Video Stories
ഫിഫ റാങ്കിങ്: അര്‍ജന്റീന ഒന്നാമതു തന്നെ, ബ്രസീല്‍ രണ്ടാമത്
സൂറിച്ച്: ലോകകപ്പ് ചാമ്പ്യന്‍മാരായ ജര്‍മ്മനിയെ പിന്തള്ളി ബ്രസീല്‍ ഫിഫ ലോക ഫുട്‌ബോള്‍ റാങ്കിങില്‍ രണ്ടാം സ്ഥാനത്തേക്ക് കയറി. ഇതോടൊപ്പം ചിര വൈരികളായ അര്‍ജന്റീനയുമായുള്ള പോയിന്റ് അന്തരം കുറക്കാനും ബ്രസീലിനായി.
അര്‍ജന്റീന തന്നെയാണ് റാങ്കിങില്‍ ഒന്നാം സ്ഥാനത്ത്. ലോകകപ്പ് യോഗ്യത റൗണ്ടില്‍ കഴിഞ്ഞ ആറ് മത്സരങ്ങളും വിജയിച്ച ബ്രസീല്‍ അര്‍ജന്റീനയ്‌ക്കെതിരെ 3-0ന്റെ ആധികാരിക വിജയവും കൈവരിച്ചിരുന്നു. ഒന്നാം സ്ഥാനത്തുള്ള അര്‍ജന്റീനയ്ക്ക് 1634 പോയിന്റും ബ്രസീലിന് 1544 പോയിന്റുമാണുള്ളത്. 1433 പോയിന്റുമായി ജര്‍മ്മനി മൂന്നാമതാണ്. അതേ സമയം ആറാം സ്ഥാനത്തായിരുന്ന ചിലി നാലാം സ്ഥാനത്തേക്കു കയറി. എന്നാല്‍ നാലാം സ്ഥാനത്തുണ്ടായിരുന്ന ബെല്‍ജിയം അഞ്ചാം സ്ഥാനത്തേക്കും കൊളംബിയ ആറിലേക്കും മാറി. ഫ്രാന്‍സ് ഏഴാം സ്ഥാനത്തും പോര്‍ച്ചുഗല്‍ എട്ടാമതും ഉറുഗ്വേ ഒമ്പാതാമതുമെത്തിയപ്പോള്‍ മുന്‍ ലോക ചാമ്പ്യന്‍മാരായ സ്‌പെയിന്‍ 10-ാമതാണ്. ഇറ്റലി മൂന്ന് സ്ഥാനങ്ങള്‍ താഴ്ന്ന് 16ലേക്കു വീണു.
റിപ്പബ്ലിക്കോഫ് അയര്‍ലന്‍ഡ്, ഈജിപ്ത് എന്നീ ടീമുകളാണ് പുതിയ റാങ്കിങില്‍ ആദ്യ 50ല്‍ വന്‍ കുതിപ്പ് നടത്തിയത്. അതേ സമയം 38 സ്ഥാനങ്ങള്‍ മെച്ചപ്പെടുത്തി 87-ാം സ്ഥാനത്തെത്തിയ അര്‍മേനിയയാണ് പുതിയ റാങ്കിങില്‍ വിസ്മയം തീര്‍ത്തത്.
ചാഡ് 49 സ്ഥാനങ്ങള്‍ താഴേക്കിറങ്ങി 152ല്‍ എത്തിയതാണ് ഏറ്റവും മോശം റാങ്ക്. 10 സ്ഥാനങ്ങള്‍ മെച്ചപ്പെടുത്തിയ ടീം 23-ാം സ്ഥാനത്തെത്തി. ഈജിപ്ത് 36-ാം റാങ്കിലേക്കു കയറി. ഏഷ്യയില്‍ മൂന്നു സ്ഥാനം താഴ്ന്നുവെങ്കിലും 30-ാം സ്ഥാനത്തുള്ള ഇറാനാണ് ഒന്നാമത്. 37-ാം റാങ്കിലുള്ള ദക്ഷിണ കൊറിയയാണ് രണ്ടാമത്. ഏഴു റാങ്കുകളാണ് കൊറിയ മെച്ചപ്പെടുത്തിയത്. ആറു സ്ഥാനങ്ങള്‍ മെച്ചപ്പെടുത്തിയ ജപ്പാന്‍ 45ലുമാണ്. ഇന്ത്യ നിലവിലെ റാങ്കായ 137ല്‍ തന്നെയാണ്.
