india
ദേശീയ തലത്തില് മുസ്ലിം ലീഗിന്റെ പ്രസക്തി വര്ധിച്ചു: ഇ.ടി മുഹമ്മദ് ബഷീര്
ദേശീയ തലത്തില് മുസ്ലിം ലീഗിന്റെ പ്രസക്തി വര്ധിച്ചുവെന്നും ഇന്ത്യ മുന്നണിയില് പാര്ട്ടിക്ക് നിര്ണായക പങ്കുണ്ടെന്നും മുസ്ലിം ലീഗ് ദേശീയ ഓര്ഗനൈസിംഗ് സെക്രട്ടറി ഇ.ടി മുഹമ്മദ് ബഷീര് എം.പി.

കൊല്ലം: ദേശീയ തലത്തില് മുസ്ലിം ലീഗിന്റെ പ്രസക്തി വര്ധിച്ചുവെന്നും ഇന്ത്യ മുന്നണിയില് പാര്ട്ടിക്ക് നിര്ണായക പങ്കുണ്ടെന്നും മുസ്ലിം ലീഗ് ദേശീയ ഓര്ഗനൈസിംഗ് സെക്രട്ടറി ഇ.ടി മുഹമ്മദ് ബഷീര് എം.പി. മുസ്ലിം ലീഗ് കൊല്ലം പാര്ലമെന്റ് മണ്ഡലം കണ്വന്ഷന് ഉദ്ഘാടനം ചെയ്യുകയായിരുന്നു അദ്ദേഹം. എക്കാലത്തും മര്ദിതര്ക്കൊപ്പം നിലയുറപ്പിച്ച പാര്ട്ടിയാണ് മുസ്ലിം ലീഗ്. രാജ്യത്ത് കലാപം ഉണ്ടായ എല്ലാ സ്ഥലങ്ങളിലും മുസ്ലിം ലീഗ് നേതാക്കള്ക്ക് എത്തിയിട്ടുണ്ട്. കലാപ ബാധിതര്ക്ക് എല്ലാ സഹായവും ചെയ്തിട്ടുണ്ട്. ഏറ്റവും ഒടുവില് പാണക്കാട് തങ്ങളുടെ നേതൃത്വത്തില് ശാന്തി മന്ത്രവുമായി മുസ്ലിം ലീഗ്സംഘം മണിപ്പൂരില് പോയി സമാധാന ദൗത്യത്തിന് നേതൃത്വം നല്കി.
വരാന് പോകുന്ന തിരഞ്ഞെടുപ്പില് മതേതര ജനാധിപത്യചേരി പരാജയപെട്ടാല് ഉണ്ടാകാന് പോകുന്നത് വലിയ വിപത്താണ്. മുസ്ലിം ലീഗിന്റെ പ്രവര്ത്തനങ്ങളില് യു.ഡി.എഫിന് വലിയ പ്രതീക്ഷയാണുള്ളത്. മറ്റുള്ളവര് ആലോചിക്കുന്നതിനു മുമ്പേ ലീഗ് തിരഞ്ഞെടുപ്പ് പ്രവര്ത്തനം ആരംഭിച്ചുകഴിഞ്ഞു. ബൂത്ത് തലംവരെ പ്രവര്ത്തകരെ സജ്ജമാക്കാനുളള പ്രവര്ത്തനം തുടങ്ങിക്കഴിഞ്ഞുവെന്നും അദ്ദേഹം പറഞ്ഞു. മുസ്ലിം ലീഗ് ജില്ലാ പ്രസിഡന്റ് നൗഷാദ് യൂനുസ് അധ്യക്ഷനായി. ജില്ലാ ജനറല് സെക്രട്ടറി അഡ്വ.