Connect with us

Career

Career chandrika: പാരാമെഡിക്കല്‍ ബിരുദ കോഴ്‌സുകള്‍; സാധ്യതകളറിയാം

ചില കോഴ്‌സുകളെ പരിചയപ്പെടാം.

Published

on

കേരളത്തിലെ വിവിധ സ്ഥാപനങ്ങളില്‍ ബിഎസ്.സി നഴ്‌സിംഗ്, മറ്റു പാരാമെഡിക്കല്‍ ബിരുദ കോഴ്‌സുകളിലെ പ്രവേശനത്തിന് https://lbscetnre.in/ വഴി ആഗസ്ത് 20 വരെ അപേക്ഷിക്കാം. ആഗസ്ത് 17 നകം ഫീസൊടുക്കണം.ചില കോഴ്‌സുകളെ പരിചയപ്പെടാം.

ബാച്ചിലര്‍ ഓഫ്
ഒക്കുപ്പേഷണല്‍ തെറാപ്പി

ശാരീരികവും, മാനസികവും, വൈകാരികവുമായ പരിമിതിയുള്ളവര്‍ക്ക് സാന്ത്വനം പകര്‍ന്ന് അവരെ ദൈനംദിന വ്യവഹാരങ്ങളിലേര്‍പ്പെടാന്‍ സഹായിക്കുന്ന പ്രൊഫഷനലുകളാണ് ഒക്കുപ്പേഷണല്‍ തെറാപിസ്റ്റുകള്‍. ഭിന്നശേഷിക്കാരുടെ പുനരധിവാസ കേന്ദ്രങ്ങള്‍, ആശുപത്രികള്‍, സന്നദ്ധ സംഘടനകള്‍ എന്നിവിടങ്ങളിലാണ് സാധ്യതകള്‍. വിദേശ രാജ്യങ്ങളിലടക്കം ആവശ്യത്തിന് വിദഗ്ധരെ ലഭ്യമല്ലാത്ത വിധം തൊഴിലവസരങ്ങളേറെയുണ്ടെങ്കിലും കോഴ്‌സുകള്‍ പഠിപ്പിക്കുന്ന സ്ഥാപനങ്ങള്‍ കുറവാണെന്ന പ്രശ്‌നമുണ്ട്. കേരളാ ആരോഗ്യ സര്‍വകലാശാലക്ക് കീഴില്‍ രണ്ടിടത്ത് മാത്രമാണീ കോഴ്‌സുള്ളത്.

ബാച്ചിലര്‍ ഇന്‍ ഓഡിയോളജി ആന്‍ഡ് സ്പീച് ലാംഗ്വേജ്
പാത്തോളജി

കേള്‍വി, സംസാര രംഗത്ത് പ്രയാസപ്പെട്ട് ആശയവിനിമയശേഷി കുറഞ്ഞവരെ സഹായിക്കാന്‍ ഇന്‍സ്ട്രക്ടര്മാരെ പര്യാപ്തമാക്കുന്നവയാണ് ഓഡിയോളജി ആന്‍ഡ് സ്പീച്ച് ലാംഗ്വേജ് പാത്തോളജി പ്രോഗ്രാം. ഈ കോഴ്‌സ് ഫലപ്രദമായി പൂര്‍ത്തിയാക്കുന്നവര്‍ക്ക് ആശുപത്രികളിലെ ഇ.എന്‍.ടി, പീഡിയാട്രിക്‌സ്, ന്യൂറോളജി, റീഹാബിലിറ്റേഷന്‍ സെന്റര്‍, പ്ലാസ്റ്റിക് സര്‍ജറി, പ്രിവന്റീവ് മെഡിസിന്‍ എന്നീ വിഭാഗങ്ങള്‍, സ്പീച് ആന്‍ഡ് ഹിയറിങ് സെന്റര്‍, ശ്രവണ സഹായ ഉപകരണങ്ങളുടെ നിര്‍മ്മാണ മേഖല, സെറിബല്‍ പാള്‍സി, ശ്രവണ സംസാര പരിമിതികളുള്ള കുട്ടികളെ പഠിപ്പിക്കുന്ന സ്‌കൂളുകള്‍, ചൈല്‍ഡ് ഗൈഡന്‍സ് സെന്റര്‍, റിസര്‍ച്ച് സെന്റര്‍ എന്നിവിടങ്ങളില്‍ തൊഴില്‍ സാധ്യതകളുണ്ട്.സ്പീച് തെറാപ്പി, ഓഡിയോളജി എന്നിവയിലേതിലെങ്കിലും സ്‌പെഷ്യലൈസ് ചെയ്ത് ഉപരിപഠനവും നടത്താം. ഓസ്‌ട്രേലിയ, ന്യൂസീലന്‍ഡ് എന്നിവിടങ്ങളില്‍ ഓഡിയോളജിസ്റ്റുകള്‍ക്കും യുകെയില്‍ സ്പീച് തെറാപ്പിസ്റ്റുകള്‍ക്കും കൂടുതല്‍ തൊഴില്‍ സാധ്യതകളുള്ളതായി വിലയിരുത്തപ്പെടുന്നുണ്ട്.

