kerala
വീണാ വിജയന്റെ എക്സാലോജിക് അടച്ചുപൂട്ടിയത് ചട്ടങ്ങള് പാലിക്കാതെ; മുന്പും കമ്പനിക്കെതിരെ നടപടിയുണ്ടായി
രാഷ്ട്രീയ വിവാദം കത്തിത്തുടങ്ങുമ്പോള് തന്നെയാണ് എക്സാലോജിക്കിനെതിരെ ഇതിന് മുന്പും അന്വേഷണങ്ങള് നടന്നിട്ടുണ്ടെന്ന് വ്യക്തമാകുന്നത്.
മുഖ്യമന്ത്രി പിണറായി വിജയന്റെ മകള് വീണാ വിജയന്റെ എക്സാലോജിക് കമ്പനിക്കെതിരെ കേന്ദ്ര കോര്പറേറ്റകാര്യ മന്ത്രാലയം മുന്പും നടപടിയെടുത്തതിന്റെ വിവരങ്ങള് പുറത്ത്. ചട്ടങ്ങള് പാലിക്കാതെ കമ്പനി അടച്ചുപൂട്ടിയതിന് പിഴ ചുമത്തിയിട്ടുണ്ട്. 2021 ഫെബ്രുവരിയിലായിരുന്നു ഈ നടപടി. എക്സാലോജിക്കിനും വീണാ വിജയനും ഓരോ ലക്ഷം രൂപ വീതമാണ് അന്ന് പിഴ ചുമത്തിയത്.
കഴിഞ്ഞ ദിവസമാണ് വീണയുടെ കമ്പനിക്കെതിരെ കേന്ദ്രം അന്വേഷണം പ്രഖ്യാപിച്ച റിപ്പോര്ട്ടുകള് പുറത്തുവന്നത്. ഇതില് രാഷ്ട്രീയ വിവാദം കത്തിത്തുടങ്ങുമ്പോള് തന്നെയാണ് എക്സാലോജിക്കിനെതിരെ ഇതിന് മുന്പും അന്വേഷണങ്ങള് നടന്നിട്ടുണ്ടെന്ന് വ്യക്തമാകുന്നത്. കമ്പനികാര്യ മന്ത്രാലയത്തെ അറിയിക്കാതിരുന്നടക്കമുള്ള ചട്ടങ്ങള് പാലിക്കാതെയാണ് എക്സാലോജിക് കമ്പനി അടച്ചുപൂട്ടിയത്. ഇത് കോര്പറേറ്റ് കാര്യ മന്ത്രാലയത്തിന്റെ അന്വേഷണത്തില് തെളിഞ്ഞതോടെയാണ് 2 ലക്ഷം രൂപ പിഴ ചുമത്തിയത്.
2019-2020ല് കമ്പനി 17 ലക്ഷം രൂപയുടെ നഷ്ടത്തിലായിരുന്നെന്നും 2020ല് കമ്പനി അടച്ചുപൂട്ടുന്നത് വരെ 7 ലക്ഷം രൂപ നഷ്ടമുണ്ടായിരുന്നെന്നുമാണ് അന്ന് എക്സാലോജിക് വിശദീകരണം നല്കിയിരുന്നത്. എന്നാല് 2 ലക്ഷം രൂപ പിഴത്തുക അടച്ചോ എന്നതില് വ്യക്തതയില്ല.
കൊവിഡ് സമയത്ത് അടച്ചുപൂട്ടുകയായിരുന്നെന്നാണ് എക്സാലോജിക് അറിയിക്കുന്നത്. എന്നാല് കൊവിഡ് സമയത്ത് ഐടി കമ്പനികള്ക്ക് വര്ക്കം അറ്റ് ഹോം അടക്കം ഇളവ് സംവിധാനങ്ങള് അനുവദനീയമായിരുന്നു. എന്നിട്ടും കമ്പനി അടച്ചുപൂട്ടുകയും ചട്ടം പാലിക്കുകയും ചെയ്തിരുന്നില്ല.
