Connect with us

india

ബിജെപിയില്‍ ചേര്‍ന്നയാളെ കോണ്‍ഗ്രസ് ജനറല്‍ സെക്രട്ടറി ആക്കിയ സംഭവം; സോണിയക്ക് കടുത്ത അതൃപ്തി, നടപടിയുണ്ടായേക്കും

മധ്യപ്രദേശില്‍ കോണ്‍ഗ്രസ് ഭാരവാഹി ആയി ബിജെപിയില്‍ ചേര്‍ന്ന ആളെ നിയമിച്ച സംഭവത്തില്‍ കടുത്ത അതൃപ്തി അറിയിച്ച് കോണ്‍ഗ്രസ് അധ്യക്ഷ സോണിയാ ഗാന്ധി

Published

on

ഭോപ്പാല്‍: മധ്യപ്രദേശില്‍ കോണ്‍ഗ്രസ് ഭാരവാഹി ആയി ബിജെപിയില്‍ ചേര്‍ന്ന ആളെ നിയമിച്ച സംഭവത്തില്‍ കടുത്ത അതൃപ്തി അറിയിച്ച് കോണ്‍ഗ്രസ് അധ്യക്ഷ സോണിയാ ഗാന്ധി. നടപടിയില്‍ സംഘടനയുടെ സംസ്ഥാന ഘടകത്തോട് അന്വേഷണത്തിന് നിര്‍ദേശിച്ചു. കോണ്‍ഗ്രസ് വിട്ട് ജ്യോതിരാദിത്യ സിന്ധ്യക്കൊപ്പം ബിജെപിയില്‍ ചേര്‍ന്ന ഹര്‍ഷിത് സിംഗായിയെയാണ് കോണ്‍ഗ്രസിന്റെ യുവജന വിഭാഗം ജനറല്‍ സെക്രട്ടറിയായി നിയമിച്ചത്.

അഭിനന്ദന പ്രവാഹവുമായി ഫോണിലേക്ക് നിരന്തരം വിളി വന്നതോടെയാണ് താന്‍ ഇതേ കുറിച്ച് അറിയുന്നതെന്ന് ഹര്‍ഷിത് സിംഗായി പറഞ്ഞു. പിന്നീട് വീട്ടിലേക്ക് മാധ്യമപ്രവര്‍ത്തകരും വന്നു. ഇപ്പോഴും ബിജെപിയില്‍ തന്നെയാണെന്നും തന്നെ അപമാനിക്കാനും വിശ്വസ്തത ഇടിച്ചു താഴ്ത്താനും കോണ്‍ഗ്രസ് നടത്തിയ ബോധപൂര്‍വമായ ഗൂഢാലോചന ആണിതെന്നും അദ്ദേഹം മാധ്യമങ്ങളോട് പ്രതികരിച്ചു. സംഭവത്തില്‍ കേസ് കൊടുക്കാനും തീരുമാനമുണ്ട്. ഇതോടെ കോണ്‍ഗ്രസ് അടിയന്തരമായി നിയമനം റദ്ദാക്കുകയായിരുന്നു.

ഇത്രയുമായപ്പോഴേക്കും വാര്‍ത്ത ദേശീയ ശ്രദ്ധ നേടി. ഇതോടെ അന്വേഷണത്തിന് നിര്‍ദേശിച്ച് പാര്‍ട്ടി ദേശീയ അധ്യക്ഷ തന്നെ രംഗത്തു വരികയായിരുന്നു. താന്‍ അറിഞ്ഞ് നല്‍കിയ പട്ടികയില്‍ ഹര്‍ഷിത് സിംഗായിയുടെ പേര് ഉണ്ടായിരുന്നില്ലെന്നും വീഴ്ച സംഘടനാ ഘടകത്തിന്റെ താണെന്നും കമല്‍ നാഥ് നിലപാട് സ്വീകരിച്ചു. ഇതോടെയാണ് അടിയന്തര റിപ്പോര്‍ട്ട് നല്‍കാന്‍ സോണിയാ ഗാന്ധി ആവശ്യപ്പെട്ടത്.

സംഭവത്തില്‍ സോണിയ ഗാന്ധി കടുത്ത അതൃപ്തിയിലാണെന്നും കര്‍ശന നടപടി ഉണ്ടാകും എന്നും പാര്‍ട്ടി ദേശീയ വക്താക്കള്‍ വ്യക്തമാക്കി.

india

ടി.ആര്‍.എസ് ഇനി ബി.ആര്‍.എസ്; പുതിയ ദേശീയ പാര്‍ട്ടി പ്രഖ്യാപിച്ച് ചന്ദ്രശേഖര്‍ റാവു

ഇതോടെ തെലങ്കാന രാഷ്ട്രസമിതി പാര്‍ട്ടി ഇനി മുതല്‍ ഭാരത് രാഷ്ട്ര സമിതി എന്ന പേരില്‍ അറിയപ്പെടും.

Published

on

ദേശീയ രാഷ്ട്രീയത്തിലേക്കുള്ള പ്രവേശനമറിയിച്ച് തെലങ്കാന മുഖ്യമന്ത്രി ചന്ദ്രശേഖര്‍ റാവു. പുതിയ പാര്‍ട്ടിയുടെ പേര് പ്രഖ്യാപിച്ചിരിക്കുകയാണ് അദ്ദേഹം. ഇതോടെ തെലങ്കാന രാഷ്ട്രസമിതി പാര്‍ട്ടി ഇനി മുതല്‍ ഭാരത് രാഷ്ട്ര സമിതി എന്ന പേരില്‍ അറിയപ്പെടും.

