More
വിഎസ്-മണി പോര് മുറുകുന്നു; ഉമ്മന്ചാണ്ടിയെ പുകഴ്ത്തി മണി
തിരുവനന്തപുരം: മൂന്നാറിലെ അനധികൃത കയ്യേറ്റങ്ങളുടെ പേരില് ഭരണപരിഷ്കാര കമ്മീഷന് ചെയര്മാന് വി.എസ് അച്യുതാനന്ദനും വൈദ്യുതിമന്ത്രി എം.എം മണിയും തമ്മില് ആരംഭിച്ച വാക്പോര് മുറുകുന്നു. തന്നെ കയ്യേറ്റമാഫിയയുടെ ആളായി ചിത്രീകരിച്ച അച്യുതാനന്ദനെതിരെ ആഞ്ഞടിച്ച് മന്ത്രി എം.എം മണി വീണ്ടും രംഗത്തെത്തി.
ഭൂമാഫിയയുടെ ആളാരാണെന്ന് എല്ലാവര്ക്കും അറിയാമെന്നാണ് വി.എസിന്റെ പേര് പരാമര്ശിക്കാതെ മണി വിമര്ശിക്കുന്നത്. പരസ്യപ്രസ്താവനക്ക് പാര്ട്ടി വിലക്ക് നിലനില്ക്കുന്നതിനാലാണ് താന് കൂടുതലൊന്നും പറയാത്തതെന്നും ഉമ്മന്ചാണ്ടിയുടെ മാന്യതപോലും വി.എസിനില്ലെന്നും മണി തുറന്നടിച്ചു.
മൂന്നാറില് ടാറ്റാക്ക് അമ്പതിനായിരം ഏക്കര് അനധികൃത കയ്യേറ്റ ഭൂമിയുണ്ടെന്ന് പറഞ്ഞാണ് പണ്ട് വി.എസ് ഞങ്ങളെ സമരത്തിന് ഇറക്കിയത്. എന്നാല് ഇതേക്കുറിച്ച് വി.എസ് പിന്നീടൊന്നും പറഞ്ഞില്ല. ദേവികുളം എം.എല്.എ എസ്. രാജേന്ദ്രന്റെ ഭൂമിയുടെ കാര്യത്തില് വി.എസ് മര്യാദ കാട്ടിയില്ലെന്നും വി.എസിന് ഓര്മക്കുറവുണ്ടെന്നും അദ്ദേഹം പറയുന്നതിനൊന്നും മറുപടി പറയാതിരിക്കുന്നതാണ് അന്തസ്സെന്നും മണി പറഞ്ഞു. അതേസമയം ഇന്നലെ വിവാദങ്ങള്ക്ക് മറുപടി പറയാതിരുന്ന വി.എസ്, ടാറ്റയുടെ കയ്യേറ്റം ഒഴിപ്പിക്കുന്ന കാര്യത്തില് മന്ത്രി മണിയുടെ പ്രസ്താവനയെ സ്വാഗതം ചെയ്യുന്നതായി പ്രസ്താവനയിറക്കി. ഇതിനായി പ്രത്യേക ദൗത്യസംഘത്തെ നിയോഗിക്കണമെന്നും വി.എസ് ആവശ്യപ്പെട്ടു. മൂന്നാറിലെ അനധികൃത കയ്യേറ്റവുമായി ബന്ധപ്പെട്ട് വി.എസിന് മറുപടിയുമായി എം.എം മണി വീണ്ടും രംഗത്ത് എത്തിയതോടെ വിഷയം പാര്ട്ടിയിലും മുന്നണിയിലും സര്ക്കാറിലും വന്വിവാദത്തിന് വഴിതെളിച്ചിരിക്കുകയാണ്.
