Connect with us

Video Stories

മാധ്യമ രാമന്‍

Published

on


ഇന്ത്യയുടെ രാഷ്ട്രീയ ചരിത്രത്തിലെ ഏറ്റവും വലിയ അഴിമതിയായ നാല്‍പതിനായിരം കോടിയുടെ റഫാല്‍ യുദ്ധ വിമാന ഇടപാടാണ് നരേന്ദ്രമോദി സര്‍ക്കാരിനെതിരെ ഇപ്പോള്‍ ഉയര്‍ന്നുവന്നിരിക്കുന്നത്. രാജ്യത്തെ ഉന്നത ഭരണനേതൃത്വത്തിലുപരി രാജ്യത്തെ വലിയ കുത്തക കമ്പനിയായ റിലയന്‍സ് കമ്പനിക്ക് വന്‍തോതില്‍ സാമ്പത്തിക സഹായം ചെയ്തുകൊടുത്തതാണ് ഇതിന്റെ പ്രത്യേകത. ദ് കാരവന്‍ ഓണ്‍ലൈന്‍ പ്രസിദ്ധീകരണമാണ് റഫാല്‍ കോഴക്കഥ പുറത്തുകൊണ്ടുവന്നതെങ്കില്‍ കേസില്‍ നിര്‍ണായക വഴിത്തിരിവുണ്ടാക്കിയത് നരസിംഹന്‍ റാം എന്ന സമുന്നത മാധ്യമ പ്രവര്‍ത്തകനാണ്.
പ്രതിരോധവകുപ്പ് സെക്രട്ടറിയായിരുന്ന ജി. മോഹന്‍കുമാര്‍ ഔദ്യോഗിക രേഖയില്‍ എഴുതിയ ഒരു കുറിപ്പാണ് റഫാല്‍ വിവാദം ഉച്ചസ്ഥായിയില്‍ എത്തിച്ചതെങ്കില്‍ ആ രേഖ വെളിച്ചം കണ്ടത് ദ് ഹിന്ദു പത്രത്തില്‍ എന്‍.റാമിന്റെ തൂലികയിലൂടെയായിരുന്നു. ഇതോടെ രാജ്യത്തെ പ്രമാദമായ രണ്ടാമത്തെ അഴിമതിക്കഥയാണ് റാമിലൂടെ ലോകം വായിച്ചറിഞ്ഞത്. പ്രധാനമന്ത്രിയുടെ ഓഫീസ് (അഥവാ പ്രധാനമന്ത്രി) ഇടപാടില്‍ അവിഹിതമായി ഇടപെട്ടുവെന്നും അത് നിലവിലെ നിയമങ്ങള്‍ക്ക് വിരുദ്ധമാണെന്നുമാണ് മോഹന്‍ കുമാറിന്റെ വിവാദമായ കുറിപ്പ്. ഈ രേഖ ദ് ഹിന്ദുവും എന്‍.ഐ.എയും മോഷ്ടിച്ചാണ് പ്രസിദ്ധീകരിച്ചതെന്നാണ് ഫെബ്രുവരി 6ന് കേസിന്റെ പുനര്‍വിചാരണ നടക്കവെ കേന്ദ്ര സര്‍ക്കാര്‍ സുപ്രീംകോടതിയില്‍ വാദിച്ചത്. ഇതോടെയാണ് കഴിഞ്ഞ വാരം മുഴുവന്‍ മുഖ്യധാരാ, സാമൂഹിക മാധ്യമങ്ങളില്‍ എന്‍. റാമും അദ്ദേഹത്തിന്റെ വാക്കുകളും നിറഞ്ഞുനിന്നത്. ദൈവം തെറ്റു ചെയ്താലും താന്‍ ചോദ്യം ചെയ്യുമെന്നെഴുതിയ പത്രപ്രവര്‍ത്തക കുലപതി സ്വദേശാഭിമാനി രാമ കൃഷ്ണപിള്ളയുടെ വാക്കുകളാണ് റാമിലൂടെ വായനാലോകം വായിച്ചറിഞ്ഞത്. ഭൂമിയിലെ ഒരു ശക്തി ആവശ്യപ്പെട്ടാലും തനിക്ക് ലഭിച്ച രേഖയുടെ ഉറവിടം വെളിപ്പെടുത്തില്ലെന്ന റാമിന്റെ വാക്കുകള്‍ ദിഗന്ധങ്ങളില്‍ പ്രതിധ്വനിച്ചു. രേഖ മോഷ്ടിച്ചതാണെന്നും സര്‍ക്കാര്‍ കേസെടുക്കുമെന്നും അഡ്വ. ജനറല്‍ കെ.