ചന്ദ്രശേഖര്‍ റാവുവിന്റെ നേതൃത്വത്തില്‍ നടന്ന പാര്‍ട്ടി യോഗത്തിന് പിന്നാലെയാണ് പുതിയ പാര്‍ട്ടിയുടെ പേര് പ്രഖ്യാപിച്ചത്. ഇന്ന് ഉച്ച 1.19ഓടെയായിരുന്നു പ്രഖ്യാപനം. ചിഹ്നമായി കാറും പിങ്ക് നിറവും പാര്‍ട്ടി നിലനിര്‍ത്തിയേക്കുമെന്നാണ് സൂചന.

2024ലെ ലോക്‌സഭ തെരഞ്ഞെടുപ്പിന് മുന്നോടിയായാണ് കെ.സി.ആര്‍ ദേശീയ പാര്‍ട്ടി രൂപീകരിക്കുന്നത്. ബി.ജെ.പിക്കും കോണ്‍ഗ്രസിനും ബദല്‍ എന്ന നിലയില്‍ ദേശീയ രാഷ്ട്രീയത്തില്‍ ശക്തിയുറപ്പിക്കുകയെന്നതാണ് പുതിയ പാര്‍ട്ടിയിലൂടെ ചന്ദ്ര ശേഖര്‍ റാവുവിന്റെ ലക്ഷ്യം. നേരത്തെ പുതിയ ദേശീയ പാര്‍ട്ടി രൂപവത്കരിക്കുമെന്ന് ചന്ദ്രശേഖര്‍ റാവു പ്രഖ്യാപനം നടത്തിയിരുന്നു.

Continue Reading

india

മുംബൈയില്‍ അപകടസ്ഥലത്തേക്ക് കാര്‍ ഇടിച്ചുകയറി; 5 പേര്‍ മരിച്ചു

അപകട മരണത്തിന് കേസ് രജിസ്റ്റര്‍ ചെയ്ത പൊലീസ് അന്വേഷണം പുരോഗമിക്കുകയാണെന്ന് അറിയിച്ചു.

Published

on

മുംബൈയിലെ ബാന്ദ്രവര്‍ളി സീ ലിങ്ക് റോഡിലുണ്ടായ വാഹനങ്ങളുടെ കൂട്ടയിടിയില്‍ അഞ്ച് പേര്‍ മരണപ്പെട്ടു. 12 പേര്‍ക്ക് പരിക്കേല്‍ക്കുകയും ചെയ്തു. ബുധനാഴ്ച പുലര്‍ച്ചയോടെയാണ് അപകടം നടന്നത്.

നിമിഷങ്ങള്‍ക്ക് മുമ്പുണ്ടായ വാഹനാപകടത്തെ തുടര്‍ന്ന് പരിക്കേറ്റവരെ ആശുപത്രിയിലെത്തിക്കാനായി ആംബുലന്‍സ് എത്തിയതായിരുന്നു. ഇതിനിടയിലേക്ക് കാര്‍ ഇടിച്ച്  കയറിയാണ് അപകടമുണ്ടായത്. അപകട മരണത്തിന് കേസ് രജിസ്റ്റര്‍ ചെയ്ത പൊലീസ് അന്വേഷണം പുരോഗമിക്കുകയാണെന്ന് അറിയിച്ചു.

ഇടിയുടെ ആഘാതത്തില്‍ ആംബുലന്‍സ് ഉള്‍പ്പടെ 5 വാഹനങ്ങളാണ് തകര്‍ന്നത്. ദൃശ്യങ്ങള്‍ സിസിടിവിയില്‍ പതിഞ്ഞിട്ടുണ്ട്. സംഭവത്തില്‍ പ്രധാനമന്ത്രി നരേന്ദ്ര മോദി ദുഃഖം രേഖപ്പെടുത്തി.

Continue Reading

india

വിവാഹസംഘം സഞ്ചരിച്ച ബസ് കൊക്കയിലേക്ക് മറിഞ്ഞു; 25 മരണം

ബസില്‍ 50 ഓളം പേര്‍ ഉണ്ടായിരുന്നു. പോലീസും സംസ്ഥാന ദുരന്തനിവാരണ സംഘവും ചേര്‍ന്ന് 21 പേരെ രക്ഷപ്പെടുത്തി.

Published

on

ഉത്തരാഖണ്ഡില്‍ ബസ് താഴ്ചയിലേക്ക് മറിഞ്ഞ് 25 പേര്‍ മരിച്ചു. പൗഡി ഗഢ്‌വാളില്‍ ചൊവ്വാഴ്ച  രാത്രിയാണ് അപകടം നടന്നത്. വിവാഹസംഘം സഞ്ചരിച്ച വാഹനമായിരുന്നു ഇത്. 500 മീറ്റര്‍ താഴ്ചയുള്ള കൊക്കയിലേക്കാണ് ബസ് മറിഞ്ഞത്.  ഹരിദ്വാറിലെ ലാല്‍ദാംഗില്‍ നിന്നാണ് ബസ് പുറപ്പെട്ടത്.

ബസില്‍ 50 ഓളം പേര്‍ ഉണ്ടായിരുന്നു. പോലീസും സംസ്ഥാന ദുരന്തനിവാരണ സംഘവും ചേര്‍ന്ന് 21 പേരെ രക്ഷപ്പെടുത്തി. പരിക്കേറ്റവരെ ആശുപത്രിയില്‍ പ്രവേശിപ്പിച്ചു. നാട്ടുകാരും രക്ഷാപ്രവര്‍ത്തനത്തിന്റെ ഭാഗമായി. ഡ്രൈവര്‍ക്ക് നിയന്ത്രണം നഷ്ടപ്പെട്ടാണ് അപകടമുണ്ടായത്.

Continue Reading

Trending