Connect with us

Career

ഡിസൈന്‍ പഠനത്തിന് ശ്രദ്ധേയ അവസരങ്ങളൊരുക്കി എന്‍.ഐ.ഡി

രൂപകല്പനയുടെ ലോകത്ത് കരിയര്‍ കെട്ടിപ്പടുക്കാന്‍ ആഗ്രഹിക്കുന്നവര്‍ക്കുള്ള ശ്രദ്ധേയമായ സ്ഥാപനമാണ് എന്‍.ഐ.ഡി എന്ന ചുരുക്കപ്പേരില്‍ അറിയപ്പെടുന്ന നാഷണല്‍ ഇന്‍സ്റ്റിറ്റിയൂട്ട് ഓഫ് ഡിസൈന്‍.

Published

on

പി ടി ഫിറോസ്

സാമ്പ്രദായികമായ രീതിയിലുള്ള കോഴ്‌സുകളില്‍ നിന്ന് വ്യത്യസ്തമായി രൂപലാവണ്യത്തെക്കുറിച്ച് മനുഷ്യ മനസ്സില്‍ അന്തര്‍ലീനമായിട്ടുള്ള ആഗ്രഹങ്ങള്‍ നിറവേറ്റുക വഴി മികച്ച തൊഴില്‍ സാധ്യതയിലേക്ക് വാതില്‍ തുറക്കുന്ന സവിശേഷമായ കരിയര്‍ മേഖലയാണ് ഡിസൈന്‍. ഫാഷന്‍ ഡിസൈന്‍ എന്നതിനപ്പുറം രൂപകല്പനയുടെ പുത്തന്‍ സാധ്യതകളിലേക്കാണ് ഇതുവഴി സാധ്യതകള്‍ തുറക്കുന്നത്. വിവിധ മേഖലകളിലായി ലോകമെമ്പാടുമുള്ള ധാരാളം അവസരങ്ങളാണ് ഡിസൈന്‍ മേഖലയില്‍ കഴിവ് തെളിയിക്കുന്നവരെ കാത്തിരിക്കുന്നത്.

രൂപകല്പനയുടെ ലോകത്ത് കരിയര്‍ കെട്ടിപ്പടുക്കാന്‍ ആഗ്രഹിക്കുന്നവര്‍ക്കുള്ള ശ്രദ്ധേയമായ സ്ഥാപനമാണ് എന്‍.ഐ.ഡി എന്ന ചുരുക്കപ്പേരില്‍ അറിയപ്പെടുന്ന നാഷണല്‍ ഇന്‍സ്റ്റിറ്റിയൂട്ട് ഓഫ് ഡിസൈന്‍. ദേശീയ പ്രാധാന്യമുള്ള സ്ഥാപനങ്ങളുടെ കൂട്ടത്തില്‍ മികച്ച് നില്‍ക്കുന്ന എന്‍.ഐ.ഡി കേന്ദ്ര വാണിജ്യവ്യവസായ മന്ത്രാലയത്തിന് കീഴില്‍ സ്വയംഭരണ പദവിയോടെയാണ് പ്രവര്‍ത്തിക്കുന്നത്.
ഡിസൈന്‍ പഠനത്തിനും ഗവേഷണത്തിനും ആഗോള പ്രശസ്തി നേടിയ എന്‍.ഐ.ഡിയിലെ ശ്രദ്ധേയമായ ചതുര്‍വര്‍ഷ ബിരുദ കോഴ്‌സാണ് ബി.ഡിസ് എന്നറിയപ്പെടുന്ന ബാച്ചിലര്‍ ഓഫ് ഡിസൈന്‍. അഹമ്മദാബാദിലെ പ്രധാന കാമ്പസിന് പുറമെ ഹരിയാന, മധ്യപ്രദേശ്, ആസാം, ആന്ധപ്രദേശ് എന്നിവിടങ്ങളിലെ ക്യാമ്പസുകളിലും ബി.ഡിസ് കോഴ്‌സ് പഠിക്കാനവസരങ്ങളുണ്ട്. രൂപകല്പനയുടെ അടിസ്ഥാന പാഠങ്ങള്‍ മുതല്‍ വിവിധ മേഖലകളില്‍ വൈദഗ്ധ്യം ആര്‍ജ്ജിക്കാന്‍ വരെ അവസരമൊരുക്കുന്ന ഈ കോഴ്‌സ് ഡിസൈന്‍ അഭിരുചിയും, അപഗ്രഥന ശേഷിയും ഉള്ളവര്‍ക്ക് വലിയ അവസരങ്ങളിലേക്ക് വാതായനമൊരുക്കുന്നതാണ്.

