kerala
കെ.എസ്.ആര്.ടി.സിയില് 50 വയസ്സ് കഴിഞ്ഞവരെ നിര്ബന്ധിച്ച് പിരിച്ചുവിടും
പണമില്ലെന്നും ഹൈക്കോടതി പറഞ്ഞതുപോലെ പൂട്ടിയാലും കുഴപ്പമില്ലെന്നുമാണ് സി.പി.എമ്മിലെ ചിലരുടെ നിലപാട്.

കെ.എസ്.ആര്.ടി.സിയില് 50 വയസ്സ് കഴിഞ്ഞവരെ നിര്ബന്ധിച്ച് പിരിച്ചുവിടുന്നതിനായി 7200 പേരുടെ പട്ടിക തയ്യാറാക്കി. 15 ലക്ഷംരൂപ ഓരോരുത്തര്ക്കും നല്കിയാകും പിരിച്ചുവിടുകയ മറ്റാനുകൂല്യങ്ങള് 56 വയസ്സിന് ശേഷം നല്കും. വി.ആര്.എസ്സിന് നിര്ബന്ധിച്ചാകും പിരിച്ചുവിടുക. 1080 കോടി രൂപ ഇതിലൂചെ ശമ്പളഇനത്തില് ലാഭിക്കാമെന്നാണ് മാനേജ്മെന്റിന്റെ കണക്കുകൂട്ടല്. ഇത് സര്ക്കാര് നല്കണം. ഇതോടെ സര്ക്കാരിനെ ശമ്പളത്തിനും പെന്ഷനുമായി സമീപിക്കേണ്ടി വരില്ലെന്നാണ് കണക്ക്. പലവിധ കമ്മീഷനുകള് വെച്ച് പഠനം നടത്തിയിട്ടും പരിഷ്കാരങ്ങള് വരുത്തിയിട്ടും സ്ഥാപനം രക്ഷപ്പെടുന്ന ലക്ഷണം കാണാത്ത അവസ്ഥയിലാണ് ഈയൊരു അവസാനതന്ത്രം പയറ്റുന്നത്. ഇക്കാര്യത്തില് ഇടതുപക്ഷ സംഘടനകള് തന്നെ വിയോജിപ്പ് പ്രകടിപ്പിച്ചുകഴിഞ്ഞു. എന്നാല് സര്ക്കാരിന്റെ പക്കല് ഇനി തരാന് പണമില്ലെന്നും ഹൈക്കോടതി പറഞ്ഞതുപോലെ പൂട്ടിയാലും കുഴപ്പമില്ലെന്നുമാണ് സി.പി.എമ്മിലെ ചിലരുടെ നിലപാട്.
kerala
കോഴിക്കോട് യുവതിയെ ഭര്തൃവീട്ടില് ആത്മഹത്യ ചെയ്ത നിലയില് കണ്ടെത്തി
നടുവട്ടം സ്വദേശി ഷിംനയാണ് മരിച്ചത്.

കോഴിക്കോട് മാറാട് യുവതിയെ ഭര്തൃവീട്ടില് ആത്മഹത്യ ചെയ്ത നിലയില് കണ്ടെത്തി. നടുവട്ടം സ്വദേശി ഷിംനയാണ് മരിച്ചത്. ഇന്നലെ രാത്രി കിടപ്പുമുറിയില് യുവതിയെ മരിച്ച നിലയില് കണ്ടെത്തുകയായിരുന്നു.
ഇന്നലെ രാത്രി 8.30ഓടുകൂടിയായിരുന്നു സംഭവം. യുവതിയുടെ കുടുംബം മാറാട് പൊലീസില് പരാതി നല്കിയിട്ടുണ്ട്. കുടുംബ വഴക്കാണെന്ന് ആത്മഹത്യക്ക് പിന്നിലെന്ന് പരാതിയില് പറയുന്നു.
kerala
താമരശ്ശേരി കട്ടിപ്പാറയില് മലവെള്ളപ്പാച്ചില്; മണ്ണാത്തിയേറ്റ് മല ഇടിഞ്ഞുവീണു
ജനങ്ങളെ മാറ്റിപാര്പ്പിക്കുന്നു

കോഴിക്കോട് താമരശ്ശേരി കട്ടിപ്പാറയില് മലവെള്ളപ്പാച്ചിലിനെ തുടര്ന്ന് മണ്ണാത്തിയേറ്റ് മല ഇടിഞ്ഞുവീണു. താഴ്വാരത്ത് താമസിക്കുന്ന കുടുംബങ്ങളെ മാറ്റി പാര്പ്പിക്കും. രാവിലെ മുതല് പ്രദേശത്ത് കനത്ത മഴ തുടരുകയാണ്.
താഴ്വാരത്ത് നിലനില്ക്കുന്ന 17 വീടുകള്ക്ക് മലയിടിച്ചില് ഭീഷണിയാണെന്ന ആശങ്കയാണ് ഉയരുന്നത്. ഇനിയും മലയിടിയാനുള്ള സാധ്യതയും പരിഗണിക്കപ്പെടുന്നുണ്ട്. താമരശ്ശേരി തഹസില്ദാര്, ജനപ്രതിനിധികള് അടക്കമുള്ളവര് സ്ഥലത്തെത്തി. ആളുകളെ മാറ്റിപ്പാര്പ്പിക്കാനുള്ള നടപടി തുടങ്ങിയിട്ടുണ്ട്. അടുത്തുള്ള സ്കൂളിലേക്ക് മാറ്റാനാണ് തീരുമാനം.

