Video Stories
വെല്ലുവിളികളെ പക്വതയോടെ നേരിടുക: ഹൈദരലി തങ്ങള്
കോഴിക്കോട്: ജനാധിപത്യ നീതി ന്യായ സംവിധാനങ്ങളെ വിശ്വാസത്തിലെടുത്തും മാനിച്ചും വര്ത്തമാനകാല വെല്ലുവിളികളെ യോജിപ്പോടെ നേരിടണമെന്ന് മുസ്്ലിംലീഗ് സംസ്ഥാന പ്രസിഡന്റ് പാണക്കാട് സയ്യിദ് ഹൈദരലി ശിഹാബ് തങ്ങള്. ഗുജറാത്തിലും മറ്റു ഉത്തരേന്ത്യന് സംസ്ഥാനങ്ങളിലും പറഞ്ഞുകേട്ടിരുന്ന പലതും ദക്ഷിണേന്ത്യയിലേക്കും കേരളത്തിലേക്ക് തന്നെയും വ്യാപിക്കുന്നത് ഗൗരവത്തോടെ കാണണം. കോഴിക്കോട്ട് സയ്യിദ് ഹൈദരലി ശിഹാബ് തങ്ങള് സംഘടിപ്പിച്ച ഇഫ്താര് സംഗമത്തില് സംസാരിക്കുകയായിരുന്നു തങ്ങള്. ഏകസിവില്കോഡ്, ബീഫ് വിഷയങ്ങള് ഉള്പ്പെടെ വര്ഗീയ ചേരിതിരിവിന് ഉപയോഗിക്കുകയാണ് ചിലര്. ആശങ്കാജനകവും പ്രതിഷേധാര്ഹവുമായ രാജ്യത്തെ ഫാഷിസ്റ്റ് നടപടികളോട് സംയമനത്തോടെയും പക്വതയോടെയും പ്രതികരിക്കണം. മുസ്്ലിം സമുദായം ഐക്യത്തോടെ നില്ക്കുന്നതോടൊപ്പം മതേതര കക്ഷികളുമായും ദലിത്-ന്യൂനപക്ഷ വിഭാഗങ്ങളുമായും യോജിപ്പോടെ നീങ്ങണമെന്നും തങ്ങള് കൂട്ടിച്ചേര്ത്തു.
സംഗമത്തില് മുസ്്ലിംലീഗ് ദേശീയ പ്രസിഡന്റ് പ്രൊഫ.കെ.എം ഖാദര്മൊയ്തീന്, ജനറല് സെക്രട്ടറി പി.കെ കുഞ്ഞാലിക്കുട്ടി എം.പി, ഓര്ഗനൈസിംഗ് സെക്രട്ടറി ഇ.ടി മുഹമ്മദ് ബഷീര് എം.പി, ട്രഷറര് പി.വി അബ്ദുല് വഹാബ് എം.പി, കെ ആലിക്കുട്ടി മുസ്്ലിയാര്, ഡോ.ബഹാഉദ്ദീന് മുഹമ്മദ് നദ്വി (സമസ്ത), ടി.പി അബ്ദുല്ലക്കോയ മദനി, പി ഉണ്ണീന്കുട്ടി മൗലവി (കെ.എന്.എം), എം.ഐ അബ്ദുല്അസീസ്, ശൈഖ്മുഹമ്മദ് കാരക്കുന്ന്(ജമാഅത്തെ ഇസ്്്ലാമി), സയ്യിദ് അബ്ദുല്ജബ്ബാര് ശിഹാബ് തങ്ങള്, എ നജീബ് മൗലവി (സംസ്ഥാന ജംഇയ്യത്തുല് ഉലമ), അബുല്ഖൈര് മൗലവി(തബ്്ലീഗ് ജമാഅത്ത്), കെ.വി കുഞ്ഞമ്മദ് (എം.എസ്.എസ്), സി.ടി സക്കീര് ഹുസൈന് (എം.ഇ.എസ്), പാണക്കാട് സയ്യിദ് സാദിഖലി ശിഹാബ് തങ്ങള്, പ്രതിപക്ഷ ഉപനേതാവ് എം.കെ മുനീര്, കോഴിക്കോട് ഖാസി നാസര്ഹയ്യ് ശിഹാബ് തങ്ങള്, വഖഫ്ബോര്ഡ് ചെയര്മാന് സയ്യിദ് റഷീദലി ശിഹാബ് തങ്ങള്, മുസ്്ലിംലീഗ് സംസ്ഥാന ജനറല് സെക്രട്ടറി കെ.പി.എ മജീദ്, ട്രഷറര് പി.കെ.കെ ബാവ, ഭാരവാഹികളായ വി.കെ അബ്ദുല്ഖാദര് മൗലവി, കെ കുട്ടി അഹമ്മദ്കുട്ടി, സി മോയിന്കുട്ടി, എം.സി മായിന്ഹാജി, പി.എം.എ സലാം, ടി.പി.എം സാഹിര്, അഡ്വ.യു.എ ലത്തീഫ്, കെ.എസ് ഹംസ, എം.എല്.എമാരായ പി.കെ അബ്ദുറബ്ബ്, പി അബ്ദുല്ഹമീദ്, പി ഉബൈദുല്ല, എം ഉമ്മര്, സി മമ്മുട്ടി, ടി.വി ഇബ്രാഹീം, ആബിദ് ഹുസൈന് തങ്ങള്, എന് ഷംസുദ്ദീന്, കെ.എ.എം മുഹമ്മദ് അബൂബക്കര് തമിഴ്നാട്, ചന്ദ്രിക പത്രാധിപര് സി.പി സെയ്തലവി, മാധ്യമം പത്രാധിപര് ഒ അബ്ദുറഹിമാന്, സുപ്രഭാതം മാനേജിംഗ് എഡിറ്റര് നവാസ് പൂനൂര്, ഡോ.കെ മൊയ്തു, ടി.കെ പരീക്കുട്ടി ഹാജി, ഉമ്മര്പാണ്ടികശാല, എന്.സി അബൂബക്കര്, എം.എ റസാഖ് മാസ്റ്റര് സംബന്ധിച്ചു.