കമ്മ്യൂണിക്കേഷന്‍ ഡിസൈന്‍, ഇന്‍ഡസ്ട്രിയല്‍ ഡിസൈന്‍, ടെക്‌സ്‌റ്റൈല്‍, അപ്പാരല്‍, ലൈഫ് സ്‌റ്റൈല്‍, & അക്‌സെസ്സറി ഡിസൈന്‍ എന്നീ ഫാക്കല്‍റ്റികളുടെ ഭാഗമായി അനിമേഷന്‍ ഫിലിം, എക്‌സിബിഷന്‍, ഫിലിം & വീഡിയോ കമ്യൂണിക്കേഷന്‍, ഗ്രാഫിക് ഡിസൈന്‍, സെറാമിക് & ഗ്ലാസ്, ഫര്‍ണിച്ചര്‍ & ഇന്റീരിയര്‍, പ്രോഡക്ട്, ടെക്‌സ്‌റ്റൈല്‍ ഡിസൈന്‍ എന്നീ ഡിസൈന്‍ കോഴ്‌സുകള്‍ ബിരുദ തലത്തില്‍ പഠിക്കാനവസരമുണ്ട്..

അഹമ്മദാബാദ് ക്യാമ്പസില്‍ കമ്മ്യൂണിക്കേഷന്‍ ഡിസൈന്‍, ഇന്‍ഡസ്ട്രിയല്‍ ഡിസൈന്‍, ടെക്‌സ്‌റ്റൈല്‍, അപ്പാരല്‍, ലൈഫ്‌സ്‌റ്റൈല്‍ ആന്‍ഡ് അക്‌സെസ്സറി ഡിസൈന്‍ എന്നിവയും മറ്റു ക്യാമ്പസുകളില്‍ ഇന്‍ഡസ്ട്രിയല്‍ ഡിസൈന്‍, കമ്യൂണിക്കേഷന്‍ ഡിസൈന്‍, ടെക്‌സ്‌റ്റൈല്‍, അപ്പാരല്‍, ലൈഫ്‌സ്‌റ്റൈല്‍ ആന്‍ഡ് അക്‌സെസ്സറി ഡിസൈന്‍ എന്നിവയും സ്‌പെഷ്യലൈസ് ചെയ്യാം. ബിരുദ കോഴ്‌സിന് അഹമ്മദാബാദില്‍ 125 സീറ്റുകളും മറ്റു ക്യാമ്പസുകളില്‍ 75 സീറ്റുകള്‍ വീതവുമാണുള്ളത്.
ദേശീയ തലത്തില്‍ നടത്തപ്പെടുന്ന പ്രവേശന പരീക്ഷയായ ഡിസൈന്‍ ആപ്റ്റിട്യൂട് ടെസ്റ്റ് (ഡാറ്റ്) വഴിയാണ് അഡ്മിഷന്‍ നടക്കുന്നത്. പ്രിലിംസ്, മെയിന്‍സ് എന്നിങ്ങനെയുള്ള രണ്ട് ഘട്ടങ്ങളിലായാണ് പരീക്ഷ നടക്കുക. ഏതെങ്കിലും വിഷയമെടുത്ത് പ്ലസ്ടു പരീക്ഷ വിജയിച്ചവര്‍ക്കും 2023ല്‍ പരീക്ഷ അഭിമുഖീകരിക്കുന്നവര്‍ക്കും അപേക്ഷിക്കാം. പത്ത് കഴിഞ്ഞതിന് ശേഷം 3 വര്‍ഷ ഡിപ്ലോമ കഴിഞ്ഞവരും അപേക്ഷിക്കാന്‍ അര്‍ഹരാണ്. 2003 ജൂലായ് 1 നോ ശേഷമോ ജനിച്ചവരായിരിക്കണം. സംവരണ വിഭാഗക്കാര്‍ക്ക് ഉയര്‍ന്ന പ്രായപരിധിയില്‍ ഇളവുണ്ടാവും.

