india
അന്താരാഷ്ട്ര വിപണിയില് എണ്ണവില കുത്തനെയിടിഞ്ഞു; പകല്കൊള്ള തുടര്ന്ന് എണ്ണക്കമ്പനികള്
ഒരു വര്ഷത്തിനിടയിലെ ഏറ്റവും താഴ്ന്ന നിലവാരത്തിലാണ് ഇപ്പോള് ക്രൂഡ് വില
ആഗോള വിപണിയില് അസംസ്കൃത എണ്ണ വില കുറഞ്ഞിട്ടും രാജ്യത്ത് അതിന്റെ പ്രതിഫലനമില്ല. അന്താരാഷ്ട്ര വിപണിയില് എണ്ണവിവ ബാരലിന് 73 ഡോളര് വരെയായി താഴ്ന്നു. എന്നിട്ടും രാജ്യത്ത് ഡോളറിന് 110 രൂപയായതിന് സമാനമായ വിലയാണുള്ളത്. പ്രാദേശിക വിപണിയില് പെട്രോള്, ഡീസല് വിലകളില് മാറ്റമില്ലാത്തത് വിവാദമാകുന്നുണ്ട്.
ഒരു വര്ഷത്തിനിടയിലെ ഏറ്റവും താഴ്ന്ന നിലവാരത്തിലാണ് ഇപ്പോള് ക്രൂഡ് വില. ആഗോള എണ്ണവില ഇടിഞ്ഞാല് അത് പ്രാദേശിക ഇന്ധനവിലയില് പ്രതിഫലിക്കേണ്ടതാണ്. ഇതിനാണ് വില നിര്ണ്ണയ അധികാരം എണ്ണ കമ്പനികള്ക്ക് നല്കിയത്. എന്നാല് ആഗോള വില ഉയരുമ്പോള് ഉയര്ത്തുന്നവര് കുറയുമ്പോള് മിണ്ടാതിരിക്കും.
ഇന്ത്യയിലേക്ക് റഷ്യയില് നിന്നും എണ്ണ വരുന്നുണ്ട്. വളരെ വില കുറച്ചാണ് നല്കുന്നത്. മുപ്പത് ശതമാനത്തോളം കുറവുണ്ട്. അതുകൊണ്ട് തന്നെ ഇന്ത്യയ്ക്ക് റഷ്യയില് നിന്നും 50 ഡോളറിന് അടുത്താണ് എണ്ണ കിട്ടുന്നത്. അതുകൊണ്ട് തന്നെ പ്രാദേശിക വിലയില് വലിയ മാറ്റമുണ്ടാകേണ്ടതാണ്.
നേട്ടം ലഭിക്കണമെന്നില്ലെന്നാണ് വിപണിയില്നിന്നുള്ള വിലയിരുത്തല്. നിലവിലെ വിലയിടിവിലും എണ്ണക്കമ്പനികള് പെട്രോളിന്റെയും ഡീസലിന്റെയും ചില്ലറ വില്പ്പന വില കുറയ്ക്കാനുള്ള സാധ്യത കുറവാണ്. മാത്രമല്ല, അസംസ്കൃത എണ്ണവില ഇതേ നിലയില് തുടര്ന്നാലും ചില്ലറ വില്പ്പന വിലയില് ആനുപാതികമായ കുറവ് പ്രതീക്ഷിക്കേണ്ടതില്ലെന്നാണ് മുന്കാലങ്ങളിലെ കണക്കുകള് സൂചിപ്പിക്കുന്നത്.