എക്സാലോജിക്കിനെതിരെയുള്ള കേന്ദ്ര അന്വേഷണം അവഗണിക്കാനാണ് സിപിഎം തീരുമാനമെങ്കിലും വിഷയം സജീവ ചര്ച്ചയാക്കാന് പ്രതിപക്ഷ നീക്കം. നേരത്തെയും കേന്ദ്ര ഏജന്സികള് അന്വേഷണം നടത്തിയിട്ടുണ്ടെന്നും പുതിയ നീക്കം രാഷ്ട്രീയ പ്രേരിതമാണെന്നും സിപിഎം സംസ്ഥാന കമ്മിറ്റി വിലയിരുത്തിയിരുന്നു.
എന്നാല് സിപിഎമ്മും ബി.ജെ.പിയും മുന്ധാരണ പ്രകാരം നാടകം കളിക്കുന്നുവെന്നാണ് പ്രതിപക്ഷത്തിന്റെ കുറ്റപ്പെടുത്തല്. കേരളത്തില് സിപിഎമ്മുമായി അന്തര്ധാരയുണ്ടാക്കാനുള്ള ബിജെപി ശ്രമത്തിന്റെ ഭാഗമാണ് എക്സാലോജിക്കിനെതിരെയുള്ള കേസെന്ന് കെ മുരളീധരന് ആരോപിച്ചു. കേരളത്തില് സീറ്റ് നേടാന് ബിജെപി എന്ത് കളിയും കളിക്കുമെന്നും മുരളീധരന് പറഞ്ഞു.ലോക്സഭ തെരഞ്ഞെടുപ്പ് അടുത്ത പശ്ചാത്തലത്തില് വിഷയം പ്രതിപക്ഷം രാഷ്ട്രീയ ആയുധമാക്കും.
kerala
ബാര്ക്ക് റേറ്റിംഗ് തട്ടിപ്പ്: പ്രാഥമിക അന്വേഷണം തുടങ്ങി – സംഭവം ഗൗരവമേറിയതെന്ന് സംസ്ഥാന പൊലീസ് മേധാവി
പരാതിയുടെ അടിസ്ഥാനത്തില് പ്രാഥമിക പരിശോധന നടക്കുകയാണെന്നും അന്വേഷണത്തില് ലഭിക്കുന്ന കണ്ടെത്തലുകള് അനുസരിച്ചായിരിക്കും തുടര്ന്ന് നടപടികള് എന്നും ഡിജിപി മാധ്യമങ്ങളോട് പറഞ്ഞു.
തിരുവനന്തപുരം: കേരളത്തിലെ ടിവി റേറ്റിംഗ് കണക്കെടുപ്പില് വന് കൃത്രിമം നടന്നെന്ന വെളിപ്പെടുത്തലിനെ തുടര്ന്ന് ബാര്ക്ക് റേറ്റിങ് തട്ടിപ്പില് പ്രാഥമിക അന്വേഷണം ആരംഭിച്ചതായി സംസ്ഥാന പൊലീസ് മേധാവി റവാഡ ചന്ദ്രശേഖര് അറിയിച്ചു. പരാതിയുടെ അടിസ്ഥാനത്തില് പ്രാഥമിക പരിശോധന നടക്കുകയാണെന്നും അന്വേഷണത്തില് ലഭിക്കുന്ന കണ്ടെത്തലുകള് അനുസരിച്ചായിരിക്കും തുടര്ന്ന് നടപടികള് എന്നും ഡിജിപി മാധ്യമങ്ങളോട് പറഞ്ഞു. സംഭവം അതീവ ഗൗരവമേറിയതാണെന്നും അദ്ദേഹം വ്യക്തമാക്കി.
ബാര്ക്ക് ഡാറ്റ അട്ടിമറിക്കാന് കോടികള് കൈക്കൂലി വാങ്ങുന്ന ഒരു സംഘം പ്രവര്ത്തിച്ചിരുന്നതിന്റെ തെളിവുകള് പുറത്തുവന്നിരുന്നു. മുംബൈ ആസ്ഥാനമായി പ്രവര്ത്തിക്കുന്ന ബാര്ക്ക് മിഡില് ലെവല് ഉദ്യോഗസ്ഥന് പ്രേംനാഥിന്റെ നേതൃത്വത്തിലുള്ള സംഘമാണ് തട്ടിപ്പിന്റെ പ്രധാനം. പ്രേംനാഥിന്റെ Trust Wallet-ലേക്ക് ഒഴുകിയെത്തിയത് ഏകദേശം 100 കോടി രൂപയോളം.