കെ വേണുഗോപാല്‍ സുപ്രീംകോടതിയുടെ ചോദ്യങ്ങള്‍ക്ക് മറുപടി പറഞ്ഞതാണ് റാമിനെ ചൊടിപ്പിച്ചത്.
1989ലാണ് നാലിലൊന്ന് ഭൂരിപക്ഷത്തോടെ അധികാരത്തിലേറിയ രാജീവ്ഗാന്ധി സര്‍ക്കാരിനെ പിടിച്ചുലച്ച ബോഫോഴ്‌സ് തോക്കിടപാട് നടന്നതും അത് കോഴ വിവാദത്തിലേക്ക് വലിച്ചിഴക്കപ്പെട്ടതും. സര്‍ക്കാരിന് ആ തെരഞ്ഞെടുപ്പില്‍ പ്രതിപക്ഷത്തിരിക്കേണ്ടിവന്നുവെന്ന് മാത്രമല്ല, പിന്നീടൊരിക്കലും കോണ്‍ഗ്രസിന് രാജ്യത്ത് ഒറ്റക്ക് ഭരിക്കാനുള്ള ശേഷി ഇല്ലാതെയും വന്നു. എന്‍. റാമും ചിത്രസുബ്രമണ്യവുമാണ് ബോഫോഴ്‌സ് പ്രശ്‌നം വാര്‍ത്തയാക്കിയതെങ്കില്‍, ഇന്ന് അതിന്റെ ക്രെഡിറ്റ് ദ് ഹിന്ദുവിനും അതിന്റെ ചെയര്‍മാന്‍ എന്‍.റാമിനും മാത്രമാണ്. ഇന്ത്യയിലെ അന്വേഷണാത്മക പത്രപ്രവര്‍ത്തനത്തിന്റെ ഉസ്താദായി അറിയപ്പെടുന്നത് പിന്നീട് കേന്ദ്രമന്ത്രിയും ഇപ്പോള്‍ ബി.ജെ.പി വിമത നേതാവുമായ അരുണ്‍ ഷൂരിയാണ്. അദ്ദേഹത്തിന്റെ കൈകള്‍ റഫാല്‍ അഴിമതി പുറത്തുകൊണ്ടുവരുന്നതില്‍ നിര്‍ണായക പങ്കു വഹിച്ചിട്ടുണ്ടെന്നത് പരസ്യമാണ്. ഇദ്ദേഹവും മുന്‍ ധനമന്ത്രി യശ്വന്ത്‌സിന്‍ഹയുമാണ് റഫാല്‍ ഇടപാട് കോടതിയിലും സി.ബി.ഐയിലും എത്തിച്ചത്. രണ്ട് മുതിര്‍ന്ന മാധ്യമ പ്രവര്‍ത്തകരുടെ പങ്ക് ഈ കോഴയുടെ പുറത്താകലിന് പുറകിലുണ്ടെന്ന് കരുതുന്നതില്‍ തെറ്റില്ല. പ്രതിരോധ മന്ത്രാലയത്തിലെ രഹസ്യരേഖ മോഷ്ടിക്കപ്പെട്ടതാണെന്ന എ.ജിയുടെ വാദം കോടതിയില്‍ നിര്‍ണായകമായ നിരീക്ഷണങ്ങള്‍ക്കാണ് വഴിവെച്ചത്. രേഖ സാധുവാണെന്ന ്‌സര്‍ക്കാര്‍ സമ്മതിക്കുന്നതായി അതെന്ന് മാത്രമല്ല, അത് ഔദ്യോഗിക രഹസ്യ നിയമത്തിന്റെ പേരില്‍ കേസെടുക്കാവുന്ന കുറ്റമാണെന്ന് വരെ എ.ജി പറഞ്ഞതാണ് കോടതിയെ ചൊടിപ്പിച്ചത്. ഒരു രേഖ മോഷ്ടിച്ചതാണെന്നതുകൊണ്ട് അതിലെ സത്യം സ്വീകരിക്കരുതെന്നാണോ എന്നും നിയമത്തിന്റെ മറവില്‍ ഒളിച്ചിരിക്കാനാണോ സര്‍ക്കാര്‍ ശ്രമം എന്നും വരെ ചീഫ് ജസ്റ്റിസും ജസ്റ്റിസ് കെ.എം ജോസഫും ആരാഞ്ഞു.
