Connect with us

india

കരാറില്‍ അഴിമതി; യുപിയില്‍ ടാറിട്ട റോഡ് കോരിയെടുത്ത് കാണിച്ച് നാട്ടുകാര്‍

ഇസ്രായേലി സാങ്കേതികവിദ്യ ഉപയോഗിച്ചാണ് യുപിയിലെ റോഡുകള്‍ നിര്‍മ്മിക്കുന്നതെന്നായിരുന്നു വൈറലായ വീഡിയോ പങ്കുവെച്ച പ്രാദേശിക മാധ്യമപ്രവര്‍ത്തകന്‍ കുറിച്ചത്. റോഡ് പണിയുടെ കൃത്രിമം പരിശോധിച്ച് റോഡ് കേടാത്തിയ നാട്ടുകാര്‍ക്കെതിരെ യുപി ദേശദ്രോഹത്തിന് കേസെടുക്കുമെന്ന പരിഹസവും ട്വീറ്റിന് മറുപടിയായുണ്ട്.

Published

on

ലക്‌നൗ: യുപിയില്‍ റോഡുപണിയില്‍ കൃത്രിമം കാണിച്ച അധികൃതരെ കയ്യോടെപൊക്കി നാട്ടുകാര്‍. ഉത്തര്‍പ്രദേശിലെ ഭാദോഹി ജില്ലയിലാണ് സംഭവം നടന്നത്. ജില്ലയിലെ സോനാപൂര്‍ ഗ്രാമത്തിനും ജഗാപൂരിനും ഇടയിലെ റോഡ് പണിയില്‍ കൃത്രിമം നടന്നതായി കണ്ടെത്തിയതോടെ പരിശോധനക്കെത്തിയ അധികൃതരെ നാട്ടുകാര്‍ കയ്യോടെപൊക്കുകയായിരുന്നു. ടാറിട്ട റോഡില്‍ നിന്നും മിശ്രിതം കൈകൊണ്ട് തന്നെ വാരിയെടുക്കാന്‍ പാകത്തിലായിരുന്നു റോഡിന്റെ അവസ്ഥ. ഇതിന്റെ ദൃശ്യങ്ങള്‍ ഗ്രാമവാസികള്‍ തന്നെ പകര്‍ത്തി. പരിശോധനക്കെത്തിയ ഉദ്യോഗസ്ഥര്‍ക്കെതിരെ നാട്ടുകാര്‍ മുദ്രാവാക്യം മുഴക്കി മടക്കിയയക്കുന്ന വിഡിയോ ദൃശ്യങ്ങള്‍ വൈറലാണ്

ഇസ്രായേലി സാങ്കേതികവിദ്യ ഉപയോഗിച്ചാണ് യുപിയിലെ റോഡുകള്‍ നിര്‍മ്മിക്കുന്നതെന്നായിരുന്നു വൈറലായ വീഡിയോ പങ്കുവെച്ച പ്രാദേശിക മാധ്യമപ്രവര്‍ത്തകന്‍ കുറിച്ചത്. റോഡ് പണിയുടെ കൃത്രിമം പരിശോധിച്ച് റോഡ് കേടാത്തിയ നാട്ടുകാര്‍ക്കെതിരെ യുപി ദേശദ്രോഹത്തിന് കേസെടുക്കുമെന്ന പരിഹസവും ട്വീറ്റിന് മറുപടിയായുണ്ട്.

 

Continue Reading
Advertisement
Click to comment

Leave a Reply

Your email address will not be published. Required fields are marked *

india

ഉദ്ദവ് പക്ഷത്തിന് തിരിച്ചടി; യഥാര്‍ഥ ശിവസേന ആരെന്ന് തെരഞ്ഞെടുപ്പ് കമ്മീഷന് തീരുമാനിക്കാമെന്ന് സുപ്രിംകോടതി

ജസ്റ്റിസ് ഡി വൈ ചന്ദ്രചൂഡ് അധ്യക്ഷനായ ഭരണഘടനാ ബെഞ്ചിന്റെതാണ് നടപടി.