ബി.എസ്.സി ഒപ്‌റ്റോമെട്രി

കണ്ണുകളുടെ ഘടന, കാഴ്ചയുടെ പ്രവര്‍ത്തനങ്ങള്‍, കണ്ണടകളുടെയും ലെന്‌സുകളുടെയും നിര്‍മ്മാണത്തില്‍ ആവശ്യമായ നിര്‍ദ്ദേശങ്ങള്‍ നല്‍കുക എന്നതാണ് ഒപ്‌റ്റോമെട്രിസ്റ്റിന്റെ ജോലി. കണ്ണടകളുടെയും ലെന്‌സുകളുടെയും വിപണന മേഖലകളില്‍ സംരഭകത്വവും ആലോചിക്കാവുന്നതാണ്. കണ്ണ് രോഗ ചികിത്സയുമായി ബന്ധപ്പെട്ട സ്‌പെഷ്യലിസ്റ്റ് ഡോക്ടറായ ഒഫ്താല്‍മോളജിസ്റ്റിന്റെ നിര്‍ദ്ദേശപ്രകാരമായിരിക്കും ഒപ്‌റ്റോമെട്രിസ്റ്റിനു പ്രവര്‍ത്തിക്കാനാവുക.

ബി.എസ്.സി ഡയാലിസിസ് ടെക്‌നോളജി

ഗുരുതരമായ വൃക്കരോഗം ബാധിച്ച രോഗികളില്‍ ഡയാലിസിസ് ചെയ്യുന്നതും ഉപകരണങ്ങളുടെ പ്രവര്‍ത്തനങ്ങള്‍ നിയന്ത്രിക്കുന്നതും ഡയാലിസിസ് ടെക്‌നോളജിസ്റ്റുകളാണ്. വൃക്കമാറ്റിവെക്കല്‍ ശസ്ത്രക്രിയയുടെ വേളയിലും ഉത്തരവാദിത്തം നിര്‍വഹിക്കാനുണ്ടാവുമിവര്‍ക്ക്. ഇത്തരം സംവിധാനങ്ങളുള്ള ആശുപത്രികളിലും ഡയാലിസിസ് സെന്ററുകളിലും തൊഴിലന്വേഷിക്കാം

ബാച്ചിലര്‍ ഓഫ് ഫിസിയോതെറാപ്പി

മരുന്നുകളില്ലാതെ കായികമായും, ഭൗതിക സംവിധാനങ്ങളുടെയും വൈദ്യതിയധിഷ്ഠിതമായ യന്ത്രങ്ങളുടെയും സഹായത്തോടെയും ചികിത്സിക്കുന്ന രീതിയാണ് ഫിസിയോതെറാപ്പി. കേരളത്തില്‍ സ്വാശ്രയ സ്ഥാപനങ്ങളിലാണ് പഠനാവസരമുള്ളത്. കോഴ്‌സ് കഴിഞ്ഞയുടന്‍ ജോലി കണ്ടെത്താന്‍ പ്രയാസപ്പെടാനിടയുണ്ടെങ്കിലും മതിയായ പ്രായോഗികജ്ഞാനം നേടി സ്വന്തമായി പരിശീലനം നടത്തുന്നതിനെക്കുറിച്ചാലോചിക്കാവുന്നതാണ്. അസ്ഥി, മസ്തിഷ്‌ക്കം, ഞരമ്പ്, ഹൃദയം, വാര്‍ധക്യം, സ്ത്രീകളുടെയും ശിശുക്കളുടെയും ആരോഗ്യം, ഹൃദയം, ശ്വാസകോശം, സ്‌പോര്‍ട്‌സ് തുടങ്ങിയ മേഖലകളില്‍ സ്‌പെഷ്യലൈസ് ചെയ്യാനുമവസരങ്ങളുണ്ട്.