1889ല്‍ ആരംഭിച്ച ദ് ഹിന്ദു ദിനപത്രത്തിന്റെ ഉടമസ്ഥര്‍ കറകളഞ്ഞ മതേതര ദേശീയ വാദികളായ അയ്യങ്കാര്‍ കുടുംബം. 1977ല്‍ പിതാവ് നരസിംഹ അയ്യങ്കാരില്‍ നിന്നാണ് മൂത്ത പുത്രനായ റാം ഫ്രണ്ട്‌ലൈന്‍, ദ് ഹിന്ദു ബിസിനസ്‌ലൈന്‍, സ്‌പോര്‍ട്സ്റ്റാര്‍ എന്നിവയടങ്ങുന്ന ഗ്രൂപ്പിന്റെ മാനേജിങ് ഡയറക്ടര്‍ പദവി ഏറ്റെടുക്കുന്നത്. 2003 മുതല്‍ 2012 വരെ മുഖ്യപത്രാധിപരായി. ’13 മുതല്‍ ചെയര്‍മാന്‍. അട്ടപ്പാടി സൈലന്റ്‌വാലി വനസംരക്ഷണത്തെക്കുറിച്ച് തുടര്‍വാര്‍ത്തകളെഴുതിയാണ് പശ്ചിമ ഘട്ടത്തിലെ വനമേഖലയിലെ വിവാദ ജലവൈദ്യുതി പദ്ധതി ഇന്ദിരാഗാന്ധിയെക്കൊണ്ട് റദ്ദാക്കിപ്പിച്ചത്. അന്തരിച്ച സൂസന്‍ എന്ന ഇംഗ്ലീഷുകാരിയെുമായുള്ള ദാമ്പത്യത്തില്‍ വിദ്യയാണ് ഏക സന്തതി. വിദ്യ ലണ്ടനില്‍ ദ് ഹിന്ദുവിന്റെ പ്രത്യേക ലേഖിക. രണ്ടാമത് വിവാഹം ചെന്നൈയിലെ പ്രസാധകയായ തിരുവല്ലക്കാരി മറിയം ചാണ്ടിയുമായി. ചെന്നൈയിലും യു.എസ്സിലെ കൊളംബിയ സര്‍വകലാശാലയിലുമായിരുന്നു റാമിന്റെ വിദ്യാഭ്യാസം. പഠനകാലത്തുതന്നെ തോന്നിയ ഇടതുപക്ഷാഭിമുഖ്യം വന്നുവന്ന് സി.പി.എം വേദികളില്‍ നിരന്തരമുള്ള സാന്നിധ്യത്തിലെത്തിയതില്‍ റാം തെറ്റുകാണുന്നില്ല. മുഖ്യമന്ത്രിമാരായ കരുണാനിധിയും എം.ജി.ആറും ജയലളിതയുമായൊക്കെ നല്ല ബന്ധം പുലര്‍ത്തിയെങ്കിലും ജയലളിതയുടെ അവസാന കാലത്ത് അതത്ര ഊഷ്മളമായില്ല. ആ പോരാട്ടം പ്രധാനമന്ത്രി മോദിയില്‍ വരെ എത്തിനില്‍ക്കുന്നു. പത്മഭൂഷന്‍, ശ്രീല ങ്കന്‍ പത്മ ബഹുമതികളും മറ്റും തേടിയെത്തി. അങ്ങനെ 73-ം വയസ്സിലും ഇന്ത്യന്‍ മാധ്യമപ്രവര്‍ത്തനത്തിന്റെ ഉത്തുംഗതയില്‍നില്‍ക്കുന്ന പേരായി എന്‍.റാം.

