india
ബെല്ലന്ദൂര് തടാകത്തിലെ ജലം പതയായി നുരഞ്ഞു പൊങ്ങുന്നു; ആഴത്തിലുള്ള പഠനവുമായി ഗവേഷകര്

ബംഗളൂരുവിലുള്ള ബെല്ലന്ദൂര് തടാകത്തിലെ ജലം മുഴുവന് വെള്ള നിറത്തിലെ പതയായി നുരഞ്ഞു പൊങ്ങി നിരത്തുകളിലേക്ക് വ്യാപിച്ച ചിത്രങ്ങള് സമൂഹ മാധ്യങ്ങളില് ചര്ച്ചയാവുകയാണ്. ബംഗളൂരുവില് പെയ്ത വന് തോതിലുള്ള മഴയുടെ പിന്നാലെയാണ് തടാകത്തില് ഈ പ്രതിഭാസം രൂപം കൊണ്ടത്.
ഒരു കാലത്ത് സമൃദ്ധമായ ആവാസ വ്യവസ്ഥയുടെ ഈറ്റില്ലമായിരുന്നു ബെല്ലന്ദൂര് തടാകവും പരിസര പ്രദേശങ്ങളും, എന്നാല് വന്തോതിലുള്ള വ്യവസായ വല്ക്കരണം മൂലം അവിടെ നിന്നും പുറന്തള്ളപ്പെടുന്ന മലിന ജലം ശരിയായ രീതിയില് സംസ്കരിക്കാത്തതിനാല് അടുത്തുള്ള ജലസ്രോതസ്സുകളിലേക്കാണ് ഒഴുകിയെത്തുന്നത്.. ഇതുമൂലം ബെല്ലന്ദൂര് തടാകം കാലങ്ങളായി അപകടകരമായ രീതിയില് മലിനപ്പെടുകയും, ജലം രാസവസ്തുക്കളാല് നിറയുകയും ചെയ്യ്തിരുന്നു. തന്മൂലം ആവര്ത്തിച്ചുണ്ടാകുന്ന ഈ പ്രതിഭാസത്തിന്റെ കാരണങ്ങളെയും പ്രത്യാഘാതങ്ങളെയും കുറിച്ച് ആഴത്തിലുള്ള പഠനം നടത്തുകയാണ് ശാസ്ത്രജ്ഞര്.
മലിനീകരണ വസ്തുക്കളെ നേര്പ്പിക്കാന് അതിശക്തിയായി പെയ്യുന്ന മഴയ്ക്ക് കഴിയാറുണ്ട്. ഈ കനത്ത മഴയ്ക്ക് ശേഷമാണ് ജലം പതഞ്ഞ് നിരത്തുകളിലേക്ക് പോലും എത്തും വിധം കഠിനമാവുന്നത്.സെന്റര് ഫോര് സസ്റ്റൈനബിള് ടെക്നോളജീസിലേയും, ഇന്ത്യന് ഇന്സ്റ്റിറ്റ്യൂട്ട് ഓഫ് സയന്സിലേയും സംഘങ്ങള് തടാകം നിരീക്ഷിക്കുകയും വിവിധ പരീക്ഷങ്ങള്ക്കായ് ജല സാമ്പിളുകള് ശേഖരിക്കുകയും ജലത്തില് അടങ്ങിയിട്ടുള്ള ഡിറ്റര്ജെന്റിനോട് സമാനമായ സര്ഫാക്റ്റന്റുകളുടെ രാസഘടനയില് വരുന്ന മാറ്റം മനസിലാക്കുന്നതിന് ലാബില് പഠനം നടത്തുകയും ചെയ്തിരുന്നു.
ശുദ്ധീകരിക്കാത്ത മലിനജലം തടാകത്തില് മുഴുവനായി വ്യാപിക്കാന് 1015 ദിവസങ്ങള് എടുക്കുമെന്നാണ് ശാസ്ത്രജ്ഞര് പറയുന്നത്. ഈ സമയത്തിനുള്ളില് ജലത്തിലെ ഓക്സിജന്റെ അഭാവം മൂലം ജൈവ വസ്തുക്കള് നശിക്കുകയും അവശിഷിക്കുന്ന ഭാഗം തടാകത്തില് ചെളിയായി അടിഞ്ഞു കൂടുകയുമാണ് ചെയുന്നത്.
