Connect with us

india

കോവിഡ് മാനദണ്ഡങ്ങള്‍ കാറ്റില്‍ പറത്തി ചെന്നൈയില്‍ മോദിയുടെ ജന്‍മദിനാഘോഷം

പ്രധാനമന്ത്രി നരേന്ദ്ര മോദിയുടെ എഴുപതാം ജന്‍മദിനമാണ് ഇന്ന് ആഘോഷിക്കുന്നത്.

Published

on

ചെന്നൈ: കോവിഡ് മാനദണ്ഡങ്ങള്‍ കാറ്റില്‍ പറത്തി ചെന്നൈയില്‍ പ്രധാനമന്ത്രിയുടെ ജന്‍മദിനാഘോഷം. ബിജെപി സംസ്ഥാന പ്രസിഡന്റ് എല്‍. മുരുകന്റെ നേതൃത്വത്തിലാണ് ആഘോഷങ്ങള്‍ സംഘടിപ്പിച്ചിരിക്കുന്നത്. നൂറുകണക്കിന് ബിജെപി പ്രവര്‍ത്തകരാണ് ആഘോഷത്തില്‍ പങ്കെടുത്തത്. ബിജെപി പതാകയും നരേന്ദ്ര മോദിയുടെ ചിത്രങ്ങളുമായി ആഘോഷത്തില്‍ പങ്കെടുത്ത ബിജെപി പ്രവര്‍ത്തകര്‍ ലഡു വിതരണവും നടത്തി.

ജര്‍മന്‍ ചാന്‍സലര്‍ ആഞ്ജല മെര്‍ക്കല്‍, റഷ്യന്‍ പ്രസിഡന്റ് വ്‌ളാഡിമര്‍ പുടിന്‍, ഫിന്‍ലാന്‍ഡ് പ്രധാനമന്ത്രി സാന്ന മാരിന്‍, കോണ്‍ഗ്രസ് നേതാവ് ശശി തരൂര്‍ തുടങ്ങിയവര്‍ മോദിക്ക് ജന്‍മദിനാശംസകള്‍ നേര്‍ന്നു. രാജ്യവ്യാപകമായി വന്‍ ആഘോഷ പരിപാടികളാണ് ബിജെപി പ്രവര്‍ത്തകര്‍ മോദിയുടെ ജന്‍മദിനത്തോട് അനുബന്ധിച്ച് സംഘടിപ്പിച്ചിരിക്കുന്നത്.

പ്രധാനമന്ത്രി നരേന്ദ്ര മോദിയുടെ എഴുപതാം ജന്‍മദിനമാണ് ഇന്ന് ആഘോഷിക്കുന്നത്. ഗുജറാത്തിലെ മെഹസാന ജില്ലയിലെ വഡനഗര്‍ ഗ്രാമത്തില്‍ 1950 സെപ്റ്റംബര്‍ 17നാണ് നരേന്ദ്ര മോദി ജനിച്ചത്. ബാല്യകാലത്ത് പിതാവിനൊപ്പം ചായക്കച്ചവടം ചെയ്തിരുന്നു എന്നാണ് മോദി അവകാശപ്പെടാറുള്ളത്. പതിനേഴാം വയസില്‍ യശോദ ബെന്നിനെ വിവാഹം കഴിച്ചെങ്കിലും പിന്നീട് അവരെ ഉപേക്ഷിച്ച് പൂര്‍ണസമയ ആര്‍എസ്എസ് പ്രവര്‍ത്തകനായി മാറുകയായിരുന്നു.

india

കെ.എസ്.ആര്‍.ടി.സി ബസുകളില്‍ മോഷണം പതിവാക്കിയ തമിഴ്‌നാട് സ്വദേശി പിടിയില്‍

ബാഗിനുള്ളിലുണ്ടായിരുന്ന രണ്ട് മൊബൈല്‍ ഫോണ്‍, 1000 രൂപ, എ.ടി.എം കാര്‍ഡ് തുടങ്ങിയവ നഷ്ടപ്പെട്ടു.