india

മണിപ്പൂര്‍ കലാപം; ബി.ബി.സി റെയ്ഡ് -കേന്ദ്ര സര്‍ക്കാറിനെതിരെ രൂക്ഷവിമര്‍ശനവുമായി അമേരിക്ക

ന്യൂനപക്ഷങ്ങൾ വലിയ പീഡനം മണിപ്പൂരിൽ നേരിട്ടുവെന്ന് യു.എസ് സ്റ്റേറ്റ് ഡിപാർട്മെന്‍റിന്‍റെ വാർഷിക മനുഷ്യാവകാശ വിശകലന റിപ്പോർട്ടിൽ പറയുന്നു.

Published

on

മണിപ്പൂരിലെ വംശീയ സംഘർഷത്തിലടക്കം കേന്ദ്ര സർക്കാറിനെതിരെ രൂക്ഷ വിമർശനവുമായി അമേരിക്കൻ വിദേശകാര്യ വകുപ്പ്. ന്യൂനപക്ഷങ്ങൾ വലിയ പീഡനം മണിപ്പൂരിൽ നേരിട്ടുവെന്ന് യു.എസ് സ്റ്റേറ്റ് ഡിപാർട്മെന്‍റിന്‍റെ വാർഷിക മനുഷ്യാവകാശ വിശകലന റിപ്പോർട്ടിൽ പറയുന്നു. കേന്ദ്ര സർക്കാരിനെ വിമർശിക്കുന്ന മാധ്യമങ്ങൾ ഭീഷണി രാജ്യത്ത് നേരിടുകയാണെന്നും റിപ്പോർട്ടിൽ വിമർശനമുണ്ട്.

യു.എസ് സ്റ്റേറ്റ് ഡിപ്പാർട്ട്‌മെന്‍റ് തിങ്കളാഴ്ചയാണ് വാർഷിക മനുഷ്യാവകാശ വിശകലന റിപ്പോർട്ട് പ്രസിദ്ധീകരിച്ചത്. 200 രാജ്യങ്ങളിലെ മനുഷ്യാവകാശ പ്രശ്നങ്ങൾ ഉൾകൊള്ളുന്നതാണ് റിപ്പോർട്ട്. മണിപ്പൂരിലെ വംശീയ സംഘർഷം അടിച്ചമർത്തുന്നതിലെ പരാജയം, ഇന്ത്യയിലെ പ്രതിപക്ഷ പാർട്ടികൾ നേരിടുന്ന പ്രതിബന്ധങ്ങൾ, ഹർദീപ് സിങ് നിജ്ജറിന്‍റെ കൊലപാതകത്തിലെ ആരോപണം എന്നിവ ഇന്ത്യയിലെ ഗുരുതരമായ മനുഷ്യാവകാശ പ്രശ്‌നങ്ങളിൽ പെടുന്നുവെന്ന് റിപ്പോർട്ട് പറയുന്നു.

വംശീയ സംഘർഷം പൊട്ടിപ്പുറപ്പെട്ടതിന് ശേഷം മണിപ്പൂരിൽ ഗുരുതരമായ മനുഷ്യാവകാശ ലംഘനങ്ങളാണ് അരങ്ങേറിയത്. സായുധ സംഘട്ടനം, ലൈംഗിക അതിക്രമങ്ങൾ എന്നിവ മണിപ്പൂരിൽ നിന്നും റിപ്പോർട്ട് ചെയ്യപ്പെട്ടു -സ്റ്റേറ്റ് ഡിപ്പാർട്ട്‌മെന്‍റ് ചൂണ്ടിക്കാട്ടുന്നു.

രാഹുൽ ഗാന്ധിയെ അയോഗ്യാനാക്കിയ സംഭവം റിപ്പോർട്ടിൽ പറയുന്നുണ്ട്. സർക്കാരിനെ വിമർശിക്കുന്ന വീക്ഷണങ്ങൾ പ്രകടിപ്പിക്കുന്ന മാധ്യമപ്രവർത്തകരും മാധ്യമസ്ഥാപനങ്ങലും അറസ്റ്റിനും ഭീഷണികൾക്കും വിധേയരായിട്ടുണ്ടെന്ന് റിപ്പോർട്ട് പറയുന്നു. ആദായനികുതി വകുപ്പ് ബി.ബി.സിയുടെ ഡൽഹി, മുംബൈ ഓഫീസുകളിൽ 60 മണിക്കൂർ റെയ്ഡ് നടത്തിയതും റിപ്പോർട്ടിൽ പരാമർശിക്കുന്നു.