കഴിഞ്ഞദിവസം വി.എസ് നടത്തിയ വാര്ത്താസമ്മേളനത്തില് ഭൂമി കയ്യേറുന്നവര് ഭൂമാഫിയയുടെ ആളാണെന്ന കാര്യത്തില് സംശയമില്ലെന്ന പരാമര്ശമാണ് എം.എം മണിയെ ചൊടിപ്പിച്ചത്. കയ്യേറ്റം ഒഴിപ്പിക്കാന് ആര്ജവത്തോടെ മുതിരുന്നവരുടെ കൈവെട്ടും കാല്വെട്ടും രണ്ടുകാലില് നടക്കാന് അനുവദിക്കില്ല എന്നൊക്കെ വിളിച്ചു പറയുന്ന ഭൂമാഫിയയെ സര്ക്കാര് നിലക്ക് നിര്ത്തണമെന്നും വാര്ത്താ സമ്മേളനത്തില് വി.എസ് ആവശ്യപ്പെട്ടിരുന്നു. വേണ്ടിവന്നാല് താന് വീണ്ടും മൂന്നാറിലേക്ക് പോകുമെന്ന മുന്നറിയിപ്പും ദേവികുളം സബ് കലക്ടര് ശ്രീറാം വെങ്കിട്ടറാമിന് പിന്തുണയും വി.എസ് നല്കിയിരുന്നു.
മൂന്നാര് കയ്യേറ്റത്തെക്കുറിച്ച് വി.എസ് കാര്യങ്ങള് പഠിക്കുന്നില്ലെന്നായിരുന്നു തുടക്കത്തില് എം.എം മണി പറഞ്ഞത്. അതിന് മറുപടി നല്കിയ വി.എസിന്റെ വാക്കുകള് ഇങ്ങനെയായിരുന്നു: ”ആരാണ് കാര്യങ്ങള് പഠിക്കാത്തതെന്ന് ജനങ്ങള്ക്കറിയാം. മൂന്നാറില് കൈയേറ്റമില്ലെന്നാണല്ലോ ആ വിദ്വാന് പറയുന്നത്. ഇതെല്ലാം ഭൂമാഫിയയെ സഹായിക്കാനാണ്.” എസ്. രാജേന്ദ്രന് എം.എല്.എയെ സംരക്ഷിക്കാനുള്ള മുഖ്യമന്ത്രി പിണറായി വിജയന്റെ നീക്കത്തില് വി.എസ് അസംതൃപ്തനാണ്. ഭൂമാഫിയ ഗുണ്ടകളുടെ നിലവാരമുള്ളവരെ ജനങ്ങള് തിരിച്ചറിയുമെന്ന് വി.എസ് ചൂണ്ടിക്കാട്ടുന്നു.
News
അറിയാത്ത നമ്പര് വിളികള്ക്ക് ഇനി പരിഭ്രമം വേണ്ട: സിഎന്എപി സംവിധാനം കൊണ്ടുവരാന് ട്രായ്
ഇനി ട്രൂകോളര് പോലുള്ള മൂന്നാം കക്ഷി ആപ്പുകളില് ആശ്രയിക്കാതെ തന്നെ, വിളിക്കുന്നയാളുടെ യഥാര്ത്ഥ പേര് നേരിട്ട് കാള് സമയത്ത് മൊബൈലില് പ്രത്യക്ഷപ്പെടും.
അറിയാത്ത നമ്പരുകളില് നിന്നുള്ള ഫോണ്കോളുകള് വഴി വഞ്ചിക്കപ്പെടുന്ന സംഭവങ്ങള് ആവര്ത്തിക്കുമ്പോള്, ഇത്തരം പ്രശ്നങ്ങള്ക്ക് പരിഹാരമായി ടെലികോം റെഗുലേറ്ററി അതോറിറ്റി ഓഫ് ഇന്ത്യ പുതിയ സംവിധാനവുമായി മുന്നോട്ട് വന്നു. ഇനി ട്രൂകോളര് പോലുള്ള മൂന്നാം കക്ഷി ആപ്പുകളില് ആശ്രയിക്കാതെ തന്നെ, വിളിക്കുന്നയാളുടെ യഥാര്ത്ഥ പേര് നേരിട്ട് കാള് സമയത്ത് മൊബൈലില് പ്രത്യക്ഷപ്പെടും.
കോളര് നെയിം പ്രസെന്റഷന് (സിഎന്എപി) എന്നാണ് പുതിയ സംവിധാനത്തിന്റെ പേര്. രാജ്യത്തെ എല്ലാ ടെലികോം സേവനങ്ങളിലും 2026 മാര്ച്ചോടെ ഇത് നിര്ബന്ധമായും നടപ്പാക്കണമെന്ന് ടെലികോം വകുപ്പ് നിര്ദേശം നല്കിയിട്ടുണ്ട്.