Published

on

തൃശൂര്‍ : കെ.എസ്.ആര്‍.ടി.സി ബസുകളില്‍ നിന്നും മോഷണം പതിവാക്കിയ തമിഴ്‌നാട് സ്വദേശി അറസ്റ്റില്‍. രാമനാഥപുരം മുടുക്കുളത്തൂര്‍ കീലപ്പച്ചേരി സ്വദേശി മുത്തുകൃഷ്ണനെയാണ് (39) ഈസ്റ്റ് സി.ഐ പി.ലാല്‍കുമാറും സംഘവും അറസ്റ്റ് ചെയ്തത്.

കെ.എസ്.ആര്‍.ടി.സി ലോഫ്‌ളോര്‍ ബസില്‍ കോട്ടയത്ത് നിന്നും കോഴിക്കോട്ടേക്ക് യാത്ര ചെയ്യുകയായിരുന്ന ബസ് തൃശൂരിലെത്തിയപ്പോള്‍ യാത്രക്കാര്‍ക്ക് ടോയ്‌ലറ്റില്‍ പോകാനായി നിറുത്തിയിട്ടിരുന്നു.
മൊബൈല്‍ ഫോണും, പഴ്‌സും ബാഗിനുള്ളിവാക്കി യാത്രക്കാരി ടോയ്‌ലറ്റില്‍ പോകാനായി ഇറങ്ങിയിരുന്നു. ഇത് നിരീക്ഷിച്ച പ്രതി, തക്കം നോക്കി, ബാഗ് മോഷ്ടിച്ച്‌ കടന്നുകളയുകയായിരുന്നു.

ബാഗിനുള്ളിലുണ്ടായിരുന്ന രണ്ട് മൊബൈല്‍ ഫോണ്‍, 1000 രൂപ, എ.ടി.എം കാര്‍ഡ് തുടങ്ങിയവ നഷ്ടപ്പെട്ടു. യാത്രക്കാരി നല്‍കിയ പരാതിയുടെ അടിസ്ഥാനത്തിലാണ് കേസ് രജിസ്റ്റര്‍ ചെയ്തത്.നഷ്ടപ്പെട്ട മൊബൈല്‍ഫോണ്‍ സൈബര്‍സെല്ലിന്റെ സഹായത്തോടെ നിരീക്ഷണം നടത്തിയതില്‍ തമിഴ്‌നാട്ടിലാണെന്ന് മനസിലാക്കുകയും പൊലീസെത്തി, ഉപയോഗിക്കുന്നയാളെ കണ്ടെത്തുകയുമായിരുന്നു. തുടര്‍ന്നാണ് മുത്തുകൃഷ്ണന്‍ പിടിയിലായത്. സബ് ഇന്‍സ്‌പെക്ടര്‍ എസ്.ഗീമോള്‍, സീനിയര്‍ സിവില്‍ പൊലീസ് ഓഫീസര്‍ എന്‍.ഭരതനുണ്ണി, പി.സി സന്ദീപ്, കെ.ടി ഷമീം, പി.ഹരീഷ്, സൈബര്‍സെല്‍ ഉദ്യോഗസ്ഥരായ കെ.എസ് ശരത്, കെ.ജി മിഥുന്‍ എന്നിവരടങ്ങിയ സംഘമാണ് പ്രതിയെ പിടികൂടിയത്.

Continue Reading

india

ലോകകപ്പിലെ ഞെട്ടിക്കുന്ന തോല്‍വി, ടിറ്റെ ബ്രസീല്‍ പരിശീലകസ്ഥാനമൊഴിഞ്ഞു

2016 മുതല്‍ ആറ് വര്‍ഷം ബ്രസീല്‍ ടീമിനെ പരിശീലിപ്പിച്ച ശേഷമാണ് അദ്ദേഹം സ്ഥാനമൊഴിയുന്നത്

Published

on

ഖത്തര്‍ ലോകകപ്പിലെ ക്വാര്‍ട്ടര്‍ ഫൈനലില്‍ ക്രൊയേഷ്യയോട് തോറ്റതിന് പിന്നാലെ ടിറ്റെ ബ്രസീല്‍ പരിശീലക സ്ഥാനം ഒഴിഞ്ഞു.