ഈ തുക കേരളത്തിലെ ഒരു ചാനല് ഉടമയുടെ അക്കൗണ്ടില് നിന്നാണ് ക്രിപ്റ്റോ കറന്സി USDT (Tether) വഴി കൈമാറിയതെന്ന് റിപ്പോര്ട്ടുകള് സൂചിപ്പിക്കുന്നു. പ്രേംനാഥും ചാനല് ഉടമയും തമ്മിലുള്ള നിരന്തര ഫോണ് കോളുകളുടെ ഡാറ്റയും വാട്ട്സ് ആപ്പ് ചാറ്റുകളും ഉള്പ്പെടെ നിരവധി തെളിവുകള് മാധ്യമങ്ങള് പുറത്തുവിട്ടിരുന്നു.
ബന്ധപ്പെട്ട ചാനലിന്റെ റേറ്റിംഗ് കൃത്രിമമായി ഉയര്ത്തി പരസ്യ വരുമാനം വര്ദ്ധിപ്പിക്കുകയും മറ്റു ചാനലുകളുടെ റേറ്റിംഗ് ക്രമബദ്ധമായി താഴ്ത്തുകയും ചെയ്തുവെന്നതാണ് പ്രാഥമിക അന്വേഷണത്തില് വെളിവാകുന്നത്. കഴിഞ്ഞ ഒരു വര്ഷത്തിലേറെയായി ഈ ഗൂഢതന്ത്രം കേരളത്തില് വിജയകരമായി നടപ്പിലാക്കിയതായി സൂചനകള് ലഭിക്കുന്നു.
സംഭവം മാധ്യമരംഗത്തെ വിശ്വാസ്യതയും പരസ്യ വിപണിയിലെ നിഷ്പക്ഷതയും ചൂഷണം ചെയ്യുന്നതായതിനാല് സൈബര് വിങിന്റെ വിശദമായ അന്വേഷണം തുടരുമെന്നാണ് സൂചന.
kerala
പ്രായത്തട്ടിപ്പ് നടത്തിയ സ്കൂളുകള്ക്ക് കായികമേളയില് നിന്ന് വിലക്ക് കിട്ടാന് സാധ്യത
മത്സരങ്ങളില് വ്യാജ ആധാര് കാര്ഡ് ഉപയോഗിച്ച് പങ്കെടുത്ത രണ്ട് വിദ്യാര്ത്ഥികളെ വിദ്യാഭ്യാസ വകുപ്പ് കൂടി കണ്ടെത്തിയതോടെ, ഇത്തരം തട്ടിപ്പില് ഉള്പ്പെട്ട സ്കൂളുകളെ തന്നെ ഭാവിയിലത്തെ കായികമേളകളില് നിന്ന് വിലക്കാനുള്ള നടപടികള് പരിഗണിക്കുന്നതായി സൂചനകള് ലഭിക്കുന്നു.
തിരുവനന്തപുരം: സംസ്ഥാന സ്കൂള് കായികമേളയില് നടന്ന പ്രായത്തട്ടിപ്പ് വിവാദം ശക്തമാകുന്നു. മത്സരങ്ങളില് വ്യാജ ആധാര് കാര്ഡ് ഉപയോഗിച്ച് പങ്കെടുത്ത രണ്ട് വിദ്യാര്ത്ഥികളെ വിദ്യാഭ്യാസ വകുപ്പ് കൂടി കണ്ടെത്തിയതോടെ, ഇത്തരം തട്ടിപ്പില് ഉള്പ്പെട്ട സ്കൂളുകളെ തന്നെ ഭാവിയിലത്തെ കായികമേളകളില് നിന്ന് വിലക്കാനുള്ള നടപടികള് പരിഗണിക്കുന്നതായി സൂചനകള് ലഭിക്കുന്നു.
