Connect with us

Football

ഞങ്ങള്‍ റെഡി; മനസ്സു തുറന്ന് ബ്ലാസ്റ്റേഴ്‌സ് കോച്ച് കിബു

നാളെ ആദ്യത്തെ മത്സരം മാത്രമാണ്. ആദ്യ കളി ഫൈനല്‍ പോലെയാണ്. നാളത്തെ കളിക്കു ശേഷം 19 കളി കൂടി അവശേഷിക്കുന്നു

Published

on

പനജി: മുഖമെല്ലാം മാറി കേരള ബ്ലാസ്റ്റേഴ്‌സില്‍ പുതിയ യുഗം ആരംഭിച്ചിരിക്കുന്നു. ഹെഡ് കോച്ച് കിബു വിക്കുനയില്‍ തുടങ്ങുന്നു ആ മാറ്റം. പതിവു സീസണുകളില്‍ നിന്നെല്ലാം വ്യത്യസ്തമായി മികച്ച താരങ്ങളെ സ്വന്തം കൂടാരത്തില്‍ എത്തിച്ചാണ് കേരളത്തിന്റെ സ്വന്തം കൊമ്പന്മാര്‍ ഇത്തവണ പോരിനിറങ്ങുന്നത്. നാളെ വൈകിട്ട് ഏഴരയ്ക്ക് നടക്കുന്ന ഉദ്ഘാടന മത്സരത്തില്‍ ബ്ലാസ്‌റ്റേഴ്‌സ് എടികെ മോഹന്‍ ബഗാനെ നേരിടും.

മോഹന്‍ ബഗാനെ ഐ ലീഗ് ചാമ്പ്യന്മാരാക്കിയ കിബുവാണ് ഇപ്പോള്‍ ബ്ലാസ്‌റ്റേഴ്‌സിന്റെ തന്ത്രങ്ങള്‍ക്ക് ചുക്കാന്‍ പിടിക്കുന്നത്. എടികെ ബഗാനില്‍ കഴിഞ്ഞ തവണ കളിച്ച നിരവധി താരങ്ങളാണ് ഉള്ളതെങ്കില്‍ ബ്ലാസ്‌റ്റേഴ്‌സില്‍ നിറയെ പുതിയ മുഖങ്ങള്‍. കുറേക്കാലം ഒന്നിച്ചു കളിക്കുന്നതിന്റെ മുന്‍തൂക്കം ബഗാനുണ്ടെങ്കില്‍ ഒട്ടും പിന്നിലല്ല ബ്ലാസ്റ്റേഴ്‌സ്.

ആദ്യ മത്സരത്തിനായി തന്റെ കുട്ടികള്‍ കാത്തിരിക്കുകയാണ് എന്ന് കിബു വിക്കുന പറയുന്നു. ‘എടികെഎംബി കഴിഞ്ഞ സീസണില്‍ കളിച്ച മിക്കവാറും അതേ ടീമാണ്. അവര്‍ മുന്‍ ചാമ്പ്യന്മാരുമാണ്. കഴിഞ്ഞ സീസണിലെ ഏറ്റവും മികച്ച ടീം. നല്ല കളിക്കാരെയും അവര്‍ സൈന്‍ ചെയ്തിട്ടുണ്ട്. എന്നാല്‍ ഞങ്ങള്‍ ഞങ്ങളുടെ ടീമില്‍ സന്തുഷ്ടരാണ്’ – അദ്ദേഹം പറഞ്ഞു.

https://twitter.com/KeralaBlasters/status/1329350049952882688?s=20

‘നന്നായി പരിശീലിച്ചിട്ടുണ്ട്. പരിശീലനത്തില്‍ ടീമിന്റെ പ്രകടനത്തില്‍ കോച്ചിങ് സ്റ്റാഫും തൃപ്തരാണ്. ഞങ്ങള്‍ പുതിയ സംഘമാണ്. നാളെ ഏറ്റവും മികച്ച കളി തന്നെ പുറത്തെടുക്കും’ – കിബു കൂട്ടിച്ചേര്‍ത്തു.