Continue Reading

crime

യു.പിയിൽ ബി.ജെ.പി സ്ഥാനാർഥിയുടെ പ്രചാരണ റാലിക്കിടെ വ്യാപക പോക്കറ്റടി

റാലിയില്‍ പങ്കെടുത്ത പ്രവര്‍ത്തകരും റാലി കടന്നുപോയ സ്ഥലത്തെ കച്ചവടക്കാരും പണം നഷ്ടമായത് ചൂണ്ടിക്കാട്ടി പൊലീസില്‍ പരാതി നല്‍കിയിട്ടുണ്ട്.

Published

on

ഉത്തര്‍പ്രദേശിലെ മീററ്റില്‍ ബി.ജെ.പി സ്ഥാനാര്‍ഥി അരുണ്‍ ഗോവിലിന്റെ പ്രചാരണ റാലിക്കിടെ വ്യാപക പോക്കറ്റടി. റാലിയില്‍ പങ്കെടുത്ത പ്രവര്‍ത്തകരും റാലി കടന്നുപോയ സ്ഥലത്തെ കച്ചവടക്കാരും പണം നഷ്ടമായത് ചൂണ്ടിക്കാട്ടി പൊലീസില്‍ പരാതി നല്‍കിയിട്ടുണ്ട്. മാധ്യമപ്രവര്‍ത്തകരും പോക്കറ്റടിക്ക് ഇരയായിട്ടുണ്ട്.

‘രാമായണം’ സീരിയലില്‍ ശ്രീരാമനായി അഭിനയിച്ച നടനാണ് മീററ്റിലെ ബി.ജെ.പി സ്ഥാനാര്‍ഥി അരുണ്‍ ഗോവില്‍. സീരിയലിലെ മറ്റ് കഥാപാത്രങ്ങളെ അവതരിപ്പിച്ച താരങ്ങളെ അണിനിരത്തിയായിരുന്നു മീററ്റില്‍ പ്രചാരണ റാലി നടത്തിയത്. സീതയായി അഭിനയിച്ച ദീപിക ചിഖ്‌ലിയ, ലക്ഷ്മണനായി അഭിനയിച്ച സുനില്‍ ലാഹ്രി എന്നിവര്‍ പങ്കെടുത്തിരുന്നു.

വ്യാപാരിയായ കുല്‍ഭൂഷണ്‍ എന്നയാള്‍ 36,000 രൂപ പോക്കറ്റടിച്ചതായി കാണിച്ച് പൊലീസില്‍ പരാതി നല്‍കി. റാലി കണ്ടപ്പോള്‍ കടയില്‍ നിന്നിറങ്ങി അടുത്തേക്ക് പോയതാണെന്ന് കുല്‍ഭൂഷണ്‍ പറഞ്ഞു. കടയിലെ പണം പോക്കറ്റില്‍ വെച്ചിരുന്നു. റാലി കണ്ട് തിരികെയെത്തിയപ്പോഴാണ് പോക്കറ്റിലെ പണം നഷ്ടമായത് അറിയുന്നത് -കുല്‍ഭൂഷണ്‍ പറഞ്ഞു.

https://twitter.com/i/status/1782609046484500905

ബി.ജെ.പി പ്രാദേശിക നേതാവായ അലോക് സിസോദിയയുടെ മൊബൈല്‍ ഫോണ്‍ റാലിക്കിടെ മോഷ്ടിക്കപ്പെട്ടു. റാലിയിലെ തിരക്ക് മുതലെടുത്ത് ചില മോഷ്ടാക്കള്‍ കടന്നുകയറിയെന്നാണ് ബി.ജെ.പി നേതാക്കള്‍ പറയുന്നത്.

അതേസമയം, മോഷണസംഭവങ്ങളില്‍ മൂന്ന് പേരെ പൊലീസ് അറസ്റ്റ് ചെയ്തിട്ടുണ്ട്. ഏപ്രില്‍ 26ന് നടക്കുന്ന രണ്ടാംഘട്ടത്തിലാണ് മീററ്റില്‍ തെരഞ്ഞെടുപ്പ്.

