Connect with us

Video Stories

ബ്ലാസ്‌റ്റേഴ്‌സിന്റെ ഭാവി തുലാസില്‍ തന്നെ; സാധ്യതകള്‍ ബലാബലം

Published

on

ഭുവനേശ്വര്‍: കേരള ബ്ലാസ്‌റ്റേഴ്‌സിന്റെ ഭാവി തുലാസില്‍ തന്നെ. സൂപ്പര്‍ സണ്‍ഡേയില്‍ നടന്ന ഐ.എസ് എല്‍ പോരാട്ടങ്ങളിലെ ആദ്യ ഫലം ബ്ലാസ്‌റ്റേഴിസിന്റെ സാധ്യതകളെ ബാധിക്കുമ്പോള്‍ ഫലം സാധ്യതകളെ സജീവമാക്കുന്നു. ആദ്യ മല്‍സരത്തില്‍ ശക്തരായ പൂനെയെ നാല് ഗോളിന് ഗോവക്കാര്‍ മുക്കിയതോടെ അവര്‍ ടേബിളില്‍ ബ്ലാസ്‌റ്റേഴ്‌സിന് തൊട്ട് പിറകെ ആറാമത് വന്നു. രണ്ട് കളികള്‍ ബാക്കിനില്‍ക്കുന്നു, അതേ സമയം ബ്ലാസ്‌റ്റേഴ്‌സിന് മുകളില്‍ നാലാം സ്ഥാനത്തുളള ജാംഷഡ്പ്പൂര്‍ ബംഗളൂരുവിനോട് തോറ്റതോടെ വലിയ ആശ്വാസവുമായി. ബ്ലാസ്‌റ്റേഴ്‌സും ജാംഷഡ്പ്പൂരും തമ്മില്‍ കേവലം ഒരു പോയിന്റാണ് വിത്യാസം. അവസാന മല്‍സരങ്ങളാണ് ഇനി നിര്‍ണായകം.

