Connect with us

Culture

രാജ്‌കോട്ട് ടെസ്റ്റ്: ഇന്ത്യക്ക് 310 റണ്‍സ് വിജയലക്ഷ്യം

Published

on

രാജ്‌കോട്ട്: ഇംഗ്ലണ്ടിനെതിരായ ആദ്യ ടെസ്റ്റില്‍ ഇന്ത്യക്ക് 310 റണ്‍സ് വിജയലക്ഷ്യം. രണ്ടാം ഇന്നിങ്‌സില്‍ ഇംഗ്ലണ്ട് മൂന്നിന് 260 റണ്‍സെന്ന നിലയില്‍ ഡിക്ലയര്‍ ചെയ്തു. രണ്ടാം ഇന്നിങ്‌സില്‍ ബാറ്റ് ചെയ്യുന്ന ഇന്ത്യ ചായക്ക് പിരിയുമ്പോള്‍ രണ്ടിന് 49 റണ്‍സെന്ന നിലയിലാണ്. കോഹ്‌ലിയും(2) മുരളി വിജയ്(29) എന്നിവരാണ് ക്രീസില്‍. ഗംഭീര്‍(0) പുജാര(18) എന്നിവരാണ് പുറത്തായത്. ആദില്‍ റാഷിദ്, വോക്‌സ് എന്നിവര്‍ ഓരോ വിക്കറ്റ് വീതം വീഴ്ത്തി.

30 ഓവറുകള്‍ ബാക്കിനില്‍ക്കെ ഇന്ത്യക്ക് ജയിക്കാന്‍ 261 റണ്‍സ് വേണം. ഇംഗ്ലണ്ടിന് ജയിക്കാന്‍ എട്ട് വിക്കറ്റും. അല്‍ഭുതങ്ങളൊന്നും സംഭവിച്ചില്ലെങ്കില്‍ സമനിലയിലാവും മത്സരം പിരിയുക. വിക്കറ്റ് നഷ്ടം കൂടാതെ 114 റണ്‍സ് എന്ന നിലയില്‍ അഞ്ചാം ദിനം ബാറ്റിങ് തുടര്‍ന്ന ഇംഗ്ലണ്ടിന് വേണ്ടി കുക്ക് സെഞ്ച്വറി(130)നേടി. ഹസീബ് ഹമീദ് 82, ബെന്‍ സ്‌റ്റോക്ക് 29 റണ്‍സും നേടി. ഇന്ത്യക്ക് വേണ്ടി അമിത് മിശ്ര രണ്ടും അശ്വിന്‍ ഒരു വിക്കറ്റും വീഴ്ത്തി. ഇംഗ്ലണ്ട് ആദ്യ ഇന്നിങ്‌സില്‍ 537 റണ്‍സാണ് എടുത്ത്ത്. റൂട്ട്(124) മുഈന്‍ അലി(117) ബെന്‍ സ്റ്റോക്ക്(128) എന്നിവരാണ് തിളങ്ങിയത്. ഇന്ത്യയുടെ ആദ്യ ഇന്നിങ്‌സ് 488ല്‍ അവസാനിച്ചു. പുജാര(124) വിജയ്(126) എന്നിവരായിരുന്നു സ്‌കോറര്‍മാര്‍.

Culture

കാന്താര 400 കോടി ക്ലബില്‍

സെപ്റ്റംബര്‍ 30നാണ് ചിത്രം തിയേറ്ററില്‍ എത്തുന്നത്.

Published

on

ഇന്ത്യന്‍ സിനിമയില്‍ ആകെ തരംഗമായ കന്നട ചിത്രം കാന്താര 400 കോടി ക്ലബ്ബില്‍. 400.09 കൂടിയാണ് കാന്താരിയുടെ കളക്ഷന്‍.ട്രേഡ് അനലിസ്റ്റ് ആയ തരന്‍ ആദര്‍ശാണ് ഇക്കാര്യം ഫീറ്റ് ചെയ്തത്.

സെപ്റ്റംബര്‍ 30നാണ് ചിത്രം തിയേറ്ററില്‍ എത്തുന്നത്. ചിത്രം വന്‍ വിജയമായതോടെ മറ്റു ഭാഷകളിലേക്കും ഡബ്ബ് ചെയ്തു. ഇന്ന് ഇന്ത്യയില്‍ അഞ്ചോളം ഭാഷകളില്‍ ചിത്രം ലഭ്യമാണ്.

