More
പെട്രോളും ഡീസലും കീശ കാലിയാക്കുന്നു, ഡീസലിന് റെക്കോര്ഡ് വില; ആര്ക്കും പ്രതിഷേധമില്ല
തിരുവനന്തപുരം: വിവാദങ്ങള് മാത്രം ചര്ച്ച ചെയ്യപ്പെടുന്നതിനിടെ സംസ്ഥാനത്ത് പെട്രോളിന്റെയും ഡീസലിന്റെയും വില കുതിച്ചുയരുന്നു. ഡീസല് വില റെക്കോര്ഡിലെത്തുകയും പെട്രോളിന് കഴിഞ്ഞ രണ്ടാഴ്ചക്കിടെ മാത്രം 1.87 രൂപ കൂടുകയും ചെയ്തിട്ടും എവിടെയും പ്രതിഷേധങ്ങള് ഉണ്ടാകുന്നില്ല. സംസ്ഥാന സര്ക്കാര് കേന്ദ്രവുമായി ഇക്കാര്യത്തില് ആശയവിനിമയം നടത്താന് ഇനിയും തയാറായിട്ടുമില്ല. ലിറ്ററിന് 66.79 രൂപയാണ് ഇന്നലത്തെ ഡീസല് വില. കഴിഞ്ഞ ആറുമാസത്തിനിടെ എട്ടു രൂപയിലേറെയാണ് ഡീസലിന് വര്ധിപ്പിച്ചത്. 74.83 രൂപയാണ് പെട്രോളിന്. പെട്രോളിന് ഒന്നര രൂപയോളമാണ് വര്ധിച്ചത്.
കഴിഞ്ഞവര്ഷം ജൂലൈയില് പെട്രോള് വില 66.93ഉം ഡീസലിന് 58.28 ഉം ആയിരുന്നു. ഏഴ് മാസത്തിനിടെ പെട്രോള്, ഡീസല് വിലകളില് യഥാക്രമം 7.97 രൂപയുടെയും 8.57 രൂപയുടെയും വര്ധനയാണ് ഉണ്ടായത്. ഡീസല് വിലയിലെ കുതിപ്പ് സാധാരണക്കാരുടെ ദൈനംദിന ജീവിതത്തെ നേരിട്ട് ബാധിക്കുന്നതാണ്.കേരളത്തില് ഡീസല് വില ലിറ്ററിന് ആദ്യമായാണ് 65 രൂപക്ക് മുകളിലാകുന്നത്. വില വര്ധന നേരിടാന് പെട്രോളിയം ഉല്പന്നങ്ങളുടെ നികുതി കുറയ്ക്കാന് സംസ്ഥാന സര്ക്കാര് തയാറാവണമെന്ന ആവശ്യം ശക്തമായിട്ടുണ്ട്. നേരത്തെ യു.ഡി.എഫ് സര്ക്കാരിന്റെ കാലത്ത് പെട്രോളിയം ഉല്പന്നങ്ങളില് നിന്നുള്ള നികുതി ഒഴിവാക്കിയിരുന്നു. 20-35 പൈസ വീതം ദിവസേനയുള്ള ക്രമാനുഗത വര്ധനയാണ് ഡീസലിന് ഉണ്ടായിരിക്കുന്നത്. 