അതേസമയം, കേരളത്തില് അടുത്ത മാസം മുതല് ഇന്ധനവില വര്ധിക്കും. സംസ്ഥാന ബജറ്റില് സര്ക്കാര് പ്രഖ്യാപിച്ച അധിക സെസ് വരുന്നതോടെ പെട്രോള്, ഡീസല് വില ലിറ്ററിന് രണ്ട് രൂപയാണ് കൂടുക. റഷ്യയുെ്രെകന് യുദ്ധപശ്ചാത്തലത്തില് ക്രൂഡ് ഓയില് വില കഴിഞ്ഞ വര്ഷം മാര്ച്ചില് ബാരലിന് 139 ഡോളര് എത്തിയിരുന്നു. ഈ ഘട്ടത്തിലാണ് എണ്ണവില രാജ്യത്ത് ലിറ്ററിന് നൂറു രൂപയും കടന്നു പോയത്. പെട്രോള്ഡീസല് വിലയില് പകുതിയില് അധികവും നികുതിയാണ്.
ക്രൂഡ് ഓയില് വില കുത്തനെ കുറഞ്ഞിട്ടും നഷ്ടം നികത്താനെന്ന പേരില് പെട്രോളിന്റെയും ഡീസലിന്റെയും ചില്ലറ വില്പ്പന വില കുറയ്ക്കാന് എണ്ണക്കമ്പനികള് തയ്യാറായിട്ടില്ല. വിപണിയില് അസ്ഥിരത തുടരുകയാണെന്നും വില കുറയ്ക്കുന്നത് ലാഭക്ഷമതയെ ബാധിക്കുമെന്നുമായിരുന്നു കമ്പനികളുടെ വാദം.
ആഗോള വിപണിയിലെ വിലയിലുണ്ടാകുന്ന മാറ്റം വേഗത്തില് ഇന്ത്യയിലും പ്രകടമാകേണ്ടതാണ്. എന്നാല്, കേന്ദ്രസംസ്ഥാന സര്ക്കാറുകള് നികുതിയടക്കം കുത്തനെ ഉയര്ത്തി. കോവിഡ് കാലത്തു മാത്രം കേന്ദ്രസര്ക്കാര് നികുതികള് വര്ധിപ്പിച്ചത് പെട്രോളിന് 68 ശതമാനവും ഡീസലിന് 100 ശതമാനത്തിലേറെയുമാണ്. ഇന്ത്യ വന്തോതില് എണ്ണ വാങ്ങുന്നത് ഇറാഖ്, സൗദി, റഷ്യ എന്നീ രാജ്യങ്ങളില്നിന്നാണ്. യുദ്ധസാഹചര്യത്തില് റഷ്യ വിലകുറച്ച് എണ്ണ നല്കുന്നതിനാല് ഇന്ത്യ വലിയ തോതില് അവിടെനിന്ന് ഇറക്കുമതി ചെയ്യുന്നുണ്ട്.
india
ആംബുലന്സിന് തീപിടിച്ച് നാല് പേര് മരിച്ചു
ചൊവ്വാഴ്ച രാത്രിയാണ് മൊദാസയില് നിന്ന് അഹമ്മദാബാദിലേക്ക് കടന്നുപോകുന്ന ആംബുലന്സില് ദുരന്തം സംഭവിച്ചത്.
പാലന്പൂര്: ഗുജറാത്തിലെ അഹമ്മദാബാദ് ഭാഗത്തേക്ക് പോകുകയായിരുന്ന ആംബുലന്സിന് തീപിടിച്ച് നാല് പേര് മരിച്ചു. ചൊവ്വാഴ്ച രാത്രിയാണ് മൊദാസയില് നിന്ന് അഹമ്മദാബാദിലേക്ക് കടന്നുപോകുന്ന ആംബുലന്സില് ദുരന്തം സംഭവിച്ചത്. മരിച്ചവരില് ഒരു ദിവസം മാത്രം പ്രായമായ പുതുജാത കുഞ്ഞും പിതാവും ഡോക്ടറും നഴ്സും ഉള്പ്പെടുന്നു.