കാനഡയില് വിമാനാപകടത്തില് മരിച്ച മലയാളി യുവാവ് ശ്രീഹരി സുകേഷിന്റെ മൃതദേഹം നാട്ടിലെത്തിച്ചു. സ്വദേശമായ തൃപ്പൂണിത്തുറയിലെ വസതിയില് മൃതദേഹം പൊതുദര്ശനത്തിന് വച്ചിരിക്കുകയാണ്. പരിശീലന പറക്കലിനിടെയാണ് ശ്രീഹരിയുടെ വിമാനം മറ്റൊരു വിമാനവുമായി കൂട്ടിയിടിച്ച് അപകടമുണ്ടായത്.
രാവിലെ എട്ടുമണിയോടെ ഡല്ഹിയില് നിന്നുള്ള എയര് ഇന്ത്യ വിമാനത്തിലാണ് മൃതദേഹം നെടുമ്പാശ്ശേരി വിമാനത്താവളത്തില് എത്തിച്ചത്. തൃപ്പൂണിത്തുറയിലെ താലൂക്ക് ആശുപത്രിയിലേക്ക് മാറ്റിയ മൃതദേഹം 12 മണിയോടെ കുടുംബം താമസിക്കുന്ന തൃപ്പൂണിത്തുറയിലെ ശ്രീകൃഷ്ണ എന്ക്ലേവില് പൊതുദര്ശനത്തിന് വച്ചു. വൈകിട്ട് 4 മണിക്ക് തൃപ്പൂണിത്തുറയിലെ ശ്മശാനത്തിലാണ് സംസ്കാര ചടങ്ങ്.
കാനഡയിലെ മാനിട്ടോബ പ്രവിശ്യയിലെ സ്റ്റെയിന്ബാച്ച് മേഖലയിലായിരുന്നു ജൂലൈ 9 ന്പ്രാദേശിക സമയം രാവിലെ 8:45 ന് അപകടം ഉണ്ടായത്.
വിമാനം ടേക്ക് ഓഫ് ചെയ്യാനും ലാന്ഡ് ചെയ്യാനും പരിശീലിക്കുന്നതിനിടെ കൂട്ടിയിടിക്കുകയായിരുന്നു.
പോസ്റ്റ്മോര്ട്ടം നടപടികള്ക്ക് പിന്നാലെ കാനഡ സര്ക്കാരില് നിന്ന് രേഖകള് കിട്ടാന് വൈകിയതാണ് ശ്രീഹരിയുടെ മൃതദേഹം നാട്ടിലെത്തിക്കുന്നതില് കാലതാമസം ഉണ്ടായത്.
-
india2 days ago
ഇന്ത്യയില് നിന്നും നൂറുകണക്കിന് മുസ്ലിംകളെ നിയമവിരുദ്ധമായി ബംഗ്ലാദേശിലേക്ക് നാടുകടത്തിയതായി ഹ്യൂമന് റൈറ്റ്സ് വാച്ച് റിപ്പോര്ട്ട്
-
india3 days ago
അഹമ്മദാബാദ് വിമാനാപകടം: വിദേശ പൗരന്മാരുടെ കുടുംബങ്ങള്ക്ക് ലഭിച്ചത് തെറ്റായ മൃതദേഹങ്ങള്
-
Film3 days ago
കറുപ്പിന്റെ ടീസറിന് പിന്നാലെ സൂര്യ 46 ന്റെ പോസ്റ്റർ പുറത്ത്
-
india3 days ago
’73 ദിവസത്തിനുള്ളില് 25 തവണ’: ട്രംപിന്റെ ആവര്ത്തിച്ചുള്ള ഇന്ത്യ-പാക് വെടിനിര്ത്തല് അവകാശവാദത്തില് കോണ്ഗ്രസ്
-
india2 days ago
‘മതവികാരം വ്രണപ്പെടും’; കര്ണാടകയില് സര്ക്കാര് സ്കൂളില് മുട്ട വിതരണത്തിനെതിരെ രക്ഷിതാക്കള്
-
kerala3 days ago
മാസപ്പടി കേസ്: സിബിഐ, ഇഡി അന്വേഷണം ആവശ്യപ്പെട്ടുള്ള ഹർജിയിൽ വീണ വിജയനുൾപ്പെടെയുള്ളവർക്ക് ഹൈക്കോടതി നോട്ടീസ്
-
crime3 days ago
പിണങ്ങിപ്പോയ ഭാര്യ തിരിച്ചെത്തിക്കാന് അഞ്ച് വയസുകാരനെ നരബലി നല്കി യുവാവ്
-
More3 days ago
“ഞങ്ങൾ വിശപ്പിൽ മുങ്ങുകയാണ്, ക്ഷീണത്താൽ വിറയ്ക്കുകയാണ്”; ഗാസയിലെ മാധ്യമപ്രവർത്തകരെ സംരക്ഷിക്കാൻ ആഗോളതലത്തിൽ നടപടി ആവശ്യപ്പെട്ട് അൽ ജസീറ