kerala
തദ്ദേശ തിരഞ്ഞെടുപ്പ്; കോട്ടയം ജില്ലയില് ഇതുവരെ 65.5 % പോളിങ് രേഖപ്പെടുത്തി
തദ്ദേശ തെരഞ്ഞെടുപ്പ് കോട്ടയം ജില്ലയില് ഇതുവരെ 1074967 പേര് വോട്ട് രേഖപ്പെടുത്തി. ആകെ 16,41,176 വോട്ടര്മാരാണ് ജില്ലയിലുള്ളത്.
തദ്ദേശ തെരഞ്ഞെടുപ്പ് കോട്ടയം ജില്ലയില് ഇതുവരെ 1074967 പേര് വോട്ട് രേഖപ്പെടുത്തി. ആകെ 16,41,176 വോട്ടര്മാരാണ് ജില്ലയിലുള്ളത്.
വോട്ട് ചെയ്ത സ്ത്രീകള്:545970(63.76%; ആകെ : 856321 )
വോട്ട് ചെയ്ത പുരുഷന്മാര് 528994:( 67.4% ; 784842)
വോട്ട് ചെയ്ത ട്രാന്സ്ജെന്ഡേഴ്സ് : 3( 23.08% ; ആകെ :13)
നഗരസഭ
ചങ്ങനാശേരി: 63.54%
കോട്ടയം:63.53%
വൈക്കം: 69.62%
പാലാ :63.05%
ഏറ്റുമാനൂര്: 65.22%
ഈരാറ്റുപേട്ട: 80.04%
ബ്ലോക്ക് പഞ്ചായത്തുകള്
ഏറ്റുമാനൂര്:66.23%
ഉഴവൂര് :63.06%
ളാലം :63.26%
ഈരാറ്റുപേട്ട :66.34%
പാമ്പാടി : 66.26%
മാടപ്പള്ളി :62.36%
വാഴൂര് :65.78%
കാഞ്ഞിരപ്പള്ളി: 64.68%
പള്ളം:64.76 %
വൈക്കം: 72.6%
കടുത്തുരുത്തി: 66.7%
kerala
കൊച്ചി കാലടിയില് പോളിംഗ് ബൂത്തില് വോട്ടര് കുഴഞ്ഞു വീണു മരിച്ചു
പോളിംഗ് ബൂത്തില് വച്ച് ബാബു കുഴഞ്ഞ് വീഴുകയായിരുന്നു.
കൊച്ചി: കൊച്ചി കാലടിയില് പോളിംഗ് ബൂത്തില് വെച്ച് വോട്ടര് കുഴഞ്ഞു വീണു മരിച്ചു. കാലടി ശ്രീമൂലനഗരം സ്വദേശി ബാബു (74) ആണ് മരിച്ചത്. ശ്രീമൂലനഗരം അകവൂര് സ്കൂളിലാണ് ബാബു വോട്ട് ചെയ്യാന് എത്തിയത്.
പോളിംഗ് ബൂത്തില് വച്ച് ബാബു കുഴഞ്ഞ് വീഴുകയായിരുന്നു. ഉടന് സമീപത്തുളള ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. മൃതദേഹം ആശുപത്രിയില് സൂക്ഷിച്ചിരിക്കുകയാണ്.
കൊല്ലത്തും വോട്ട് ചെയ്യാനെത്തിയ വയോധികന് കുഴഞ്ഞുവീണ് മരിച്ചു. നീരാവില് എസ്എന്ഡിപി സ്കൂളിലെ ബൂത്തിലാണ് സംഭവം. നീരാവില് സ്വദേശി ശശിധരന് (74) ആണ് മരിച്ചത്.
