kerala
പുത്തൂര് സുവോളജിക്കല് പാര്ക്കില് സുരക്ഷാ വീഴ്ച; തെരുവുനായ്ക്കളുടെ ആക്രമണത്തില് പത്ത് മാനുകള് ചത്തു
മൃഗശാലയിലെ മാനുകള്ക്ക് വേണ്ടി പ്രത്യേകം തയ്യാറാക്കിയ ആവാസവ്യവസ്ഥയിലേക്കാണ് തെരുവുനായ്ക്കള് കയറിയത്.
തൃശൂര്: പുത്തൂര് സുവോളജിക്കല് പാര്ക്കില് ഗുരുതരമായ സുരക്ഷാ വീഴ്ച. കഴിഞ്ഞ രാത്രിയിലുണ്ടായ തെരുവുനായ്ക്കളുടെ ആക്രമണത്തില് പത്ത് മാനുകള് ചത്തു. മൃഗശാലയിലെ മാനുകള്ക്ക് വേണ്ടി പ്രത്യേകം തയ്യാറാക്കിയ ആവാസവ്യവസ്ഥയിലേക്കാണ് തെരുവുനായ്ക്കള് കയറിയത്. ആക്രമണം നടന്ന സമയത്ത് സുരക്ഷാ ജീവനക്കാര് സ്ഥലത്ത് ഉണ്ടായിരുന്നില്ലെന്നാണ് പ്രാഥമിക റിപ്പോര്ട്ടുകള് സൂചിപ്പിക്കുന്നത്.
മൃഗശാലയുടെ മതിലുകള്ക്കും വേലിക്കെട്ടുകള്ക്കും മുറിവേല്പ്പിച്ച് നായകള് അകത്തു കയറിയതായാണ് സംശയം. സംഭവത്തെ തുടര്ന്ന് മൃഗശാലയിലെ മറ്റ് മൃഗങ്ങള്ക്കും ഭീഷണി നിലനില്ക്കുന്നുവെന്ന ആശങ്കയും ഉയര്ന്നിട്ടുണ്ട്. സംഭവത്തെ തുടര്ന്ന് വന്യജീവി വകുപ്പ് അടിയന്തര അന്വേഷണം ആരംഭിച്ചു. ഡോ.അരുണ് സക്കറിയുടെ നേതൃത്വത്തിലുള്ള വിദഗ്ധസംഘം പുത്തൂരിലെത്തി പരിശോധന നടത്തുകയാണ്. സുരക്ഷാ സംവിധാനം പുനഃപരിശോധിക്കാനും മൃഗശാലയുടെ ചുറ്റുമതില് ശക്തിപ്പെടുത്താനും നിര്ദേശം നല്കിയിട്ടുണ്ട്.
കഴിഞ്ഞമാസം 28നാണ് ഇന്ത്യയിലെ ആദ്യത്തെ ഡിസൈനര് മൃഗശാലയായി പുത്തൂര് സുവോളജിക്കല് പാര്ക്ക് ഉദ്ഘാടനം ചെയ്തത്. ഉദ്ഘാടനത്തിന് പിന്നാലെ തന്നെ ഇത്തരം വലിയ സുരക്ഷാ വീഴ്ച സംഭവിച്ചതില് പ്രേഷകരും പരിസ്ഥിതി പ്രവര്ത്തകരും ഗുരുതരമായ ആശങ്ക പ്രകടിപ്പിരിക്കുകയാണ്.
kerala
ടി പി വധക്കേസ്;പ്രതി ജ്യോതിബാബുവിന് ജാമ്യം നല്കാനാകില്ല: സുപ്രീംകോടതി
കൊലപാതക കേസ് ആയതുകൊണ്ട് വിചാരണക്കോടതിയിലെ രേഖകള് പരിശോധിക്കണമെന്ന് കോടതി വ്യക്തമാക്കി.
ടി പി ചന്ദ്രശേഖരന് വധക്കേസ് പ്രതി ജ്യോതി ബാബുവിന് എളുപ്പത്തില് ജാമ്യം നല്കാന് സാധിക്കില്ലെന്ന് സുപ്രീംകോടതി. കൊലപാതക കേസ് ആയതുകൊണ്ട് വിചാരണക്കോടതിയിലെ രേഖകള് പരിശോധിക്കണമെന്ന് കോടതി വ്യക്തമാക്കി. രേഖകള് പരിശോധിച്ച ശേഷം ജാമ്യാപേക്ഷയില് തീരുമാനമെടുക്കാമെന്നും കോടതി അറിയിച്ചു. ആവശ്യമായ നടപടി സ്വീകരിക്കാന് രജിസ്ട്രാര്ക്ക് സുപ്രീംകോടതി നിര്ദ്ദേശം നല്കി. ഡയാലിസിസിന് വിധേയനാകണമെന്നും വിദഗ്ധ ചികിത്സ ആവശ്യമാണെന്നുമായിരുന്നു ജ്യോതി ബാബുവിന്റെ വാദം.