ഭുവനേശ്വറിലെ കലിംഗ സ്‌റ്റേഡിയത്തില്‍ നടന്ന ഹീറോ ഇന്ത്യന്‍ സൂപ്പര്‍ ലീഗില്‍ ജംഷഡ്പൂര്‍ എഫ്‌സിയെ എതിരില്ലാത്ത രണ്ട് ഗോളുകള്‍ക്ക് ബംഗളൂരു എഫ്‌സി തോല്‍പ്പിച്ചു. മിക്കു(23), സുനില്‍ ഛേത്രി(34) എന്നിവരാണ് ബംഗളൂരുവിന് വേണ്ടി ഗോള്‍ നേടിയത്. ഇതോടെ 17 കളികളില്‍ നിന്നും 26 പോയിന്റുമായി ജംഷഡ്പൂര്‍ എഫ്‌സി നാലാം സ്ഥാനത്ത് തന്നെ തുടരുകയാണ്. 25 പോയിന്റുമായി ബ്ലാസ്‌റ്റേഴ്‌സ് തൊട്ടു താഴെ സ്ഥാനം പിടിച്ചിട്ടുണ്ട്. രണ്ട് പേര്‍ക്കും ബാക്കിയുള്ളത് ഓരോ കളികള്‍ വീതം. 24 പോയിന്റുമായി എഫ്‌സി ഗോവ ആറാം സ്ഥാനത്തുമുണ്ട്. അവര്‍ക്ക് രണ്ട് മത്സരങ്ങള്‍ ബാക്കിയുമുണ്ട്. നേരത്തെ തന്നെ സെമിയില്‍ എത്തിയ ബംഗളൂരിന് 37 പോയിന്റായി. ഒന്നാം പകുതിയിലാണ് ബംഗളൂരു രണ്ട് ഗോളുകളും നേടിയത്. നേരത്തെ തന്നെ സെമിയില്‍ എത്തിയ ബംഗളൂരു എഫ്‌സി അതൊന്നും കണക്കാക്കാതെയാണ് കളിച്ചത്. എന്നാല്‍ അവര്‍ക്ക് ഒരു കണക്ക് തീര്‍ക്കേണ്ടതുമുണ്ടായിരുന്നു. ബംഗളൂരുവില്‍ നടന്ന ആദ്യ മത്സരത്തില്‍ ജംഷഡ്പൂര്‍ ബംഗളൂരുവിനെ തോല്‍പ്പിച്ചിരുന്നു. അതിന്റെ എല്ലാ വാശിയുമായാണ് ക്യാപ്റ്റന്‍ സുനില്‍ ഛേത്രിയും മിക്കുവും മറ്റും കളം നിറഞ്ഞ് കളിച്ചത്. ഒന്‍പതാം മിനുട്ടില്‍ തന്നെ ഇരുവരും ചേര്‍ന്ന് നല്ലൊരവസരം തുറന്നെടുത്താണ്. സുനില്‍ ഛേത്രിയ്ക്ക് പിഴച്ചു. നാലു മിനുട്ടിന് ശേഷം ഉദാന്താ സിങ്ങിന്റെ ക്രോസ് മിക്കുവും പാഴാക്കി. 23ാം മിനുട്ടില്‍ പെനാല്‍ട്ടിയിലൂടെയാണ് ബംഗളൂരു ആദ്യ ഗോള്‍ നേടുന്നത്. ബോക്‌സിലേക്ക് ഓടിക്കയറിയ മിക്കുവിനെ ജംഷെഡ്പൂര്‍ ഗോളി സുബ്രതാ പോള്‍ വീഴ്ത്തുകയായിരുന്നു. മിക്കു തന്നെ കിക്കെടുത്ത് ബംഗളൂരുവിനെ മുന്നിലെത്തിച്ചു. 33ാം മിനുട്ടില്‍ മിക്കുവിന്റെ ത്രൂ പാസില്‍ ഉദാന്താ സിങ്ങിനും നല്ലൊരവസരം ലഭിച്ചു. പക്ഷെ പന്ത് പുറത്തേക്ക് പറന്നു. തൊട്ടടുത്ത മിനുട്ടില്‍ ക്യാപ്റ്റന്‍ സുനില്‍ ഛേത്രി ടൂര്‍ണ്ണമെന്റിലെ തന്റെ പത്താം ഗോള്‍ നേടി. ദിമാസിന്റെ കോര്‍ണറില്‍ ഛേത്രി കൃത്യമായി തലവെച്ചു.
ഛേത്രിയേയും മിക്കുവിനേയും നേരിടാന്‍ പ്രതിരോധത്തില്‍ സുമീത് പാസിയെ പിന്‍വലിച്ച് മലയാളിയായ അനസ് എടത്തൊടികയെ ഇറക്കിയാണ് രണ്ടാം പകുതിയില്‍ ജംഷഡ്പൂര്‍ എഫ്‌സി കോച്ച് സ്റ്റീവ് കോപ്പല്‍ പരീക്ഷിച്ചത്. പക്ഷെ പരിക്കേറ്റ അനസിന് പത്ത് മിനുട്ടേ കളിക്കാന്‍ കഴിഞ്ഞുള്ളൂ. രണ്ടാം പകുതിയില്‍ ബംഗളൂരു പ്രതിരോധത്തിലേക്ക് വലിഞ്ഞപ്പോള്‍ ജംഷഡ്പൂര്‍ എഫ്‌സിയാണ് കൂടുതല്‍ അക്രമണത്തില്‍ ശ്രദ്ധിച്ചു. ജെറിയും യുമ്‌നാം രാജുവും നൈജീരിയന്‍ താരം അസുക്കയും നിരന്തരം ബംഗളൂരിന് ഭീഷണിയുയര്‍ത്തി. ജെറിയുടെ മികച്ചൊരു ഷോട്ട് ഗോളി ഗുര്‍പ്രീത് സിങ് രക്ഷപ്പെടുത്തി. രണ്ട് മിനുട്ടിനുള്ളില്‍ യുമ്‌നാം രാജുവിന്റെ ക്രോസില്‍ അസുക്കയുടെ വോളി ബാറിന് മുകളിലൂടെ പറന്നു. അസൂക്കയുടെ ഒരു ബൈസിക്കിള്‍ കിക്കും പാഴാവുന്നത് കാണാമായിരുന്നു.
അവസാന മിനുട്ടുകളില്‍ കോപ്പലിന്റെ കുട്ടികള്‍ ഒന്നടങ്കം ബംഗളൂരിവിന്റെ പാതിയില്‍ നിറഞ്ഞു കളിച്ചു. പക്ഷെ ഗോള്‍ മാത്രം വന്നില്ല. ബംഗളൂരു പ്രതിരോധത്തെ അവര്‍ പല തവണ തോല്‍പ്പിച്ചു. എന്നാല്‍ അപ്പോഴൊക്കെ ബാറിന് താഴെ ഗുര്‍പ്രീത് സിങ്ങ് ഉറച്ചു നിന്നു. കളി തീരാന്‍ മിനുട്ടുകള്‍ ബാക്കി നില്‍ക്കെ ജംഷെഡ്പൂരിന്റെ മെഹ്താബ് ഹുസൈന് ഛേത്രിയെ ഫൗള്‍ ചെയ്തതിന് ചുവപ്പ് കാര്‍ഡ് കണ്ട് പുറത്ത് പോകേണ്ടിയും വന്നു.