Published

on

ശിവസേന തര്‍ക്കത്തില്‍ ഉദ്ദവ് താക്കറേ പക്ഷത്തിന് കനത്ത തിരിച്ചടി. ഔദ്യോഗിക ശിവസേന ആരാണെന്നും തെരഞ്ഞെടുപ്പ് ചിഹ്നത്തിന് അവകാശികളാരെന്നുമുള്ള തര്‍ക്കത്തില്‍ തെരഞ്ഞെടുപ്പ് കമ്മീഷന് തീരുമാനമെടുക്കാമെന്നാണ് സുപ്രിംകോടതിയുടെ നിലപാട്. ഇതോടെയാണ് ഉദ്ധവ് താക്കറെ പക്ഷത്തിന് തിരിച്ചടിയേറ്റത്.

ജസ്റ്റിസ് ഡി വൈ ചന്ദ്രചൂഡ് അധ്യക്ഷനായ ഭരണഘടനാ ബെഞ്ചിന്റെതാണ് നടപടി. ഇതോടെ പാര്‍ട്ടി ചിഹ്നവും പേരും ആര്‍ക്ക് നല്‍കണമെന്ന് ഇനി തെരഞ്ഞെടുപ്പ് കമ്മീഷന് തീരുമാനിക്കും.

ഔദ്യോഗിക ശിവസേനയായി തങ്ങളെ പ്രഖ്യാപിക്കണമെന്ന് ഷിന്‍ഡെ പക്ഷം തെരഞ്ഞെടുപ്പ് കമ്മീഷനെ സമീപിച്ചിരുന്നു. എന്നാല്‍ വിഷയത്തില്‍ തീരുമാനമെടുക്കുന്നതില്‍ നിന്ന് തെരഞ്ഞെടുപ്പ് കമ്മീഷനെ തടയണമെന്നായിരുന്നു ഉദ്ധവ് പക്ഷം ഉന്നയിച്ച ആവശ്യം.  ഇതാണ് സുപ്രീംകോടതി ഭരണഘടനാ ബെഞ്ച് തള്ളിയത്.

മഹാരാഷ്ട്രയില്‍ ശിവസേന നേതാവ് ഉദ്ധവ് താക്കറെയുടെ നേതൃത്വത്തിന് നേരെ കലാപക്കൊടി ഉയര്‍ത്തി ഏക്‌നാഥ് ഷിന്‍ഡെയുടെ നേതൃത്വത്തിലുള്ള എംഎല്‍എമാര്‍ ബിജെപിക്കൊപ്പം ചേര്‍ന്ന് സര്‍ക്കാര്‍ രൂപീകരിക്കുകയായിരുന്നു. പിന്നാലെ ഷിന്‍ഡെ മഹാരാഷ്ട്ര മുഖ്യമന്ത്രിയായി അധികാരമേറ്റു. ജൂണ്‍ 30നാണ് അധികാരമേറ്റത്.

Continue Reading

india

വിഖ്യാത നടി ആശാ പരേഖിന് ദാദാ സാഹിബ് ഫാല്‍ക്കേ പുരസ്‌കാരം

കേന്ദ്രമന്ത്രി അനുരാഗ് താക്കൂറാണ് പുരസ്‌കാര വിവരം പ്രഖ്യാപിച്ചത്.

Published

on

പ്രശസ്ത ബോളിവുഡ് നടിയും സംവിധായകയുമായ ആശാ പരേഖിന് 2020ലെ ദാദാസാഹേബ് ഫാല്‍കെ പുരസ്‌കാരം. ചലച്ചിത്ര മേഖലക്ക് നല്‍കിയ സമഗ്ര സംഭാവനകള്‍ പരിഗണിച്ചാണ് പുരസ്‌കാരം. കേന്ദ്രമന്ത്രി അനുരാഗ് താക്കൂറാണ് പുരസ്‌കാര വിവരം പ്രഖ്യാപിച്ചത്.

