Connect with us

More

മാനസിക വെല്ലുവിളി നേരിടുന്നവരുടെ അവകാശ സംരക്ഷണ നിയമത്തിന് ഖത്തറില്‍ അംഗീകാരം

Published

on

  • നിയമം ലംഘിക്കുന്നവര്‍ക്ക് 50000 മുതല്‍ 2ലക്ഷം വരെ പിഴ

ദോഹ: മാനസിക വെല്ലുവിളി നേരിടുന്നവരുടെ അവകാശ സംരക്ഷണ നിയമത്തിന് ഖത്തര്‍ അമീര്‍ ശൈഖ് തമീം ബിന്‍ ഹമദ് അല്‍താനിയുടെ അംഗീകാരം. ഇതുസംബന്ധിച്ച 2016ലെ നിയമം നമ്പര്‍ 16നാണ് അമീര്‍ അംഗീകാരം നല്‍കിയത്. മാനസിക ആരോഗ്യ പ്രശ്‌നം നേരിടുന്നവര്‍ക്ക് വിപുലമായ ചികിത്സാ സംവിധാനങ്ങള്‍ നിയമം ഉറപ്പ് വരുത്തുന്നുണ്ട്. മാനസിക ആരോഗ്യ ചികിത്സയ്ക്കായി പ്രത്യേകം പ്രവര്‍ത്തിക്കുന്ന ആസ്പത്രികളിലും വിവിധ ആസ്പത്രികളിലെ മാനസികാരോഗ്യ വിഭാഗത്തിലും അംഗീകാരമുള്ള സ്വകാര്യ മാനസിക കേന്ദ്രങ്ങളിലും മറ്റ് സാമൂഹ്യ പരിചരണ കേന്ദ്രങ്ങളിലുമാണ് രോഗികള്‍ക്ക് ചികിത്സ ഉറപ്പ് വരുത്തിയിരിക്കുന്നത്. മാനസിക പ്രശ്‌നം നേരിടുന്ന വ്യക്തികള്‍ക്ക് പുതിയ നിയമത്തില്‍ നിരവധി അവകാശങ്ങള്‍ ഉള്‍പ്പെടുത്തിയിട്ടുണ്ട്.

