Culture
യു.എസ് വിമാന യാത്രക്കാര്‍ രഹസ്യ നിരീക്ഷണത്തില്‍
വാഷിങ്ടണ്‍: അമേരിക്കയില്‍ ആഭ്യന്തര സര്‍വ്വീസ് നടത്തുന്ന വിമാനങ്ങളില്‍ യാത്രക്കാരെ അകാരണമായി പിന്തുടരാന്‍ എയര്‍ മാര്‍ഷല്‍മാരെ നിയോഗിച്ചിട്ടുണ്ടെന്ന് വെളിപ്പെടുത്തല്‍. ക്രിമിനല്‍ പശ്ചാത്തലമൊന്നുമില്ലാത്ത യാത്രക്കാരെയാണ് യു.എസ് ട്രാന്‍സ്‌പോര്‍ട്ടേഷന്‍ സെക്യൂരിറ്റി അഡ്മിനിസ്‌ട്രേഷന്‍(ടി.എസ്.എ) രഹസ്യമായി നിരീക്ഷിക്കുന്നത്. ഭീകരാക്രമണങ്ങള്‍ പോലുള്ള സംഭവങ്ങള്‍ തടയാനുള്ള പ്രായോഗിക രീതിയുടെ ഭാഗമാണ് ഇതെന്ന് ടി.എസ്.എ പറയുന്നു.
ഏതെങ്കിലും തരത്തിലുള്ള വംശീയമായ ഘടകങ്ങളുടെ അടിസ്ഥാനത്തിലല്ല അതെന്നും ഏജന്‍സി വ്യക്തമാക്കി. വിമാനങ്ങളില്‍ യാത്രക്കാരെ രഹസ്യമായി പിന്തുടര്‍ന്ന് സംശയകരമായ പെരുമാറ്റമുണ്ടാവുകയെങ്കില്‍ ടി.എസ്.എ റിപ്പോര്‍ട്ട് ചെയ്യുകയാണ് എയര്‍ മാര്‍ഷല്‍മാരുടെ ജോലി. ഏതെങ്കിലും ഭീകരസംഘടനകളുമായി ബന്ധമോ മറ്റ് അപാകതയോ ഉള്ളതുകൊണ്ടല്ല പല യാത്രക്കാരും നിരീക്ഷിക്കപ്പെടുന്നതെന്ന് ബോസ്റ്റണ്‍ ഗ്ലോബ് പത്രം പറയുന്നു. 2010 മുതലാണ് ടി.എസ്.എ ഏജന്റുമാര്‍ യാത്രക്കാരെ രഹസ്യമായി നിരീക്ഷിച്ചുതുടങ്ങിയത്. യാത്രാ രീതികളുടെയും സംശയകരമായ ബന്ധങ്ങളുടെയും അടിസ്ഥാനത്തിലാണ് നിരീക്ഷിക്കപ്പെടേണ്ട യാത്രക്കാരെ തീരുമാനിക്കുന്നത്.
തുറിച്ചുനോട്ടം, അമിത വിയര്‍പ്പ്, വിടര്‍ന്ന കണ്ണുകള്‍, മുഖഭാവം, വിമാനത്തില്‍ ഉറങ്ങുന്ന രീതി, സ്മാര്‍ട്ട്‌ഫോണ്‍ ഉപയോഗം തുടങ്ങിയ ഘടങ്ങളുടെ അടിസ്ഥാനത്തിലാണ് നിരീക്ഷിക്കപ്പെടേണ്ട യാത്രക്കാരെ തീരുമാനിക്കുന്നതെന്നും പത്രം പറയുന്നു. യാത്രക്കാരന്റെ പെരുമാറ്റത്തില്‍ അസാധാരണമായി എന്തെങ്കിലും ശ്രദ്ധയില്‍ പെട്ടാലും അയാളെ സമീപിക്കുകയോ യാത്ര തടസ്സപ്പെടുത്തുകയോ ചെയ്യാറില്ലെന്നും ടി.എസ്.എ വ്യക്തമാക്കി.
മതം, വംശീയത തുടങ്ങിയ ഘടകങ്ങളും അത്തരം നിരീക്ഷണത്തിന് ബാധകമല്ല. ഒരു ബിസിനസുകാരി മുതല്‍ സുരക്ഷാ ഉദ്യോഗസ്ഥന്‍ വരെ ഇങ്ങനെ നിരീക്ഷിക്കപ്പെട്ടിട്ടുണ്ട്.