മാസം തികയാതെ ജനിച്ച കുഞ്ഞിന്റെ ആരോഗ്യനില മോശമായതിനെ തുടര്ന്ന്, കൂടുതല് വിദഗ്ധ ചികിത്സക്കായി അഹമ്മദാബാദിലെ സ്വകാര്യ ആശുപത്രിയിലേക്ക് മാറ്റുകയായിരുന്നു. ആദ്യം മൊദാസയിലെ ഒരു സ്വകാര്യ ആശുപത്രിയില് എത്തിയിരുന്ന കുഞ്ഞിനെ തുടര്ന്ന് നില വഷളായതിനാല് അഹമ്മദാബാദിലേക്ക് മാറ്റാന് നിര്ദേശിച്ചു. കുഞ്ഞിനെയും കുടുംബത്തെയും കൊണ്ടുപോകാന് ഓറഞ്ച് ചില്ഡ്രന്സ് ഹോസ്പിറ്റലില് നിന്നാണ് ഡോക്ടറും നഴ്സുമടങ്ങിയ ആംബുലന്സ് എത്തിയതെന്ന് ആരവല്ലി എസ്.പി. മനോഹര് സിംഗ് ജഡേജ അറിയിച്ചു.
ശിശുവിന്റെ പിതാവ് ജിഗ്നേഷ് മോച്ചി (38), കുടുംബാംഗങ്ങള് എന്നിവര് യാത്രതിരിച്ച ആംബുലന്സ് മൊദാസയില് നിന്ന് ചില കിലോമീറ്റര് മാത്രം പിന്നിട്ടപ്പോള് പെട്ടെന്ന് തീപിടിത്തം ഉണ്ടായി. തീ അതിവേഗം ആളിപ്പടര്ന്നതോടെ അഗ്നിശമന സേന എത്തുംമുമ്പ് തന്നെ കുഞ്ഞും പിതാവും ഡോക്ടറായ 30 കാരനായ രാജ്കരണ് ശാന്തിലാല് റെന്റിയയും 23 കാരിയായ നഴ്സ് ഭൂരി മനാത്തും വെന്തുമരിച്ചു.
അപകടസമയം ഡ്രൈവര് കാബിനില് ഉണ്ടായിരുന്ന മൂന്ന് പേര്ക്ക് ഗുരുതരമായ പൊള്ളലേറ്റതായി ഡെപ്യൂട്ടി പൊലീസ് സൂപ്രണ്ട് ആര്ഡി ദാബി പറഞ്ഞു. പരിക്കേറ്റവരെ ആശുപത്രിയില് പ്രവേശിപ്പിച്ചിരിക്കുകയാണ്. സംഭവസ്ഥലത്ത് ഫോറന്സിക് സംഘം പരിശോധന നടത്തുകയും തീപിടിത്തത്തിന്റെ കാരണം കണ്ടെത്താന് അന്വേഷണം തുടരുകയാണെന്നും പൊലീസ് അറിയിച്ചു.
ആംബുലന്സ് തീപിടിത്തത്തിന്റെ കാരണം സംബന്ധിച്ച് ഇപ്പോഴും വ്യക്തതയില്ലെങ്കിലും, വരുത്തിയ അനന്തരഫലങ്ങള് പ്രദേശവാസികളെയും ആരോഗ്യവ്യവസ്ഥയെയും നടുക്കിയിരിക്കുകയാണ്.
india
പോക്സോ കേസ്; ബിജെപി നേതാവ് ബി.എസ് യെദ്യൂരപ്പക്ക് സമന്സ് അയച്ച് പ്രത്യേക കോടതി
ഡിസംബര് രണ്ടിന് കേസ് പരിഗണിക്കുമ്പോള് പ്രതികള് ഹാജരാവണമെന്നാണ് സമന്സ്.