പൊതുവായി അറിയേണ്ടത്

ബി.എ.എസ്.എല്‍.പി കോഴ്‌സിന് പ്രവേശനം നേടാന്‍ പ്ലസ്ടുവിന് ബയോളജി പഠിക്കണമെന്നില്ലയെങ്കിലും മറ്റു കോഴ്‌സുകള്‍ക്ക് ഫിസിക്‌സ്, കെമിസ്ട്രി, ബയോളജി എന്നിവ നിര്‍ബന്ധമാണെന്നോര്‍ക്കുക.കൂടാതെ കൃത്രിമാവയവങ്ങളുമായി ബന്ധപ്പെട്ട പ്രോസ്‌തെറ്റിക്‌സ് ആന്‍ഡ് ഓര്‍ത്തോട്ടിസ്റ്റ്, ഡോക്ടര്‍മാരെ സഹായിക്കുന്നതിന് വേണ്ടിയുള്ള ഫിസിഷ്യന്‍ അസിസ്റ്റന്റ്, തീവ്രപരിചരണവുമായി ബന്ധപ്പെട്ട ക്രിട്ടിക്കല്‍/ ഇന്റന്‍സീവ് കെയര്‍ ടെക്‌നോളജി, ശ്വസനശ്വാസകോശ രോഗങ്ങളുമായി ബന്ധപ്പെട്ട റെസ്പിറേറ്ററി തെറാപ്പി, ഓപ്പറേഷന്‍ തിയേറ്റര്‍ ആന്‍ഡ് അനസ്‌തേഷ്യ ടെക്‌നോളജി, മെഡിക്കല്‍ റെക്കോര്‍ഡ് സയന്‍സ്, ന്യൂക്ലിയാര്‍ മെഡിസിന്‍, ന്യൂറോടെക്‌നോളജി തുടങ്ങിയ ബിരുദ പ്രോഗ്രാമുകള്‍ രാജ്യത്തിന്റെ പല ഭാഗങ്ങളിലായി പഠിക്കാനവസരമുണ്ട്.

ദേശീയ തലത്തില്‍ ശ്രദ്ധേയമായ പിജിഐഎംഇആര്‍, ജിപ്‌മെര്‍, എയിംസ്, എസ്.വി നിര്‍ടാര്‍, എന്‍ഐഎല്‍ഡി, നിംഹാന്‍സ് തുടങ്ങിയ സ്ഥാപനങ്ങളില്‍ പ്രവേശനം നേടാന്‍ മുന്തിയ പരിഗണന നല്കണം. എന്നാല്‍ കേരളത്തിന് പുറത്തുള്ള മറ്റു സര്‍വകലാശാലകളെ പരിഗണിക്കുമ്പോള്‍ ജാഗ്രത പുലര്‍ത്തണം. കോഴ്‌സുകള്‍ക്കും സര്‍ട്ടിഫിക്കറ്റുകള്‍ക്കും അംഗീകാരം ലഭിക്കാനുള്ള സാധ്യത, മുന്‍ വര്‍ഷങ്ങളില്‍ പഠിച്ചിറങ്ങിയ വിദ്യര്‍ഥികള്‍ക്ക് ലഭിച്ച തൊഴിലവസരം, വിദേശ ജോലിക്കായി സര്‍ട്ടിഫിക്കറ്റുകള്‍ സാക്ഷ്യപ്പെടുത്താനുള്ള സാധ്യത എന്നിവ കൃത്യമായി അന്വേഷിച്ച് ബോധ്യപ്പെട്ടു വേണം കോഴ്‌സുകളും സ്ഥാപനങ്ങളും തിരഞ്ഞെടുക്കേണ്ടത്.