 

 

Continue Reading

Article

വിശ്രമമില്ലാതെ പാണക്കാട് കുടുംബം

വീട്ടില്‍ വരുന്ന നൂറുകണക്കിനു സാധാരണക്കാരുടെ വിഷയങ്ങളില്‍ സാന്ത്വനം പകര്‍ന്ന് അയച്ച ശേഷ യു.ഡി.എഫിനു വന്‍ വിജയമോ താന്‍ കിലോമിറ്ററുകള്‍ താണ്ടുകയാണിവര്‍.

Published

on

ഇഖ്ബാല്‍ കല്ലുങ്ങല്‍

മലപ്പുറം: കേരളീയ സമൂഹത്തിന്റെ സുകൃതമാണ് പാണക്കാട് സയ്യിദ് ശിഹാബ് തങ്ങള്‍ കുടുംബം. മുസ്‌ലിം ലീഗിന്റെ നേത്യരംഗത്ത് ശോഭ വിതറുന്ന ശിഹാബ് തങ്ങള്‍ കുടുംബത്തിനു തിരഞ്ഞെടുപ്പ് കാലത്ത് തിരക്കുകള്‍ കൂടുന്ന ദിനങ്ങളാണ്. വീട്ടില്‍ വരുന്ന നൂറുകണക്കിനു സാധാരണക്കാരുടെ വിഷയങ്ങളില്‍ സാന്ത്വനം പകര്‍ന്ന് അയച്ച ശേഷ യു.ഡി.എഫിനു വന്‍ വിജയമോ താന്‍ കിലോമിറ്ററുകള്‍ താണ്ടുകയാണിവര്‍. മുസ്ലിംലീഗ് സംസ്ഥാന പ്രസിഡന്റ് പാണക്കാട് സയ്യിദ് സാദിഖലി ശിഹാബ് തങ്ങള്‍, മുസ്ലിം ലീഗ് മലപ്പുറം ജില്ലാ പ്രസിഡന്റ് പാണക്കാട് സയ്യിദ് അബ്ബാസലി ശിഹാബ് തങ്ങള്‍, മുസ്ലിം യൂത്ത് ലീഗ് സംസ്ഥാന പ്രസിഡന്റ് പാണക്കാട് സയ്യിദ് മുനവ്വറലി ശിഹാബ് തങ്ങള്‍, സയ്യിദ് റഷീദലി ശിഹാബ് തങ്ങള്‍, സയ്യിദ ്ഹമീദലി ശിഹാബ് തങ്ങള്‍, സയ്യിദ് ബഷീറലി ശിഹാബ് തങ്ങള്‍, സയ്യിദ് മുഈനലി ശിഹാബ് തങ്ങള്‍. തുടങ്ങിയവര്‍ വോട്ട് അഭ്യാര്‍ത്ഥിച്ച് പൊതുസമ്മേളനങ്ങള്‍ മുതല്‍ കു ടുംബ സംഗമങ്ങള്‍ വരെ വിശ്രമമില്ലാതെ ഓടുകയാണ്.

