Connect with us

Education

ഗോത്ര വർഗ വിദ്യാർഥികളെ സ്‌കൂളിലേക്ക് ക്ഷണിക്കാൻ കോളിനിയിലെത്തി വയനാട് ജില്ലാ പഞ്ചായത്ത് പ്രസിഡന്റിന്റെ നല്ലപാഠം

ജില്ലയിലെ പത്തിലും പ്ലസ്ടുവിലും പഠിക്കുന്ന മുഴുവൻ ഗോത്രവർഗ വിദ്യാർത്ഥികളെയും സ്‌കൂളിലെത്തിക്കാൻ ശ്രമിക്കുമെന്നും സംഷാദ് മരക്കാർ പറഞ്ഞു

Published

on

പനമരം: കോവിഡ് പ്രതിസന്ധിയെത്തുടർന്ന് നിർത്തിവെച്ചിരുന്ന സ്‌കൂളുകളിലെ ക്ലാസുകൾ പുനരാരംഭിച്ചെങ്കിലും വയനാട്ടിലെ ഗോത്രവർഗവിദ്യാർത്ഥികളിൽ നല്ലൊരു ശതമാനവും സ്‌കൂളിലെത്തിയിരുന്നില്ല. ഇതിനൊരു പരിഹാരവുമായെത്തിയിരിക്കുകയാണ് വയനാട് ജില്ലാ പഞ്ചായത്ത് പ്രസിഡന്റ് സംഷാദ് മരക്കാർ. കുട്ടികളെ തേടി വീട്ടിലെത്തിയ സംഷാദും അധ്യാപകരും കുട്ടികളെ സ്‌നേഹത്തോടെ സ്‌കൂളിലേക്ക് ക്ഷണിക്കുകയും ചെയ്തു.

കോവിഡ് കാലത്ത് നിർത്തിവച്ചിരുന്ന അധ്യാപനം പുനരാരംഭിച്ചപ്പോൾ പത്താം ക്ലാസിലും, പ്ലസ്ടുവിന് പഠിക്കുന്ന നിരവധി വിദ്യാർഥികൾ സ്‌കൂളുകളിൽ എത്തുന്നില്ല. ഗോത്ര വർഗ്ഗ വിഭാഗത്തിൽപ്പെട്ട കുട്ടികളാണ് ഇതിൽ ഭൂരിപക്ഷവും നിലവിൽ സ്‌കൂളുകളിൽ എത്താത്തതും. ഇതിന് പരിഹാരം കാണുന്നതിനു വേണ്ടി കോളനികളിലേക്ക് നേരിട്ട് ചെന്ന് വിദ്യാർഥികളെ തിരികെ സ്‌കൂളിലേക്ക് എത്തിക്കുന്നതിന് വേണ്ടി ഉള്ള പ്രവർത്തനങ്ങൾ ആരംഭിച്ചു. മാതാപിതാക്കളെ കണ്ടു സംസാരിക്കുകയും വിദ്യാർത്ഥികളോട് നേരിട്ട് സംസാരിച്ചു അവരുടെ പ്രയാസങ്ങളും പ്രശ്‌നങ്ങളും കേട്ട് അതിനു പരിഹാരം കണ്ടെത്തി അവരെ തിരിച്ച് സ്‌കൂളുകൾ എത്തിക്കുന്നതിനു വേണ്ടിയാണ് ഇത്തരത്തിൽ ഒരു ക്യാമ്പയിൻ ആരംഭിച്ചിരിക്കുന്നത്.

