കുടുംബാംഗങ്ങള്ക്കും നിയമനടപടികളെ ഭയക്കാതെ പരാതി നല്കാന് സാധിക്കും. അതേസമയം സ്ത്രീധനം വാങ്ങുന്നവര്ക്കും അത് ആവശ്യപ്പെടുന്നവര്ക്കും കടുത്ത തടവുശിക്ഷയും പിഴയും നല്കണമെന്ന് കമ്മീഷന് നിര്ദ്ദേശിച്ചു.
സ്ത്രീധനത്തെ വരനോ വരന്റെ കുടുംബമോ ആവശ്യപ്പെടുന്ന സ്വത്തോ സെക്യൂരിറ്റിയോ ആയി മാത്രം പുനര്നിര്വചിക്കണമെന്നാണ് ശുപാര്ശ. തങ്ങളും കുറ്റക്കാരാകുമെന്ന് കരുതി പല പെണ്കുട്ടികളുടെ വീട്ടുകാരും പരാതി നല്കാന് മടിക്കുന്നു. ഈ സാഹചര്യം ഒഴിവാക്കാനാണ് ഇത്തരം മാറ്റം വരുത്താനുള്ള നീക്കം.
എറണാകുളം സ്വദേശിനി നല്കിയ പൊതുതാല്പ്പര്യ ഹര്ജിയിലാണ് സര്ക്കാര് ഇക്കാര്യം ബോധിപ്പിച്ചത്. കേസ് പരിഗണിച്ച ഹൈക്കോടതി ഡിവിഷന് ബെഞ്ച് വിഷയത്തില് കേന്ദ്ര സര്ക്കാരിന്റെ നിലപാട് തേടി.
ഫെബ്രുവരി 11-നകം ഇക്കാര്യത്തില് വിശദമായ സത്യവാങ്മൂലം സമര്പ്പിക്കാന് കേന്ദ്ര സര്ക്കാരിന് ഹൈക്കോടതി നിര്ദ്ദേശം നല്കിയിട്ടുണ്ട്.
kerala
സംസ്ഥാനത്ത് സ്വര്ണവിലയില് ഇന്ന് വന് കുതിപ്പ്; പവന് 2,360 രൂപ കൂടി
കഴിഞ്ഞ കുറച്ച് ദിവസങ്ങളായി സ്വര്ണ വില യൂടേണടിക്കുകയായിരുന്നു. അതിന് ശേഷമാണ് ഇന്നത്തെ കുതിപ്പ്.
സംസ്ഥാനത്ത് സ്വര്ണവിലയില് ഇന്ന് വന് കുതിപ്പ്. പവന് 2,360 രൂപ കൂടി 1,21,120 രൂപയിലെത്തി. ഗ്രാമിന് 295 രൂപ ഉയര്ന്ന് 15,140 രൂപയായി. ഈ മാസം ഇതുവരെ ഒരു പവന് കൂടിയത് 22,080 രൂപയാണ്. കഴിഞ്ഞ കുറച്ചു ദിവസങ്ങളായി വിലയില് വലിയ മാറ്റമാണ് ഉണ്ടായിക്കൊണ്ടിരിക്കുന്നത്.
കഴിഞ്ഞ കുറച്ച് ദിവസങ്ങളായി സ്വര്ണ വില യൂടേണടിക്കുകയായിരുന്നു. അതിന് ശേഷമാണ് ഇന്നത്തെ കുതിപ്പ്. അന്താരാഷ്ട്ര വിപണിയിലെ മാറ്റങ്ങളാണ് കേരളത്തിലെ സ്വര്ണ വിലയെ സ്വാധീനിക്കുന്നത്.
റെക്കോര്ഡുകള് ഭേദിച്ച് ആണ് ഓരോ ദിവസവും സ്വര്ണവില മുന്നേറുന്നത്. ഇടയ്ക്കിടെ നേരിയ ഇടിവുകള് രേഖപ്പെടുത്തുന്നുണ്ടെങ്കിലും അടുത്ത ദിവസം വില ഉയരുന്നതാണ് കാണുന്നത്.ലോകത്തെ ഏറ്റവും വലിയ സ്വര്ണ ഉപഭോക്താക്കളാണ് ഇന്ത്യ. ഓരോ വര്ഷവും ടണ് കണക്കിന് സ്വര്ണം രാജ്യത്ത് ഇറക്കുമതി ചെയ്യപ്പെടുന്നു. ഡിസംബര് 23നാണ് സ്വര്ണവില ആദ്യമായി ഒരു ലക്ഷം കടന്നത്. പിന്നീടുള്ള ദിവസങ്ങളിലും വില കുതിച്ചുയര്ന്നു.
kerala
ഹെല്മെറ്റില്ലെങ്കില് കീശ കീറും: ഒരാഴ്ചയ്ക്കുള്ളില് പിഴയായി ഈടാക്കിയത് 2.55 കോടി!