ജല സ്രോതസ്സിലേക്ക് വന് തോതില് വ്യവസായ യൂണിറ്റുകള് മലിനജലം തള്ളുന്നതിനാല്, ഇതിലെ സര്ഫാക്റ്റന്റുകള്ക്ക് വിഘടിച്ചുപോകുവാനുള്ള സമയം കിട്ടുന്നില്ല. അതിനാല് തന്നെ സ്ഥിരമായി കൂടുതല് കൂടുതല് ചെളി അടിയുന്നതിന് കാരണമാവുന്നു. തന്മൂലം ക്രമേണ ഈ മലിന ജലത്തിന്റെ സാന്ദ്രത വര്ദ്ധിക്കുന്നു. സിഎസ്ടിയിലെ ചീഫ് റിസര്ച്ച് സയന്റിസ്റ്റും പഠനത്തിന്റെ രചയിതാക്കളില് ഒരാളുമായ ചാണക്യ എച്ച്എന് പറയുന്നത് ഇങ്ങനെയാണ് ‘ഒരു ബക്കറ്റ് വെള്ളം നിറയെ വാഷിംഗ് പൗഡര് ചേര്ക്കുന്നതായി സങ്കല്പ്പിക്കുക; അനുകൂല സാഹചര്യങ്ങള് ഉണ്ടായാല് തീര്ച്ചയായും അത് നുരഞ്ഞ് പൊങ്ങും.
ബംഗളുരുവില് സംഭവിച്ചതും ഈ സാഹചര്യത്തോട് സമാനമാണെന്ന് ഇവര് പറയുന്നു. നഗരത്തില് കനത്ത മഴ പെയ്തപ്പോള് വ്യവസായ മേഖലകളില് നിന്നും ഒഴുകി വന്ന വെള്ളത്തിലുണ്ടായ സര്ഫക്റ്റന്റ് തടാകത്തില് അടിഞ്ഞു കിടന്നിരുന്ന മുഴുവന് ചെളിയേയും ഇളക്കി. ഇത് വെള്ളം നുരഞ്ഞുപൊങ്ങുന്നതിന് കാരണമാവുകയും ചെയ്തു. ഒപ്പം മഴ കാരണം തടാകത്തിലെ ജലനിരപ്പ് ഉയരുമ്പോള്, സര്ഫക്റ്റന്റുകളുടെ വലിയ സാന്ദ്രത അടങ്ങിയ അധിക ജലം തടാകത്തിന്റെ അതിരുകള് ഭേദിച്ച് 25 അടിയോളം പാതയായി നുരഞ്ഞ് നിരത്തുകളിലേക്കെത്തുന്ന സാഹചര്യമാണ് ബെല്ലന്ദൂര് തടാകത്തില് ഉണ്ടായത്.
india
ബെംഗളൂരുവിലെ റൂറലില് ഒന്പത് മാസം പ്രായമുള്ള കുഞ്ഞിന് കോവിഡ്
മെയ് 22നാണ് കുഞ്ഞിന് കോവിഡ് സ്ഥിരീകരിച്ചത്.

ബെംഗളൂരുവിലെ റൂറലില് ഒന്പത് മാസം പ്രായമുള്ള കുഞ്ഞിന് കോവിഡ് സ്ഥിരീകരിച്ചു. റൂറല് ജില്ലയിലെ ഹോസ്കോട്ടില് നിന്നുള്ള കുഞ്ഞിനാണ് രോഗം സ്ഥിരീകരിച്ചത്. മെയ് 22നാണ് കുഞ്ഞിന് കോവിഡ് സ്ഥിരീകരിച്ചത്. കുട്ടിയുടെ ആരോഗ്യനില തൃപ്തികരമാണ്, നിലവില് ബെംഗളൂരുവിലെ കലാസിപാളയയിലുള്ള വാണി വിലാസ് ആശുപത്രിയില് പ്രവേശിപ്പിച്ചിരിക്കുകയാണെന്ന് ആരോഗ്യ മന്ത്രി ദിനേശ് ഗുണ്ടു റാവു വ്യക്തമാക്കി.