20-35 പൈസ വീതം വര്ധിക്കുന്നതു കൊണ്ടുതന്നെ ഉപഭോക്താക്കള് ഇത് ശ്രദ്ധിക്കാറില്ല. എന്നാല് ഓരോ ദിവസവും ഇത്തരത്തില് വര്ധിക്കുമ്പോള് ആഴ്ചയില് ശരാശരി രണ്ടു രൂപയും മാസത്തില് ഇത് എട്ടുരൂപയോ അതിനപ്പുറമോ ആയി ഉയരുകയാണ്. കൊച്ചിയില് ഇന്നലത്തെ ഡീസല് വില 65.31 രൂപയെങ്കില് കാസര്കോട് വില 66 കടന്നു. തിരുവനന്തപുരത്ത് 66.45 രൂപയാണ്. പെട്രോള് വിലയും സമാനമായി കുതിക്കുകയാണ്. പെട്രോളിയം കമ്പനികള് വില കൂട്ടുന്നതിന് ആനുപാതികമായി കേന്ദ്ര, സംസ്ഥാന സര്ക്കാരുകള് ഈടാക്കുന്ന നികുതി കൂടി ചേരുമ്പോഴാണ് ഇന്ധനവില സാധാരണക്കാരനെ പൊള്ളിക്കുന്നത്. കഴിഞ്ഞ ജൂണ് ഒന്നുമുതല് തുടങ്ങിയതാണ് വിലകൂട്ടല്. ഡിസംബര് ഒന്നിന് 67.71 രൂപയായിരുന്നു പെട്രോള് വില. ഇന്ധന വിലയിലുണ്ടാകുന്ന വര്ധന പച്ചക്കറികള് ഉള്പെടെയുള്ള നിത്യോപയോഗ സാധനങ്ങളുടെ ഗണ്യമായ വിലവര്ധനക്കാണ് ഇടയാക്കുന്നത്. ഡീസല് വില വര്ധന ചരക്ക് നീക്കത്തേയും പൊതുഗതാഗതത്തേയും ബാധിച്ചിട്ടുണ്ട്. വാഹനം ഉപയോഗിക്കുന്നവരുടെ മാത്രമല്ല, സാധാരണക്കാരുടെ ജീവിതത്തെ പോലും ഇത് തകിടംമറിക്കുന്നു.
ക്രൂഡ് ഓയില് വില വര്ധിച്ചെന്ന് ചൂണ്ടികാട്ടിയാണ് പെട്രോളിയം കമ്പനികള് ഒരു മാസത്തിനുള്ളില് പെട്രോള്, ഡീസല് ഉല്പന്നങ്ങളുെട വില ഇത്രകണ്ട് വര്ധിപ്പിച്ചത്. പെട്രോളിയം ഉല്പന്നങ്ങളെ ജി.എസ്.ടിയുടെ പരിധിയില് ഉള്പെടുത്തിയാല് വിലയില് കുറവുണ്ടാകും. എന്നാല് പെട്രോളിയം ഉല്പന്നങ്ങളെ ജി.എസ്.ടിയുടെ പരിധിയില് കൊണ്ടുവരാന് കേന്ദ്രസര്ക്കാര് തയാറായിട്ടില്ല. ദിവസവും രാവിലെ ആറുമണിക്കാണ് അന്നത്തെ വില നിശ്ചയിച്ച് മുംബൈയില് നിന്ന് പെട്രോളിയം കമ്പനികളുടെ നിര്ദേശം പെട്രോള് പമ്പുകളിലെത്തുന്നത്.
തിരുവനന്തപുരം: ഒന്പത് വര്ഷത്തെ കാത്തിരിപ്പിനൊടുവില് ലോകത്തിലെ അപൂര്വ ദുശ്യങ്ങളിലൊന്ന് കാമറയിലാക്കിയതിന്റെ സംതൃപ്തിയിലാണ് ന്യൂസ് ഫോട്ടോഗ്രാഫറായ കവിയൂര് സന്തോഷ്. പൗര്ണമി ദിനത്തില് ചന്ദ്രന്റെ വെള്ളിവെളിച്ചത്തിലുള്ള യാത്രാ വിമാനത്തിന്റെ ഛായാരൂപം. ഒരര്ത്ഥത്തില് പൂര്ണചന്ദ്രന്റെയുള്ളിലെ വിമാനം.