Continue Reading
Advertisement
Click to comment

Leave a Reply

Your email address will not be published. Required fields are marked *

Video Stories

കത്ത് വിവാദം ; ക്രൈംബ്രാഞ്ച് ഇന്ന് മേയറുടെ മൊഴിയെടുക്കും

തുടര്‍ന്ന് ഓഫീസിലെ ജീവനക്കാരെ ചോദ്യം ചെയ്യും.

Published

on

തിരുവനന്തപുരം കോര്‍പറേഷനിലെ ശുപാര്‍ശ കത്ത് അന്വേഷിക്കുന്ന ക്രൈം ബ്രാഞ്ച് സംഘം ഇന്ന് മേയര്‍ ആര്യ രാജേന്ദ്രന്റെ മൊഴിയെടുക്കും.തുടര്‍ന്ന് ഓഫീസിലെ ജീവനക്കാരെ ചോദ്യം ചെയ്യും.

നവമാധ്യമങ്ങള്‍ വഴി പ്രചരിച്ച കത്ത്, കോര്‍പ്പറേഷനില്‍ തന്നെ തയ്യാറാക്കിയിരിക്കാമെന്ന നിഗമനത്തിലാണ് പൊലീസ്.
ആരാണ് ഇത് തയ്യാറാക്കി വാട്സ് ആപ്പിലേക്ക് അയച്ചതെന്ന് കണ്ടെത്താന്‍ ശാസ്ത്രീയ തെളിവുകള്‍ പൊലീസിന് ശേഖരിക്കേണ്ടിവരും.പ്രാഥമിക അന്വേഷണം നടത്തിയപ്പോള്‍ ആര്യ രാജേന്ദ്രന്റെ മൊഴി ക്രൈം ബ്രാഞ്ച് രേഖപ്പെടുത്തിയിരുന്നു.

 

Continue Reading

Video Stories

ഖത്തറില്‍ ഡെന്മാര്‍ക്കും തുണീഷ്യയും ഇന്ന് നേര്‍ക്കുനേര്‍

Published

on

ഇന്ത്യന്‍ സമയം വൈകീട്ട് 6.30 നാണ് ഗ്രൂപ്പ് ഡി മല്‍സരങ്ങളുടെ തുടക്കം. അട്ടിമറിക്കാരായ ഡെന്മാര്‍ക്കിനെതിരെ ഖത്തറില്‍ ധാരാളം പിന്തുണക്കാരുള്ള തുണീഷ്യ. ലോക ചാമ്പ്യന്മാരായ ഫ്രാന്‍സ് കളിക്കുന്ന ഗ്രൂപ്പായതിനാല്‍ ഡെന്മാര്‍ക്കിനും തുണീഷ്യക്കും അടുത്ത റൗണ്ട് എന്ന ലക്ഷ്യത്തില്‍ ഇന്ന് വിജയിക്കാനാവണം.