Film
വാഹനാപകടം; നടന്‍ ഷൈന്‍ ടോം ചാക്കോയുടെ പിതാവിന്റെ മൃതദേഹം വീട്ടിലെത്തിച്ചു
മൃതദേഹം ഇന്ന് വീട്ടില്‍ പൊതുദര്‍ശനത്തിന് വെക്കും.
തമിഴ്നാട്ടിലെ വാഹനാപകടത്തില്‍ മരിച്ച നടന്‍ ഷൈന്‍ ടോം ചാക്കോയുടെ പിതാവ് സി പി ചാക്കോയുടെ മൃതദേഹം തൃശൂര്‍ മുണ്ടൂരിലെ വീട്ടിലെത്തിച്ചു. മൃതദേഹം ഇന്ന് വീട്ടില്‍ പൊതുദര്‍ശനത്തിന് വെക്കും. നാളെ മുണ്ടൂര്‍ പരികര്‍മ്മല മാതാ പള്ളിയിലാണ് സംസ്‌കാര ചടങ്ങുകള്‍ നടക്കുക.
വെള്ളിയാഴ്ച ധര്‍മപുരിയെയും ഹൊസൂറിനെയും തമ്മില്‍ ബന്ധിപ്പിക്കുന്ന പുതുതായി നിര്‍മിച്ച അതിവേഗ ദേശീയപാത 844ലൂടെ കാറില്‍ ബെംഗളുരുവിലേക്ക് സഞ്ചരിക്കവെയായിരുന്നു ഇവര്‍ അപകടത്തില്‍പ്പെട്ടത്. അപകടത്തില്‍ നടന്റെ ഷോള്‍ഡറിന് താഴെ മൂന്ന് പൊട്ടലുകള്‍, നട്ടെല്ലിനും ചെറിയ പൊട്ടല്‍ സംഭവിച്ചു. ശസ്ത്രക്രിയ അനിവാര്യമെങ്കിലും സംസ്‌കാര ചടങ്ങുകള്‍ക്ക് ശേഷം തിങ്കളാഴ്ച ശസ്ത്രക്രിയ നടത്താനാണ് തീരുമാനം.
അപകടത്തില്‍ കൂടുതല്‍ പരുക്ക് മാതാവിനാണെങ്കിലും ഇരുവരുടെയും ആരോഗ്യസ്ഥിതിയില്‍ ആശങ്കപ്പെടേണ്ടതില്ലെന്ന് ഡോക്ടര്‍മാര്‍ വ്യക്തമാക്കി.
Film
സാന്ദ്ര തോമസിനെതിരെ വധഭീഷണി; പരാതി നല്‍കിയിട്ടും പൊലീസ് നടപടിയെടുത്തില്ല
പരാതി നല്‍കി രണ്ട് മാസം കഴിഞ്ഞിട്ടും കാര്യമായ നടപടികളൊന്നുമുണ്ടായില്ലെന്നാണ് ആരോപണം.
നിര്‍മാതാവ് സാന്ദ്ര തോമസിനെതിരായ വധഭീഷണിയില്‍ പരാതി നല്‍കിയിട്ടും പൊലീസ് നടപടിയെടുക്കുന്നില്ലെന്ന് ആരോപണം. പരാതി നല്‍കി രണ്ട് മാസം കഴിഞ്ഞിട്ടും കാര്യമായ നടപടികളൊന്നുമുണ്ടായില്ലെന്നാണ് ആരോപണം. പാലാരിവട്ടം പൊലീസിനെതിരെ ഡിജിപിക്ക് പരാതി നല്‍കുമെന്നും നിര്‍മാതാവ് വ്യക്തമാക്കി.
പ്രൊഡക്ഷന്‍ കണ്‍ട്രോളറുടെ വാട്സ്ആപ്പ് ഗ്രൂപ്പില്‍ ആണ് വധഭീഷണി സന്ദേശമെത്തിയത്. ഭീഷണിയുടെ ശബ്ദസന്ദേശമടക്കം പരാതി നല്‍കിയിട്ടും പൊലീസിന്റെ ഭാഗത്ത് നിന്ന് നടപടിയുണ്ടായില്ലെന്ന് സാന്ദ്ര ആരോപിച്ചു. സാന്ദ്രയുടെ പിതാവിനെതിരെയും വധഭീഷണി മുഴക്കിയിരുന്നു.