ആശാ ഭോസ്‌ലെ, ടി എസ് നാഗഭരണ, ഉദിത് നാരായണ്‍, ഹേമ മാലിനി, പൂനം ദില്ലന്‍ തുടങ്ങിയവരടങ്ങിയ ജൂറി പാനലാണ് പുരസ്‌കാര ജേതാവിനെ തിരഞ്ഞെടുത്തത്. നൂറിലധികം ചിത്രങ്ങളില്‍ ആശാ പരേഖ് അഭിനയിച്ചിട്ടുണ്ട്. തീസ്‌രി മന്‍സില്‍, ചിരാഗ്, ബരോസ, കഡി പതംഗ്, നന്ദന്‍, ദോ ബദന്‍ തുടങ്ങിയവ അതില്‍ ഉള്‍പ്പെടുന്നു.

നേരത്തെ ആശാ പരേഖിനെ രാജ്യം പത്മശ്രീ നല്‍കി ആദരിച്ചിരുന്നു. 1992ലായിരുന്നു അത്. 1998 മുതല്‍ 2001 വരെ ഇന്ത്യന്‍ ഫിലിം സെന്‍സര്‍ ബോര്‍ഡ് അധ്യക്ഷയായും പ്രവര്‍ത്തിച്ചു.

Continue Reading

india

പോപ്പുലര്‍ ഫ്രണ്ടിനെ യു.എ.പി.എ പ്രകാരം നിരോധിക്കാന്‍ കേന്ദ്രം

യു.എ.പി.എ നിയമത്തിലെ 35-ാം വകുപ്പ് പ്രകാരം 42 സംഘടനകളെയാണ് നിരോധിച്ചത്.

Published

on

ന്യൂഡല്‍ഹി: ദേശീയ അന്വേഷണ ഏജന്‍സിയും ഇ.ഡിയും 15 സംസ്ഥാനങ്ങളിലായി ഈ മാസം 22ന് പോപ്പുലര്‍ ഫ്രണ്ട് ഓഫ് ഇന്ത്യക്കെതിരെ നടത്തിയ റെയ്ഡിലെ കണ്ടെത്തലുകളുടെ പശ്ചാത്തലത്തില്‍ യു.എ.പി. എ പ്രകാരം സംഘടനയെ നിരോധിക്കാന്‍ കേന്ദ്ര ആഭ്യന്തര മന്ത്രാലയം ശ്രമം തുടങ്ങി.

1967ലെ യു.എ.പി.എ നിയമത്തിലെ 35-ാം വകുപ്പ് പ്രകാരം നിരോധിക്കപ്പെട്ട സംഘടനകളുടെ പട്ടികയിലാകും സംഘടനയെ ഉള്‍പ്പെടുത്തുക. ഇതിന് മുന്നോടിയായി മന്ത്രാലയം നിയമോപദേശം തേടി. നിരോധനത്തെ പിഎഫ്‌ഐ കോടതിയില്‍ വെല്ലുവിളിക്കാനുള്ള സാധ്യതയുണ്ട്. 2008ല്‍ സിമിയുടെ നിരോധനം പിന്‍വലിക്കേണ്ടി വന്ന സാഹചര്യം മന്ത്രാലയം പരിശോധിച്ചിട്ടുണ്ട്. എന്നാല്‍ പിന്നീട് സുപ്രീം കോടതി ഉത്തരവിനെ തുടര്‍ന്ന് സിമി വീണ്ടും നിരോധിക്കപ്പെട്ടു. യു.എ.പി.എ നിയമത്തിലെ 35-ാം വകുപ്പ് പ്രകാരം 42 സംഘടനകളെയാണ് നിരോധിച്ചത്.