പ്രിലിംസ് പരീക്ഷക്ക് തിരുവനന്തപുരം, കൊച്ചി അടക്കം 22 കേന്ദ്രങ്ങളുണ്ട്. പ്രിലിമ്‌സില്‍ യോഗ്യത നേടുന്നവരെയാണ് മെയിന്‍സിലേക്ക് തിരഞ്ഞെടുക്കുന്നത്. മെയിന്‍സ് പരീക്ഷക്ക് സ്റ്റുഡിയോ ടെസ്റ്റ് അടക്കമുള്ള വിവിധ ഫോര്‍മാറ്റുകളുണ്ടാവും. പരീക്ഷാ കേന്ദ്രങ്ങളുടെ വിശദാംശങ്ങള്‍ പിന്നീടറിയിക്കും.
അഹമ്മദാബാദ്, ഗാന്ധിനഗര്‍, ബംഗളൂരു എന്നിവിടങ്ങളിലെ എന്‍.ഐ.ഡി ക്യാമ്പസുകളില്‍ നിലവിലുള്ള കമ്മ്യൂണിക്കേഷന്‍ ഡിസൈന്‍, ഇന്‍ഡസ്ട്രിയല്‍ ഡിസൈന്‍, ഇന്‍ഫോര്‍മേഷന്‍ ടെക്‌നോളജി ഇന്റഗ്രേറ്റഡ് പ്രോഗ്രാം, ഇന്റര്‍ ഡിസിപ്ലിനറി ഡിസൈന്‍ സ്റ്റഡീസ്, ടെക്‌സ്‌റ്റൈല്‍, അപ്പാരല്‍ ആന്‍ഡ് ആക്‌സസ്സറി ഡിസൈന്‍ എന്നീ ഫാക്കല്‍ട്ടികള്‍ക് കീഴിലുള്ള വിവിധ മാസ്റ്റര്‍ ഓഫ് ഡിസൈന്‍ (എം.ഡിസ്) പ്രോഗ്രാമുകളിലെ പ്രവേശനത്തിനും ഇപ്പോള്‍ അപേക്ഷിക്കാം.

പ്ലസ്ടു കഴിഞ്ഞതിന് ശേഷം നാല് വര്‍ഷമെങ്കിലും ദൈര്‍ഘ്യമുള്ള ബിരുദം (2023 മേയിനുള്ളില്‍ പൂര്‍ത്തിയാവുന്നത്), മൂന്ന് വര്‍ഷമെങ്കിലും ദൈര്‍ഘ്യമുള്ള ബിരുദം (2022 ആഗസ്തിനുള്ളില്‍ പൂര്‍ത്തിയായത്), ഡിസൈന്‍/ഫൈന്‍ ആര്‍ട്‌സ്/അപ്ലൈഡ് ആര്‍ട്‌സ്/ആര്‍ക്കിടെക്ച്ചര്‍ എന്നിവയിലേതെങ്കിലും നാല് വര്‍ഷമെങ്കിലും ദൈര്‍ഘ്യമുള്ള ഡിപ്ലോമ (2023 മേയിനുള്ളില്‍ പൂര്‍ത്തിയാവുന്നത്) എന്നീ യോഗ്യതകളുള്ളവര്‍ക്ക് അപേക്ഷിക്കാം. പ്രിലിംസ്, മെയിന്‍സ് എന്നീ രണ്ട് ഘട്ടങ്ങളിലായുള്ള ഡിസൈന്‍ ആപ്റ്റിട്യൂട് ടെസ്റ്റ് പരീക്ഷ വഴിയാണ് പ്രവേശനം.
ബിരുദ, ബിരുദാനന്തര കോഴ്‌സുകളെക്കുറിച്ച് കൂടുതലറിയാനും അപേക്ഷ സമര്‍പ്പിക്കാനും https://admissions.nid.edu/ എന്ന വെബ്‌സൈറ്റ് പരിശോധിക്കാവുന്നതാണ്. അവസാന തിയതി: ഡിസംബര്‍ 16.