മോഹന്‍ബഗാന്‍ കാലത്തെ തന്റെ ഓര്‍മകളും അദ്ദേഹം പങ്കുവച്ചു. ‘മോഹന്‍ബഗാനുമായി എനിക്ക് വൈകാരികമായ അടുപ്പമുണ്ട്. കഴിഞ്ഞ സീസണില്‍ അവര്‍ എന്നെ നന്നായി പരിഗണിച്ചിരുന്നു. ബോര്‍ഡിലും ക്ലബ് അംഗങ്ങളിലും എനിക്ക് ധാരാളം സുഹൃത്തുക്കളുണ്ട്. എന്നാല്‍ കേരള ബ്ലാസ്‌റ്റേഴ്‌സില്‍ ഞാന്‍ ഏറെ സന്തുഷ്ടനാണ്’

‘ഇവിടെയുള്ളവര്‍ എന്നെ നന്നായി സ്വീകരിച്ചു. ക്ലബിലെ ജീവനക്കാരുമായി എനിക്ക് നല്ല ബന്ധമാണ് ഉള്ളത്. നല്ല ഫുട്‌ബോള്‍ കളിക്കാനാണ് ഞങ്ങള്‍ പോകുന്നത്. അതാണ് പ്രധാനം. നാളെ ആദ്യത്തെ മത്സരം മാത്രമാണ്. ആദ്യ കളി ഫൈനല്‍ പോലെയാണ്. നാളത്തെ കളിക്കു ശേഷം 19 കളി കൂടി അവശേഷിക്കുന്നു. അതില്‍ക്കൂടുതല്‍ പ്രതീക്ഷിക്കുകയും ചെയ്യുന്നു’ – കിബു മനസ്സു തുറന്നു.

ഗോള്‍കീപ്പര്‍മാര്‍ക്ക് പരിചയക്കുറവുണ്ടെന്ന വാദങ്ങളെ അദ്ദേഹം തള്ളിക്കളഞ്ഞു. അവര്‍ നന്നായി പരിശീലിക്കുന്നുണ്ട്. ആരാണ് ഒന്നാമതെത്തുക എന്ന മത്സരമാണ് അവര്‍ക്കിടയില്‍ ഉള്ളത്. നിലവില്‍ അവരുടെ പ്രകടനത്തില്‍ ഞങ്ങള്‍ സന്തുഷ്ടരാണ്- അദ്ദേഹം വ്യക്തമാക്കി.

ആദ്യത്തെ നാലില്‍ എത്തുകയാണ് ലക്ഷ്യം. അങ്ങനെ പ്ലേ ഓഫിലേക്ക് ക്വാളിഫൈ ചെയ്യണം. നല്ല യുവ കളിക്കാരും പരിചയ സമ്പന്നരും തങ്ങളുടെ നിരയിലുണ്ട്. ടീമില്‍ സന്തുലനം കൊണ്ടുവരാനാണ് ലക്ഷ്യമിടുന്നത്. പ്രായം വിഷയമേയല്ല- കിബു കൂട്ടിച്ചേര്‍ത്തു.

Football

യൂറോയില്‍ ഇന്ന് ഇംഗ്ലണ്ട് ഇറങ്ങുന്നു, എതിരാളികള്‍ സെര്‍ബിയ

1966ലെ ​ലോ​ക​കി​രീ​ട​ത്തി​നു​ ശേ​ഷം സു​പ്ര​ധാ​ന ട്രോ​ഫി​ക​ളൊ​ന്നും നേ​ടാ​നാ​കാ​ത്ത ടീം ​കിരീട വരൾച്ചയ്ക്ക് അറുതി വരുത്താനാണ് ഈ യൂറോകപ്പിനെത്തുന്നത്.