തീവ്രവാദ പ്രവര്‍ത്തനത്തില്‍ ഏര്‍പ്പെടുകയോ, തീവ്രവാദത്തിന് സാഹചര്യമൊരുക്കുകയോ, തീവ്രവാദത്തിന് പ്രോത്സാഹനം ചെയ്യുകയോ ചെയ്യുന്ന സംഘടനകളെ തീവ്രവാദ സംഘടനകളായി കണക്കാക്കി നിരോധിക്കാമെന്നതാണ് 35-ാം വകുപ്പ്. 22ന് നടന്ന രാജ്യവ്യാപക റെയ്ഡില്‍ അറസ്റ്റു ചെയ്ത സംഘടനയുടെ ചെയര്‍മാന്‍ ഒ.എം.എ സലാം അടക്കമുള്ള 106 പേരെ ചോദ്യം ചെയ്തതില്‍ നിന്നും ലഭിച്ച തെളിവുകളുടെ അടിസ്ഥാനത്തില്‍ യു.എ.പി.എ പ്രകാരം നിരോധിക്കാനാണ് രഹസ്യാന്വേഷണ ഏജന്‍സികള്‍ ശുപാര്‍ശ ചെയ്തത്.നേതാക്കളില്‍ നിന്നും ശേഖരിച്ച തെളിവുകളും റെയ്ഡിന് ശേഷമുണ്ടായ അക്രമവുമെല്ലാം പരിശോധിച്ചായിരിക്കും ഇക്കാര്യത്തില്‍ നിയമോപദേശം തേടുക. ആഗോള തീവ്രവാദ സംഘടനയായ അല്‍ഖാഇദ, പാക് തീവ്രവാദ സംഘടനയായ ജെയ്‌ഷെ മുഹമ്മദ്, ലഷ്‌കര്‍ ഇ ത്വയ്ബ തുടങ്ങിയ സംഘടനകളിലേക്ക് യുവാക്കളെ റിക്രൂട്ട് ചെയ്യുന്നത് പോപ്പുലര്‍ ഫ്രണ്ടാണെന്നാണ് എന്‍. ഐ.എ പറയുന്നത്.

അറസ്റ്റിലായവരുടെ ജുഡീഷ്യല്‍ റിമാന്റ് ആവശ്യപ്പെട്ട് എന്‍.ഐ.എ കോടതിയില്‍ സമര്‍പ്പിച്ച ഹര്‍ജിയില്‍ ജാമ്യം ലഭിച്ചാല്‍ പ്രതികള്‍ ഒളിവില്‍ പോകാന്‍ സാധ്യതയുണ്ടെന്നും തെളിവ് നശിപ്പിക്കാന്‍ കാരണമാകുമെന്നും ഇവര്‍ക്ക് സമൂഹത്തില്‍ വലിയ സ്വാധീനമുണ്ടെന്നതിന്റെ തെളിവാണ് അറസ്റ്റിനു ശേഷമുണ്ടായ സംഭവങ്ങളെന്നും ചൂണ്ടിക്കാട്ടിയിട്ടുണ്ട്. രഹസ്യമായി ആശയ വിനിമയം നടത്തുന്നതിനായി പി.എഫ്.ഐ വിവിധ സാമൂഹിക മാധ്യമങ്ങള്‍ ഉപയോഗിച്ചിട്ടുണ്ടെന്നും നേതാക്കളില്‍ നിന്നും പിടിച്ചെടുത്ത ഡിജിറ്റല്‍ ഉപകരണങ്ങള്‍ ഫോറന്‍സിക് പരിശോധനക്ക് വിധേയമാക്കേണ്ടതുണ്ടെന്നും എന്‍.ഐ.എ കോടതിയെ അറിയിച്ചു. മഹാരാഷ്ട്ര തീവ്രവാദ വിരുദ്ധ സ്‌ക്വാഡില്‍ നിന്നും പി.എഫ്.ഐ നെറ്റ്‌വര്‍ക് സംബന്ധിച്ച ലഭിച്ച വിവരങ്ങളും പരിശോധിക്കുന്നുണ്ട്. നിരോധനം പി.എഫ്.ഐയെ പൂര്‍ണമായും ഇല്ലാതാക്കാനാവില്ലെങ്കിലും സംഘടനയുടെ തീവ്രവാദ രൂപം ഇല്ലാതാക്കാന്‍ സഹായിക്കുമെന്നാണ് എന്‍.ഐ.എ കണക്കുകൂട്ടുന്നത്.റെയ്ഡും നിരോധനവും വരുമെന്ന് സൂചനയുള്ളതിനാല്‍ രണ്ട് വര്‍ഷമായി പി.എഫ്.ഐ ഇതിന് തയാറെടുത്തിരുന്നതായും ഇതാണ് റെയ്ഡില്‍ വന്‍തോതിലുള്ള പണമോ, ആയുധങ്ങളോ കണ്ടെത്താനാവാതെ പോയതെന്നുമാണ് എന്‍.ഐ.എ വിലയിരുത്തല്‍.

Continue Reading

Trending