വിശ്വാസ്യത വര്ധിപ്പിക്കുകയും തട്ടിപ്പ്, സ്പാം, ആള്മാറാട്ടം എന്നീ പ്രശ്നങ്ങള് കുറയ്ക്കുകയും ചെയ്യുകയാണ് സംവിധാനത്തിന്റെ ലക്ഷ്യം. 4ജി
, 5ജി നെറ്റ്വര്ക്കുകളില് ചില നഗരങ്ങളിലെ പരീക്ഷണ പ്രവര്ത്തനങ്ങള് വിജയകരമായി പൂര്ത്തിയായതായി ട്രായ് അറിയിച്ചു.
നിലവില് ട്രൂകോളര് തുടങ്ങിയ ആപ്പുകള് കാള് ചെയ്യുന്നയാളുടെ പേര് പ്രദര്ശിപ്പിക്കുന്നുണ്ടെങ്കിലും, ഉപയോക്താവിന് ഇഷ്ടമുള്ള പേരിടാന് സാധിക്കുന്നതിനാല് അതിന് വിശ്വാസ്യതാ പ്രശ്നങ്ങളുണ്ട്. പക്ഷേ ഇചഅജ വഴി, സിം കണക്ഷന് എടുക്കുമ്പോള് കെ.വൈ.സി അടിസ്ഥാനത്തില് നല്കിയ സര്ക്കാര് അംഗീകരിച്ച പേരാണ് കാള് സമയത്ത് കാണുക.
സ്പാം കോളുകളും തട്ടിപ്പുകളും കാര്യമായി കുറയുമെന്നാണ് ട്രായിയുടെ പ്രതീക്ഷ. ഉപയോക്താക്കള്ക്ക് അപേക്ഷകളൊന്നും നല്കാതെ ഈ സേവനം ലഭ്യമാകും. അതേസമയം ഈ ഫീച്ചര് ഉപയോഗിക്കാനില്ലെന്ന് ആഗ്രഹിക്കുന്നവര്ക്ക് ഒഴിവാക്കാനുള്ള ഓപ്ഷന് ലഭ്യമായിരിക്കും.
News
നാനോ ബനാന 2 ഉടന് വരുന്നു; പുതിയ ഇമേജ് ജനറേഷന് മോഡലിനെ കുറിച്ച് റിപ്പോര്ട്ടുകള് ആവേശം കൂട്ടുന്നു
സങ്കീര്ണമായ ഇമേജ് എഡിറ്റുകളും സ്വാഭാവിക ഭാഷ നിര്ദേശങ്ങളില് നിന്ന് ദൃശ്യങ്ങള് സൃഷ്ടിക്കുന്ന കഴിവുമാണ് ഇതിനെ ജനപ്രിയമാക്കിയത്.
ജെമിനിയുടെ ഇമേജ് ജനറേഷന് ടൂളായ നാനോ ബനാന പുറത്തിറങ്ങി മാസങ്ങള്കൊണ്ടുതന്നെ ഉപയോക്താക്കളെ ആകര്ഷിച്ചിരുന്നു. സങ്കീര്ണമായ ഇമേജ് എഡിറ്റുകളും സ്വാഭാവിക ഭാഷ നിര്ദേശങ്ങളില് നിന്ന് ദൃശ്യങ്ങള് സൃഷ്ടിക്കുന്ന കഴിവുമാണ് ഇതിനെ ജനപ്രിയമാക്കിയത്. ഇപ്പോള് ഇതിന്റെ അടുത്ത പതിപ്പായ നാനോ ബനാന 2-നെക്കുറിച്ച് വലിയ പ്രതീക്ഷകളാണ്. പുറത്ത് വരുന്ന സൂചനകള് പ്രകാരം പുതിയ പതിപ്പിന്റെ ഔദ്യോഗിക ലോഞ്ചിങ് ഉടന് നടക്കാനാണ് സാധ്യത.