റാപ്പിഡ് ആന്റിജന് പരിശോധനയിലൂടെ കുഞ്ഞിന് കോവിഡ് പോസിറ്റീവ് സ്ഥിരീകരിച്ചതായി ആരോഗ്യ-കുടുംബക്ഷേമ വകുപ്പ് പ്രിന്സിപ്പല് സെക്രട്ടറി ഹര്ഷ് ഗുപ്ത പറഞ്ഞു. മേയ് 21ന് സംസ്ഥാനത്ത് 16 കോവിഡ് കേസുകള് റിപ്പോര്ട്ട് ചെയ്തിട്ടുണ്ടെന്ന് കര്ണാടക ആരോഗ്യ മന്ത്രി അറിയിച്ചു.
india
2020ലെ ഡല്ഹി കലാപം; ഒരാഴ്ച്ചക്കുള്ളില് 30 പേരെ വെറുതെ വിട്ട് കോടതി
മെയ് 13, 14, 16, 17 തീയതികളില് ഒരാഴ്ചയ്ക്കുള്ളില് നാല് കുറ്റവിമുക്തരാക്കല് ഉത്തരവുകള് കര്ക്കാര്ഡൂമ കോടതിയിലെ അഡീഷണല് സെഷന്സ് ജഡ്ജി പുലസ്ത്യ പ്രമചല പുറപ്പെടുവിച്ചതായി റിപ്പോര്ട്ടില് പറയുന്നു

2020 ഫെബ്രുവരിയില് ഡല്ഹിയില് നടന്ന കലാപവുമായി ബന്ധപ്പെട്ട് നാല് വ്യത്യസ്ത കേസുകളില് കുറ്റാരോപിതരായ 30 പേരെ ഡല്ഹി കോടതി വെറുതെ വിട്ടതായി ലൈവ് ലോ റിപ്പോര്ട്ട് ചെയ്തു. ഇവര്ക്കെതിരെ മൂന്ന് പേരെ കൊലപ്പെടുത്തയതിനും കൊള്ളയടിക്കുകയും തീവെപ്പ് നടത്തുകയും ചെയ്ത കുറ്റങ്ങളാണ് ചുമത്തിയിരുന്നത്. മെയ് 13, 14, 16, 17 തീയതികളില് ഒരാഴ്ചയ്ക്കുള്ളില് നാല് കുറ്റവിമുക്തരാക്കല് ഉത്തരവുകള് കര്ക്കാര്ഡൂമ കോടതിയിലെ അഡീഷണല് സെഷന്സ് ജഡ്ജി പുലസ്ത്യ പ്രമചല പുറപ്പെടുവിച്ചതായി റിപ്പോര്ട്ടില് പറയുന്നു.
2020 ഫെബ്രുവരിയില് ഡല്ഹിയില് പൗരത്വ ഭേദഗതി നിയമത്തെ തുടര്ന്നുണ്ടായ സംഘര്ഷത്തില് 53 പേര് കൊല്ലപ്പെടുകയും നൂറുകണക്കിന് പേര്ക്ക് പരിക്കേല്ക്കുകയും ചെയ്തു.
വിവാദമായ പൗരത്വ നിയമത്തിനെതിരായ പ്രതിഷേധങ്ങള് സംഘടിപ്പിച്ചവരാണ് ഇതിന് പിന്നിലെന്നും നരേന്ദ്ര മോദി സര്ക്കാരിനെ അപകീര്ത്തിപ്പെടുത്താനുള്ള വലിയ ഗൂഢാലോചനയുടെ ഭാഗമാണിതെന്നും ഡല്ഹി പൊലീസ് ആരോപിച്ചു. എന്നാല് ബിജെപി നേതാക്കളുടെ പ്രകോപനപരമായ പരാമര്ശങ്ങളാണ് കലാപത്തിന് കാരണമായതെന്ന് ഡല്ഹി ന്യൂനപക്ഷ കമ്മീഷന് രൂപീകരിച്ച വസ്തുതാന്വേഷണ സമിതി കണ്ടെത്തിയിരുന്നു.
india
ടെലിവിഷന് ചാനല് കാണുന്നതിനെച്ചൊല്ലി തര്ക്കം; മഹാരാഷ്ട്രയില് 10 വയസുകാരി ജീവനെടുക്കി
സോണാലി ആനന്ദ് നരോട്ടെ എന്ന കുട്ടിയാണ് ജീവനൊടുക്കിയത്.