Cricket
ഐപിഎല്‍ ഫൈനലില്‍ ഓപ്പറേഷന്‍ സിന്ദൂറിന് ആദരം: സൈനിക മേധാവികളെ ക്ഷണിച്ച് ബിസിസിഐ
ജൂണ്‍ 3 ന് അഹമ്മദാബാദില്‍ നടക്കുന്ന ഐപിഎല്‍ ഫൈനലില്‍ പങ്കെടുക്കാന്‍ ഇന്ത്യന്‍ സായുധ സേനയുടെ മൂന്ന് സൈനിക മേധാവികളെയും ക്ഷണിച്ചിട്ടുണ്ടെന്ന് ബിസിസിഐ അറിയിച്ചു.
ജൂണ്‍ 3 ന് അഹമ്മദാബാദില്‍ നടക്കുന്ന ഐപിഎല്‍ ഫൈനലില്‍ പങ്കെടുക്കാന്‍ ഇന്ത്യന്‍ സായുധ സേനയുടെ മൂന്ന് സൈനിക മേധാവികളെയും ക്ഷണിച്ചിട്ടുണ്ടെന്ന് ബിസിസിഐ അറിയിച്ചു. ഈ പരിപാടിയുടെ സമാപന ചടങ്ങില്‍ സമീപകാല ഓപ്പറേഷന്‍ സിന്ദൂറിലെ അവരുടെ ‘വീര പരിശ്രമങ്ങള്‍ക്ക്’ ആദരം ഉണ്ടാകും.
ബിസിസിഐ സെക്രട്ടറി ദേവജിത് സൈകിയയാണ് ഇക്കാര്യം മാധ്യമപ്രസ്താവനയില്‍ അറിയിച്ചത്.
‘ഓപ്പറേഷന്‍ സിന്ദൂറിന്റെ വിജയം ആഘോഷിക്കാന്‍ അഹമ്മദാബാദില്‍ നടക്കുന്ന ഐപിഎല്‍ ഫൈനലിലേക്ക് എല്ലാ ഇന്ത്യന്‍ സായുധ സേനാ മേധാവികള്‍ക്കും ഉയര്‍ന്ന റാങ്കിലുള്ള ഓഫീസര്‍മാര്‍ക്കും സൈനികര്‍ക്കും ഞങ്ങള്‍ ക്ഷണം നല്‍കിയിട്ടുണ്ട്,’ സൈകിയ പറഞ്ഞു.
രാജ്യത്തിന്റെ സായുധ സേനയുടെ ‘ധീരത, ധൈര്യം, നിസ്വാര്‍ത്ഥ സേവനം’ എന്നിവയെ ബിസിസിഐ അഭിവാദ്യം ചെയ്യുന്നതായി സൈകിയ പറഞ്ഞു.
രാഷ്ട്രത്തെ സംരക്ഷിക്കുകയും പ്രചോദിപ്പിക്കുകയും ചെയ്ത ‘ഓപ്പറേഷന്‍ സിന്ദൂറിന് കീഴിലുള്ള വീരോചിതമായ പരിശ്രമങ്ങളെ’ അദ്ദേഹം പ്രശംസിച്ചു.
‘ഒരു ആദരം എന്ന നിലയില്‍, സമാപന ചടങ്ങ് സായുധ സേനയ്ക്ക് സമര്‍പ്പിക്കാനും നമ്മുടെ വീരന്മാരെ ആദരിക്കാനും ഞങ്ങള്‍ തീരുമാനിച്ചു. ക്രിക്കറ്റ് ഒരു ദേശീയ അഭിനിവേശമായി തുടരുമ്പോള്‍, രാജ്യത്തേക്കാളും നമ്മുടെ രാജ്യത്തിന്റെ പരമാധികാരം, അഖണ്ഡത, സുരക്ഷ എന്നിവയേക്കാള്‍ വലുതായി മറ്റൊന്നില്ല,’ സൈകിയ പറഞ്ഞു.
ഏപ്രില്‍ 22-ന് നടന്ന പഹല്‍ഗാം ഭീകരാക്രമണമാണ് ഓപ്പറേഷന്‍ സിന്ദൂറിന് തുടക്കമിട്ടത്.
film
മഞ്ഞുമ്മല്‍ ബോയ്സിന്റെ നിര്‍മാതാക്കള്‍ക്ക് സാമ്പത്തിക തട്ടിപ്പ് കേസില്‍ തിരിച്ചടി; ഹൈക്കോടതി കേസ് റദ്ദാക്കണമെന്ന ആവശ്യം തളളി
മഞ്ഞുമ്മല്‍ ബോയ്സ് സിനിമയുമായി ബന്ധപ്പെട്ട് തട്ടിപ്പ് കേസില്‍ നിര്‍മാതാക്കള്‍ക്ക് തിരിച്ചടി.