സുല്ഫീക്കര് സലാം സ്വാഗതം പറഞ്ഞു. മുസ്ലിം ലീഗ് സംസ്ഥാന സെക്രട്ടറി അബ്ദുല് റഹിമാന് രണ്ടത്താണി മുഖ്യപ്രഭാഷണം നടത്തി. സംസ്ഥാന സെക്രട്ടറി യു.സി രാമന്, സംസ്ഥാന പ്രവര്ത്തക സമിതി അംഗം എം.അന്സാറുദീന്, ജില്ലാ ട്രഷറര് എം.എ സലാം, ജില്ലാ വൈസ് പ്രസിഡന്റുമാരായ വട്ടപ്പാറ നാസിമുദീന്, വാഴയത്ത് ഇസ്മായില്, എം.എ കബീര്, പുന്നല എസ്.ഇബ്രാഹീംകുട്ടി, ജില്ലാ സെക്രട്ടറിമാരായ മുള്ളുകാട്ടില് സാദിഖ്, ചാത്തിനാംകുളം സലീം, പി.അബ്ദുല് ഗഫൂര് ലബ്ബ സംസാരിച്ചു. ചികിത്സയില് കഴിയുന്ന എന്.കെ പ്രേമചന്ദ്രന് എം.പിയുടെ സന്ദേശം ജില്ലാ സെക്രട്ടറി ഷെരീഫ് ചന്ദനത്തോപ്പ് വായിച്ചു. ജില്ലാ വൈസ് പ്രസിഡന്റ് പോരേടം ബദര് നന്ദി പറഞ്ഞു.
india
ടെന്നീസ് താരം രാധിക യാദവ് പിതാവിന്റെ വെടിയേറ്റ് മരിച്ചു
സോഷ്യല് മീഡിയ വീഡിയോയെ ചൊല്ലിയുള്ള തര്ക്കത്തെ തുടര്ന്ന് വ്യാഴാഴ്ച ഗുരുഗ്രാമിലെ വസതിയില് വെച്ച് സംസ്ഥാന ലെവല് ടെന്നീസ് താരം രാധിക യാദവ് പിതാവിന്റെ വെടിയേറ്റ് മരിച്ചതായി പോലീസ് പറഞ്ഞു.

സോഷ്യല് മീഡിയ വീഡിയോയെ ചൊല്ലിയുള്ള തര്ക്കത്തെ തുടര്ന്ന് വ്യാഴാഴ്ച ഗുരുഗ്രാമിലെ വസതിയില് വെച്ച് സംസ്ഥാന ലെവല് ടെന്നീസ് താരം രാധിക യാദവ് പിതാവിന്റെ വെടിയേറ്റ് മരിച്ചതായി പോലീസ് പറഞ്ഞു.
രാധിക യാദവിനു നേരെ മൂന്ന് തവണ വെടിയുതിര്ത്ത പിതാവിനെ മറ്റ് കുടുംബാംഗങ്ങളുടെ മൊഴിയെ തുടര്ന്ന് അറസ്റ്റ് ചെയ്തിട്ടുണ്ട്.
ഇരയായ രാധിക യാദവ് ഒന്നിലധികം സംസ്ഥാനതല ടെന്നീസ് ടൂര്ണമെന്റുകളില് ഹരിയാനയെ പ്രതിനിധീകരിച്ചിട്ടുണ്ട്, കൂടാതെ പ്രാദേശിക സ്പോര്ടിംഗ് സര്ക്യൂട്ടിലെ വളര്ന്നുവരുന്ന താരമായി കണക്കാക്കപ്പെട്ടിരുന്നു.
ഇവരുടെ വീടിന്റെ ഒന്നാം നിലയില് രാവിലെ 11.30നാണ് സംഭവം നടന്നതെന്ന് പോലീസ് പറഞ്ഞു.
