ആഘോഷങ്ങളില്ലാതെ സംസ്ഥാനത്ത് നാളെ ബലിപെരുന്നാള്‍

സംസ്ഥാനത്ത് നാളെ ബലിപെരുന്നാള്‍. മലബാറിലെ ഭൂരിഭാഗം പേര്‍ക്കും ഇത്തവണത്തെ പെരുന്നാള്‍ ക്യാമ്പുകളിലാണ്. വടക്കന്‍ ജില്ലകളില്‍ പലയിടത്തും പള്ളികളില്‍ വെള്ളം കയറിയതിനാല്‍ പെരുന്നാള്‍ നമസ്‌കാരത്തിനും മറ്റും പകരം സൗകര്യം ഒരുക്കേണ്ടി വരും.

സാധാരണ പുതുവസ്ത്രങ്ങളണിഞ്ഞ് പെരുന്നാളിനെ വരവേല്‍ക്കുന്ന വിശ്വാസികള്‍ ഇത്തവണ മഴക്കെടുതിയില്‍ ദുരിതത്തിലായവര്‍ക്ക് വസ്ത്രങ്ങളെത്തിക്കാനുള്ള ശ്രമത്തിലാണ്.

ഇത്തവണ ദുരിതാശ്വാസ ക്യാമ്പുകളും ഈദ് ഗാഹുകളാവും. പ്രളയം ബാധിക്കാത്തിടത്തുള്ള പള്ളികളില്‍ ഒത്ത്‌ചേര്‍ന്ന് ദുരന്തത്തിന് ഇരയായവര്‍ക്ക് വേണ്ടി പ്രാര്‍ത്ഥിക്കാനാണ് ഇത്തവണ പെരുന്നാള്‍ ദിനം. ഒപ്പം പ്രളയദുരിതം നേരിടുന്നവര്‍ക്ക് പരമാവധി സഹായമെത്തിക്കാനും.

SHARE