വിദേശരാജ്യങ്ങളില് പൂര്ണചന്ദ്രന്റെ പശ്ചാത്തലത്തില് വിമാനത്തിന്റെ ചിത്രമെടുക്കുന്നതു മാത്രം ലക്ഷ്യംവച്ചു ജോലിയെടുക്കുന്ന ഫോട്ടോഗ്രാഫര്മാരുണ്ടെന്ന് അറിയുമ്പോഴാണ് കവിയൂര് സന്തോഷിന്റെ ചിത്രത്തിന്റെ പ്രസക്തി വര്ധിക്കുന്നത്. പൗര്ണമി ദിനം കണക്കുകൂട്ടി വിമാനത്തിന്റെ പാത മുന്കൂട്ടി കണ്ട് ഈ ഒരു ലക്ഷ്യത്തിനായി കവിയൂര് സന്തോഷ് ചെലവഴിച്ചത് ഒന്പത് വര്ഷമാണ്. വിദേശരാജ്യങ്ങളില് ഉപഗ്രഹ സഹായത്തോടെയാണ് ഇതൊക്കെ ചെയ്യുന്നതെങ്കില് സന്തോഷ് ഇവിടെ ഉപയോഗിച്ചത് തന്റെ മനസും അര്പ്പണബോധവുമാണ്. പകരം ലഭിച്ചത് ചന്ദന്റെ മധ്യഭാഗത്തുകൂടി കടന്നുപോകുന്ന വിമാനത്തിന്റെ അപൂര്വങ്ങളില് അപൂര്വമായ ചിത്രം. സാമൂഹ്യമാധ്യമത്തില് പങ്കുവെച്ച ചിത്രം വൈറലായതോടെ ലോകത്തിന്റെ വിവിധ ഭാഗങ്ങളില് നിന്ന് അഭിനന്ദന പ്രവാഹമാണ് സന്തോഷിന് ലഭിക്കുന്നത്.
വ്യത്യസ്തമായ ഒരു ഫ്രെയിം തന്റെ കരിയറില് വേണമെന്ന ചിന്തയാണ് കവിയൂര് സന്തോഷിനെ വര്ഷങ്ങളായുള്ള കാത്തിരിപ്പിന് പ്രേരിപ്പിച്ചത്. പല തവണ ചുണ്ടിനും കപ്പിനും ഇടയില് ചിത്രം വഴുതിപ്പോയി. പലപ്പോഴും മനോഹരങ്ങളായ നിരവധി ചിത്രങ്ങളുടെ പിറവിക്കും ഇതിടയാക്കി. ഒരു പൗര്ണമി ദിവസം പോലും ഒഴിവാക്കാതെ തന്റെ കാത്തിരിപ്പ് തുടര്ന്നുവെന്നും നവംബര് ആറിനാണ് ഇതിനുള്ള അവസരം ലഭിച്ചതെന്നും കവിയൂര് സന്തോഷ് പറയുന്നു. മൂന്നു ഫ്രെയിമുകളാണ് ലഭിച്ചത്. ചന്ദ്ര പശ്ചാത്തലത്തിലുള്ള വിമാനത്തിന്റെ മുന്ഭാഗവും വിമാനത്തിന്റെ വാലുമായിരുന്നു മറ്റുള്ളവ.
ഫോട്ടോഗ്രാഫിയില് ഇരുപത്തിയഞ്ച് വര്ഷം പൂര്ത്തിയാക്കുന്ന കവിയൂര് സന്തോഷ് നിരവധി മാധ്യമസ്ഥാപനങ്ങളില് ജോലി ചെയ്തിട്ടുണ്ട്. ബിബിസി ന്യൂസിനു് വേണ്ടി പ്രളയവും കോഴിക്കോട് വിമാന ദുരന്തവും ശബരിമല സ്ത്രീപ്രവേശനവും കാമറയില് പകര്ത്തി. ഇതിലെ വ്യത്യസ്തമായ ഫ്രെയിമുകളാണ് സന്തോഷിനെ ശ്രദ്ധേയനാക്കിയത്. ഹിന്ദുസ്ഥാന് ടൈംസ് ഉള്പ്പെടെ നിരവധി മാധ്യമ സ്ഥാപനങ്ങളിലും ന്യൂസ് ഏജന്സികളിലും ഫ്രീലാന്സറായി. പത്തനംതിട്ട ജില്ലയിലെ കവിയൂര് സ്വദേശിയായ സന്തോഷിന് നിരവധി പുരസ്കാരങ്ങളും ലഭിച്ചിട്ടുണ്ട്. സര്ക്കാരിന്റെ വിവിധ പ്രോജക്ടുകളുടെ ഡോക്യൂമെന്േഷന് മേഖലയിലാണ് സന്തോഷ് നിലവില് പ്രവര്ത്തിക്കുന്നത്.
tech
ചാറ്റ്ജിപിടിയും എക്സും പണിമുടക്കി
ഗ്ലോബല് നെറ്റ്വര്ക്കിനെ ബാധിക്കുന്ന തരത്തില് ക്ലൗഡ്ഫെയറിലുണ്ടായ തകരാര് എന്തെന്ന് അന്വേഷിച്ചു വരികയാണെന്ന് ഇന്റര്നെറ്റ് ഭീമന്മാര് പ്രതികരിച്ചു.