ടി പി ചന്ദ്രശേഖരന്റെ ഭാര്യ കെ കെ രമ എംഎല്എയും ജാമ്യം നല്കുന്നതിനെ എതിര്ത്തു. ജ്യോതിബാബുവിന് ജാമ്യം നല്കുന്നത് അപകടകരമെന്ന് വ്യക്തമാക്കി കെ കെ രമ സുപ്രീം കോടതിയില് സത്യവാങ്മൂലം നല്കിയിരുന്നു.
kerala
വെള്ളാപ്പള്ളിയുടെ നോമിനിയെ സ്ഥാനാര്ത്ഥിയാക്കി; മാരാരിക്കുളത്ത് സിപിഎമ്മില് പൊട്ടിത്തെറി
മൂന്ന് ലോക്കല് കമ്മിറ്റി അംഗങ്ങള് രാജിക്കത്ത് നല്കി
ആലപ്പുഴ: മാരാരിക്കുളത്ത് സിപിഎമ്മില് പൊട്ടിത്തെറി. മൂന്ന് ലോക്കല് കമ്മിറ്റി അംഗങ്ങള് രാജിക്കത്ത് നല്കി. മാരാരിക്കുളം ചെത്തി ലോക്കല് കമ്മിറ്റിയിലാണ് തര്ക്കം. വാര്ഡ് കമ്മിറ്റി തെരഞ്ഞെടുത്ത ആളെ സ്ഥാനാര്ത്ഥി ആക്കിയില്ലെന്നും എസ്എന്ഡിപി ജനറല് സെക്രട്ടറി വെള്ളാപ്പള്ളി നടേശന്റെ നോമിനിയെ സ്ഥാനാര്ത്ഥിയാക്കിയെന്നുമാണ് ആരോപണം.
kerala
മൂവാറ്റുപുഴയില് ബൈക്ക് നിയന്ത്രണം വിട്ട് മറിഞ്ഞ് രണ്ട് പേര് മരിച്ചു
മൂവാറ്റുപുഴയില് നിന്ന് മടങ്ങുകയായിരുന്ന ഇവര് സഞ്ചരിച്ച ബൈക്ക് മിങ്കുന്നം പള്ളിക്കു സമീപം നിയന്ത്രണം വിട്ട് റോഡിലേക്ക് മറിഞ്ഞുവീണതാണ് അപകട കാരണം
മൂവാറ്റുപുഴ: മൂവാറ്റുപുഴകൂത്താട്ടുകുളം എം.സി. റോഡില് മിങ്കുന്നത്ത് ഞായറാഴ്ച രാത്രി നടന്ന അപകടത്തില് രണ്ട് യുവാക്കളുടെ ജീവന് നഷ്ടമായി. ആറൂര് മൂഞ്ഞേലിലെ ആല്ബിന് (16), കൈപ്പം തടത്തില് ശ്യാംജിത്ത് (21) എന്നിവരാണ് മരിച്ചത്.
മൂവാറ്റുപുഴയില് നിന്ന് മടങ്ങുകയായിരുന്ന ഇവര് സഞ്ചരിച്ച ബൈക്ക് മിങ്കുന്നം പള്ളിക്കു സമീപം നിയന്ത്രണം വിട്ട് റോഡിലേക്ക് മറിഞ്ഞുവീണതാണ് അപകട കാരണം. സ്ഥലത്തേക്ക് ഓടിയെത്തിയ നാട്ടുകാര് ഇരുവരെയും ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല.
-
GULF9 hours agoമക്കമദീന ഹൈവേയില് ഭീകരാപകടം: ഉംറ ബസ് കത്തി, 40 പേര് മരിച്ചു
-
india2 days agoമുഹമ്മദ് അഖ്ലാഖ് കേസിലെ പ്രതികള്ക്കെതിരായ കേസ് പിന്വലിക്കാന് യു.പി. സര്ക്കാര് നീക്കം തുടങ്ങി
-
kerala2 days ago500 രൂപയുടെ കള്ളനോട്ടുകളുമായി വിദ്യാര്ത്ഥികള് ഉള്പ്പെടെ അഞ്ചുപേര് അറസ്റ്റില്
-
kerala2 days agoതദ്ദേശ തെരഞ്ഞെടുപ്പില് സ്ഥാനാര്ത്ഥി നിര്ണയത്തില് അവഗണിക്കപ്പെട്ടതില് മനംനൊന്ത് ആര്എസ്എസ് പ്രവര്ത്തകന് ആത്മഹത്യ ചെയ്തു
-
kerala2 days agoസഹപ്രവര്ത്തകയെ പീഡിപ്പിക്കാന് ശ്രമിച്ച പൊലീസ് അസോസിയേഷന് നേതാവിനെതിരെ കേസ്
-
kerala2 days agoപ്ലസ് ടു വിദ്യാര്ത്ഥിനിയെ പീഡിപ്പിച്ച കേസില് യുവാവ് അറസ്റ്റില്
-
Video Stories21 hours agoജാതി വിവേചനം; മലപ്പുറം ബിജെപിയില് പൊട്ടിത്തെറി, ബിജെപി നേതാവ് രാജിവച്ചു
-
News2 days agoസൂപ്പര് ലീഗ് കേരള: കൊച്ചിക്ക് തുടര്ച്ചയായ ഏഴാം തോല്വി; തിരുവനന്തപുരം കൊമ്പന്സ് ഏക ഗോളിന് വിജയം