2016 മുതല്‍ ആറ് വര്‍ഷം ബ്രസീല്‍ ടീമിനെ പരിശീലിപ്പിച്ച ശേഷമാണ് അദ്ദേഹം സ്ഥാനമൊഴിയുന്നത്. ഖത്തര്‍ ലോകകപ്പിന് ശേഷം സ്ഥാനം ഒഴിയുമെന്ന് താന്‍ നേരത്തെ തന്നെ പ്രഖ്യാപിച്ചിരുന്നതാണെന്ന് ടിറ്റെ പറയുന്നു.

Continue Reading

india

മുസ്‌ലിംലീഗ് ജനങ്ങളെ ഒരുമിപ്പിക്കുന്ന പ്രസ്ഥാനം: പി.കെ കുഞ്ഞാലിക്കുട്ടി

പാര്‍ട്ടി ഓഫീസുകളും അവശത അനുഭവിക്കുന്ന ജനങ്ങളുടെ ആശ്രയ കേന്ദ്രങ്ങളാണെന്നും അദ്ദേഹം പറഞ്ഞു.

Published

on

തൃക്കുന്നപ്പുഴ: സമൂഹത്തിലെ എല്ലാവിഭാഗം ജനങ്ങളെയും ഒരുമിപ്പിച്ച് നിര്‍ത്തിയ പാരമ്പര്യമാണ് മുസ്‌ലിംലീഗിനുള്ളതെന്ന് ദേശീയ ജനറല്‍ സെക്രട്ടറി പി. കെ കുഞ്ഞാലിക്കുട്ടി പറഞ്ഞു. ആലപ്പുഴ ജില്ലയിലെ തൃക്കുന്നപ്പുഴ പഞ്ചായത്ത് ലീഗ് ഹൗസ് ഉദ്ഘാടനത്തോട് അനുബന്ധിച്ച് നടന്ന പൊതു സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. സമൂഹത്തില്‍ ഭിന്നത സൃഷ്ടിക്കാന്‍ ശ്രമിക്കുന്നവര്‍ക്കെതിരെ ജാഗ്രതവേണം. ഫാസിസ്റ്റ് ശക്തികള്‍ക്കെതിരെ ശക്തമായ മുന്നേറ്റമാണ് രാജ്യത്ത് ഉയര്‍ന്നു വരേണ്ടത്.

ഫാസിസ്റ്റുകളുടെ വര്‍ഗീയ പ്രചാരണത്തിന് സഹായകമാകുന്ന പ്രവര്‍ത്തനങ്ങള്‍ ആരില്‍ നിന്നും ഉണ്ടാകരുത്. ജീവകാരുണ്യ പ്രവര്‍ത്തനങ്ങളാണ് മുസ്‌ലിംലീഗിന്റെ മുഖമുദ്ര. സേവനവും പരോപകാരവും മുഖ്യഅജണ്ടയായി സ്വീകരിച്ച പാരമ്പര്യമാണ് പാര്‍ട്ടിക്കുള്ളത്. പാര്‍ട്ടി ഓഫീസുകളും അവശത അനുഭവിക്കുന്ന ജനങ്ങളുടെ ആശ്രയ കേന്ദ്രങ്ങളാണെന്നും അദ്ദേഹം പറഞ്ഞു.