ന്യൂഡല്ഹി: ക്ലൗഡ് ഫെ്ലയര് സംവിധാനത്തിലുണ്ടായ തകരാറിനെതുടര്ന്ന് ചാറ്റ് ജിപിടിയും എക്സും ഉള്പ്പെടെ സോഷ്യല് മീഡിയ പ്ലാറ്റ്ഫോമുകളുടെ പ്രവര്ത്തനം ലോക വ്യാപകായി തടസ്സപ്പെട്ടു. രാത്രി വൈകിയും പ്രവര്ത്തനം വീണ്ടെടുക്കാനുള്ള ശ്രമങ്ങള് തുടരുകയാണ്.
ഗ്ലോബല് നെറ്റ്വര്ക്കിനെ ബാധിക്കുന്ന തരത്തില് ക്ലൗഡ്ഫെയറിലുണ്ടായ തകരാര് എന്തെന്ന് അന്വേഷിച്ചു വരികയാണെന്ന് ഇന്റര്നെറ്റ് ഭീമന്മാര് പ്രതികരിച്ചു. എ.ഐ അധിഷ്ടിത സേവനങ്ങള്, ചാറ്റ്ജിപിടി, ജെമിനി, ഓപണ്എ.ഐ. പെര്പ്ലെക്സിറ്റി, എക്സ്, വെബ് അധിഷ്ടിത സേവനങ്ങളായ യൂബര്, കാന്വ, സ്പോട്ടിഫൈ,ലെറ്റര് ബോക്സ്ഡ്, ഗ്രാന്റആര്,ലീഗ് ഓഫ് ലെജന്റ്സ് എന്നിവയുടെയെല്ലാം പ്രവര്ത്തനങ്ങള് തകരാറിലായി. ക്ലൗഡ്ഫ്ളെയര് ട്രാഫിക്കിലുണ്ടായ അസാധാരണ വര്ധനവ് ആണ് തകരാറിലേക്ക് നയിച്ചതെന്ന് സൂചനയുണ്ടെന്നും ഇക്കാര്യം ഔദ്യോഗികമായി സ്ഥിരീകരിച്ചിട്ടില്ല.
EDUCATION
കടല്നിരപ്പിലെ മാറ്റം പഠിക്കാന് നാസയൂറോപ്യന്; സ്പേസ് ഏജന്സികളുടെ പുതിയ ഉപഗ്രഹം വിക്ഷേപിച്ചു
കടല്നിരപ്പ് ഉയരുന്നതിനാല് ലോകത്തെ നിരവധി ദ്വീപുകളും തീരപ്രദേശങ്ങളും അപകടഭീഷണിയിലായി വരുന്ന സാഹചര്യത്തില്, കടല്നിരപ്പിലെ മാറ്റങ്ങള് കൃത്യമായി നിരീക്ഷിക്കുക അത്യന്തം നിര്ണായകമാണ്.
ആഗോളതാപനവും കാലാവസ്ഥ വ്യതിയാനവും ഏറ്റവും ദ്രുതഗതിയില് ബാധിച്ചത് സമുദ്രങ്ങളെയാണ്. കടല്നിരപ്പ് ഉയരുന്നതിനാല് ലോകത്തെ നിരവധി ദ്വീപുകളും തീരപ്രദേശങ്ങളും അപകടഭീഷണിയിലായി വരുന്ന സാഹചര്യത്തില്, കടല്നിരപ്പിലെ മാറ്റങ്ങള് കൃത്യമായി നിരീക്ഷിക്കുക അത്യന്തം നിര്ണായകമാണ്.
