മാഞ്ചസ്റ്റര്‍: പ്രീമിയര്‍ ലീഗ് ക്ലബ്ബ് മാഞ്ചസ്റ്റര്‍ സിറ്റിയുടെ രണ്ട് താരങ്ങള്‍ക്ക് കോവിഡ്. റിയാദ് മെഹ്‌റെസ്, ഐമെറിക് ലപോര്‍ട്ടെ എന്നിവര്‍ക്കാണ് കോവിഡ് സ്ഥിരീകരിച്ചത്.രണ്ട് താരങ്ങള്‍ക്കും ലക്ഷണങ്ങള്‍ ഒന്നും ഉണ്ടായിരുന്നില്ല. ഇരുവരും സെല്‍ഫ് ഐസൊലേഷനിലാണ്. സിറ്റി തന്നെയാണ് സോഷ്യല്‍ മീഡിയയിലൂടെ ഇക്കാര്യം അറിയിച്ചത്.സെപ്റ്റംബര്‍ 12നാണ് പ്രീമിയര്‍ ലീഗ് 2020-21 സീസണ്‍ ആരംഭിക്കുന്നത്. സെപ്റ്റംബര്‍ 21ന് വോള്‍വര്‍ഹാംപ്ടണെതിരെയാണ് സിറ്റിയുടെ ആദ്യ മത്സരം.

നേരത്തെ ഫ്രഞ്ച് ക്ലബ്ബ് പി.എസ്.ജിയുടെ ആറു താരങ്ങള്‍ക്ക് കോവിഡ് സ്ഥിരീകരിച്ചിരുന്നു. ഇതുകൂടാതെ സ്പാനിഷ് ക്ലബ്ബ് അത്‌ലറ്റിക്കോ മാഡ്രിഡിന്റെ രണ്ടു താരങ്ങള്‍ക്ക് കൂടി കോവിഡ് സ്ഥിരീകരിച്ചു.ബ്രസീലിയന്‍ താരം മാര്‍ക്വീഞ്ഞോസ്, അര്‍ജന്റീനയുടെ സ്‌െ്രെടക്കര്‍ മൗറോ ഇകാര്‍ഡി, കോസ്റ്ററിക്കന്‍ ഗോള്‍കീപ്പര്‍ കെയ്‌ലര്‍ നവാസ്, നെയ്മര്‍, എയ്ഞ്ചല്‍ ഡി മരിയ, ലിയാന്‍ഡ്രൊ പെരഡസ് എന്നിവരാണ് കോവിഡ് ബാധിച്ച പി.എസ്.ജി താരഗങ്ങള്‍.സ്പാനിഷ് സ്‌െ്രെടക്കര്‍ ഡീഗോ കോസ്റ്റയ്ക്കും ഡിഫന്‍ഡര്‍ സാന്റിയാഗോ അരിയസിനുമാണ് അത്‌ലറ്റിക്കോ മാഡ്രിഡില്‍ കോവിഡ് സ്ഥിരീകരിച്ചത്.