Published

on

 ഹാരികെയ്‌നിന്റെയും ബെല്ലിങ്ഹാമിന്റെയും ഇംഗ്ലണ്ട് ഇന്ന് സെർബിയക്കെതിരെ ആദ്യ പോരാട്ടത്തിനിറങ്ങുന്നു. തിങ്കളാഴ്ച്ച പുലർച്ചെ 12:30 നാണ് മത്സരം. എല്ലാ കാലത്തും മികച്ച ടീമുണ്ടായിട്ടും ഇത് വരെയും ഒരിക്കൽ പോലും യൂറോ കപ്പ് കിരീടം നേടാൻ കഴിയാത്ത ടീമാണ് ഇംഗ്ലണ്ട്. 1968ൽ മൂന്നാം സ്ഥാനത്തെത്തിയതാണ് ഏറ്റവും മികച്ച പ്രകടനം.

1966ലെ ​ലോ​ക​കി​രീ​ട​ത്തി​നു​ ശേ​ഷം സു​പ്ര​ധാ​ന ട്രോ​ഫി​ക​ളൊ​ന്നും നേ​ടാ​നാ​കാ​ത്ത ടീം ​കിരീട വരൾച്ചയ്ക്ക് അറുതി വരുത്താനാണ് ഈ യൂറോകപ്പിനെത്തുന്നത്. മറുവശത്ത് എ​ഴു​തി​ത്ത​ള്ളാ​ൻ ക​ഴി​യാ​ത്ത സെ​ർ​ബി​യ​യാ​ണ് എ​തി​രാ​ളി​ക​ൾ.

പ​രി​ശീ​ല​ക​ൻ ഗാ​രെ​ത്ത് സൗ​ത്ഗേ​റ്റി​ന് കി​ഴീ​ൽ ഇം​ഗ്ല​ണ്ടി​ന്റെ അവസാ​ന ടൂ​ർ​ണ​മെ​ന്റാ​ണി​ത്. റ​യ​ൽ മാ​ഡ്രി​ഡിന് ത​ന്റെ അരങ്ങേ​റ്റ സീ​സ​ണി​ൽ​ ത​ന്നെ സ്പാ​നി​ഷ് ലാ ​ലി​ഗ​യി​ലും ചാ​മ്പ്യ​ൻ​സ് ലീ​ഗി​ലും ജേ​താ​ക്ക​ളാ​ക്കി​യ ജൂ​ഡ് ബെ​ല്ലി​ങ്ഹാ​മി​ലാ​ണ് പ്ര​ധാ​ന പ്ര​തീ​ക്ഷ.
ബ​യേ​ൺ മ്യൂ​ണി​ക്കി​നാ​യി ജ​ർ​മ​ൻ ബു​ണ്ട​സ് ലി​ഗ​യി​ൽ മി​ന്നും​പ്ര​ക​ട​നം ന​ട​ത്തി‍യ ഇം​ഗ്ലീ​ഷ് നാ​യ​ക​ൻ ഹാ​രി കെ​യ്നും കരുത്തായി കൂടെയുണ്ട്. സൗ​ദി പ്രോ ​ലി​ഗീ​ലും കി​ങ്സ് ക​പ്പി​ലും അ​ൽ ഹി​ലാ​ലി​നെ ജേ​താ​ക്ക​ളാ​ക്കി​യ സ്ട്രൈ​ക്ക​ർ അ​ല​ക്സാ​ണ്ട​ർ മി​ത്രോ​വി​ച് ആണ് സെർബിയൻ നിരയിലെ പ്രധാന താരം.
ഗ്രൂപ്പ് സിയിലെ മറ്റൊരു പോരാട്ടത്തിൽ സ്ലോവേനിയയും ഡെന്മാർക്കും തമ്മിൽ ഏറ്റുമുട്ടും. ഞായാറാഴ്ച്ച രാത്രി 9: 30 നാണ് മത്സരം. ഗ്രൂ​പ് ഡി ​മ​ത്സ​ര​ത്തി​ൽ നെ​ത​ർ​ല​ൻ​ഡ്സി​നെ പോ​ള​ണ്ട് നേ​രി​ടും. ഞായാറാഴ്ച്ച വൈകുന്നേരം 6:30 നാണ് മത്സരം. പ​രി​ക്കേ​റ്റ നായ​ക​ൻ റോ​ബ​ർ​ട്ട് ലെ​വ​ൻ​ഡോ​വ്സ്കി പോ​ളി​ഷ് സം​ഘ​ത്തി​നാ​യി ആ​ദ്യ മ​ത്സ​ര​ത്തി​ൽ ഇ​റ​ങ്ങി​ല്ല. മി​ഡ് ഫീൽ​ഡ​ർ ഫ്രാ​ങ്കി ഡി ​ജോങ്‌ ഇന്ന് ഓറഞ്ച് നിരയിൽ കളിക്കില്ല.