പാണക്കാട് കുടുംബത്തില്‍ നിന്നും വോട്ട് അഭ്യാര്‍ത്ഥിച്ച് എത്തുന്നത് വോട്ടര്‍മാരില്‍ വലിയ സ്വാധീനമാണുളവാക്കുന്നത്. മതസാഹോദര്യത്തിനു ഊന്നല്‍ നല്‍കികൊണ്ട് രാജ്യത്തെ രക്ഷിക്കേണ്ട പോരാട്ടമാ ണിതെന്ന് പറഞ്ഞ് വോട്ട് അഭ്യര്‍ത്ഥിക്കുന്നത് വോട്ടര്‍മാര്‍ സ്‌നേഹപൂര്‍വമാണ് സ്വീകരിക്കുന്നത്. മുസ്ലിം ലീഗ് ദേശീയ രാഷ്ട്രീയകാര്യസമിതി ചെയര്‍മാന്‍ കൂടിയായ സാദിഖലി ശിഹാബ് തങ്ങള്‍ കേരളത്തിനകത്തും പുറത്തും പ്രചാരണത്തില്‍ ശ്രദ്ധകേന്ദ്രീകരിക്കുന്നു. രാഹുല്‍ ഗാന്ധിക്കൊപ്പം ഇന്ത്യമുന്നണിക്ക് സാദിഖലി ശിഹാബ് തങ്ങള്‍ പകരുന്ന ആവേശവും കരുത്തും ചെറുതല്ല. മുസ്ലിം ലീഗ് സ്ഥാനാര്‍ത്ഥികളെ പ്രഖ്യാപിച്ച സാദിഖലി ശിഹാബ് തങ്ങള്‍ തന്നെയാണ് ഇ.ടി മുഹമ്മദ് ബഷീറിന്റെയും അബ്ദുസമദ് സമദാനിയുടെയും പ്രചാരണങ്ങള്‍ക്ക് തുടക്കം കുറിച്ചതും. യുഡിഎഫിന്റെ വിവിധ സ്ഥാനാര്‍ത്ഥികളുടെ പ്രചാരണങ്ങള്‍ക്ക് സാദിഖലി ശിഹാബ്ദ് തങ്ങളുടെ സാന്നിധ്യം എന്തൊന്നില്ലാ ആത്മവിശ്വാസമാണ് പകരുന്നത്. സംസ്ഥാനത്തിന്റെ ഒരറ്റം മുതല്‍ മറ്റേയറ്റം വരെ സാദിഖലി ശിഹാബ് തങ്ങള്‍ വിശ്രമമില്ലാതെ സഞ്ചരിക്കു കയാണ്. കേരളത്തില്‍ എല്ലാ സീറ്റിലും യു.ഡി.എഫ് വിജയം വരിക്കുന്നതിനു ആവശ്യമായ കര്‍മപഥമാണ് സാദിഖലി ശിഹാബ് തങ്ങള്‍ തുറക്കുന്നത്. എല്ലായിടത്തും കുടുംബ സംഗമങ്ങളിലും തീരദേശ മലയോര മേഖലകളിലും സാദിഖലി ശിഹാബ് തങ്ങളുടെ പര്യടനങ്ങള്‍ക്ക് ഗംഭീര സ്വീകാര്യതയാണ്.

മുസ്ലിംലീഗ് സ്ഥാനാര്‍ത്ഥികള്‍ക്ക് നാമനിര്‍ദേശ പത്രികയും കെട്ടിവെക്കാനുള്ള തുകയും കൈമാറിയ ശേഷം വയനാട്ടില്‍ രാഹുല്‍ഗാന്ധിയുടെ റോഡ്‌ഷോയിലും പത്രിക സമര്‍പ്പണത്തിലും പാണക്കാട് സയ്യിദ് അബ്ബാസലി ശിഹാബ്തങ്ങള്‍ നിറസാന്നിധ്യമായിരുന്നു. തിരഞ്ഞെടുപ്പ് കണ്‍വന്‍ഷനുകളിലും പ്രചാരണ ഉദ്ഘാടനങ്ങളും കുടുംബ സംഗമങ്ങളിലും പങ്കെടുത്ത് സയ്യിദ് അബ്ബാസലി ശിഹാബ്തങ്ങള്‍ യു.ഡി.എഫിന്റെ വിജയമോതുന്നു. വിവിധ സ്ഥലങ്ങളിലെ പര്യടനത്തിലുടനീളം ജനകീയ വരവേല്‍പ്പാണ് അബ്ബാസലി തങ്ങള്‍ക്ക് ലഭിക്കുന്നത്.