പ്രായപൂര്ത്തിയാവാത്ത പെണ്കുട്ടിയെ ലൈംഗികാതിക്രമത്തിനിരയാക്കിയ കേസില് കര്ണാടക മുന്മുഖ്യമന്ത്രിയും ബിജെപി നേതാവുമായ ബി.എസ് യെദ്യൂരപ്പക്ക് സമന്സ് അയച്ച് പ്രത്യേക കോടതി. ഡിസംബര് രണ്ടിന് കേസ് പരിഗണിക്കുമ്പോള് പ്രതികള് ഹാജരാവണമെന്നാണ് സമന്സ്. കേസില് യെദ്യൂരപ്പയെ കൂടാതെ അരുണ് വൈ.എം, രുദ്രേഷ് മരുളസിദ്ധയ്യ, ജി. മാരിസ്വാമി എന്നിവരാണ് മറ്റ് പ്രതികള്.
ബംഗളൂരു സദാശിവനഗര് പൊലീസാണ് അതിജീവിതയുടെ അമ്മ നല്കിയ പരാതിയില് യെദ്യൂരപ്പയുടെ പേരില് പോക്സോ വകുപ്പ് ചുമത്തി കേസെടുത്തത്. 17 വയസുള്ള തന്റെ മകളെ യെദ്യൂരപ്പ വീട്ടില് വെച്ച് ലൈംഗികമായി ഉപദ്രവിച്ചു എന്നാണ് പെണ്കുട്ടിയുടെ അമ്മയുടെ പരാതി. അന്വേഷണം പിന്നീട് സര്ക്കാര് സിഐഡിക്ക് കൈമാറി. കേസ് പരിഗണിക്കുന്ന ബംഗളൂരുവിലെ ജനപ്രതിനിധികളുടെ പ്രത്യേക കോടതി യെദ്യൂരപ്പയോട് ഹാജരാകാന് ആവശ്യപ്പെട്ട് സമന്സ് അയച്ചത് ചോദ്യം ചെയ്ത് യെദ്യൂരപ്പ ഹൈക്കോടതിയെ സമീപിച്ചു. എന്നാല്, കേസ് റദ്ദാക്കണമെന്ന യെദ്യൂരപ്പയുടെ ആവശ്യം ഹൈക്കോടതി തള്ളിയിരുന്നു.
കേസില് യെദ്യൂരപ്പ വിചാരണ നേരിടണമെന്നും ഹൈക്കോടതി വിധിച്ചിരുന്നു. കേസിന്റെ വിചാരണയില് അത്യാവശ്യമല്ലെങ്കില് നേരിട്ട് ഹാജരാകാന് യെദ്യൂരപ്പയെ നിര്ബന്ധിക്കരുതെന്ന് കോടതി ഉത്തരവിട്ടു. ജസ്റ്റിസ് എം.ഐ അരുണിന്റെ സിംഗിള് ബെഞ്ചിന്റെയായിരുന്നു വിധി. ഹൈക്കോടതി വിധിക്ക് പിന്നാലെ സ്പെഷ്യല് പബ്ലിക്ക് പ്രോസിക്യൂട്ടര് അശോക് നായിക് അതിവേഗ കോടതിയെ സമീപിക്കുകയായിരുന്നു.
india
പഴയ വാഹനങ്ങള്ക്ക് ഫിറ്റ്നസ് ടെസ്റ്റ് ഫീസ് 10 ഇരട്ടി; കേന്ദ്ര സര്ക്കാരിന്റെ പുതിയ നിയമം പ്രാബല്യത്തില്
വാഹനങ്ങളുടെ പ്രായം 10-15 വര്ഷം, 15-20 വര്ഷം, 20 വര്ഷത്തിലധികം എന്നിങ്ങനെ മൂന്നു വിഭാഗങ്ങളായി തിരിച്ച് ഫീസ് വര്ധിപ്പിച്ചിട്ടുണ്ട്.