Career

പി.ടി. സഫ്‌വാൻ ഹുദവിക്ക് ഡോക്ടറേറ്റ്; അഞ്ച് ഭൂഖണ്ഡങ്ങളിൽ നിന്ന് മക്കയിലേക്കുള്ള യാത്രാ വിവരണങ്ങളുടെ താരതമ്യ പഠനത്തിലാണ് ഡോക്ടറേറ്റ്

നിലവിൽ നിലമ്പൂർ അമൽകോളേജ് ഓഫ് അഡ്വാൻസ്ഡ് സ്റ്റഡീസിൽ അസിസ്റ്റൻ്റ് പ്രൊഫസറായ സഫ്‌വാൻ ദേശീയ അന്തർദേശീയ കം പാരറ്റീവ് അസോസിയേഷൻ അംഗമാണ്.

Published

on

റഹൂഫ് കൂട്ടിലങ്ങാടി

മലപ്പുറം: പി.ടി.സഫ് വാൻ ഹുദവി ഹൈദരാബാദ് ഇഫ്ളു സർവകലാശാലയിൽ നിന്ന് ഡോക്ടറേറ്റ് നേടി. ദി വേ ആൻ്റ് ദ വോയേജ്, എ കംപാരറ്റീവ് എൻക്വയറി ഇൻ ടു ജിയോ പൊയറ്റിക്സ് ആൻ്റ് ഇൻ്റർ സ്‌പെഷ്യാലിറ്റി ഇൻ ദ ട്രാവലോഗ്സ് ഓൺ മെക്ക (പഥവും സഞ്ചാരവും: അഞ്ച് ഭൂഖണ്ഡങ്ങളിൽ നിന്ന് മക്കയിലേക്കുള്ള യാത്രാവിവരണങ്ങളിലെ വൈവിധ്യങ്ങൾ സബന്ധിച്ചുള്ള താരതമ്യ പഠനം ഒരു അന്വേഷണം എന്ന വിഷയത്തിലാണ് ഹൈദരാബാദിലെ ഇംഗ്ലീഷ് ആൻ്റ് ഫോറിൻ ലാംഗ്വേജ് യൂണിവേഴ്സിറ്റി (ഇഫ്ളു)
യിൽ നിന്ന് ഡോക്ടറേറ്റ് ലഭിച്ചത്.

ചെമ്മാട് ദാറുൽ ഹുദാ ഇസ്ലാമിക് യൂനിവേഴ്‌സിറ്റിയിൽ നിന്ന് 2012 ൽ ഹുദവി ബിരുദം നേടിയ സഫ്‌വാൻ അതേ വർഷം തന്നെ കാലിക്കറ്റ് യൂനിവേഴ്‌സിറ്റിയിൽ നിന്ന് ഇംഗ്ലീഷ് ലാംഗ്വേജ് ആൻ്റ് ലിറ്ററേച്ചറിൽ ബിരുദവും നേടിയ ശേഷം ഇഫ്ളുവിൽ നിന്ന് ഇംഗ്ലീഷിൽ ബിരുദാനന്തര ബിരുദവും ഹൈദരാബാദ് സർവകലാശാലയിൽ നിന്ന് കംപാരറ്റീവ് ലിറ്ററേച്ചറിൽ എം ഫില്ലും നേടി. നേരത്തെ ഇഫ്ളുവിൽ നിന്ന് തന്നെ അറബിക് ഇംഗ്ലീഷ് ട്രാൻസലേഷനിൽ ഡിപ്ലോമയും നേടിയിട്ടുണ്ട്. തുടർന്നാണ് ഇഫ്ളുവിലെ ഡിപ്പാർട്മെൻ്റ് ഓഫ് കംപാരറ്റീവ് ലിറ്ററേച്ചറിൽ പി.എച്ച്.ഡിക്ക് ചേർന്നത്.

നിലവിൽ നിലമ്പൂർ അമൽകോളേജ് ഓഫ് അഡ്വാൻസ്ഡ് സ്റ്റഡീസിൽ അസിസ്റ്റൻ്റ് പ്രൊഫസറായ സഫ്‌വാൻ ദേശീയ അന്തർദേശീയ കം പാരറ്റീവ് അസോസിയേഷൻ അംഗമാണ്. ഐ.സി.എസ്.എസ്.ആർ ഡോക്ടറൽ ഫെലോഷിപ്പ്, മൗലാനാ ആസാദ് നാഷണൽ ഫെലോഷിപ് എന്നിവക്ക് അർഹത നേടിയിട്ടുണ്ട്.