ബൂത്തില് കുഴഞ്ഞുവീണ വയോധികനെ മതിലില് മാതാ ഹോസ്പിറ്റലില് എത്തിച്ചെങ്കിലും മരിച്ചിരുന്നു. മൃതദേഹം ആശുപത്രിയില് സൂക്ഷിച്ചിരിക്കുകയാണ്.
news
ചെന്നൈയില് ഒളിവില് കഴിഞ്ഞ കലാമണ്ഡലം കനകകുമാര് പിടിയില്; അഞ്ച് പോക്സോ കേസുകളില് പ്രതി
കൂടിയാട്ടം വിഭാഗത്തിലെ അധ്യാപകനായ ഇയാളിനെതിരെ ആദ്യമായി രണ്ട് വിദ്യാര്ത്ഥികളുടെ മൊഴി അടിസ്ഥാനമാക്കി കേസ് എടുത്തിരുന്നു.
പോക്സോ കേസുകളില് പ്രതിയായ കലാമണ്ഡലം അധ്യാപകന് കനകകുമാറിനെ ചെന്നൈയില് നിന്ന് പൊലീസ് അറസ്റ്റ് ചെയ്തു. കൂടിയാട്ടം വിഭാഗത്തിലെ അധ്യാപകനായ ഇയാളിനെതിരെ ആദ്യമായി രണ്ട് വിദ്യാര്ത്ഥികളുടെ മൊഴി അടിസ്ഥാനമാക്കി കേസ് എടുത്തിരുന്നു. തുടര്ന്ന് മൂന്ന് വിദ്യാര്ത്ഥികളും മൊഴി നല്കിയതോടെ മൊത്തം അഞ്ച് പോക്സോ കേസുകളായി.
വിദ്യാര്ത്ഥികള് ഉന്നയിച്ച അപമര്യാദ പെരുമാറ്റ ആരോപണങ്ങളെ തുടര്ന്ന് കലാമണ്ഡലം അധികൃതര് തന്നെയാണ് പത്താം തീയതി ഔദ്യോഗികമായി പരാതി നല്കിയത്. കേസ് രജിസ്റ്റര് ചെയ്തതോടെ ചെറുതുരുത്തി പൊലീസ് അന്വേഷണം ആരംഭിച്ചെങ്കിലും കനകകുമാര് ഒളിവില് പോയിരുന്നു.
പ്രശ്നം വഷളായ സാഹചര്യത്തില് കലാമണ്ഡലം ഇയാളെ സേവനത്തില് നിന്നും പുറത്താക്കി. വിവരം ലഭിച്ചതിനെ തുടര്ന്ന് പൊലീസ് ചെന്നൈയില് നടത്തിയ അന്വേഷണത്തിലാണ് ഇയാളെ പിടികൂടിയത്. തുടര്ന്ന് പ്രതിയെ കോടതിയില് ഹാജരാക്കി റിമാന്ഡ് ചെയ്തു.
-
india1 day agoഡോളറിന്റെ മൂല്യം കൂടിയാല് നമുക്കെന്ത ഇന്ത്യക്കാര് രൂപയല്ലേ ഉപയോഗിക്കുന്നത്: വിവാദ പരാമര്ശവുമായി ബിജെപി എംപി
-
india1 day ago‘നെഹ്റു ജീവിച്ചതും മരിച്ചതും ഇന്ത്യയ്ക്ക് വേണ്ടി’; പ്രിയങ്ക ഗാന്ധി
-
kerala1 day agoകുപ്പിവെള്ളത്തില് ചത്ത പല്ലി; വെള്ളം കുടിച്ച യുവാവ് ആശുപത്രിയില്
-
editorial3 days agoമുന്നാ ഭായ് ഫ്രം സി.പി.എം
-
Sports1 day ago2026 ഫിഫ ലോകകപ്പ് ഫിക്സ്ച്ചര്; മത്സരങ്ങള് 104
-
kerala1 day agoഇലക്ഷൻ ഡ്യൂട്ടിയ്ക്കെത്തിയ പൊലീസ് ഉദ്യോഗസ്ഥന് പാമ്പുകടിയേറ്റു
-
india1 day agoവന്ദേമാതര ഗാനം ബിജെപി പ്രചരണം ആത്മാര്ത്ഥത ഇല്ലാത്തത്: കെസി വേണുഗോപാല് എംപി
-
crime1 day agoഐഎഫ്എഫ്കെ സ്ക്രീനിങ്ങിനിടെ ഹോട്ടലില് വച്ച് കടന്നുപിടിച്ചു; പ്രമുഖ സംവിധയാകനെതിരെ ചലച്ചിത്രകാരി; മുഖ്യമന്ത്രിക്ക് പരാതി