പ്രതീക്ഷ ഉയര്ത്തിയത്, കഴിഞ്ഞ ദിവസങ്ങളില് ചില ഉപയോക്താക്കള്ക്ക് നാനോ ബനാന 2 ഉപയോഗിക്കാന് കഴിഞ്ഞതും അവര് സൃഷ്ടിച്ച ചിത്രങ്ങള് സമൂഹമാധ്യമങ്ങളില് പ്രചരിക്കുകയും ചെയ്തതുമാണ്. എന്നാല് ലോഞ്ചിങ് തീയതിയെക്കുറിച്ച് ഗൂഗിള് ഇതുവരെ പ്രതികരിച്ചിട്ടില്ല.
ജെമിനി 2.5 ഫ്ലാഷ് മോഡലിന്റെ തുടര്ച്ചയായ നാനോ ബനാന 2 ചിത്രങ്ങളുടെ കൃത്യത, റെന്ഡറിങ് ഗുണനിലവാരം, ഇന്ഫോഗ്രാഫിക്സ്, ചാര്ട്ടുകള്, നിര്ദ്ദേശങ്ങള് പിന്തുടരല് തുടങ്ങിയ മേഖലകളില് വലിയ പരിഷ്കാരങ്ങളോടെയാണ് വരുന്നതെന്നാണ് റിപ്പോര്ട്ടുകള്. ഉയര്ന്ന റെസല്യൂഷന് ഡൗണ്ലോഡുകളും ഒന്നിലധികം വീക്ഷണാനുപാതങ്ങളും (9:16, 16:9 എന്നിവ) പിന്തുണയ്ക്കുന്ന പുതിയ പതിപ്പ് സോഷ്യല് മീഡിയ പോസ്റ്റുകള്ക്കും പ്രൊഫഷണല് അവതരണങ്ങള്ക്കും കൂടുതല് അനുയോജ്യമാകും.
പുതിയ മോഡലില് ചിത്ര നിര്മ്മാണം പല ഘട്ടങ്ങളിലായാണ് നടക്കുകപ്ലാന് ചെയ്യല്, വിലയിരുത്തല്, സ്വയം അവലോകനം എന്നിവയിലൂടെ അന്തിമ ചിത്രം കൂടുതല് യാഥാര്ഥ്യത്തോടും കൃത്യതയോടും കൂടി ലഭ്യമാക്കും. നാനോ ബനാന 2 ജെമിനി 3 പ്രോ ഇമേജ് മോഡലിലാണ് പ്രവര്ത്തിക്കുന്നത്.
പ്രശസ്തരുടേതടക്കം ഉയര്ന്ന കൃത്യതയുള്ള ചിത്രങ്ങള് സൃഷ്ടിക്കാനും വ്യത്യസ്ത പശ്ചാത്തലങ്ങളില് ക്രിയേറ്റീവ് പ്രോംപ്റ്റുകള് ഉപയോഗിച്ച് അവയെ ഇഷ്ടാനുസൃതമാക്കാനും നാനോ ബനാന 2 സഹായിക്കുന്നുവെന്നാണ് റിപ്പോര്ട്ടുകള്. ഉപയോക്താക്കളുടെ ചിത്രങ്ങള് എഡിറ്റ് ചെയ്യാനായി ‘എഡിറ്റ് വിത്ത് ജെമിനി’ എന്ന ഫീച്ചറും ലഭ്യമാകും.
kerala
മത്സരിക്കാന് ആകുമോ എന്നത് രണ്ടാമത്തെ കാര്യം, പിന്നില് വേറെയും ആളുകളുണ്ടാകും; വൈഷ്ണ
“25 വര്ഷമായി സിപിഎമ്മിന്റെ സിറ്റിംഗ് സീറ്റാണ് മുട്ടട. അതിന്റെ ഭാഗമായായിരിക്കും ഇത്തരം സംഭവങ്ങള് ഉണ്ടായത്”
തിരുവനന്തപുരം: സ്ഥാനാര്ഥി പട്ടികയില് നിന്ന് പേര് നീക്കം ചെയ്തെന്ന വിവരം ഇതുവരെ ലഭിച്ചിട്ടില്ലെന്ന് മുട്ടട യുഡിഎഫ് സ്ഥാനാര്ഥിയായി തീരുമാനിച്ചിരുന്ന വൈഷ്ണ. മാധ്യമങ്ങളിലൂടെയാണ് താന് കാര്യങ്ങള് അറിഞ്ഞത്. മറ്റു കാര്യങ്ങള് പാര്ട്ടി നോക്കുമെന്നും മത്സരിക്കാന് കഴിയുമോ ഇല്ലയോ എന്നുള്ളത് രണ്ടാമത്തെ കാര്യമാണെന്നും വൈഷ്ണ പറഞ്ഞു.