സയ്യിദ് അബ്ബാസലി ശിഹാബ് തങ്ങള്‍, സയ്യിദ് ബഷീറലി ശിഹാബ് തങ്ങള്‍, സയ്യിദ് മുനവ്വറലി ശിഹാബ് തങ്ങള്‍,സയ്യിദ് റഷീദലി ശിഹാബ് തങ്ങള്‍, സയ്യിദ് ഹമീദലി ശിഹാബ് തങ്ങള്‍, സയ്യിദ് മുഈനലി ശിഹാബ് തങ്ങള്‍ മുസ്ലിംയൂത്തീഗ് സംസ്ഥാന പ്രസിഡന്റ് പാണക്കാട് സയ്യിദ് മുനവ്വറലി ശിഹാബ് തങ്ങള്‍ പൊന്നാനിയിലും മലപ്പുറത്തും മറ്റു ലോക്‌സഭാ മണ്ഡലങ്ങളിലും ആവേശം വിതറുന്നു. രാജ്യത്തെ ഭിന്നിപ്പിച്ച് ഭരിക്കുന്ന ഭരണകൂടത്തിനെതിരെയും ജനദ്രോഹനയങ്ങള്‍ തുടരുന്ന കേരളസര്‍ക്കാറിനെതിരെയും പ്രതികരിക്കാനുള്ള അവസരമാണിതെന്ന് ഓരോ കേന്ദ്രത്തിലും സയ്യിദ് മുനവ്വറലി ശിഹാബ് തങ്ങള്‍ പറഞ്ഞു. യംഗ് ഇന്ത്യ പരിപാടികളിലും തങ്ങള്‍ ശ്രദ്ധേയമായി. തിരൂരിലും മറ്റുമായി വിവിധ കുടുംബസംഗമങ്ങളില്‍ പങ്കെടുത്ത് മലപ്പുറം മണ്ഡലും മുസ്ലിംലീഗ് പ്രസിഡന്റു കൂടിയായ സയ്യിദ് റഷീദലി ശിഹാബ് തങ്ങള്‍ അനുഗ്രഹ സാന്നിധ്യമായി കേന്ദ്ര-സംസ്ഥാന സര്‍ക്കാറുകളുടെ ജനദ്രോഹ ഭരണം സയ്യിദ് റഷീദലി ശിഹാബ് തങ്ങള്‍ വിശദീകരിക്കുമ്പോള്‍ വോട്ടര്‍മാര്‍ അതേറ്റുവാങ്ങുന്നു.

പ്രചാരണപ്രവര്‍ത്തനങ്ങളില്‍ സജീവമാണ് മലപ്പുറം മുനിസിപ്പല്‍ മുസ്ലിംലീഗ് പ്രസിഡന്റ് കൂടിയായ സയ്യിദ് ഹമീദലി ശിഹാബ് തങ്ങള്‍, മലപ്പുറത്തും പൊന്നാനിയിലും മറ്റിടങ്ങളിലും കുടുംബസംഗമങ്ങളിലും കണ്‍വന്‍ഷനുകളിലും പ്രചാരണ ഉദ്ഘാടനങ്ങളിലും ഹമിദലി ശിഹാബ് തങ്ങള്‍ യു.ഡി.എഫ് വിജയ ത്തിന്റെ അനിവാര്യത ബോധ്യപ്പെടുത്തി.

പാണക്കാട് സയ്യിദ് ബഷീറലി ശിഹാബ് തങ്ങളും കുടുംബസംഗമങ്ങളില്‍ പങ്കെടുത്തു. പാണക്കാട് സയ്യിദ് മുഈനലി ശിഹാബ് തങ്ങള്‍ എടപ്പാളിലുള്‍പ്പെടെ തിരഞ്ഞെടുപ്പ് കാമ്പയിന്‍ നയിച്ചതും ശ്രദ്ധേയമായി. പാണക്കാട് സയ്യിദ് കുടുംബം പങ്കെടുക്കുന്ന തീരദേശ റോഡ്‌ഷോകളും കുടുംബസംഗമങ്ങളും വിജയകരമായി മുന്നേറുകയാണ്. മണ്‍മറഞ്ഞ പിഎംഎസ്എ പൂക്കോയ തങ്ങള്‍, സയ്യിദ് മുഹമ്മദലി ശിഹാബ് തങ്ങള്‍, സയ്യിദ് ഹൈദരലി ശിഹാബ് തങ്ങള്‍, സയ്യിദ് ഉമറലി ശിഹാബ് തങ്ങള്‍ എന്നിവരും തിരഞ്ഞെടുപ്പ് കാലത്ത് നയിച്ച പര്യടനങ്ങള്‍ ജനങ്ങളുടെ ഓര്‍മകളില്‍ മങ്ങാതെ നില്‍ക്കുന്ന ഹൃദ്യമായ കാഴ്ച്ചകളാണ്.

 

Continue Reading

Trending