പനമരം ഗവ.ഹയർസെക്കണ്ടറി സ്‌കൂൾ പി.ടി.എ കമ്മിറ്റിയുടെ നേതൃത്വത്തിൽ ഇന്ന് കുറുവച്ചാട്ട് കോളനിയിൽ നടന്ന മാസ് ക്യാമ്പയ്‌നും ജില്ലാ പഞ്ചായത്ത് പ്രസിഡന്റ് ഉദ്ഘാടനം ചെയ്തു. ജില്ലാ പഞ്ചായത്ത് പനമരം ഡിവിഷൻ മെമ്പർ ബിന്ദു പ്രകാശ്, സ്‌കൂൾ പി ടി എ പ്രസിഡന്റും ബ്ലോക്ക് പഞ്ചായത്ത് മെമ്പറുമായ എം. കുഞ്ഞമ്മദ്, ബ്ലോക്ക് പഞ്ചായത്ത് ഡിവിഷൻ മെമ്പർ സജേഷ് സെബാസ്റ്റ്യൻ ,കണിയാമ്പറ്റ ഗ്രാമ പഞ്ചായത്ത് വൈസ് പ്രസിഡന്റ് നജീബ് കരണി, ഗ്രാമ പഞ്ചായത്ത് ഡിവിഷൻ മെമ്പർ സുനിൽകുമാർ, ജില്ലാ വിദ്യാഭ്യാസ ഓഫീസർ ഉഷാദേവി, പി.ടി.എ വൈ. പ്രസി.സി. സുരേഷ് ബാബു, പ്രധാനാധ്യാപകൻ വി മോഹനൻ, ബി. ശകുന്തള (നോഡൽ ഓഫീസർ) ജനമൈത്രി പോലീസ്, അധ്യാപകർ എന്നിവർ പങ്കെടുത്തു.

ജില്ലയിലെ പത്തിലും പ്ലസ്ടിവിലും പഠിക്കുന്ന മുഴുവൻ ഗോത്രവർഗ വിദ്യാർത്ഥികളെയും സ്‌കൂളിലെത്തിക്കാൻ ശ്രമിക്കുമെന്നും സംഷാദ് മരക്കാർ പറഞ്ഞു. വർഷങ്ങളായി ജില്ലയിലെ വിദ്യാഭ്യാസ മേഖല നേരിടുന്ന പിന്നാക്കാവസ്ഥക്ക് പരിഹാരം കാണും. അതിനായി പുതിയ പദ്ധതികൾ നടപ്പാക്കാൻ ശ്രമിക്കും: അദ്ദേഹം പറഞ്ഞു.

Continue Reading
Advertisement
Click to comment

Leave a Reply

Your email address will not be published. Required fields are marked *

Education

പ്രവൃത്തി സമയത്ത് കാൻഡി ക്രഷ് ഗെയിം കളിച്ചു; യു.പിയിൽ സ്കൂൾ അധ്യാപകന് സസ്പെൻഷൻ

വിദ്യാര്‍ഥികളുടെ ഹോംവര്‍ക്കുകള്‍ പരിശോധിക്കുന്ന പേപ്പറില്‍, തെറ്റായി മാര്‍ക്ക് രേഖപ്പെടുത്തിയത് ശ്രദ്ധയിപ്പെട്ട മജിസ്‌ട്രേറ്റ് കൂടുതല്‍ പരിശോധന നടത്തുകയായിരുന്നു.

Published

on

യു.പിയിലെ സംഭല്‍ ജില്ലയിലുള്ള സര്‍ക്കാര്‍ സ്‌കൂളില്‍ പ്രവൃത്തി സമയത്ത് കാന്‍ഡി ക്രഷ് കളിക്കുകയും ഫോണില്‍ സംസാരിക്കുകയും ചെയ്ത അധ്യാപകന് സസ്‌പെന്‍ഷന്‍. ജില്ലാ മജിസ്‌ട്രേറ്റ് സ്‌കൂളില്‍ നടത്തിയ പരിശോധനയിലാണ് അധ്യാപകന്‍ കുടുങ്ങിയത്. വിദ്യാര്‍ഥികളുടെ ഹോംവര്‍ക്കുകള്‍ പരിശോധിക്കുന്ന പേപ്പറില്‍, തെറ്റായി മാര്‍ക്ക് രേഖപ്പെടുത്തിയത് ശ്രദ്ധയിപ്പെട്ട മജിസ്‌ട്രേറ്റ് കൂടുതല്‍ പരിശോധന നടത്തുകയായിരുന്നു.