മാനസികാരോഗ്യത്തിന് പ്രത്യേകമായി ചികിത്സ നല്‍കുന്ന ഹോസ്്പിറ്റലുകള്‍, ഹോസ്പിറ്റലുകളിലെയും ക്ലിനിക്കുകളിലെയും മാനസിക രോഗ വിഭാഗം, കമ്മ്യൂണിറ്റി കെയര്‍ സര്‍വീസ് കേന്ദ്രങ്ങള്‍ എന്നിവയുമായാണ് പ്രധാനമായും മാനസികാരോഗ്യ നിയമം ബന്ധിപ്പിച്ചിരിക്കുന്നത്. രോഗിയുടെ ആരോഗ്യ നിലയെക്കുറിച്ച് വിശദീകരിക്കാന്‍ ഈ സ്ഥാപനങ്ങള്‍ ബാധ്യസ്ഥരാണ്. രോഗി അഡ്മിറ്റ് ചെയ്യപ്പെട്ടാല്‍ അയാളുടെ അവകാശങ്ങള്‍ സംബന്ധിച്ച പൂര്‍ണ്ണ വിവരങ്ങള്‍ ആസ്പത്രി അധികൃതര്‍ രോഗിക്കോ കൂടെയുള്ള ബന്ധുക്കള്‍ക്കോ കൈമാറണം. പരിശോധനകളെ കുറിച്ചും രോഗാവസ്ഥ, ലഭിക്കാവുന്ന ചികിത്സഎന്നിവയെക്കുറിച്ചും രോഗി അറിയിക്കണം. രോഗാവസ്ഥയെക്കുറിച്ചും മറ്റ് നടപടി ക്രമങ്ങളെയും ടെസ്റ്റുകളെയും കുറിച്ചുള്ള പൂര്‍ണ്ണ മെഡിക്കല്‍ റിപ്പോര്‍ട്ട് ലഭിക്കുവാനുള്ള നിമയ പരമായ അവകാശം രോഗിക്ക്് ഉണ്ടായിരിക്കും. രോഗാവസ്ഥ കണക്കിലെടുത്ത് കൊണ്ടുള്ള ചികിത്സിയ്ക്കും വ്യക്തിപരമായ അവകാശങ്ങളെ ബഹുമാനിക്കുന്നതുമായ ആരോഗ്യ പരിചരണം ലഭിക്കാന്‍ രോഗിക്ക് അവകാശമുണ്ടാവും.
മാനസികാരോഗ്യ പ്രശ്‌നങ്ങളുള്ള രോഗികളുടെ സ്വാതന്ത്ര്യത്തെ ഹനിക്കുന്ന ഒരു നടപടിയും ഉണ്ടാവാന്‍ പാടില്ലെന്നും അവരെ ഏകാന്ത തടവറയില്‍ പാര്‍പ്പിക്കരുതെന്നും നിയമം അനുശാസിക്കുന്നു. ഡോകര്‍ നിര്‍ദേശിക്കുകയാണെങ്കില്‍ അങ്ങനെ ചെയ്യാവുന്നതാണ്. രോഗിയുടെ കൈവശമുള്ള വസ്തുക്കള്‍ ആരോഗ്യ കേന്ദ്രത്തിലെ ഒരു ബോക്‌സില്‍ സൂക്ഷിക്കേണ്ടതാണ്. രാജ്യത്ത് നിലവിലുള്ള ആരോഗ്യമാനദണ്ഡങ്ങള്‍ അനുസരിച്ചുള്ള ചികിത്സയായിരിക്കണം രോഗിക്ക് നല്‍കേണ്ടതെന്നും രോഗിയുടെയോ കുടുംബത്തിന്റെയോ സമ്മത പത്രമില്ലാതെ യാതൊരു ശാസിത്രീയ പരീക്ഷണത്തിനും രോഗിയെ വിധേയമാക്കരുതെന്നും നിയമത്തില്‍ നിര്‍ദേശമുണ്ട്. സന്ദര്‍ശകര്‍ വേണമോ വേണ്ടയോ എന്നത് രോഗിക്ക് തീരുമാനിക്കാം. രോഗിക്ക് ശാരീരിക, ലൈംഗിക, മാനസിക പീഡനങ്ങളില്‍ നിന്നും ദുരുപയോഗങ്ങളില്‍ നിന്നും സംരക്ഷണം നല്‍കണം. രോഗിക്ക് യാതൊരു വിധത്തിലുള്ള ശിക്ഷാ നടപടികള്‍ക്കോ ശാരീരികമോ ധാര്‍മികമോ ആയ ഭീഷണിയോ ഉണ്ടാവരുത്. ചികിത്സ പ്രയാസകരമാകുന്നതായി രോഗിക്കോ രക്ഷിതാവിനോ തോന്നുകയാണെങ്കില്‍ കുടുതല്‍ പരിശോധനകള്‍ക്ക് ആവശ്യപ്പെടാവുന്നതും അല്ലെങ്കില്‍ ഡിസ്ചാര്‍ജിന് അപേക്ഷ നല്‍കാവുന്നതുമാണ്. രോഗി സ്വന്തമോ മുറ്റുള്ളവര്‍ക്കോ ഉപദ്രവം വരുത്തുമെന്ന് ഡോക്ടര്‍ക്ക് ബോധ്യപ്പെട്ടാല്‍ ഡിസ്ചാര്‍ജ് തടയാം. സ്വന്തമായും മറ്റുള്ളവര്‍ക്കും ഭീഷണിയാവുന്ന മാനസിക പ്രശ്‌നമുള്ളവരെ ഡോക്ടര്‍റുടെ അനുമതിയോടെ ചികിത്സസയ്ക്ക് വിധേയമാക്കാവുന്നതാണ്. മൂന്ന് മാസമാണ് ഇങ്ങനെ ചികിത്സിക്കാനുള്ള കാലാവധി. ഇത് പിന്നീട് മൂന്ന് മാസവും കൂടി നീട്ടാന്‍ കഴിയും. നിയമം ലംഘിക്കുന്നവര്‍ക്കെതിരെ കടുത്ത ശിക്ഷയാണ് വ്യവസ്ഥ ചെയ്തിരിക്കുന്നത്. ഒരു വര്‍ഷം മുതല്‍ മൂന്ന്് വര്‍ഷം വരെ തടവും 50,000 മുതല്‍ 200000ഖത്തര്‍ റിയാല്‍ വരെ പിഴയും ലഭിക്കാം. ഗസറ്റില്‍ പ്രസിദ്ധീകരിച്ച് 60 ദിവസത്തിനകം നിയമം പ്രാബല്യത്തില്‍ വരും.