തിരുനാവായ നാവാമുകുന്ദ സ്കൂളിലെ വിദ്യാര്ത്ഥികളാണ് ഏറ്റവും പുതിയതായി തിരിച്ചറിഞ്ഞത്. ഈ സംഭവത്തിന് മുമ്പ് ദേശീയ സ്കൂള് മീറ്റിനുള്ള ക്യാമ്പില് നിന്നും പ്രായ തട്ടിപ്പില്പെട്ട രണ്ട് അത്ലറ്റുകളെ പുറത്താക്കിയിരുന്നു. തിരുനാവായ നാവാമുകുന്ദ സ്കൂളിലെ സീനിയര് വിഭാഗം റിലേ ടീം അംഗമായ പ്രേം ഓജയും പുല്ലൂരാംപാറ സെന്റ് ജോസഫ് സ്കൂളിലെ സബ് ജൂനിയര് 100 മീറ്റര് താരമായ സഞ്ജയും സംസ്ഥാന സ്കൂള് കായികമേളയില് നേടിയ മെഡലുകള് തമ്മില് പരിശോധിച്ചപ്പോള്, ഇവര് ഉപയോഗിച്ച ആധാര് കാര്ഡുകള് വ്യാജമാണെന്ന് സ്ഥിരീകരിക്കപ്പെട്ടു.
മികവുള്ള മറുനാടന് താരങ്ങളുടെ ജനനത്തീയതിയില് മാറ്റം വരുത്തി, സംസ്ഥാന സ്കൂള് മീറ്റില് മത്സരിക്കാന് യോഗ്യരായി കാണിച്ചതാണ് കണ്ടെത്തിയ തട്ടിപ്പിന്റെ രീതി. ആവര്ത്തിച്ചുകൊണ്ടിരിക്കുന്ന ഇത്തരം ക്രമക്കേടുകള്ക്കെതിരെ കര്ശന നടപടി ആവശ്യപ്പെട്ട സാഹചര്യത്തിലാണ് ബന്ധപ്പെട്ട സ്കൂള് ഭരണകൂടങ്ങള്ക്ക് വിലക്ക് ഏര്പ്പെടുത്തുന്നതിനുള്ള നീക്കങ്ങള്ക്ക് രൂപം ലഭിക്കുന്നത്.
kerala
ടിവി റേറ്റിങ് അട്ടിമറിക്കാന് മലയാളത്തിലെ ഒരു ചാനല് ഉടമ കോടികള് കോഴ നല്കി; പരാതി ലഭിച്ചതായി ഡിജിപി
സംഭവത്തില് കേരള ടെലിവിഷന് ഫെഡറേഷന് (കെ.ടി.എഫ്) പ്രസിഡന്റ് ആര്. ശ്രീകണ്ഠന് നായര് മുഖ്യമന്ത്രിക്ക് പരാതി നല്കി.
ടെലിവിഷന് റേറ്റിങ് അട്ടിമറിക്കാന് ബാര്ക്കിലെ ജീവനക്കാരെ കോടികള് കോഴ നല്കി മലയാളത്തിലെ ഒരു ചാനല് സ്വാധീനിച്ചതായി റിപ്പോര്ട്ട്. സംഭവത്തില് കേരള ടെലിവിഷന് ഫെഡറേഷന് (കെ.ടി.എഫ്) പ്രസിഡന്റ് ആര്. ശ്രീകണ്ഠന് നായര് മുഖ്യമന്ത്രിക്ക് പരാതി നല്കി. മുഖ്യമന്ത്രി, പരാതി സംസ്ഥാന പൊലീസ് മേധാവിക്ക് കൈമാറുകയും അന്വേഷണത്തിനായി സൈബര് ടീമിനെ ചുമതലപ്പെടുത്തുകയും ചെയ്തു.
ബാര്ക്കിലെ ഉദ്യോഗസ്ഥനായ പ്രേംനാഥ് എന്നയാളുടെ നേതൃത്വത്തില് മുംബൈ കേന്ദ്രീകരിച്ചുള്ള സംഘത്തെ സ്വാധീനിച്ചാണ് മലയാളം ചാനല് തട്ടിപ്പ് നടത്തിയതെന്ന് റിപ്പോര്ട്ടില് പറയുന്നു. ഇതുസംബന്ധിച്ച് നിരവധി തെളിവുകള് 24 ന്യൂസ് ചാനല് പുറത്തുവിട്ടു. നേരത്തെ ബാര്ക്ക് റേറ്റിങ്ങില് വന് തട്ടിപ്പ് നടക്കുന്നതായി മീഡിയവണ്ണും ചൂണ്ടിക്കാട്ടിയിരുന്നു.