Continue Reading

Football

യൂറോകപ്പ്:ജയത്തോടെ തുടങ്ങാന്‍ ജര്‍മ്മനി, ആതിഥേയരെ വിറപ്പിക്കാന്‍ സ്‌കോട്ട്‌ലാന്റ്

2018, 2022 ലോകകപ്പുകളില്‍ ഗ്രൂപ്പ് ഘട്ടത്തില്‍ തന്നെ പുറത്തായ യൂറോപ്യന്‍ വമ്പന്‍മാര്‍ക്ക് യൂറോകപ്പ് കിരീടം നേടുന്നതിലൂടെ തങ്ങളുടെ പ്രതാപം വീണ്ടെടുക്കുക എന്നതാവും ലക്ഷ്യം.

Published

on

സ്വന്തം നാട്ടില്‍ നടക്കുന്ന യൂറോ കപ്പ് ജയത്തോടെ ആരംഭിക്കാന്‍ ലക്ഷ്യമിട്ട് ജര്‍മ്മനി ഇന്നിറങ്ങുന്നു. ഇന്ത്യന്‍ സമയം ശനിയാഴ്ച പുലര്‍ച്ചെ 12.30ന് നടക്കുന്ന മത്സരത്തില്‍ സ്‌കോട്ട്‌ലന്റാണ് ജര്‍മ്മനിയുടെ എതിരാളികള്‍. 2018, 2022 ലോകകപ്പുകളില്‍ ഗ്രൂപ്പ് ഘട്ടത്തില്‍ തന്നെ പുറത്തായ യൂറോപ്യന്‍ വമ്പന്‍മാര്‍ക്ക് യൂറോകപ്പ് കിരീടം നേടുന്നതിലൂടെ തങ്ങളുടെ പ്രതാപം വീണ്ടെടുക്കുക എന്നതാവും ലക്ഷ്യം. 2006 ലെ ലോകകപ്പിന് ശേഷം ജര്‍മനിയില്‍ എത്തുന്ന ആദ്യ മേജര്‍ ടൂര്‍ണമെന്റ് കൂടിയാണ് ഇത്തവണത്തേത്.

അതുകൊണ്ട് തന്നെ വിരമിച്ച മിഡ്ഫീല്‍ഡ് ടോണി ക്രൂസിനെയടക്കം തിരിച്ചുവിളിച്ച് കരുത്തുറ്റ നിരയുമായാണ് ജര്‍മ്മനി ഇറങ്ങുന്നത്. മിഡ്ഫീല്‍ഡാണ് ജര്‍മ്മനിയുടെ കരുത്ത്. റയല്‍ മാഡ്രിഡ് താരം ടോണി ക്രൂസിന് പുറമെ ബാഴ്‌സലോണയുടെ ഇല്‍കായ് ഗുണ്ടോഗന്‍, ബയേണ്‍ മ്യൂണിക് താരങ്ങളായ ജമാല്‍ മുസിയാല, ലിറോയ് സാനെ, ബയേര്‍ ലെവര്‍കുസന്റെ അപരാജിത കുതിപ്പില്‍ നിര്‍ണായക പങ്കുവഹിച്ച ഫ്‌ലോറിയന്‍ വിര്‍ട്‌സ് എന്നിവരെല്ലാം അടങ്ങിയ മധ്യ നിര ഒരേ സമയം മുന്നേറ്റത്തിലേക്ക് പന്ത് ചലിപ്പിക്കാനും എതിര്‍മുന്നേറ്റത്തിന്റെ മുന്നേറ്റത്തിന്റെ മുനയൊടിക്കാനും കഴിയുള്ളവരാണ്. ലിവര്‍പൂള്‍ സൂപ്പര്‍ താരം ആന്‍ഡി റോബര്‍ട്ട്സണ്‍ എന്ന നായകനിലാണ് സ്‌കോട്ട്‌ലാന്‍ഡ് പ്രതീക്ഷ വെക്കുന്നത്. കാല്‍മുട്ടിന് പരിക്കേറ്റ സ്ട്രൈക്കര്‍ ലിന്‍ഡണ്‍ ഡൈക്സ് പുറത്തായത് സ്‌കോട്ട്‌ലാന്ഡിന് തിരിച്ചടിയാണ്.