ഫോണില്‍ നടത്തിയ പരിശോധനയില്‍ ഓരോ ആപ്ലിക്കേഷനു വേണ്ടിയും ചെലവഴിക്കുന്ന സമയം അറിയാനുള്ള ആപ്പ് കണ്ടെത്തി. സ്‌കൂള്‍ സമയത്ത് രണ്ട് മണിക്കൂറോളം കാന്‍ഡി ക്രഷ് കളിക്കുന്നതായി ഇതില്‍ രേഖപ്പെടുത്തിയ സമയത്തില്‍നിന്ന് വ്യക്തമാവുകയായിരുന്നു. വ്യക്തിഗത ആവശ്യങ്ങള്‍ക്കായി പ്രവൃത്തി സമയത്ത് ഫോണ്‍ ഉപയോഗിക്കുന്നത് അംഗീകരിക്കാനാവില്ലെന്ന് വ്യക്തമാക്കിയാണ് അസിസ്റ്റന്റ് ടീച്ചറായ പ്രിയം ഗോയലിനെതിരെ മജിസ്‌ട്രേറ്റ് നടപടി സ്വീകരിച്ചത്. കുട്ടികള്‍ക്ക് മികച്ച വിദ്യാഭ്യാസം ഉറപ്പാക്കുകയെന്നത് പ്രധാനമാണെന്നും മജിസ്‌ട്രേറ്റ് രാജേന്ദ്ര പാന്‍സിയ വ്യക്തമാക്കി.

ആറ് വിദ്യാര്‍ഥികളുടെ പേപ്പറുകളാണ് മജിസ്‌ട്രേറ്റ് പരിശോധിച്ചത്. 95 തെറ്റുകളാണ് ആകെ കണ്ടെത്തിയത്. ഇതില്‍ ഒമ്പതെണ്ണം ആദ്യ പേജിലായിരുന്നു. ഇതില്‍ അതൃപ്തനായാണ് ഫോണ്‍ പരിശോധിക്കാന്‍ തീരുമാനിച്ചത്. സ്‌കൂളില്‍ ആകെ ചെലവഴിക്കുന്ന അഞ്ചര മണിക്കൂറില്‍ രണ്ട് മണിക്കൂറും അധ്യാപകന്‍ കാന്‍ഡിക്രഷ് കളിക്കാന്‍ ഉപയോഗിക്കുകയാണ്. ശരാശരി 26 മിനിറ്റ് ഫോണില്‍ സംസാരിക്കാനും 30 മിനിറ്റ് സമൂഹ മാധ്യമങ്ങളിലും ചെലവഴിക്കുന്നതായും കണ്ടെത്തി. ഇതോടെ വിദ്യാഭ്യാസ വകുപ്പിനെ വിവരം അറിയിക്കുകയും നടപടി സ്വീകരിക്കുകയുമായിരുന്നു.

Continue Reading

Education

പ്ലസ് വണ്‍ സീറ്റ്; പാലക്കാടും കോഴിക്കോടും അധിക ബാച്ചുകള്‍ അനുവദിച്ചില്ല

മലപ്പുറത്തും പ്രതിസന്ധി തീരുന്നില്ല

Published

on

പ്ലസ് വണ്‍ സീറ്റ് പ്രതിസന്ധി നിലനില്‍ക്കുന്നതിനിടയിലും പാലക്കാടും കോഴിക്കോടും അധിക ബാച്ചുകള്‍ അനുവദിച്ചില്ല. റൂള്‍ 300 പ്രകാരം നിയമസഭയില്‍ നടത്തിയ പ്രസ്താവനയിലാണ് ശിവന്‍കുട്ടി പ്ലസ് വണ്‍ സീറ്റുപ്രതിസന്ധിയുമായി ബന്ധപ്പെട്ട വിഷയങ്ങളില്‍ വ്യക്തത വരുത്തിയത്. എന്നാല്‍, പാലക്കാടും കോഴിക്കോടും അധിക ബാച്ചുകള്‍ അനുവദിച്ചില്ല. സപ്ലിമെന്ററി അലോട്ട്മെന്റിന് ശേഷവും പാലക്കാട് കുറവുള്ളത് 4383 സീറ്റുകളാണ്.

കോഴിക്കോട് 2250 സീറ്റുകളുടെയും കുറവുണ്ട്. മലപ്പുറത്ത് 120 ബാച്ചുകളില്‍ 65 വിദ്യാര്‍ഥികളെ പരിണിച്ചാല്‍ അവസരം ലഭിക്കുക 7800 പേര്‍ക്കാണ്. എന്നാലും മലപ്പുറത്തെ പ്രതിസന്ധി ഒട്ടും തീരില്ല. മലപ്പുറത്ത് കുറവുണ്ടായിരുന്നത് 9791 സീറ്റുകളാണ്. അധിക ബാച്ചുകള്‍ അനുവദിച്ച ശേഷവും 1991 സീറ്റുകള്‍ കുറവുണ്ട്. എന്നാല്‍, 18 ബാച്ചുകള്‍ അനുവദിച്ചതിലൂടെ കാസര്‍കോട് സീറ്റ് പ്രതിസന്ധിക്ക് പരിഹാരമാകുമെന്നാണ് വിലയിരുത്തല്‍.