പരാതിപ്പെട്ടത് സിപിഎം ബ്രാഞ്ച് കമ്മറ്റി അംഗം ആണെങ്കിലും അത് അദേഹത്തിന്റെ പരാതി മാത്രം ആയി കാണുന്നില്ല. മറ്റു ആളുകളും ഇതിന് പിന്നില് കാണും. ആദ്യം മുതല് ജയിക്കും എന്ന ഒരു ട്രെന്ഡ് വന്നിട്ടുണ്ടായിരുന്നു. 25 വര്ഷമായി സിപിഎമ്മിന്റെ സിറ്റിംഗ് സീറ്റാണ് മുട്ടട. അതിന്റെ ഭാഗമായായിരിക്കും ഇത്തരം സംഭവങ്ങള് ഉണ്ടായതെന്നും വൈഷ്ണ പ്രതികരിച്ചു.
കോടതിയെ സമീപിക്കണോ തെരഞ്ഞെടുപ്പ് കമ്മീഷനെ സമീപിക്കണമോ എന്ന് പാര്ട്ടി തീരുമാനിക്കുമെന്നും വൈഷ്ണ വ്യക്തമാക്കി.
അതേസമയം, പരാതിക്കാരനായ ധനേഷ് കുമാര് അയാളുടെ വിലാസത്തില് 20 പേരുടെ വോട്ട് ചേര്ത്തിട്ടുണ്ടെന്ന് ഡിസിസി ഭാരവാഹി മുട്ടട അജിത് പറഞ്ഞു. മുട്ടട വാര്ഡിലെ അഞ്ചാം നമ്പര് ബൂത്തില് ആണ് വോട്ട് ചേര്ത്തത്. രണ്ടു മുറി വീട്ടില് എങ്ങനെയാണ് 20 പേര് താമസിക്കുക എന്നും ഇതിനെതിരെയും കോടതിയെ സമീപിക്കുമെന്നും അജിത് കൂട്ടിച്ചേര്ത്തു.
-
india2 days agoമുഹമ്മദ് അഖ്ലാഖ് കേസിലെ പ്രതികള്ക്കെതിരായ കേസ് പിന്വലിക്കാന് യു.പി. സര്ക്കാര് നീക്കം തുടങ്ങി
-
kerala2 days ago500 രൂപയുടെ കള്ളനോട്ടുകളുമായി വിദ്യാര്ത്ഥികള് ഉള്പ്പെടെ അഞ്ചുപേര് അറസ്റ്റില്
-
kerala2 days agoതദ്ദേശ തെരഞ്ഞെടുപ്പില് സ്ഥാനാര്ത്ഥി നിര്ണയത്തില് അവഗണിക്കപ്പെട്ടതില് മനംനൊന്ത് ആര്എസ്എസ് പ്രവര്ത്തകന് ആത്മഹത്യ ചെയ്തു
-
GULF2 hours agoമക്കമദീന ഹൈവേയില് ഭീകരാപകടം: ഉംറ ബസ് കത്തി, 40 പേര് മരിച്ചു
-
kerala2 days agoസഹപ്രവര്ത്തകയെ പീഡിപ്പിക്കാന് ശ്രമിച്ച പൊലീസ് അസോസിയേഷന് നേതാവിനെതിരെ കേസ്
-
kerala2 days agoപ്ലസ് ടു വിദ്യാര്ത്ഥിനിയെ പീഡിപ്പിച്ച കേസില് യുവാവ് അറസ്റ്റില്
-
News1 day agoസൂപ്പര് ലീഗ് കേരള: കൊച്ചിക്ക് തുടര്ച്ചയായ ഏഴാം തോല്വി; തിരുവനന്തപുരം കൊമ്പന്സ് ഏക ഗോളിന് വിജയം
-
Video Stories14 hours agoജാതി വിവേചനം; മലപ്പുറം ബിജെപിയില് പൊട്ടിത്തെറി, ബിജെപി നേതാവ് രാജിവച്ചു