പൊലീസിനെതിരെ ഡിജിപിക്കും വിജിലന്‍സിനും പരാതി നല്‍കുമെന്നും ഉദ്യോഗസ്ഥരുടെ ഫോണ്‍ പരിശോധിക്കണമെന്നും സാന്ദ്ര ആവശ്യപ്പെടുന്നു.
സാന്ദ്രയെ ‘തല്ലിക്കൊന്ന് കാട്ടിലെറിയും’ എന്നാണ് ശബ്ദസന്ദേശത്തിലുള്ള ഭീഷണി. സാന്ദ്രയുടെ പിതാവ് തോമസിനെ കൊല്ലുമെന്നും ഓഡിയോ സന്ദേശത്തിലുണ്ട്.
‘എന്തുകൊണ്ടാണ് ഹേമാ കമ്മിറ്റിയിലെ പരാതിക്കാര്‍ മുന്നോട്ട് വന്നില്ലായെന്നത് ഇപ്പോള്‍ മനസ്സിലായില്ലേ. ആരെങ്കിലും ശബ്ദമുയര്‍ത്തിയാല്‍ അവരെ നിശബ്ദമാക്കുന്നതാണ് രീതി. സംഭവത്തില്‍ തൊട്ടടുത്ത ദിവസം പരാതി നല്‍കിയിരുന്നു. സ്ത്രീ ആയതുകൊണ്ടാണ് ഇത്തരത്തില്‍ ആക്രമിക്കുന്നത്. ഇവര്‍ക്കെല്ലാം സ്വാധീനമുള്ളവരുടെ പിന്തുണയുണ്ട്. ഔദ്യോഗിക ഗ്രൂപ്പില്‍ സന്ദേശം എത്തിയിട്ടും ഫെഫ്ക ജനറല്‍ സെക്രട്ടറി നടപടിയെടുത്തില്ല. രണ്ട് മാസമായി പൊലീസിന്റെ ഭാഗത്ത് നിന്നും നടപടിയുണ്ടായിട്ടില്ല. വേദനാജനകമാണ്. ഇതില്‍ നിന്നും പിന്നോട്ടില്ല’, എന്നായിരുന്നു സാന്ദ്രാ തോമസിന്റെ പ്രതികരണം.
രണ്ടുമാസം മുന്‍പ് ഒരു യൂട്യൂബ് ചാനലിന് നല്‍കിയ അഭിമുഖത്തിലാണ് പ്രൊഡക്ഷന്‍ കണ്‍ട്രോളര്‍മാര്‍ക്കെതിരെ സാന്ദ്ര തോമസ് രംഗത്തെത്തിയത്.
-
india3 days ago‘കപ്പലില് അപകടകരമായ കാര്ഗോ, ബേപ്പൂര് തുറമുഖത്തെ സജ്ജമാക്കി’; അഴീക്കല് പോര്ട്ട് ഓഫീസര് ക്യാപ്റ്റന്
-
kerala2 days agoലക്ഷദ്വീപ് സ്കൂള് ഭാഷാ പരിഷ്കരണം; ഉത്തരവ് ഇറക്കിയത് വിശദമായ പഠനം നടത്താതെ, വിമര്ശനവുമായി ഹൈക്കോടതി
-
kerala3 days agoസംസ്ഥാനത്ത് ഇടവേളയ്ക്ക് ശേഷം മഴ ശക്തമായേക്കും; നാല് ജില്ലകളില് യെല്ലോ അലര്ട്ട്
-
kerala3 days agoനടന്‍ ഷൈന്‍ ടോം ചാക്കോയുടെ പിതാവിന്റെ സംസ്കാരം ഇന്ന്
-
kerala2 days agoപാലക്കാട് പൊലീസ് ഉദ്യോഗസ്ഥനെ ട്രെയിനിടിച്ച് മരിച്ച നിലയില് കണ്ടെത്തി
-
india2 days agoകെനിയയില് വാഹനാപകടം; അഞ്ച് വിനോദസഞ്ചാരികള് മരിച്ചു
-
Football3 days agoയുവേഫ നേഷന്സ് ലീഗ്; സ്പെയിന് യുവനിരയെ വീഴ്ത്തി; കപ്പുയര്ത്തി പോര്ചുഗല്
-
kerala3 days agoരാജ്യത്ത് കോവിഡ് കേസുകള് വര്ധിക്കുന്നു; ഏറ്റവും കൂടുതല്‍ കേരളത്തില്