Connect with us

kerala

എകെജി സെന്ററിലെ കേക്കു മുറി : കേസെടുക്കണമെന്ന് പരാതി

Published

on

തിരുവനന്തപുരം: ട്രിപ്പിള്‍ ലോക്‌ഡോണ്‍ നിലനില്‍ക്കുന്ന തിരുവനന്തപുരം ജില്ലയില്‍ മുഖ്യമന്ത്രിയടക്കം എല്‍ഡിഎഫ് നേതാക്കള്‍ വിജയാഘോഷം നടത്തിയതിനെതിരെ ജില്ലാ കളക്ടര്‍ക്കും ഡിജിപിക്കും പരാതി. അഡ്വക്കേറ്റ് മുനീറാണ് പരാതി നല്‍കിയത്. കോവിഡ് മാനദണ്ഡങ്ങള്‍ പാലിക്കാതെ വിജയാഘോഷത്തില്‍ പങ്കെടുത്ത 16 പേര്‍ക്കെതിരെ പകര്‍ച്ചവ്യാധി നിരോധനം നിയമപ്രകാരം കേസെടുക്കണമെന്നാണ് പരാതിക്കാരന്റെ ആവശ്യം. കേക്ക് മുറിക്കുന്ന ചിത്രം സഹിതമാണ് പരാതി നല്‍കിയിരിക്കുന്നത്.

 

kerala

ഡ്യൂട്ടി സമയത്ത് സ്വകാര്യ ക്ലിനിക്കില്‍ ജോലി; സര്‍ക്കാര്‍ ഡോക്ടറെ സസ്‌പെൻഡ് ചെയ്തു

കുഴിമണ്ണ കുടുംബാരോഗ്യ കേന്ദ്രത്തിലെ അസിസ്റ്റന്റ് സർജൻ ഡോ.അബ്ദുല്‍ ജലീലിനെയാണ് ജോലിയില്‍ നിന്ന് സസ്പെൻഡ് ചെയ്തത്.

Published

on

ഡ്യൂട്ടി സമയത്ത് സ്വകാര്യ ക്ലിനിക്കില്‍ ജോലി ചെയ്ത സർക്കാർ ഡോക്ടർക്ക് സസ്പെൻഷൻ. കുഴിമണ്ണ കുടുംബാരോഗ്യ കേന്ദ്രത്തിലെ അസിസ്റ്റന്റ് സർജൻ ഡോ.അബ്ദുല്‍ ജലീലിനെയാണ് ജോലിയില്‍ നിന്ന് സസ്പെൻഡ് ചെയ്തത്.

കുടുംബാരോഗ്യ കേന്ദ്രത്തില്‍ ഡ്യൂട്ടി സമയം പൂർത്തിയാക്കാതെ ഇയാള്‍ സ്വകാര്യ ക്ലിനിക്കില്‍ ജോലി ചെയ്തതിനാണ് നടപടി ഉണ്ടായത്.

അബ്ദുല്‍ ജലീല്‍ ഡ്യൂട്ടി സമയത്ത് മറ്റ് സ്വകാര്യ ക്ലിനിക്കില്‍ ജോലി ചെയ്യുന്നതായി വ്യാപകമായി പരാതി വന്നിരുന്നു. ഇതിന്റെ അടിസ്ഥാനത്തില്‍ നടത്തിയ അന്വേഷണത്തില്‍ കഴിഞ്ഞ ശനിയാഴ്ചയാണ് വിജിലൻസ് ഇയാളെ പിടികൂടിയത്.

Continue Reading

kerala

ടിപി വധം: ‘ഇനി കാരണഭൂതനെ കണ്ടെത്തണം’; വിധി സ്വാഗതം ചെയ്ത് ചെന്നിത്തല

‘സർവ്വീസ് പ്രൊവൈഡേഴ്സാ’ണ് അന്വേഷണത്തിന് തടസ്സമായതെന്നും ചെന്നിത്തല പറഞ്ഞു.

Published

on

 ടി പി ചന്ദ്രശേഖരൻ വധക്കേസിൽ ഹൈക്കോടതി വിധി സ്വാഗതാർഹമെന്ന് കോൺ​ഗ്രസ് നേതാവ് രമേശ് ചെന്നിത്തല. കൂടുതൽ നിയമപോരാട്ടങ്ങൾക്ക് പിന്തുണ നൽകും. ഇനി കാരണഭൂതനെ കണ്ടെത്തണം. ഗൂഢാലോചന അന്വേഷിക്കപ്പെടണം. ‘സർവ്വീസ് പ്രൊവൈഡേഴ്സാ’ണ് അന്വേഷണത്തിന് തടസ്സമായതെന്നും ചെന്നിത്തല പറഞ്ഞു.

വരുന്ന ലോക്സഭാ തിരഞ്ഞെടുപ്പിൽ ടിപി വധം വടകരയിൽ ചർച്ച ചെയ്യപ്പെടും. കൊലപാതകത്തിലെ മാസ്റ്റർ മൈൻഡ് ആരാണെന്ന് വ്യക്തമാണ്. പിണറായി വിജയന്‍ അധികാരത്തിൽ വന്നതുകൊണ്ട് മാത്രമാണ് കൊലപാതകം കുറഞ്ഞത്. ഭരണത്തിൽ നിന്ന് പുറത്തുപോയാൽ ഏറ്റവും അധികം കൊലപാതകം നടത്തുന്ന പാർട്ടി സിപിഎമ്മാണെന്നും ചെന്നിത്തല ആരോപിച്ചു.