ആര്‍ ആര്‍ ആര്‍, കെജിഎഫ് ചാപ്റ്റര്‍ ടു, പൊന്നിയന്‍ സെല്‍വന്‍1, ബ്രഹ്മാസ്ത്ര, വിക്രം എന്നീ ചിത്രങ്ങള്‍ക്ക് ശേഷം 400 കോടി ക്ലബ്ബില്‍ എത്തുന്ന ആറാമത്തെ ഇന്ത്യന്‍ ചിത്രമാണിത്.ഋഷഭ് ഷെട്ടി കഥയെഴുതി സംവിധാനം ചെയ്ത ചിത്രത്തില്‍ അദ്ദേഹം ത്‌ന്നെയാണ് അഭിനയിച്ചിരിക്കുന്നത്.

Continue Reading

Culture

ഗോവ അന്താരാഷ്ട്ര ചലച്ചിത്രോല്‍സവത്തിന് വര്‍ണാഭമായ തുടക്കം

79 രാജ്യങ്ങളില്‍നിന്നുള്ള 280 ചിത്രങ്ങള്‍ മേളയിലുണ്ടാകും.

Published

on

അമ്പത്തിമൂന്നാമത് ഗോവ അന്താരാഷ്ട്ര ചലച്ചിത്രോല്‍സവത്തിന് തിരശീല ഉയര്‍ന്നു.

പ്രമുഖ താരങ്ങള്‍ പങ്കെടുത്തു. സില്‍ ഷെട്ടി ,അജയ് ദേവഗണ്‍, പങ്കജ് ത്രിപാഠി തുടങ്ങിയവര്‍ പങ്കെടുത്തു. ഗോവ ചലച്ചിത്രമേളയെ ലോകസിനിമാനിര്‍മാണ വേദിയാക്കി ഉയര്‍ത്തുമെന്ന് വാര്‍ത്താവിതരണ പ്രക്ഷേപണമന്ത്രി അനുരാഗ് ഠാക്കൂര്‍ പറഞ്ഞു. ഡീറ്റര്‍ ബെര്‍ണര്‍ സംവിധാനം ചെയ്ത ഓസ്ട്രിയന്‍ ചിത്രം ‘ അല്‍മ ആന്റ് ഓസ്‌കര്‍ ‘ ആണ് ഉദ്ഘാടനചിത്രം.

79 രാജ്യങ്ങളില്‍നിന്നുള്ള 280 ചിത്രങ്ങള്‍ മേളയിലുണ്ടാകും. 28ന് മേള സമാപിക്കും. ഫ്രാന്‍സ് ആണ് കണ്‍ട്രി ഫോക്കസില്‍. ഇന്ത്യന്‍ പനോരമയില്‍ മഹേഷ് നാരായണന്റെ മലയാളത്തിലെ ‘അറിയിപ്പ്’ പ്രദര്‍ശിപ്പിക്കും.

Continue Reading

Art

സംസ്ഥാന സ്‌കൂള്‍ കലോത്സവം ജനുവരി 3 മുതല്‍ കോഴിക്കോട്ട് അരങ്ങ് കുറിക്കും

239 ഇനം കലാപരിപാടികള്‍ കലോത്സവത്തില്‍ മാറ്റുരയ്ക്കും

Published

on

അറുപത്തിയൊന്നാമത് കേരള സംസ്ഥാന സ്‌കൂള്‍ കലോത്സവത്തിന് തീരുമാനമായി. കോഴിക്കോട് ജില്ലയിലാണ് ഇപ്രാവശ്യത്തെ സ്‌കൂള്‍ കലോത്സവം. ജനുവരി 3 മുതല്‍ 7 വരെയാണ് കലോത്സവം സംഘടിപ്പിക്കുന്നത്. 239 ഇനം കലാപരിപാടികളിലായി 14000 ത്തോളം വിദ്യാര്‍ത്ഥികളാണ് പങ്കെടുക്കുന്നത്.

വെസ്റ്റ്ഹില്‍ വിക്രം മൈതാനിയാണ് കലോത്സവത്തിന്റെ പ്രധാന വേദി. ജില്ലയിലെ വിവിധ സ്‌കൂളുകളിലായി 24 ഓളം വേദികളാണ് ഒരുക്കുക. 239 ഇനം കലാപരിപാടികള്‍ കലോത്സവത്തില്‍ മാറ്റുരയ്ക്കും. കൂടാതെ ദിശ ഹയര്‍ എജുക്കേഷന്‍ എക്‌സ്‌പോയും എക്‌സിബിഷനുകളും സംസ്‌കാരിക കലാ പരിപാടികളും ദൃശ്യവിസ്മയവും സംസ്ഥാന കലോത്സവത്തിന്റെ ഭാഗമായി നടക്കും.

Continue Reading

Trending