രാധിക യാദവ് സോഷ്യല് മീഡിയയില് ചിത്രീകരിച്ച വീഡിയോ റീലിനെച്ചൊല്ലിയുള്ള അഭിപ്രായവ്യത്യാസമാണ് പിതാവുമായുള്ള വഴക്കിന് കാരണമായതെന്ന് അന്വേഷണ ഉദ്യോഗസ്ഥര് പറഞ്ഞു. പോസ്റ്റില് പ്രകോപിതനായ പിതാവ് ലൈസന്സുള്ള റിവോള്വര് എടുത്ത് വെടിയുതിര്ക്കുകയായിരുന്നു.
ഒരു സോഷ്യല് മീഡിയ പോസ്റ്റ് വീട്ടില് പിരിമുറുക്കത്തിന് ഇടയാക്കിയെന്നാണ് പ്രാഥമിക കണ്ടെത്തലുകള് സൂചിപ്പിക്കുന്നതെന്ന് ഗുരുഗ്രാം പോലീസിലെ പബ്ലിക് റിലേഷന്സ് ഓഫീസര് സന്ദീപ് കുമാര് പറഞ്ഞു. ‘അച്ഛന് പ്രകോപിതനായി അവളെ വെടിവച്ചു. ഉപയോഗിച്ച ആയുധം ലൈസന്സുള്ള റിവോള്വര് ആയിരുന്നു, വീട്ടില് നിന്ന് കണ്ടെടുത്തു,’ അദ്ദേഹം പറഞ്ഞു.
ദേഹാസ്വാസ്ഥ്യം അനുഭവപ്പെട്ട രാധികയെ വീട്ടുകാര് അടുത്തുള്ള സ്വകാര്യ ആശുപത്രിയില് എത്തിച്ചെങ്കിലും ചികിത്സയ്ക്കിടെ മരണം സംഭവിക്കുകയായിരുന്നു.
സംഭവത്തെക്കുറിച്ച് ആശുപത്രിയില് നിന്ന് പോലീസിന് വിവരം ലഭിച്ചതായി സെക്ടര് 56 പോലീസ് സ്റ്റേഷനിലെ സ്റ്റേഷന് ഹൗസ് ഓഫീസര് രാജേന്ദര് കുമാര് പറഞ്ഞു.
വെടിയേറ്റ് പരിക്കേറ്റ ഒരു സ്ത്രീയെ കുറിച്ച് ആശുപത്രിയില് നിന്ന് ഞങ്ങള്ക്ക് ഒരു കോള് ലഭിച്ചു. ഞങ്ങള് എത്തുമ്പോഴേക്കും അവള് മരിച്ചു. കുടുംബാംഗങ്ങളുടെ മൊഴികള് പിതാവാണ് ഉത്തരവാദിയെന്ന് സ്ഥിരീകരിച്ചു,’ അദ്ദേഹം പറഞ്ഞു.
കൊലപാതകത്തിന് കേസെടുത്ത പോലീസ് ബന്ധുക്കളെയും അയല്ക്കാരെയും ചോദ്യം ചെയ്തുവരികയാണ്. വിശദമായ ഫോറന്സിക് റിപ്പോര്ട്ടിനായി കാത്തിരിക്കുകയാണെന്നും കുറ്റകൃത്യം നടന്ന സമയത്തെ മാനസികാവസ്ഥ വിലയിരുത്തുന്നതിനായി പ്രതിയെ മാനസികമായി വിലയിരുത്താന് പദ്ധതിയിട്ടിട്ടുണ്ടെന്നും പോലീസ് പറഞ്ഞു.
രാധികയുടെ മരണം വലിയ നഷ്ടമാണെന്ന് മുമ്പ് പരിശീലകനായിരുന്ന മനോജ് ഭരദ്വാജ് പറഞ്ഞു. ‘അവള് ശ്രദ്ധയും അച്ചടക്കവും അപാരമായ കഴിവുള്ളവളുമായിരുന്നു. ഇത് വലിയ നഷ്ടമാണ്,’ അദ്ദേഹം പറഞ്ഞു.