മഹാരാഷ്ട്രയില് ടെലിവിഷന് ചാനല് കാണുന്നതിനെച്ചൊല്ലി സഹോദരിയുമായുള്ള തര്ക്കത്തെ തുടര്ന്ന് 10 വയസുകാരി ജീവനെടുക്കി. സോണാലി ആനന്ദ് നരോട്ടെ എന്ന കുട്ടിയാണ് ജീവനൊടുക്കിയത്. മഹാരാഷ്ട്രയിലെ ഗഡ്ചിരോളി ജില്ലയില് ആണ് സംഭവം.
കോര്ച്ചിയിലെ ബോഡെന ഗ്രാമത്തില് വ്യാഴാഴ്ച രാവിലെയായിരുന്നു സംഭവം. സോണാലി തന്റെ മൂത്ത സഹോദരി സന്ധ്യ (12), സഹോദരന് സൗരഭ് (8) എന്നിവരോടൊപ്പം ടിവി കാണുകയായിരുന്നു. സോണാലി തനിക്ക് ഇഷ്ടമുള്ള ചാനല് വയ്ക്കാന് ആവശ്യപ്പെട്ടപ്പോള് സഹോദരി സന്ധ്യ സമ്മതിച്ചില്ല. തുടര്ന്ന് ഇരുവരും തര്ക്കത്തിലേര്പ്പെടുകയും സന്ധ്യ സോണാലിയില് നിന്ന് റിമോട്ട് തട്ടിപ്പറിക്കുകയും ചെയ്തു. പിന്നാലെ സോണാലി വീടിന്റെ പിന്ഭാഗത്തുള്ള മരത്തില് തൂങ്ങിമരിക്കുകയായിരുന്നു.
-
kerala3 days ago
സഊദി ഗവ. അതിഥിയായി സാദിഖലി തങ്ങള് ഹജ്ജിന്
-
india3 days ago
ഐഎസ്ഐ ഏജന്റുമായി രഹസ്യ ചാറ്റ്; ഓപ്പറേഷന് സിന്ദൂറിന്റെ നിര്ണ്ണായക വിവരങ്ങള് കൈമാറി’; ജ്യോതി മല്ഹോത്രയ്ക്കെതിരെ ഗുരുതര കണ്ടെത്തല്
-
kerala3 days ago
റാപ്പ് സംഗീതത്തിന് പട്ടിക ജാതി പട്ടിക വര്ഗ വിഭാഗവുമായി പുലബന്ധമില്ല; വേടനെതിരെ വിവാദ പ്രസ്താവനയുമായി കെ.പി ശശികല
-
india3 days ago
കന്നഡ എഴുത്തുക്കാരി ബാനു മുഷ്താഖിന് ബുക്കര് സമ്മാനം; ഇന്ത്യയിലേക്ക് രണ്ടാം തവണ
-
kerala3 days ago
രാജേഷിനെ വെട്ടി റിയാസ്, തമ്മിലടിച്ച് മന്ത്രിമാര്; സ്മാര്ട്ട് റോഡ് ഉദ്ഘാടന ചടങ്ങില് നിന്ന് പിന്മാറി മുഖ്യമന്ത്രി
-
india3 days ago
ഛത്തീസ്ഗഡില് സിപിഐ മാവോയിസ്റ്റ് ജനറല് സെക്രട്ടറി ഉള്പ്പടെ 27 മാവോയിസ്റ്റുകളെ സുരക്ഷാസേന വധിച്ചു
-
kerala2 days ago
ഹോട്ടലില് മോഷ്ടിക്കാന് എത്തി; കളളന് ഓംലറ്റ് ഉണ്ടാക്കി കഴിച്ചു
-
Health2 days ago
സംസ്ഥാനത്ത് വീണ്ടും കോവിഡ് മരണം: 7 ദിവസത്തിനിടെ തിരുവനന്തപുരത്ത് 2 പേര് മരിച്ചു