Continue Reading
Advertisement
Click to comment

Leave a Reply

Your email address will not be published. Required fields are marked *

kerala

‘സർട്ടിഫിക്കറ്റ് നൽകിയില്ല’, കോഴിക്കോട് എൻഐടിയിൽ അധ്യാപകന് കുത്തേറ്റു

പരിക്ക് ഗുരുതരമല്ലെന്ന് ആശുപത്രി അധികൃതർ അറിയിച്ചു

Published

on

കോഴിക്കോട്: എൻ.ഐ.ടി ക്യാമ്പസിൽ അധ്യാപകന് കുത്തേറ്റു. സിവിൽ എൻജിനിയറിങ് വിഭാഗത്തിലെ പ്രൊഫ. ജയചന്ദ്രനാണ് കുത്തേറ്റത്. സംഭവത്തിൽ തമിഴ്നാട് സേലം സ്വദേശി വിനോദിനെ പൊലീസ് കസ്റ്റഡിയിലെടുത്തു. കഴുത്തിന് പരിക്കേറ്റ അധ്യാപകനെ കോഴിക്കോട് മെഡിക്കൽ കോളേജിലേക്ക് മാറ്റിയതായി മാധ്യമങ്ങൾ റിപ്പോർട്ട് ചെയ്തു. പരിക്ക് ഗുരുതരമല്ലെന്ന് ആശുപത്രി അധികൃതർ അറിയിച്ചു.

അധ്യാപകന് കഴുത്തിനും വയറിനും കൈക്കും ആണ് പരിക്കേറ്റത്. സർട്ടിഫിക്കറ്റ് നൽകാത്തതുമായി ഉണ്ടായ തർക്കമാണ് കുത്തി പരിക്കേൽപ്പിക്കാൻ കാരണമെന്നാണ് പ്രാഥമിക നിഗമനം. മറ്റു വിവരങ്ങൾ ഒന്നും തന്നെ പുറത്ത് വിട്ടിട്ടില്ല.

Continue Reading

kerala

കണ്ണൂരില്‍ ജില്ലാ ആസ്ഥാനം വീണ്ടെടുത്ത് സി.എം.പി

സി.പി.എമ്മിന്റെ സാന്ത്വന പരിചരണ സംഘടനയ്ക്ക് ആസ്ഥാനമായി കണ്ണൂര്‍ യോഗശാല റോഡിലെ സി.എം.പി ജില്ലാ ആസ്ഥാനം കയ്യേറുകയായിരുന്നു

Published

on

കണ്ണൂര്‍: നിയമ പോരാട്ടങ്ങള്‍ക്കൊടുവില്‍ കണ്ണൂരില്‍ ജില്ലാ ആസ്ഥാനം വീണ്ടെടുത്ത് സി.എം.പി. തിരികെ ലഭിച്ച ആസ്ഥാനത്ത് പാര്‍ട്ടി പതാക ഉയര്‍ത്തി. സി.പി.എം തന്ത്രങ്ങള്‍ക്കും കനത്ത ആഘാതമായാണ് സി.എം.പി ജില്ലാ ആസ്ഥാനം പാര്‍ട്ടി വീണ്ടെടുത്തത്.

സി.പി.എമ്മിന്റെ സാന്ത്വന പരിചരണ സംഘടനയ്ക്ക് ആസ്ഥാനമായി കണ്ണൂര്‍ യോഗശാല റോഡിലെ സി.എം.പി ജില്ലാ ആസ്ഥാനം കയ്യേറുകയായിരുന്നു.
സി.പി.എം നടപടിക്കെതിരെ സി.എം.പി കലക്ടര്‍ക്കും എസ്.പിക്കും പരാതി നല്‍കിയിരുന്നു. പാര്‍ട്ടിയിലെ ഇരു വിഭാഗങ്ങള്‍ തമ്മില്‍ നിലനില്‍ക്കുന്ന അവകാശ തര്‍ക്ക കേസ് കോടതിയില്‍ നില്‍ക്കെയാണ് സി.എം.പി ആസ്ഥാനം സി.പി.എം കയ്യേറിയത്. തൊട്ടുപിന്നാലെ സി.പി.എം സാന്ത്വന പരിചരണ കേന്ദ്രമെന്നോളം തങ്ങളുടെ പാര്‍ട്ടി തല പ്രവര്‍ത്തനം തന്നെ തുടങ്ങുകയായിരുന്നു.