india
ഹരിയാനയില് മുടിവെട്ടുന്നതുമായി ബന്ധപ്പെട്ട താക്കീതിനെ തുടര്ന്ന് രണ്ട് വിദ്യാര്ത്ഥികള് സ്കൂള് പ്രിന്സിപ്പലിനെ കുത്തിക്കൊന്നു
മുടിവെട്ടാനും സ്കൂള് അച്ചടക്കം പാലിക്കാനും ആവശ്യപ്പെട്ടതിന് ഹരിയാനയിലെ ഹിസാറിലെ നര്നൗണ്ട് സബ്ഡിവിഷനിലെ ബാസ് ഗ്രാമത്തിലുള്ള ഒരു സ്വകാര്യ സ്കൂളിലെ ഡയറക്ടര് കം പ്രിന്സിപ്പലിനെ വ്യാഴാഴ്ച രണ്ട് പന്ത്രണ്ടാം ക്ലാസ് വിദ്യാര്ത്ഥികള് കുത്തിക്കൊന്നു.

ചണ്ഡീഗഡ്: മുടിവെട്ടാനും സ്കൂള് അച്ചടക്കം പാലിക്കാനും ആവശ്യപ്പെട്ടതിന് ഹരിയാനയിലെ ഹിസാറിലെ നര്നൗണ്ട് സബ്ഡിവിഷനിലെ ബാസ് ഗ്രാമത്തിലുള്ള ഒരു സ്വകാര്യ സ്കൂളിലെ ഡയറക്ടര് കം പ്രിന്സിപ്പലിനെ വ്യാഴാഴ്ച രണ്ട് പന്ത്രണ്ടാം ക്ലാസ് വിദ്യാര്ത്ഥികള് കുത്തിക്കൊന്നു.
ബാസ് ഗ്രാമത്തിലെ കര്ത്താര് മെമ്മോറിയല് സീനിയര് സെക്കന്ഡറി സ്കൂളിലാണ് സംഭവം. ഡയറക്ടര് കം പ്രിന്സിപ്പല്, 50 കാരനായ ജഗ്ബീര് സിംഗ് പന്നുവാണ് സ്കൂള് വളപ്പില് വച്ച് ആക്രമിക്കപ്പെട്ടത്. പലതവണ കുത്തേറ്റിരുന്നു. ശരിയായ ഗ്രൂമിംഗ് മാനദണ്ഡങ്ങള് പാലിക്കാത്തതിനും പ്രത്യേകിച്ച് അവരുടെ മുടി മുറിക്കുന്നതിനും സ്കൂള് നിയമങ്ങള് പാലിക്കുന്നതില് പരാജയപ്പെട്ടതിനും വിദ്യാര്ത്ഥികള് ഇടയ്ക്കിടെ ശാസിക്കപ്പെട്ടതില് രോഷാകുലരായിരുന്നു.
സിംഗ് കൗമാരക്കാരെ പലതവണ താക്കീത് ചെയ്യുകയും അവരുടെ വഴികള് ശരിയാക്കാന് പ്രേരിപ്പിക്കുകയും ചെയ്തിരുന്നു. ഇയാളെ ആക്രമിച്ച ശേഷം രണ്ട് വിദ്യാര്ത്ഥികളും സംഭവസ്ഥലത്ത് നിന്ന് ഓടി രക്ഷപ്പെട്ടു.
സ്കൂള് ജീവനക്കാരാണ് പന്നുവിനെ അടുത്തുള്ള സ്വകാര്യ ആശുപത്രിയില് എത്തിച്ചത്. പിന്നീട് ഹിസാറിലെ മറ്റൊരു ആശുപത്രിയിലേക്ക് മാറ്റുകയും അവിടെ വെച്ച് മരണം സംഭവിക്കുകയുമായിരുന്നു.
വിവരമറിഞ്ഞ് പോലീസ് സ്ഥലത്തെത്തി അന്വേഷണം ആരംഭിച്ചു.