Continue Reading
Advertisement
Click to comment

Leave a Reply

Your email address will not be published. Required fields are marked *

Career

പി.ടി. സഫ്‌വാൻ ഹുദവിക്ക് ഡോക്ടറേറ്റ്; അഞ്ച് ഭൂഖണ്ഡങ്ങളിൽ നിന്ന് മക്കയിലേക്കുള്ള യാത്രാ വിവരണങ്ങളുടെ താരതമ്യ പഠനത്തിലാണ് ഡോക്ടറേറ്റ്

നിലവിൽ നിലമ്പൂർ അമൽകോളേജ് ഓഫ് അഡ്വാൻസ്ഡ് സ്റ്റഡീസിൽ അസിസ്റ്റൻ്റ് പ്രൊഫസറായ സഫ്‌വാൻ ദേശീയ അന്തർദേശീയ കം പാരറ്റീവ് അസോസിയേഷൻ അംഗമാണ്.

Published

on

റഹൂഫ് കൂട്ടിലങ്ങാടി

മലപ്പുറം: പി.ടി.സഫ് വാൻ ഹുദവി ഹൈദരാബാദ് ഇഫ്ളു സർവകലാശാലയിൽ നിന്ന് ഡോക്ടറേറ്റ് നേടി. ദി വേ ആൻ്റ് ദ വോയേജ്, എ കംപാരറ്റീവ് എൻക്വയറി ഇൻ ടു ജിയോ പൊയറ്റിക്സ് ആൻ്റ് ഇൻ്റർ സ്‌പെഷ്യാലിറ്റി ഇൻ ദ ട്രാവലോഗ്സ് ഓൺ മെക്ക (പഥവും സഞ്ചാരവും: അഞ്ച് ഭൂഖണ്ഡങ്ങളിൽ നിന്ന് മക്കയിലേക്കുള്ള യാത്രാവിവരണങ്ങളിലെ വൈവിധ്യങ്ങൾ സബന്ധിച്ചുള്ള താരതമ്യ പഠനം ഒരു അന്വേഷണം എന്ന വിഷയത്തിലാണ് ഹൈദരാബാദിലെ ഇംഗ്ലീഷ് ആൻ്റ് ഫോറിൻ ലാംഗ്വേജ് യൂണിവേഴ്സിറ്റി (ഇഫ്ളു)
യിൽ നിന്ന് ഡോക്ടറേറ്റ് ലഭിച്ചത്.

ചെമ്മാട് ദാറുൽ ഹുദാ ഇസ്ലാമിക് യൂനിവേഴ്‌സിറ്റിയിൽ നിന്ന് 2012 ൽ ഹുദവി ബിരുദം നേടിയ സഫ്‌വാൻ അതേ വർഷം തന്നെ കാലിക്കറ്റ് യൂനിവേഴ്‌സിറ്റിയിൽ നിന്ന് ഇംഗ്ലീഷ് ലാംഗ്വേജ് ആൻ്റ് ലിറ്ററേച്ചറിൽ ബിരുദവും നേടിയ ശേഷം ഇഫ്ളുവിൽ നിന്ന് ഇംഗ്ലീഷിൽ ബിരുദാനന്തര ബിരുദവും ഹൈദരാബാദ് സർവകലാശാലയിൽ നിന്ന് കംപാരറ്റീവ് ലിറ്ററേച്ചറിൽ എം ഫില്ലും നേടി. നേരത്തെ ഇഫ്ളുവിൽ നിന്ന് തന്നെ അറബിക് ഇംഗ്ലീഷ് ട്രാൻസലേഷനിൽ ഡിപ്ലോമയും നേടിയിട്ടുണ്ട്. തുടർന്നാണ് ഇഫ്ളുവിലെ ഡിപ്പാർട്മെൻ്റ് ഓഫ് കംപാരറ്റീവ് ലിറ്ററേച്ചറിൽ പി.എച്ച്.ഡിക്ക് ചേർന്നത്.

നിലവിൽ നിലമ്പൂർ അമൽകോളേജ് ഓഫ് അഡ്വാൻസ്ഡ് സ്റ്റഡീസിൽ അസിസ്റ്റൻ്റ് പ്രൊഫസറായ സഫ്‌വാൻ ദേശീയ അന്തർദേശീയ കം പാരറ്റീവ് അസോസിയേഷൻ അംഗമാണ്. ഐ.സി.എസ്.എസ്.ആർ ഡോക്ടറൽ ഫെലോഷിപ്പ്, മൗലാനാ ആസാദ് നാഷണൽ ഫെലോഷിപ് എന്നിവക്ക് അർഹത നേടിയിട്ടുണ്ട്.