സി.എം.പി രണ്ടായി പിളര്‍ന്നതോടെയാണ് ജില്ലാ ആസ്ഥാനവുമായി ബന്ധപ്പെട്ട് അവകാശ തര്‍ക്കം ഉയരുന്നത്. ഇ.പി കൃഷ്ണന്‍ നമ്പ്യാര്‍ സ്മാരക മന്ദിരം അരവിന്ദക്ഷ വിഭാഗം പിടിച്ചെടുത്തിരുന്നു. ഇതിനെതിരെ സി.പി.ജോണ്‍ വിഭാഗം കോടതിയെ സമീപിച്ചു. കേസ് കണ്ണൂര്‍ സബ് കോടതിയുടെ പരിഗണനയിലിരിക്കെയാണ് സാന്ത്വന പരിചരണ സംഘടനയുടെ മറവില്‍ സി.പി.എം ആസ്ഥാനം കയ്യേറിയത്. തുടര്‍ന്ന് സാന്ത്വന പരിചരണ കേന്ദ്രം ചെയര്‍മാന്‍ പി.ജയരാജന്‍ ഉദ്ഘാടനം ചെയ്യുകയായിരുന്നു. ജില്ലാ ആസ്ഥാനം കൈവശപ്പെടുത്തിയ സി.പി.എമ്മിന്റെ ധിക്കാരപരമായ നടപടിക്കെതിരെയും നിയമ പോരാട്ടത്തിലായിരുന്നു സി.പി ജോണ്‍ ഉള്‍പ്പെടെ സി.എം.പി നേതാക്കള്‍. നേരത്തെ കോടതിയിലുണ്ടായിരുന്ന കേസില്‍ സി.എം.പിക്ക് അനുകൂലമായി വിധിയുണ്ടായെങ്കിലും ചില കടമ്പകള്‍ മാത്രമായിരുനന്നു ബാക്കിയുണ്ടായിരുന്നത്.

കോടതി വിധിക്ക് ശേഷം ദീർഘനാളത്തെ നിയമ പോരാട്ടത്തിന് ശേഷമാണ്
സി.എം.പി കണ്ണൂർ ജില്ലാ ആസ്ഥാനമായ ഇ.പി സ്മാരക മന്ദിരം പാര്‍ട്ടിക്ക് തിരിച്ചുകിട്ടിയത്. 2014 മാർച്ച്‌ 22നാണ് പാർട്ടി പിളര്‍ത്തി പുറത്തുപോയവർ ഗുണ്ടകളെ കൂട്ടുപിടിച്ച് സി.എം.പി നേതാവ് സി.എ അജീർ ഉള്‍പ്പെടെയുള്ളവരെ മർദിച്ച് ഓഫീസ് പിടിച്ചെടുത്തത്.10 വർഷത്തിന് ശേഷമാണ് ജില്ലാ ആസ്ഥാനം സി.എം.പിക്ക് ലഭിക്കുന്നത്. തിരിച്ചുകിട്ടിയ പാര്‍ട്ടി ആസ്ഥാനത്ത് സി.എ അജീർ പതാക ഉയർത്തി. തുടര്‍ന്ന് ജില്ലാ കൗൺസിൽ യോഗവും ചേർന്നു.