നിലമ്പൂർ അമൽ കോളേജ് ഇഗ്നോ സ്റ്റഡി സെൻ്റർ അസിസ്റ്റൻ്റ് കോർഡിനേറ്റർ, ശ്രീനാരായണഗുരു ഓപ്പൺ സർവകലാശാല അക്കാഡമിക് കൗൺസിലർ, ന്യൂനപക്ഷ വിദ്യാർത്ഥികൾക്കുള്ള യു.ജി.സി.നെറ്റ് ഇംഗ്ലീഷ് പരിശീലനത്തിൻ്റെ സംസ്ഥാനതല കോർഡിനേറ്റർ, കോളേജ് അധ്യാപക സംഘടനയായ സി.കെ.സി.ടി മലപ്പുറം ജില്ലാ ജോ: സെക്രട്ടറി എന്നീ നിലകളിൽ പ്രവർത്തിക്കുന്നു.

നേരത്തെ, ഹൈദരാബാദ് മൗലാനാ ആസാദ് നാഷണൽ ഉർദു യൂനിവേഴ്‌സിറ്റി, മൗലാനാ ആസാദ് നാഷണൽ ഉറുദു സർവകലാശാല, മലപ്പുറം ഗവണ്‍മെന്റ് ആർട്സ് ആൻ്റ് സയന്‍സ്‌ കോളേജ്, കുറ്റ്യാടി ഐഡിയൽ ആർട്സ് ആൻ്റ് സയൻസ് കോളേജ് എന്നിവിടങ്ങളിൽ
ഗസ്റ്റ് അധ്യാപകനായി ജോലി ചെയ്തിട്ടുണ്ട്.

ദേശീയ തലത്തിൽ ശ്രദ്ധേയമായ എജ്യുക്കേഷൻ ആൻ്റ് സൊസൈറ്റി ജേർണലിൽ ഫാദർ ഫിഗർ ഇൻ മാട്രിലിനി, ഹിസ് റ്റോ റൈസിംഗ് ഫാദർഹുഡ് ഇൻ ദ സോഷ്യോ കൾച്ചറൽ മില്യു ഓഫ് കേരള, ഇൻ്ററോഗേറ്റിംഗ് ദ ന്യു ട്രെൻഡ്സ് ഇൻ ട്രാൻസ് ലേഷൻ സ്റ്റഡീസ്, ദി ഷിഫ്റ്റ് ഫ്രം ലിംഗ്വിസ്റ്റിക് ടേൺ ഇൻ ടു കൾച്ചറൽ ടേൺ തുടങ്ങി ഇരുപതോളം പഠന പ്രബന്ധങ്ങൾ പ്രസിദ്ധീകരിക്കുകയും ദേശീയ അന്തർദേശീയ സെമിനാറുകളിലും ശിൽപ്പശാലകളിലും അവതരിപ്പിക്കുകയും ചെയ്തിട്ടുണ്ട്.

മലപ്പുറം കൂട്ടിലങ്ങാടി ചെലൂരിലെ പുളിക്കത്തൊടി മോയിൻ കുട്ടിയുടെയും കുട്ടശ്ശേരി നഫീസയുടെയും മകനാണ്. ഭാര്യ: കാട്ടിൽ പീടികക്കൽ ശഫ്ന. (മങ്കട പള്ളിപ്പുറം ഹൈസ്കൂൾ അധ്യാപിക). മകൻ: അയ്മൻ അഹമ്മദ് (മൂന്ന് വയസ്). നസീമ, ഫസീന, സുനീറ, നസീറ എന്നിവർ സഹോദരങ്ങളാണ്.

Continue Reading

Career

ഡിപ്ലോമ ഇന്‍ എയര്‍ലൈന്‍ ആന്‍ഡ് എയര്‍പോര്‍ട്ട് മാനേജ്മെന്റ് കോഴ്സിന് അപേക്ഷിക്കാം

അംഗീകൃത പഠന കേന്ദ്രങ്ങളുടെ നേതൃത്വത്തിലാണ് സമ്പര്‍ക്ക ക്ലാസ്സുകള്‍ ക്രമീകരിച്ചിട്ടുള്ളത്.