സംഭവത്തില് ഉള്പ്പെട്ട വിദ്യാര്ത്ഥികളെ തിരിച്ചറിഞ്ഞതായി വൃത്തങ്ങള് അറിയിച്ചു. സ്കൂള് ജീവനക്കാരെയും മറ്റ് വിദ്യാര്ത്ഥികളെയും പോലീസ് ചോദ്യം ചെയ്യുന്നത് തുടരുന്നതിനാല് ആക്രമണത്തിന് പിന്നിലെ കാരണം വ്യക്തമല്ല. സംഭവത്തെ തുടര്ന്ന് രക്ഷിതാക്കളും നാട്ടുകാരും സ്കൂളില് തടിച്ചുകൂടി.
സ്കൂള് പരിസരത്തെ സിസിടിവി ദൃശ്യങ്ങള് പോലീസ് പരിശോധിച്ച് ദൃക്സാക്ഷികളുടെ മൊഴി രേഖപ്പെടുത്താന് തുടങ്ങിയിട്ടുണ്ട്. കൊലപാതകത്തിന് ഉപയോഗിച്ചതെന്ന് കരുതുന്ന മടക്കാവുന്ന കത്തി കണ്ടെടുത്തു.
പ്രിന്സിപ്പലിനെ കുത്തിയ ശേഷം ആണ്കുട്ടികള് ഓടുന്നതും അവരില് ഒരാള് കത്തി വലിച്ചെറിയുന്നതും കാമ്പസിനുള്ളിലെ സിസിടിവി ദൃശ്യങ്ങളില് കാണാം.
അച്ചടക്കമില്ലായ്മയുടെ പേരില് പ്രിന്സിപ്പല് തങ്ങള്ക്ക് നോട്ടീസ് നല്കിയിരുന്നതായും ഷര്ട്ടില് മുറുക്കി മുടി ട്രിം ചെയ്യാന് പലപ്പോഴും ആവശ്യപ്പെട്ടിരുന്നതായും പ്രാഥമിക അന്വേഷണത്തില് വ്യക്തമായതായി ഹന്സി പോലീസ് സൂപ്രണ്ട് അമിത് യശ്വര്ധന് പറഞ്ഞു.
ഇവര് തമ്മില് വ്യക്തിപരമായ വൈരാഗ്യമുണ്ടെങ്കില് അത് അന്വേഷണത്തില് വ്യക്തമാകുമെന്നും പോസ്റ്റ്മോര്ട്ടം റിപ്പോര്ട്ടിനും വിശദമായ അന്വേഷണത്തിനും ശേഷമേ കൊലപാതകത്തിന്റെ കൃത്യമായ സാഹചര്യം വ്യക്തമാകൂവെന്നും അദ്ദേഹം കൂട്ടിച്ചേര്ത്തു.
രണ്ട് വിദ്യാര്ത്ഥികളും പ്രായപൂര്ത്തിയാകാത്തവരാണെന്നും ഇതുവരെ കസ്റ്റഡിയിലെടുത്തിട്ടില്ലെന്നും അദ്ദേഹം സ്ഥിരീകരിച്ചു.
india
MSC Elsa 3 കപ്പല് അപകടം: സംസ്ഥാനം ആവശ്യപ്പെട്ട നഷ്ടപരിഹാരം നല്കാനാവില്ലെന്ന് കമ്പനി
9,531 കോടി രൂപ കെട്ടിവയ്ക്കാനാവില്ലെന്ന് കമ്പനി കോടതിയില് അറിയിച്ചു.

കപ്പല് അപകടത്തില് സംസ്ഥാനം ആവശ്യപ്പെട്ട നഷ്ടപരിഹാരം നല്കാനാവില്ലെന്ന് മെഡിറ്ററേനിയന് ഷിപ്പ് കമ്പനിയായ എംഎസ്സി. 9,531 കോടി രൂപ കെട്ടിവയ്ക്കാനാവില്ലെന്ന് കമ്പനി കോടതിയില് അറിയിച്ചു. സ്വീകാര്യമാകുന്ന തുക അറിയിക്കണമെന്നും അതുവരെ MSC അക്കിറ്റേറ്റ 2 വിന്റെ അറസ്റ്റ് തുടരുമെന്ന് കോടതി വ്യക്തമാക്കി.