ഇതിന്റെ ഭാഗമായി, നാസയും യൂറോപ്യന് സ്പേസ് ഏജന്സിയും (ഇഎസ്എ) സംയുക്തമായി പുതിയൊരു സമുദ്രനിരീക്ഷണ ഉപഗ്രഹം വിക്ഷേപിച്ചു. ‘സെന്റിനല്-6ബി’ എന്ന പേരിലുള്ള ഈ ഉപഗ്രഹം, വരുംദിവസങ്ങളില് ഭൂമിയിലെ സമുദ്രനിരപ്പ്, കാറ്റ്, തിരമാലകള് തുടങ്ങിയ ഘടകങ്ങളെ അത്യന്തം കൃത്യതയോടെ പരിശോധിക്കും.
സെക്കന്ഡില് 7.2 കിലോമീറ്റര് വേഗതയില് സഞ്ചരിക്കുന്ന ഉപഗ്രഹം 112 മിനിറ്റില് ഒരിക്കല് ഭൂമിയെ പൂര്ണ്ണമായി വലംവയ്ക്കും. ഇതിലൂടെ ലോകത്തിന്റെ മുഴുവന് സമുദ്ര ഉപരിതലത്തെയും നിരന്തരമായി നിരീക്ഷിക്കാനുള്ള കഴിവ് ഈ ഉപഗ്രഹത്തിനുണ്ടാകും.
സെന്റിനല്-6 മിഷന് മുമ്പ് പ്രവര്ത്തനം ആരംഭിച്ച സെന്റിനല്-6അയുടെ തുടര്ച്ചയാണെന്നാണ് ശാസ്ത്രജ്ഞര് വ്യക്തമാക്കുന്നത്. ഗ്ലോബല് വാര്മിംഗിന്റെ ഫലമായി വരും വര്ഷങ്ങളില് കടല്നിരപ്പ് എത്രമാത്രം ഉയരാം, അതിനുള്ള പ്രത്യാഘാതങ്ങള് എന്തൊക്കെയായിരിക്കാം എന്നിവ വിലയിരുത്തുന്നതിനുള്ള ഏറ്റവും വിശ്വസനീയമായ ഉപകരണമാകും പുതിയ ഉപഗ്രഹം.
-
india2 days agoമദീനയിലെ ബസ് അപകടം; മരിച്ചവരുടെ കുടുംബങ്ങള്ക്ക് അഞ്ച് ലക്ഷം വീതം ധനസഹായം നല്കുമെന്ന് തെലങ്കാന സര്ക്കാര്
-
GULF2 days agoമക്കമദീന ഹൈവേയില് ഭീകരാപകടം: ഉംറ ബസ് കത്തി, 40 പേര് മരിച്ചു
-
News2 days agoകമാൽ വരദൂരിൻ്റെ 50 ഫുട്ബോൾ കഥകൾ പ്രകാശിതമായി
-
india19 hours agoപഴയ വാഹനങ്ങള്ക്ക് ഫിറ്റ്നസ് ടെസ്റ്റ് ഫീസ് 10 ഇരട്ടി; കേന്ദ്ര സര്ക്കാരിന്റെ പുതിയ നിയമം പ്രാബല്യത്തില്
-
india3 days agoബീഹാർ തിരഞ്ഞെടുപ്പ് പോസ്റ്റൽ ബാലറ്റ് ഫലം: MGB 142, NDA 98; എന്തുകൊണ്ടാണ് ഇത് ഇവിഎമ്മിന് എതിരായിരിക്കുന്നത്?
-
kerala17 hours agoവാഹനാപകടത്തില് കോമയിലായ ഒമ്പത് വയസ്സുകാരി ദൃഷാനക്ക് 1.15 കോടി നഷ്ടപരിഹാരം നല്കാന് കോടതി
-
kerala2 days agoശബരിമല സ്വര്ണ്ണക്കൊള്ള; സന്നിധാനത്ത് പ്രത്യേക അന്വേഷണ സംഘം പരിശോധന നടത്തി
-
Sports15 hours agoഎമേര്ജിങ് സ്റ്റാര്സ് ഏഷ്യ കപ്പില് ഒമാനെ തകര്ത്ത് ഇന്ത്യ