ലീഗ് ഹൗസിന്റെ ഭാഗമായുള്ള അണ്ടോളില്‍ ഉസ്മാന്‍ കുട്ടി സാഹിബ് സ്മാരക ഓഫീസ്, എ.എ ഗഫൂര്‍ സ്മാരക ലൈബ്രറി, കാട്ടില്‍ അബ്ദുറഹീം സാഹിബ് സ്മാരക ഷോപ്പിംഗ് കോംപ്ലക്‌സ് എന്നിവയുടെ ഉദ്ഘാടനം സമ്മേളനത്തിന് മുന്നോടിയായി പാണക്കാട് സയ്യിദ് മുനവ്വറലി ശിഹാബ് തങ്ങള്‍ നിര്‍വഹിച്ചു. അഭിമാനബോധമുള്ള തലമുറയെ വളര്‍ത്തിയെടുക്കാനാണ് മുസ്‌ലിംലീഗ് പരിശ്രമിക്കുന്നതെന്ന് തങ്ങള്‍ പറഞ്ഞു.
മുസ്‌ലിംലീഗ് പഞ്ചായത്ത് കമ്മിറ്റി പ്രസിഡന്റ് സിയാര്‍ തൃക്കുന്നപ്പുഴ അധ്യക്ഷത വഹിച്ചു.

സിദ്ദീഖലി രാങ്ങാട്ടൂര്‍ രാഷ്ട്രീയ വിശദീകരണം നടത്തി. ആമുഖ പ്രഭാഷണം ഒ. ഹാരിസ് അണ്ടോളിലും അനുസ്മരണ പ്രഭാഷണം എ. ഷാജഹാനും നിര്‍വഹിച്ചു. പി. ഉബൈദുല്ല എം.എല്‍.എ, മുസ്‌ലിംലീഗ് ജില്ലാ പ്രസിഡന്റ് എ.എം നസീര്‍, ജനറല്‍ സെക്രട്ടറി അഡ്വ.എച്ച്.ബഷീര്‍ കുട്ടി, ട്രഷറര്‍ കമാല്‍ എം.മാക്കിയില്‍, സ്വതന്ത്ര കര്‍ഷക സംഘം സംസ്ഥാന സെക്രട്ടറി സി. ശ്യാംസുന്ദര്‍, മുസ്‌ലിംലീഗ് ഭാരവാഹികളായ ഇ.വൈ.എം. ഹനീഫ മൗലവി, അഡ്വ. നസീം ഹരിപ്പാട്, അഡ്വ. എസ്. കബീര്‍, എസ്. എ അബ്ദുല്‍ സലാം ലബ്ബ, അഡ്വ. എ. എ റസാഖ്, വനിതാലീഗ് സംസ്ഥാന ട്രഷറര്‍ സീമ യഹിയ, ഗ്രാമ പഞ്ചായത്ത് പ്രസിഡന്റ് എസ്. വിനോദ്കുമാര്‍,വൈസ് പ്രസിഡന്റ് റജില ടീച്ചര്‍, എം. എ ലത്തീഫ്, എ. ഫക്രുദ്ദീന്‍ അലി അഹമ്മദ്, പി. ബിജു, ഷാഫി കാട്ടില്‍, എസ്. ദീപു, മുജീബ് വൈലിത്തിറ, അഡ്വ. അല്‍ത്താഫ് സുബൈര്‍, ഉവൈസ് ഫൈസി പതിയാങ്കര, സദ്ദാം ഹരിപ്പാട്, ഹുസൈന്‍ പാനൂര്‍, എ. എ റഷീദ് പ്രസംഗിച്ചു. സുഹൈല്‍ ദാരിമി പതിയാങ്കര ഖിറാഅത്ത ്‌നിര്‍വ്വഹിച്ചു. പഞ്ചായത്ത് കമ്മിറ്റി ജനറല്‍ സെക്രട്ടറി കെ.അബ്ദുറഹ്മാന്‍കുട്ടി സ്വാഗതവും ട്രഷറര്‍ ഉവൈസ് കുഞ്ഞിത്തയ്യില്‍ നന്ദിയും പറഞ്ഞു.

Continue Reading

Trending