കൊച്ചി: മഞ്ഞുമ്മല്‍ ബോയ്സ് സിനിമയുമായി ബന്ധപ്പെട്ട് സാമ്പത്തിക തട്ടിപ്പ് കേസില്‍ നിര്‍മാതാക്കള്‍ക്ക് തിരിച്ചടി. കേസ് റദ്ധാക്കണമെന്ന ആവിശ്യം ഹൈക്കോടതി തളളി. ഷോണ്‍ ആന്റണി, ബാബു ഷാഹിന്‍, സൗബിന്‍ ഷാഹിര്‍ എന്നിവരുടെ ഹര്‍ജിയാണ് തളളിയത്.
ആലപ്പുഴ സ്വദേശിയുടെ പരാതിയെ തുടര്‍ന്ന് പൊലീസ് അന്വേഷണം നടത്തുകയും റിപ്പോര്‍ട്ട് ഹൈക്കോടതിയില്‍ സമര്‍പ്പിക്കുകയും ചെയ്തിരുന്നു. തുടര്‍ന്ന് കേസ് റദ്ദാക്കണമെന്ന ആവശ്യവുമായി നിര്‍മാതാക്കള്‍ കോടതിയെ ബന്ധപ്പെടുകയായിരുന്നു.
200 കോടിയോളം രൂപ നേടി ഹിറ്റായി മാറിയ ചിദംബരം സംവിധാനം ചെയ്ത ചിത്രമാണ് മഞ്ഞുമ്മല്‍ ബോയ്സ്.
സംസ്ഥാനത്ത് വിവിധയിടങ്ങളില്‍ ദേശീയപാത വികസന പ്രവര്‍ത്തനവുമായി ബന്ധപ്പെട്ടുണ്ടായ പ്രശ്നങ്ങള്‍ അന്വേഷിക്കാനെത്തിയ നാഷണല്‍ ഹൈവേ അഥോറിറ്റി ഉദ്യോഗസ്ഥരെ ഡോ. എം.പി അബ്ദുസ്സമദ് സമദാനി എം.പി സന്ദര്‍ശിച്ച് ചര്‍ച്ച നടത്തി. കേരള റീജ്യണല്‍ ഓഫീസര്‍ ബി.എല്‍. മീണയുടെ നേതൃത്വത്തിലുള്ള സംഘത്തെയാണ് സമദാനി സന്ദര്‍ശിച്ചത്.
-
kerala2 days agoവെഞ്ഞാറമൂട് കൂട്ടക്കൊല; അഫാന്റെ നില ഗുരുതരമായി തുടരുന്നു
-
kerala3 days agoവെഞ്ഞാറമൂട് കൂട്ടക്കൊലക്കേസ്; ജയിലില് തൂങ്ങിമരിക്കാന് ശ്രമം; പ്രതി അഫാന്റെ നില അതീവഗുരുതരം
-
kerala3 days agoനിലമ്പൂര് ഉപതെരഞ്ഞെടുപ്പ്; യുഡിഎഫ് സുസജ്ജം, സ്ഥാനാര്ഥിയെ ഉടന് പ്രഖ്യാപിക്കും: സണ്ണി ജോസഫ്
-
kerala3 days agoനിലമ്പൂര് ഉപതെരഞ്ഞെടുപ്പ് ജൂണ്‍ 19ന്; വോട്ടെണ്ണല് 23ന്
-
News3 days agoഎം.ഇ.എസ് മമ്പാട് കോളേജ് അലുംനി ജിദ്ദ ചാപ്റ്റർ മെമ്പർഷിപ്പ് ക്യാമ്പയിൻ ആരംഭിച്ചു
-
kerala3 days agoമലപ്പുറം കാക്കഞ്ചേരിയില് ദേശീയപാതയില് വിള്ളല് രൂപപ്പെട്ടു; ഗതാഗതം താത്കാലികമായി നിര്ത്തിവെച്ചു
-
kerala3 days agoപ്ലസ് വണ് അപേക്ഷ വിവരങ്ങള് തിരുത്താന് അവസരം
-
kerala3 days agoകൊച്ചി കപ്പല് അപകടം; സംസ്ഥാന സര്ക്കാര് യോഗം വിളിച്ചു