സര്ക്കാര് ഫയല് ചെയ്ത അഡ്മിറാലിറ്റി സ്യൂട്ടിലാണ് എംഎസ്സി ഷിപ്പിംഗ് കമ്പനിയുടെ മറുപടി. അതേസമയം കപ്പല് മുങ്ങിയതില് പ്ലാസ്റ്റിക് മാലിന്യം തീരത്തടിഞ്ഞത് മാത്രമാണ് പരിസ്ഥിതി പ്രശ്നമെന്നാണ് കമ്പനിയുടെ വാദം. സര്ക്കാര് നിര്ദേശിച്ച ഭീമമായ നഷ്ട പരിഹാര തുക നല്കാനാവില്ലെന്ന് കമ്പനി അറിയിച്ചു.
കെട്ടിവയ്ക്കാനാകുന്ന തുക എത്രയെന്ന് അറിയിക്കാന് കപ്പല് കമ്പനിക്ക് കോടതി നിര്ദേശം നല്കി. രണ്ടാഴ്ച്ചയ്ക്കുളളില് മറുപടി സത്യവാങ്മൂലം നല്കാമെന്ന് കമ്പനി അറിയിച്ചു. കൂടുതല് കപ്പലുകള് അറസ്റ്റ് ചെയ്താല് അത് സംസ്ഥാന താല്പ്പര്യത്തിന് എതിരാകുമെന്നും ഹൈക്കോടതി വ്യക്തമാക്കി. സംസ്ഥാന സര്ക്കാര് നല്കിയ അഡ്മിറ്റ് സ്യൂട്ടില് വാദം ഓഗസ്റ്റ് 6ന് നടക്കും.
-
kerala2 days ago
കൊച്ചി റിഫൈനറിയില് അപകടം; 45ഓളം കുടുംബങ്ങളെ ഒഴിപ്പിച്ചു
-
india1 day ago
ഗുജറാത്തില് പാലം തകര്ന്ന് അപകടം; രണ്ട് മരണം; അഞ്ച് വാഹനങ്ങള് നദിയില് വീണു
-
india3 days ago
തമിഴ്നാട്ടില് സ്കൂള് ബസില് ട്രെയിനിടിച്ച് അപകടം; നാല് വിദ്യാര്ത്ഥികള്ക്ക് ദാരുണാന്ത്യം
-
kerala2 days ago
മുഖ്യമന്ത്രിയുടെ ആരോഗ്യകേരളം നമ്പര് വണ് അവകാശവാദം; ആരോഗ്യരംഗം ശോചനീയ അവസ്ഥയിലാണെന്ന് താന് നേരിട്ടറിഞ്ഞു: പുത്തൂര് റഹ്മാന്
-
kerala2 days ago
തലപ്പാറയില് കാറിടിച്ച് തോട്ടില് വീണ സ്കൂട്ടര് യാത്രക്കാരന്റെ മൃതദേഹം കണ്ടെത്തി
-
News3 days ago
സ്വതന്ത്ര ഫലസ്തീന് രാഷ്ട്രം ഇസ്രാഈലിന് ഭീഷണിയാകുമെന്ന് നെതന്യാഹു
-
kerala1 day ago
കീം പരീക്ഷ ഫലം റദ്ദാക്കി ഹൈകോടതി
-
News2 days ago
ചെങ്കടലില് ഗ്രീക്ക് കപ്പലിനു നേരെ ഡ്രോണ് സ്പീഡ് ബോട്ട് ആക്രമണം; നാല് ജീവനക്കാര് കൊല്ലപ്പെട്ടു