സപ്ലിമെന്ററി അലോട്ട്‌മെന്റിന് ശേഷമുള്ള കണക്കുകള്‍

മലപ്പുറം

അപേക്ഷകര്‍ 16879

അലോട്ട്മെന്റ് ലഭിച്ചത് 6999

പ്രവേശനം കാത്തു നില്‍ക്കുന്നവര്‍ 9880

ശേഷിക്കുന്ന സീറ്റുകള്‍ 89

കുറവുള്ള സീറ്റുകള്‍ 9791

പാലക്കാട്

അപേക്ഷകര്‍ 8133

അലോട്ട്മെന്റ് ലഭിച്ചത് 2643

പ്രവേശനം കാത്തു നില്‍ക്കുന്നത് 5490

ശേഷിക്കുന്ന സീറ്റുകള്‍ 1107 മാത്രം

കുറവുള്ള സീറ്റുകള്‍ 4383

കോഴിക്കോട്

അപേക്ഷകര്‍ 7190

അലോട്ട്മെന്റ് ലഭിച്ചത് 3342

പ്രവേശനം കാത്തു നില്‍ക്കുന്നത് 3838

ശേഷിക്കുന്ന സീറ്റുകള്‍ 1598 മാത്രം

കുറവുള്ള സീറ്റുകള്‍ 2250ട

മലബാറിലെ സീറ്റ് പ്രതിസന്ധിയില്‍ താല്‍ക്കാലിക ബാച്ചുകള്‍ അനുവദിക്കുമെന്ന് വിദ്യാഭ്യാസ മന്ത്രി വി ശിവന്‍കുട്ടിയാണ് നിയമസഭയില്‍ പറഞ്ഞത്. മലപ്പുറത്ത് 120 അധിക ബാച്ച് അനുവദിക്കുമെന്നും മന്ത്രി വ്യക്തമാക്കി. കാസര്‍കോട് 18 അധിക ബാച്ചുകളും അനുവദിക്കും. മലപ്പുറം ജില്ലയില്‍ ഹ്യുമാനിറ്റിസിലും കൊമേഴ്സിലുമാണ് പുതി ബാച്ചുകള്‍ അനുവദിക്കുക. ഒരു സയന്‍സ് ബാച്ചിന് പുറമെ ഹ്യുമാനിറ്റിസ്, കൊമേഴ്സ് ബാച്ചുകളാണ് കാസര്‍ക്കോട് അനുവദിക്കുക.

മലപ്പുറം, കാസര്‍കോട് ജില്ലകളില്‍ സീറ്റുകള്‍ കുറവുണ്ടെന്ന് കണ്ടെത്തിയെന്നും എല്ലാവര്‍ക്കും സീറ്റ് ഉറപ്പാക്കാന്‍ നടപടി സ്വീകരിക്കുമെന്നും മന്ത്രി വ്യക്തമാക്കി. താല്‍ക്കാലിക ബാച്ച് പൊതുവിദ്യാഭ്യാസ സ്ഥാപനങ്ങളിലാണ് അനുവദിച്ചിരിക്കുന്നത്. താല്‍ക്കാലിക ബാച്ചുകള്‍ അനുവദിച്ചതിലൂടെ സര്‍ക്കാരിന് 14 കോടിയുടെ അധിക ബാധ്യതയുണ്ടെന്നും മന്ത്രി വ്യക്തമാക്കി.

മലപ്പുറം ജില്ലയില്‍ 74 സര്‍ക്കാര്‍ സ്‌കൂളുകളിലായി 120 ഹയര്‍ സെക്കന്ററി താത്കാലിക ബാച്ചുകള്‍ അനുവദിക്കാം. കാസര്‍ഗോഡ് ജില്ലയില്‍ 18 സര്‍ക്കാര്‍ സ്‌കൂളുകളിലായി 18 ബാച്ചുകള്‍ താത്കാലികമായി അനുവദിക്കാവുന്നതാണ് എന്നുമായിരുന്നു ശിപാര്‍ശകള്‍ എന്നും മന്ത്രി നിയമസഭയില്‍ വ്യക്തമാക്കി.