കേരളത്തിലെ ഒരു ചാനല് ഉടമയുടെ അക്കൗണ്ടില് നിന്നും ബാര്ക്ക് ജീവനക്കാരനിലേക്ക് എത്തിയെന്നാണ് ശ്രീകണ്ഠന് നായരുടെ പരാതി. ക്രിപ്റ്റോ കറന്സി വഴിയാണ് ചാനല് ഉടമ പണം കൈമാറ്റം ചെയ്തതെന്നും ആരോപണമുണ്ട്. ബാര്ക്ക് ജീവനക്കാരനും ആരോപണവിധേയനായ ചാനല് ഉടമയും തമ്മില് നടന്ന വാട്സ് ആപ്പ് ചാറ്റുകളടക്കം ട്വന്റിഫോര് ചാനല് പുറത്തുവിട്ടു. കൂടാതെ യൂട്യൂബ് വ്യൂവര്ഷിപ്പില് തട്ടിപ്പു നടത്താനും ആരോപണവിധേയനായ ചാനല് ഉടമ ഉപയോഗിച്ചതായി ട്വന്റി ഫോര് ആരോപിച്ചു.
ബാര്ക്കിലെ ചില ജീവനക്കാര്, ഡാറ്റകള് അട്ടിമറിക്കാന് കോടികള് കൈക്കൂലി വാങ്ങിയതിന്റെ തെളിവുകളാണ് ട്വന്റിഫോര് ന്യാസ് ചാനല് പുറത്തുവിട്ടത്. സ്വന്തം ചാനലിന്റെ റേറ്റിംഗ് വര്ധിപ്പിച്ച് പരസ്യ വരുമാനം വര്ദ്ധിപ്പിക്കുന്നതിനോടൊപ്പം മറ്റ് ചാനലുകളുടെ റേറ്റിംഗ് താഴ്ത്താനുമുള്ള ഗൂഢതന്ത്രമാണ് ഇവിടെ വെളിവാകുന്നത്.
-
News3 days agoഇത്യോപ്യയില് അഗ്നിപര്വ്വത സ്ഫോടനം; കണ്ണൂർ-അബൂദബി വിമാനം വഴിതിരിച്ചുവിട്ടു, കൊച്ചിയിൽ നിന്നുള്ള രണ്ടുവിമാനങ്ങൾ റദ്ദാക്കി
-
News15 hours agoമുന് പാക് പ്രധാനമന്ത്രി ഇമ്രാന് ഖാന് കൊല്ലപ്പെട്ടെന്ന് അഭ്യൂഹം; പ്രതികരിക്കാതെ ജയില് അധികൃതര്
-
kerala3 days agoശബരിമലയില് നിന്ന് ഡ്യൂട്ടി കഴിഞ്ഞ് വാ..; സി.പി.ഒയെ ഭീഷണിപ്പെടുത്തിയ പൊലീസ് അസോ. ജില്ല സെക്രട്ടറിക്ക് സസ്പെന്ഷന്
-
kerala3 days agoവന്നത് ആളൂരിനെ കാണാന്, മരിച്ചത് അറിയില്ലായിരുന്നു; കുപ്രസിദ്ധ മോഷ്ടാവ് ബണ്ടി ചോറിനെ വിട്ടയച്ചു
-
kerala16 hours agoആരോഗ്യ പ്രശ്നം; വേടനെ തീവ്രപരിചരണ വിഭാഗത്തില് പ്രവേശിപ്പിച്ചു
-
kerala3 days agoമോഷണത്തിന് ശ്രമിച്ച പ്രായപൂര്ത്തിയാകാത്ത കുട്ടികളെ ക്രൂരമായി മര്ദിച്ചു; രണ്ട് പേര് പിടിയില്
-
gulf3 days agoസൗദിയില് കെട്ടിടത്തിന് മുകളില് നിന്ന് വീണ് മലയാളി യുവാവ് മരിച്ചു.
-
india2 days agoപരീക്ഷാഫലത്തെ തുടര്ന്ന് ഹൈദരാബാദില് പത്താം ക്ലാസ് വിദ്യാര്ത്ഥിനി കെട്ടിടത്തില് നിന്ന് ചാടി മരിച്ചു