Continue Reading

Football

യൂറോകപ്പ്; എല്ലാ വമ്പന്മാരും ജര്‍മന്‍ മണ്ണിലെത്തി…

Published

on

സഹീലു റഹ്മാന്‍

യൂറോ കപ്പ് 2024 നു നാളെ രാത്രി 12:30 ഓടെ തിരി തെളിയും. ഉല്‍ഘാടന മത്സരത്തില്‍ ആതിഥേയരായ ജര്‍മനി സ്‌കോട്ട്‌ലന്റിനെ നേരിടും. ശനി ഞായര്‍ തിങ്കള്‍ ദിവസങ്ങളിലായി പോര്‍ച്ചുഗല്‍, ഫ്രാന്‍സ്, ഇംഗ്ലണ്ട്, സ്‌പെയിന്‍ ഹോളണ്ട്, ഇറ്റലി തുടങ്ങിയ കൊലകൊമ്പന്മാര്‍ ഗ്രൂപ്പ് സ്റ്റേജിലെ തങ്ങളുടെ ആദ്യ മത്സരത്തിനിറങ്ങും.

വമ്പന്മാര്‍ അരങ്ങു വാഴാന്‍പോകുന്ന ജര്‍മന്‍ മണ്ണില്‍ നിന്നും ഇത്തവണ ആരായിരിക്കും യൂറോപ്പിന്റെ ഈ സ്വപ്ന കിരീടത്തില്‍ മുത്തമിടുന്നതെന്ന് ആരാധകര്‍ ഉറ്റുനോക്കുന്നത്.

ബെര്‍ലിന്‍, കൊളോണ്‍, ഡോര്‍ട്ട്മുണ്ട്, ഡസല്‍ഡോര്‍ഫ്, ഫ്രാങ്ക്ഫര്‍ട്ട്, ഗെല്‍സെന്‍കിര്‍ച്ചന്‍, ഹാംബര്‍ഗ്, ലീപ്‌സിംഗ്, മ്യൂണിക്, സ്റ്റട്ട്ഗാര്‍ട്ട് എന്നീ പത്ത് നഗരങ്ങളിലാണ് യൂറോ കപ്പ് വേദികള്‍ സജ്ജമാക്കിയിരിക്കുന്നത്. 51 മത്സരങ്ങളുള്ള ടൂര്‍ണമെന്റില്‍ ആറ് ഗ്രൂപ്പുകളിലായി 24 ടീമുകള്‍ പങ്കെടുക്കും. ടൂര്‍ണമെന്റിന്റെ ഗ്രൂപ്പ് ഘട്ടം ജൂണ്‍ 26 വരെ നീളും.

തുടര്‍ന്ന് 16 ടീമുകളുടെ നോക്കൗട്ട് മത്സരങ്ങള്‍ ജൂണ്‍ 29 ന് ആരംഭിക്കും. ഗ്രൂപ്പിലെ ഒന്നും രണ്ടും സ്ഥാനങ്ങളിലെത്തുന്ന ടീമുകള്‍ക്ക് നോക്ക് ഔട്ട് മത്സരങ്ങള്‍ കളിക്കാം. ഇതിന് പുറമെ നാല് മൂന്നാം സ്ഥാനക്കാര്‍ക്കും നോക്ക് ഔട്ടിലെത്താം.