ഒരു വര്‍ഷം മുമ്പ് നടന്ന യൂറോയില്‍ ആരും സാധ്യത കല്‍പ്പിക്കാതിരുന്ന ടീമായിരുന്നല്ലോ ഡെന്മാര്‍ക്ക്. നായകന്‍ ക്രിസ്റ്റിയന്‍ എറിക്‌സണെ നഷ്ടമായിട്ടും റഷ്യ, വെയില്‍സ്, ചെക് റിപ്പബ്ലിക് എന്നിവരെയെല്ലാം മറികടന്നവര്‍ ഇംഗ്ലണ്ടിനോട് തോല്‍ക്കുകയായിരുന്നു. പിയറി എമിലി ഹോജ്ബര്‍ഗും ശ്രദ്ധിക്കേണ്ട താരം. പുതിയ കോച്ച് ജലീല്‍ കാദ്‌രിക്ക് കീഴില്‍ കരുത്തരായിരിക്കുന്നു അവര്‍. പ്രീമീയര്‍ ലീഗില്‍ സണ്ടര്‍ലന്‍ഡിനായി കളിച്ച വഹബി കസ്‌രിയാണ് തുണീഷ്യക്കാരിലെ അപകടകാരി.

Continue Reading

Video Stories

അര്‍ജന്റീനക്കാര്‍ ചില്ലറക്കാരല്ല; വേങ്ങരയില്‍ 500 പേര്‍ക്കുള്ള ബിരിയാണി ഒരുക്കി അര്‍ജന്റീന ഫാന്‍സ്

500 പേര്‍ക്കുള്ള ബിരിയാണിയാണ് ഇവിടുത്തെ അര്‍ജന്റീന ഫാന്‍സ് ഒരുക്കിയിരിക്കുന്നത്

Published

on

ആദില്‍ മുഹമ്മദ്

കളി ഖത്തറില്‍ ആണെങ്കിലും ആവേശം മലപ്പുറത്താണെന്ന് പറയുന്നത് എന്തായാലും വെറുതെയല്ല. അത് തെളിയിക്കുകയാണ് മലപ്പുറത്തെ ഓരോരോ സംഭവങ്ങളും. ഇന്നത്തെ സംഭവം മലപ്പുറം വേങ്ങരയിലാണ്. 500 പേര്‍ക്കുള്ള ബിരിയാണിയാണ് ഇവിടുത്തെ അര്‍ജന്റീന ഫാന്‍സ് ഒരുക്കിയിരിക്കുന്നത്.

മലപ്പുറം വേങ്ങര എടയാട്ടുപറമ്പിലെയും ചേക്കാലിമാടിലെയും അര്‍ജന്റീന ഫാന്‍സ് സംയുക്തമായിയാണ് തങ്ങളുടെ ടീമിന്റെ ഉദ്ഘാടനമത്സരത്തിന്റെ ഭാഗമായി 500 പേര്‍ക്കുള്ള ബിരിയാണി ഒരുക്കുന്നത്.മത്സരത്തിനു മുന്‍പ് ഇത് വിതരണം ചെയ്യുകയും ചെയ്യും. നാട്ടിലുള്ള അര്‍ജന്റീന ഫാന്‍സ് എല്ലാവരും ഒത്തുചേര്‍ന്നാണ് ഭക്ഷണത്തിനുള്ള ഫണ്ട് കണ്ടെത്തിയത്. 80 കിലോയോളം വരുന്ന ഭക്ഷണത്തിന്റെ തയ്യാറെടുപ്പുകള്‍ കഴിഞ്ഞ ദിവസം തന്നെ തുടങ്ങിയിരുന്നു.

ഇന്ന് വൈകിട്ട് മൂന്നര മണിക്കാണ് ഖത്തര്‍ വേള്‍ഡ് കപ്പില്‍ അര്‍ജന്റീനയുടെ ആദ്യ പോരാട്ടം. സൗദി അറേബ്യയാണ് എതിരാളി.

 

Continue Reading

Trending