Continue Reading

kerala

‘റാഗിങ് അല്ല, സിദ്ധാർത്ഥിൻ്റേത് കൊലപാതകം, എസ്എഫ്‌ഐയില്‍ ചേരാത്തതിന്റെ വൈരാഗ്യമാണ് കൊലയിൽ കലാശിച്ചത്’: കെ.സി വേണുഗോപാൽ

ഹോസ്റ്റലുകള്‍ പാര്‍ട്ടി ഗ്രാമങ്ങളായി മാറിയിരിക്കുകയാണ് എസ്എഫ്‌ഐ

Published

on

വയനാട് പൂക്കോട് വെറ്റിനറി കോളേജിലെ വിദ്യാര്‍ത്ഥി സിദ്ധാര്‍ത്ഥന്‍ ജീവനൊടുക്കിയ സംഭവത്തില്‍ പ്രതികരണവുമായി കെസി വേണുഗോപാല്‍. നടന്നത് റാഗിങ് അല്ലെന്നും സിദ്ധാര്‍ത്ഥിന്റേത് കൊലപാതകമാണെന്നും അദ്ദേഹം ആരോപിച്ചു. എസ്എഫ്‌ഐയില്‍ ചേരാത്തതിന്റെ വൈരാഗ്യമാണ് പൈശാചിക കൊലപാതകത്തില്‍ കലാശിച്ചതെന്ന് അദ്ദേഹം പറഞ്ഞു.

ഹോസ്റ്റലുകള്‍ പാര്‍ട്ടി ഗ്രാമങ്ങളായി മാറിയിരിക്കുകയാണ്. എസ്എഫ്‌ഐ ഹോസ്റ്റലുകളെ കോണ്‍സണ്‍ട്രേഷന്‍ ക്യാമ്പുകളെ പോലെ ആക്കി മാറ്റുകയാണ്. എസ്എഫ്‌ഐയെ ക്രിമിനല്‍ സംഘമാക്കി വളര്‍ത്തി എല്ലാ ഒത്താശയും ചെയ്യുന്നത് മുഖ്യമന്ത്രി പിണറായി വിജയനാണ്. മുഖ്യമന്ത്രിയെയും സംഭവത്തില്‍ പ്രതിപട്ടികയില്‍ ചേര്‍ക്കണമെന്നും അദ്ദേഹം ആവശ്യപ്പെട്ടു.

കോളജുകള്‍ ക്രിമിനല്‍ സംഘങ്ങളുടെ താവളമാക്കി കൂടെ നില്‍ക്കാത്തവരെ പീഡിപ്പിക്കുകയാണ്. കൊലപാതികകള്‍ക്ക് സംരക്ഷണം നല്‍കുമെന്ന സന്ദേശം നല്‍കുന്ന ഒരു മുഖ്യമന്ത്രിയാണ് കേരളത്തില്‍ ഇന്നുള്ളത്. മുഖ്യമന്ത്രിയെ ഓര്‍ത്ത് ലജ്ജിക്കുന്നു. സംഭവത്തില്‍ അധ്യാപക സമൂഹം പ്രതിക്കൂട്ടിലാണ്. സിദ്ധാര്‍ത്ഥിന്റെ മാതാപിതാക്കളുടെ അവസ്ഥ ഹൃദയഭേദകമാണ്. ഉന്നത പഠനത്തിന് അയച്ച മകനുണ്ടായത് ദാരുണ വിധിയായിപ്പോയി. ഉത്തരേന്ത്യയില്‍ കാണുന്ന പോലുള്ള ആള്‍ക്കൂട്ട ആക്രമണത്തിന്റെ ഇരയാണ് സിദ്ധാര്‍ത്ഥ്. ഏത് ലോകത്താണ് ഇവരൊക്കെ ജീവിക്കുന്നത്. കോളജില്‍ അധ്യാപകരുടെ റോള്‍ എന്താണ്.

അധ്യാപകര്‍ നിര്‍ഭയത്തോടെ കാര്യങ്ങള്‍ തുറന്നുപറയാന്‍ തയ്യാറാകണം. മാര്‍ക്‌സിസ്റ്റ് പാര്‍ട്ടിയുടെ ഭിക്ഷ യാചിച്ചു നില്‍ക്കേണ്ട സാഹചര്യത്തിലാണോ കേരളത്തിലെ ജനാധിപത്യ സമൂഹം. സിദ്ധാര്‍ത്ഥുന് നീതി വാങ്ങിക്കൊടുക്കാന്‍ ഏതറ്റം വരെയും പോകാന്‍ കോണ്‍ഗ്രസ് തയ്യാറാണെന്നും അദ്ദേഹം വ്യക്തമാക്കി.

Continue Reading

Trending