കൊലപാതകം ന്യായീകരിക്കുന്ന നിലപാടാണ് എൽഡിഎഫ് കൺവീനർ ഇ പി ജയരാജൻ നടത്തിയതെന്ന് ചെന്നിത്തല കുറ്റപ്പെടുത്തി. കുറ്റവാളികളെ സംരക്ഷിക്കുന്ന നിലപാടായിപ്പോയി. ഇതോടെ കൊലപാതകത്തിൽ സിപിഎം പങ്ക് വ്യക്തമാവുകയാണ്. എൽഡിഎഫ് കൺവീനർ കൊലപാതകത്തെ ഒരിക്കലും ന്യായീകരിക്കാൻ പാടില്ലായിരുന്നു. ഇത് തന്നെയാണോ ഗോവിന്ദന്റെ നിലപാട് എന്ന് തനിക്ക് അറിയണമെന്നും ചെന്നിത്തല ആവശ്യപ്പെട്ടു.

ടി പി ചന്ദ്രശേഖരൻ വധക്കേസില്‍ ഒരു കുറ്റവാളിയെയും രക്ഷിക്കാൻ സിപിഎം ശ്രമിച്ചിട്ടില്ലെന്നായിരുന്നു എല്‍ഡിഎഫ് കണ്‍വീനര്‍ ഇ പി ജയരാജന്റെ വാക്കുകൾ. അന്തിമവിധി പ്രഖ്യാപനമല്ല വന്നത്. സിപിഎമ്മുകാരെ വെറുതെ വിട്ടതിലും തൂക്കിക്കൊല്ലാത്തതിലും വിഷമമുള്ളവർ ഉണ്ടാകാം. നിരപരാധികൾക്ക് ഇനിയും കോടതിയെ സമീപിക്കാമെന്ന് അദ്ദേഹം പറഞ്ഞു. ഇത് കേരളമാണ്, മതേതര നാടാണ്. ഇത്തവണ കോണ്‍ഗ്രസ് 20 ഇൽ 20 ഉം നേടും. നരേന്ദ്രമോദി ആകെ പേടിച്ചിരിക്കുകയാണ്. മോദിയും ബിജെപിയും പരിഭ്രമത്തിലാണ്. മോദി സർക്കാർ ഇനിയും അധികാരത്തിൽ വരാൻ പോകുന്നില്ലെന്നും ചെന്നിത്തല കൂട്ടിച്ചേർത്തു

ടി പി ചന്ദ്രശേഖരൻ വധക്കേസില്‍ പ്രതികള്‍ക്ക് വധശിക്ഷ ഇല്ല. ഒന്നു മുതല്‍ അഞ്ചുവരെയുള്ള പ്രതികളുടെയും ഏഴാം പ്രതിയുടെയും ജീവപര്യന്തം ഇരട്ട ജീവപര്യന്തമായി ഉയർത്തി. ഇവർക്ക് 20 വർഷത്തേയ്ക്ക് ശിക്ഷാ ഇളവോ പരോളോ ഇല്ല. ഹൈക്കോടതി വിധി പ്രകാരം 2044 വരെ ഇവർക്ക് ജയിലിന് പുറത്തിങ്ങാന്‍ കഴിയില്ല. ഹൈക്കോടതി പുതിയതായി പ്രതിപട്ടികയില്‍ ഉള്‍പ്പെടുത്തിയ കെ കെ കൃഷ്ണന്‍, ജ്യോതി ബാബു എന്നിവർക്ക് ജീവപര്യന്തം ശിക്ഷയും വിധിച്ചു.

Continue Reading

Film

മലയാള സിനിമ റിലീസ് തടയില്ല, തുടരും; നിലപാട് മാറ്റി ഫിയോക്

കാര്യങ്ങൾ മുമ്പത്തെ പോലെ മുന്നോട്ടു പോകുമെന്നും ദിലീപ് വ്യക്തമാക്കി.

Published

on

നിലപാടിൽ അയവ് വരുത്തി തിയേറ്റർ ഉടമകളുടെ സംഘടനയായ ഫിയോക്. മലയാള സിനിമകൾ കേരളത്തിലെ തിയേറ്ററുകളിൽ റിലീസ് തുടരുമെന്നും സിനിമ മേഖലയിലെ പ്രശ്നങ്ങൾ ചർച്ച ചെയ്ത് പരിഹരിക്കുമെന്നും ഫിയോക്ക് ചെയർമാൻ ദിലീപ് പറഞ്ഞു. കാര്യങ്ങൾ മുമ്പത്തെ പോലെ മുന്നോട്ടു പോകുമെന്നും ദിലീപ് വ്യക്തമാക്കി.

ഫെബ്രുവരി 22ന് മലയാള ചിത്രങ്ങൾ റിലീസ് ചെയ്യുമെന്ന് ഫിയോക്ക് വ്യക്തമാക്കിയിരുന്നു. സിനിമകള്‍ തിയേറ്ററില്‍ റിലീസ് ചെയ്ത് വളരെ വേഗം ഒടിടി പ്ലാറ്റുഫോമുകൾക്ക് വിട്ടുകൊടുക്കുന്നതാണ് സമരത്തിന്റെ പ്രധാനകാരണമായി തിയേറ്റര്‍ ഉടമകള്‍ ചൂണ്ടിക്കാണിച്ചത്.
ഇത് കൂടാതെ ഷെയറിങ് രീതികളിൽ മാറ്റം വരുത്തണം, പബ്ലിസിറ്റി കോൺട്രിബ്യൂഷൻ, പേസ്റ്റിങ് ചാർജ് എന്നിവ പൂർണ്ണമായും നിർത്തലാക്കണം, വിപിഎഫ് ചാർജ് പ്രൊഡ്യൂസറോ ഡിസ്ട്രിബ്യൂട്ടറോ നൽകണം എന്നിവയും ഫിയോക്ക് മുന്നോട്ടു വച്ച പ്രധാന ആവശ്യങ്ങളിൽ പറയുന്നു.

Continue Reading

Trending