നിലമ്പൂർ അമൽ കോളേജ് ഇഗ്നോ സ്റ്റഡി സെൻ്റർ അസിസ്റ്റൻ്റ് കോർഡിനേറ്റർ, ശ്രീനാരായണഗുരു ഓപ്പൺ സർവകലാശാല അക്കാഡമിക് കൗൺസിലർ, ന്യൂനപക്ഷ വിദ്യാർത്ഥികൾക്കുള്ള യു.ജി.സി.നെറ്റ് ഇംഗ്ലീഷ് പരിശീലനത്തിൻ്റെ സംസ്ഥാനതല കോർഡിനേറ്റർ, കോളേജ് അധ്യാപക സംഘടനയായ സി.കെ.സി.ടി മലപ്പുറം ജില്ലാ ജോ: സെക്രട്ടറി എന്നീ നിലകളിൽ പ്രവർത്തിക്കുന്നു.

നേരത്തെ, ഹൈദരാബാദ് മൗലാനാ ആസാദ് നാഷണൽ ഉർദു യൂനിവേഴ്‌സിറ്റി, മൗലാനാ ആസാദ് നാഷണൽ ഉറുദു സർവകലാശാല, മലപ്പുറം ഗവണ്‍മെന്റ് ആർട്സ് ആൻ്റ് സയന്‍സ്‌ കോളേജ്, കുറ്റ്യാടി ഐഡിയൽ ആർട്സ് ആൻ്റ് സയൻസ് കോളേജ് എന്നിവിടങ്ങളിൽ
ഗസ്റ്റ് അധ്യാപകനായി ജോലി ചെയ്തിട്ടുണ്ട്.

ദേശീയ തലത്തിൽ ശ്രദ്ധേയമായ എജ്യുക്കേഷൻ ആൻ്റ് സൊസൈറ്റി ജേർണലിൽ ഫാദർ ഫിഗർ ഇൻ മാട്രിലിനി, ഹിസ് റ്റോ റൈസിംഗ് ഫാദർഹുഡ് ഇൻ ദ സോഷ്യോ കൾച്ചറൽ മില്യു ഓഫ് കേരള, ഇൻ്ററോഗേറ്റിംഗ് ദ ന്യു ട്രെൻഡ്സ് ഇൻ ട്രാൻസ് ലേഷൻ സ്റ്റഡീസ്, ദി ഷിഫ്റ്റ് ഫ്രം ലിംഗ്വിസ്റ്റിക് ടേൺ ഇൻ ടു കൾച്ചറൽ ടേൺ തുടങ്ങി ഇരുപതോളം പഠന പ്രബന്ധങ്ങൾ പ്രസിദ്ധീകരിക്കുകയും ദേശീയ അന്തർദേശീയ സെമിനാറുകളിലും ശിൽപ്പശാലകളിലും അവതരിപ്പിക്കുകയും ചെയ്തിട്ടുണ്ട്.

മലപ്പുറം കൂട്ടിലങ്ങാടി ചെലൂരിലെ പുളിക്കത്തൊടി മോയിൻ കുട്ടിയുടെയും കുട്ടശ്ശേരി നഫീസയുടെയും മകനാണ്. ഭാര്യ: കാട്ടിൽ പീടികക്കൽ ശഫ്ന. (മങ്കട പള്ളിപ്പുറം ഹൈസ്കൂൾ അധ്യാപിക). മകൻ: അയ്മൻ അഹമ്മദ് (മൂന്ന് വയസ്). നസീമ, ഫസീന, സുനീറ, നസീറ എന്നിവർ സഹോദരങ്ങളാണ്.

Continue Reading

Career

ഡിപ്ലോമ ഇന്‍ എയര്‍ലൈന്‍ ആന്‍ഡ് എയര്‍പോര്‍ട്ട് മാനേജ്മെന്റ് കോഴ്സിന് അപേക്ഷിക്കാം

അംഗീകൃത പഠന കേന്ദ്രങ്ങളുടെ നേതൃത്വത്തിലാണ് സമ്പര്‍ക്ക ക്ലാസ്സുകള്‍ ക്രമീകരിച്ചിട്ടുള്ളത്.