‘ഹെല്മെറ്റ് ഓണ്- സേഫ് റൈഡ്’ (Helmet On – Safe Ride) എന്ന സ്പെഷ്യല് ഡ്രൈവിലൂടെ 2,55,97,600 രൂപയാണ് പിഴയിനത്തില് ലഭിച്ചത്.
തിരുവനന്തപുരം: സംസ്ഥാനത്ത് ഹെല്മെറ്റ് ധരിക്കാതെ യാത്ര ചെയ്ത ഇരുചക്ര വാഹനക്കാര്ക്കെതിരെ നടത്തിയ പ്രത്യേക പരിശോധനയില് വന് പിഴ ഈടാക്കി കേരള പോലീസ്. ഒരാഴ്ച നീണ്ടുനിന്ന ‘ഹെല്മെറ്റ് ഓണ്- സേഫ് റൈഡ്’ (Helmet On – Safe Ride) എന്ന സ്പെഷ്യല് ഡ്രൈവിലൂടെ 2,55,97,600 രൂപയാണ് പിഴയിനത്തില് ലഭിച്ചത്.
സംസ്ഥാനവ്യാപകമായി നടത്തിയ പരിശോധനയില് 1,19,414 ഇരുചക്ര വാഹനങ്ങള് പോലീസ് തടഞ്ഞ് പരിശോധിച്ചു. ഇതില് 50,969 നിയമലംഘനങ്ങളാണ് കണ്ടെത്തിയത്. റോഡപകടങ്ങള് കുറയ്ക്കുന്നതിനും ഹെല്മെറ്റ് ധരിക്കേണ്ടതിന്റെ പ്രാധാന്യത്തെക്കുറിച്ച് പൊതുജനങ്ങളെ ബോധവാന്മാരാക്കുന്നതിനുമായാണ് കേരള പോലീസിന്റെ ട്രാഫിക് ആന്ഡ് റോഡ് സേഫ്റ്റി മാനേജ്മെന്റ് വിഭാഗം ഈ സ്പെഷ്യല് ഡ്രൈവ് തുടങ്ങിവെച്ചത്.
ട്രാഫിക് ആന്ഡ് റോഡ് സേഫ്റ്റി മാനേജ്മെന്റ് ഐ.ജിയുടെ നിര്ദ്ദേശപ്രകാരം നടന്ന പരിശോധനയ്ക്ക് ട്രാഫിക് നോര്ത്ത് സോണ്, സൗത്ത് സോണ് എസ്.പിമാരും ജില്ലാ ട്രാഫിക് നോഡല് ഓഫീസര്മാരും നേതൃത്വം നല്കി. വരും ദിവസങ്ങളിലും കര്ശനമായ പരിശോധന തുടരുമെന്ന് പോലീസ് അറിയിച്ചു.
-
entertainment17 hours agoബേസിൽ ജോസഫ്- എൽ കെ അക്ഷയ് കുമാർ- വിഘ്നേഷ് വടിവേൽ ചിത്രം “രാവടി” ഫസ്റ്റ് ലുക്കും ക്യാരക്ടർ ഗ്ലിമ്പ്സും പുറത്ത്
-
kerala16 hours agoഹെല്മെറ്റില്ലെങ്കില് കീശ കീറും: ഒരാഴ്ചയ്ക്കുള്ളില് പിഴയായി ഈടാക്കിയത് 2.55 കോടി!
-
Culture19 hours agoപത്മഭൂഷൺ മമ്മൂട്ടിക്ക് ആദരവുമായി “പദയാത്ര” ടീമിനൊപ്പം അടൂർ ഗോപാലകൃഷ്ണൻ
-
kerala19 hours agoകോഴിക്കോട് ഇടതുമുന്നണിയില് വിള്ളല്; സിപിഎമ്മിനെതിരെ ആഞ്ഞടിച്ച് ആര്ജെഡി, മുന്നണി വിടാന് തീരുമാനം!
-
News3 days agoടി20 ലോകകപ്പിനുള്ള പാക് ടീം പ്രഖ്യാപിച്ചു; ബാബര് അസം ഉള്പ്പെട്ടു, റിസ്വാനും ഹാരിസ് റൗഫും പുറത്ത്
-
Film18 hours agoഗസ്സയിലെ ഇസ്രാഈല് ക്രൂരതയുടെ യാഥാര്ത്ഥ്യങ്ങളുമായി ‘അമേരിക്കന് ഡോക്ടര്’ ഡോക്യുമെന്ററി
-
india17 hours agoഗോവയില് 16 വയസ്സില് താഴെയുള്ളവര്ക്ക് സമൂഹമാധ്യമ വിലക്ക് ഏര്പ്പെടുത്തും; ഓസ്ട്രേലിയന് മാതൃക പിന്തുടരാന് നീക്കം
-
kerala20 hours agoകൊറിയന് സുഹൃത്തിന്റെ മരണം: എറണാകുളത്ത് പ്ലസ് വണ് വിദ്യാര്ത്ഥിനി ജീവനൊടുക്കി