ടീം സ്‌ട്രെങ്ത് എടുത്താല്‍ ഫ്രാന്‍സും ഇംഗ്ലണ്ടും ഒരുപോലെ മികച്ചു നില്‍ക്കുന്നു. ടോപ് സ്‌കോറര്‍ പട്ടം നേടാന്‍ എംബാപ്പെയും ഹാരികെയ്‌നും തയ്യാറായി കഴിഞ്ഞു. പൊതുവെ ആക്രമണ ഫുട്‌ബോളിന് പേരുകേട്ടതാണ് യൂറോ കപ്പ്. നിലവിലെ ജേതാക്കളായ ഇറ്റലി കിരീടം നിലനിര്‍ത്താന്‍ പന്തു തട്ടുമ്പോള്‍, 1966 ശേഷം കിരീടമില്ലാത്ത ഇംഗ്ലണ്ട് ഇത്തവണ കിരീടത്തിന് കുറഞ്ഞതൊന്നും പ്രതീക്ഷിക്കുന്നില്ല.

കുഞ്ഞന്മാരെ ആരും ചെറുതായി കാണുന്നില്ല.സ്ലോവേനിയ, സെര്‍ബിയ,ഓസ്ട്രിയ,റോമാനിയ എന്നിങ്ങനെയുള്ളവരും മികച്ച സ്‌ക്വാഡുമായി യൂറോയില്‍ പന്തു തട്ടും.

റോണോള്‍ഡോയുടെ ബലത്തിലാണ് പോര്‍ചുഗല്‍ ഇറങ്ങുന്നത്. 2016ല്‍ സാക്ഷാല്‍ പോഗ്ബയുടെ ഫ്രാന്‍സിനെ തകര്‍ത്താണ് അണ്ണനും സംഘവും കിരീടം ചൂടിയത്. എല്ലാ ടീമും ഒന്നിനൊന്ന്് മികച്ചതാണ്. അങ്ങനെ വരുമ്പോള്‍ ഫുട്‌ബോള്‍ പ്രേമികള്‍ക്ക് നല്ലൊരു കാല്‍പന്ത് ആരവം കാണാം. ജൂലൈ 14 ന് ജര്‍മ്മന്‍ തലസ്ഥാനമായ ബെര്‍ലിനില ഒളിമ്പിയ സ്റ്റേഡിയത്തിലായിരിക്കും യൂറോ-2024 ന്റെ ഫൈനല്‍.

ഗ്രൂപ്പും ടീമുകളും

ഗ്രൂപ്പ് എ: ജര്‍മ്മനി, സ്‌കോട്ട്‌ലാന്റ്, ഹംഗറി, സ്വിറ്റ്‌സര്‍ലാന്റ്
ഗ്രൂപ്പ് ബി: സ്‌പെയിന്‍, ക്രൊയേഷ്യ, ഇറ്റലി, അല്‍ബേനിയ
ഗ്രൂപ്പ് സി: സ്ലോവേനിയ, ഡെന്‍മാര്‍ക്, സെര്‍ബിയ, ഇംഗ്ലണ്ട്
ഗ്രൂപ്പ് ഡി: പോളണ്ട്, നെതര്‍ലാന്റ്‌സ്, ഓസ്ട്രിയ, ഫ്രാന്‍സ്
ഗ്രൂപ്പ് ഇ: ബെല്‍ജിയം, സ്ലോവാക്യ, റൊമാനിയ, യുക്രയ്ന്‍
ഗ്രൂപ്പ് എഫ്: തുര്‍ക്കി, ജോര്‍ജിയ, പോര്‍ച്ചുഗല്‍, ചെക്‌റിപബ്ലിക്‌

 

Continue Reading

Trending