Published

on

സംസ്ഥാന പൊതുവിദ്യാഭ്യാസവകുപ്പിന് കീഴിലുള്ള സ്റ്റേറ്റ് റിസോഴ്സ് സെന്ററിന്റെ നേതൃത്വത്തില്‍ പ്രവര്‍ത്തിക്കുന്ന എസ്.ആര്‍.സി കമ്മ്യൂണിറ്റി കോളേജ് ജൂലൈ സെഷനില്‍ ആരംഭിക്കുന്ന ഡിപ്ലോമ ഇന്‍ എയര്‍ലൈന്‍ ആന്‍ഡ് എയര്‍പോര്‍ട്ട് മാനേജ്മെന്റിന് (DAM) പ്രോഗ്രാമിലേക്ക് പ്ലസ്ടു അഥവാ തത്തുല്യ യോഗ്യതയോ ഉള്ളവര്‍ക്ക് അപേക്ഷിക്കാം.

അംഗീകൃത പഠന കേന്ദ്രങ്ങളുടെ നേതൃത്വത്തിലാണ് സമ്പര്‍ക്ക ക്ലാസ്സുകള്‍ ക്രമീകരിച്ചിട്ടുള്ളത്. വിവിധ എയര്‍പോര്‍ട്ടുകളില്‍ ഇന്റേണ്‍ഷിപ്പ് ഉള്‍പ്പെടുത്തിയിട്ടുണ്ട്. https://app.srccc.in/register എന്ന ലിങ്കിലൂടെ ഓണ്‍ലൈനായി അപേക്ഷിക്കാം. https://srccc.in/download എന്ന ലിങ്കില്‍ നിന്നും അപേക്ഷാഫാറം ഡൗണ്‍ലോഡ് ചെയ്തും അപേക്ഷിക്കാം. ആഗസ്റ്റ് പത്തിനുള്ളില്‍ അപേക്ഷ സമര്‍പ്പിക്കണം. വിശദ വിവരങ്ങള്‍ തിരുവനന്തപുരം നന്ദാവനത്തുള്ള എസ്.ആര്‍.സി ഓഫീസില്‍ നിന്ന് നേരിട്ടും ലഭിക്കും. വിലാസം: ഡയറക്ടര്‍, സ്റ്റേറ്റ് റിസോഴ്സ് സെന്റര്‍, നന്ദാവനം, വികാസ് ഭവന്‍ പി.ഒ, തിരുവനന്തപുരം-33. ഫോണ്‍: 0471 2570471, 9846033009. വിശദാംശങ്ങള്‍ www.srccc.in എന്ന വെബ്സൈറ്റിലും ലഭിക്കും.

Continue Reading

Career

ചന്ദ്രിക തൊണ്ണൂറാം വാർഷികാഘോഷത്തിൻ്റെ ഭാഗമായി സംഘടിപ്പിക്കുന്ന വിദ്യഭ്യാസ പ്രദർശനവും സെമിനാറുകളും Edu Excel Education Expo ഇന്നും നാളെയും

Published

on

ചന്ദ്രിക തൊണ്ണൂറാം വാർഷികാഘോഷത്തിൻ്റെ ഭാഗമായി സംഘടിപ്പിക്കുന്ന വിദ്യഭ്യാസ പ്രദർശനവും സെമിനാറുകളും Edu Excel Education Expo ഇന്നും നാളെയുമായി കോട്ടക്കൽ പിഎം ഓഡിറ്റോറിയത്തിൽ നടക്കും. മലപ്പുറം ജില്ലയിൽ നിന്ന് ഈ വർഷം എസ്.എസ്.എൽ.സി, പ്ലസ്.ടു പരീക്ഷകളിൽ മുഴുവൻ വിഷയങ്ങളിലും എ പ്ലസ് നേടിയ വിദ്യാർത്ഥികളെ ആദരിക്കുന്ന വിജയമുദ്ര 2023 പരിപാടിയും ഈ അവസരത്തിൽ നടക്കും. പങ്കെടുക്കാൻ മുകളിൽ നൽകിയ QR code scan ചെയ്യുകയോ,https://chandrikanavathi.in/ ഈ ലിങ്ക് ഉപയോഗിച്ച് രജിസ്റ്റർ ചെയ്യുകയോ ചെയ്യുക.

Continue Reading

Trending