Published

on

സംസ്ഥാന പൊതുവിദ്യാഭ്യാസവകുപ്പിന് കീഴിലുള്ള സ്റ്റേറ്റ് റിസോഴ്സ് സെന്ററിന്റെ നേതൃത്വത്തില്‍ പ്രവര്‍ത്തിക്കുന്ന എസ്.ആര്‍.സി കമ്മ്യൂണിറ്റി കോളേജ് ജൂലൈ സെഷനില്‍ ആരംഭിക്കുന്ന ഡിപ്ലോമ ഇന്‍ എയര്‍ലൈന്‍ ആന്‍ഡ് എയര്‍പോര്‍ട്ട് മാനേജ്മെന്റിന് (DAM) പ്രോഗ്രാമിലേക്ക് പ്ലസ്ടു അഥവാ തത്തുല്യ യോഗ്യതയോ ഉള്ളവര്‍ക്ക് അപേക്ഷിക്കാം.

അംഗീകൃത പഠന കേന്ദ്രങ്ങളുടെ നേതൃത്വത്തിലാണ് സമ്പര്‍ക്ക ക്ലാസ്സുകള്‍ ക്രമീകരിച്ചിട്ടുള്ളത്. വിവിധ എയര്‍പോര്‍ട്ടുകളില്‍ ഇന്റേണ്‍ഷിപ്പ് ഉള്‍പ്പെടുത്തിയിട്ടുണ്ട്. https://app.srccc.in/register എന്ന ലിങ്കിലൂടെ ഓണ്‍ലൈനായി അപേക്ഷിക്കാം. https://srccc.in/download എന്ന ലിങ്കില്‍ നിന്നും അപേക്ഷാഫാറം ഡൗണ്‍ലോഡ് ചെയ്തും അപേക്ഷിക്കാം. ആഗസ്റ്റ് പത്തിനുള്ളില്‍ അപേക്ഷ സമര്‍പ്പിക്കണം. വിശദ വിവരങ്ങള്‍ തിരുവനന്തപുരം നന്ദാവനത്തുള്ള എസ്.ആര്‍.സി ഓഫീസില്‍ നിന്ന് നേരിട്ടും ലഭിക്കും. വിലാസം: ഡയറക്ടര്‍, സ്റ്റേറ്റ് റിസോഴ്സ് സെന്റര്‍, നന്ദാവനം, വികാസ് ഭവന്‍ പി.ഒ, തിരുവനന്തപുരം-33. ഫോണ്‍: 0471 2570471, 9846033009. വിശദാംശങ്ങള്‍ www.srccc.in എന്ന വെബ്സൈറ്റിലും ലഭിക്കും.

Continue Reading

Career

ചന്ദ്രിക തൊണ്ണൂറാം വാർഷികാഘോഷത്തിൻ്റെ ഭാഗമായി സംഘടിപ്പിക്കുന്ന വിദ്യഭ്യാസ പ്രദർശനവും സെമിനാറുകളും Edu Excel Education Expo ഇന്നും നാളെയും

Published

on

ചന്ദ്രിക തൊണ്ണൂറാം വാർഷികാഘോഷത്തിൻ്റെ ഭാഗമായി സംഘടിപ്പിക്കുന്ന വിദ്യഭ്യാസ പ്രദർശനവും സെമിനാറുകളും Edu Excel Education Expo ഇന്നും നാളെയുമായി കോട്ടക്കൽ പിഎം ഓഡിറ്റോറിയത്തിൽ നടക്കും. മലപ്പുറം ജില്ലയിൽ നിന്ന് ഈ വർഷം എസ്.എസ്.എൽ.സി, പ്ലസ്.ടു പരീക്ഷകളിൽ മുഴുവൻ വിഷയങ്ങളിലും എ പ്ലസ് നേടിയ വിദ്യാർത്ഥികളെ ആദരിക്കുന്ന വിജയമുദ്ര 2023 പരിപാടിയും ഈ അവസരത്തിൽ നടക്കും. പങ്കെടുക്കാൻ മുകളിൽ നൽകിയ QR code scan ചെയ്യുകയോ,https://chandrikanavathi.in/ ഈ ലിങ്ക് ഉപയോഗിച്ച് രജിസ്റ്റർ ചെയ്യുകയോ ചെയ്യുക.

Continue Reading

Trending