 

Continue Reading

Education

പതിനായിരത്തോളം വിദ്യാർത്ഥികള്‍, ആകെയുള്ളത് 89 സീറ്റ്; മലപ്പുറത്ത് പ്ലസ് വണ്‍ സീറ്റില്‍ ഗുരുതര പ്രതിസന്ധി

നിലവിലെ കണക്ക് പ്രകാരം മലപ്പുറത്ത് 89 മെറിറ്റ് സീറ്റുകള്‍ കൂടിയെ ബാക്കി ഉള്ളൂ.

Published

on

 പ്ലസ് വണ്‍ ആദ്യ സപ്ലിമെന്‍ററി അലോട്ട്‌മെന്‍റ് പ്രസിദ്ധീകരിച്ചപ്പോഴും മലപ്പുറത്ത് പ്രതിസന്ധി തുടരുന്നു. പതിനായിരത്തിലധികം കുട്ടികൾക്ക് ആകെയുള്ളത് 89 സീറ്റ് മാത്രം. സംസ്ഥാനത്താകെ ആദ്യ അലോട്ട്‌മെന്‍റില്‍ പ്രവേശനം നേടിയത് 30,245 വിദ്യാര്‍ത്ഥികളാണ്.

മലപ്പുറത്ത് ആദ്യ അലോട്ട്‌മെന്‍റില്‍ പ്രവേശനം ലഭിച്ചത് 6,999 വിദ്യാര്‍ത്ഥികള്‍ക്ക് മാത്രമാണ്. 9,880 വിദ്യാര്‍ത്ഥികള്‍ ഇപ്പോഴും പുറത്താണ്. നിലവിലെ കണക്ക് പ്രകാരം മലപ്പുറത്ത് 89 മെറിറ്റ് സീറ്റുകള്‍ കൂടിയെ ബാക്കി ഉള്ളൂ.

പാലക്കാട് 8,139 അപേക്ഷകരില്‍ പ്രവേശനം ലഭിച്ചത് 2,643 പേര്‍ക്കും കോഴിക്കോട് 7,192 അപേക്ഷകരില്‍ പ്രവേശനം ലഭിച്ചത് 3,342 പേര്‍ക്കുമാണ്. കോഴിക്കോട് 3,850 ഉം പാലക്കാട് 5,490 ഉം കുട്ടികള്‍ക്കും ഇതുവരെ അഡ്മിഷന്‍ ആയിട്ടില്ല. അതേസമയം പാലക്കാട്, മലപ്പുറം, കോഴിക്കോട്, കണ്ണൂര്‍, കാസറഗോഡ് ജില്ലകളില്‍ ഒഴികെ സംസ്ഥാനത്തെ ഒമ്പതു ജില്ലകളിലും അപേക്ഷകരെക്കാള്‍ കൂടുതല്‍ പ്ലസ് വണ്‍ മെറിറ്റ് സീറ്റ് ഉണ്ട്. അണ്‍ എയ്ഡഡ് വിഭാഗം കൂടി പരിഗണിക്കുമ്പോള്‍ ഈ ജില്ലകളിലും അപേക്ഷകരെക്കാള്‍ കൂടുതല്‍ സീറ്റുണ്ട്.

മുന്‍വര്‍ഷങ്ങളില്‍ സപ്ലിമെന്‍ററി അലോട്ട്മെന്‍റ് ഘട്ടത്തില്‍ സീറ്റെണ്ണത്തില്‍ കുറവുണ്ടായിരുന്നത് തിരുവനന്തപുരത്തായിരുന്നു. എന്നാല്‍ ഇത്തവണ അപേക്ഷകരേക്കാള്‍ കൂടുതല്‍ മെറിറ്റ് സീറ്റ് ജില്ലയിലുണ്ട്. സപ്ലിമെന്‍ററി ഘട്ടത്തില്‍ ഇനി രണ്ട് അലോട്ട്‌മെന്‍റ് കൂടിയുണ്ടാകും. രണ്ടാം സപ്ലിമെന്‍ററി അലോട്ട്‌മെന്‍റിനുള്ള വിശദാംശങ്ങള്‍ ജൂലൈ 12-ന് പ്രസിദ്ധീകരിക്കും.

Continue Reading

Trending