ന്യൂഡല്ഹി: വാഹനങ്ങളുടെ ഫിറ്റ്നസ് ടെസ്റ്റിനുള്ള ഫീസ് വന്തോതില് വര്ധിപ്പിച്ച് കേന്ദ്ര സര്ക്കാര് സെന്ട്രല് മോട്ടോര് വെഹിക്കിള്സ് നിയമങ്ങളില് ഭേദഗതി വരുത്തി. നിലവിലെ നിരക്കിനെക്കാള് 10 ഇരട്ടി വരെ കൂടുതല് ഫീസാണ് പുതിയ നിയമപ്രകാരം ഈടാക്കുക. ഇതോടൊപ്പം, ഫിറ്റ്നസ് ടെസ്റ്റ് നിര്ബന്ധമാകുന്ന പ്രായപരിധിയും 15 വര്ഷത്തില് നിന്ന് 10 വര്ഷമായി കുറച്ചു. വാഹനങ്ങളുടെ പ്രായം 10-15 വര്ഷം, 15-20 വര്ഷം, 20 വര്ഷത്തിലധികം എന്നിങ്ങനെ മൂന്നു വിഭാഗങ്ങളായി തിരിച്ച് ഫീസ് വര്ധിപ്പിച്ചിട്ടുണ്ട്. വാഹനം പഴക്കമാകുന്നതനുസരിച്ച് ഉയര്ന്ന നിരക്കാണ് ഇനി ബാധകമാകുന്നത്.
20 വര്ഷത്തിലധികം പഴക്കമുള്ള ഹെവി കൊമേഴ്സ്യല് വാഹനങ്ങള്ക്കാണ് ഏറ്റവും വലിയ വര്ധനവ്. ഇതുവരെ 2,500 രൂപയായിരുന്ന ഫിറ്റ്നസ് ടെസ്റ്റ് ഫീസ് ഇനി 25,000 രൂപ ആകും. ഇതേ പ്രായത്തിലുള്ള മിഡിയം കൊമേഴ്സ്യല് വാഹനങ്ങള് 1,800 രൂപയ്ക്ക് പകരം 20,000 രൂപ നല്കണം. ലൈറ്റ് മോട്ടോര് വാഹനങ്ങള്ക്ക് 15,000 രൂപയും മൂന്ന് ചക്രവാഹനങ്ങള്ക്ക് 7,000 രൂപയും ഈടാക്കും. 20 വര്ഷം പഴക്കമുള്ള ടു വീലറുകളുടെ ഫീസ് 600 രൂപയില് നിന്ന് 2,000 രൂപ ആയി ഉയര്ന്നു. പുതുക്കിയ റൂള് 81 പ്രകാരം 15 വര്ഷത്തില് താഴെ പഴക്കമുള്ള വാഹനങ്ങള്ക്കും ഫീസ് വര്ധിച്ചിട്ടുണ്ട്. മോട്ടോര്സൈക്കിളുകള്ക്കായി 400 രൂപ, LMV-കള്ക്കായി 600 രൂപ, മിഡിയം-ഹെവി കൊമേഴ്സ്യല് വാഹനങ്ങള്ക്കായി 1,000 രൂപ എന്നിങ്ങനെയാണ് പുതിയ നിരക്ക്. റോഡുകളില് നിന്ന് പഴയതും സുരക്ഷിതമല്ലാത്തതുമായ വാഹനങ്ങള് നീക്കം ചെയ്യാനും വാഹന സ്ക്രാപ്പേജ് നയത്തെ പ്രോത്സാഹിപ്പിക്കാനുമാണ് ഈ ഫീസ് വര്ധനയെന്ന് സര്ക്കാര് അറിയിച്ചു. ഉയര്ന്ന നിരക്ക് പഴക്കം ചെന്ന വാഹനങ്ങള് ഉപയോഗിക്കുന്നത് ചെലവേറിയതാക്കിയതിനാല്, അവ മാറ്റി പുതിയ മോഡലുകള് വാങ്ങാന് ഉടമകള് നിര്ബന്ധിതരാകുമെന്നും വിലയിരുത്തപ്പെടുന്നു.പുതിയ ഫീസ് രാജ്യത്തുടനീളം ഉടന് പ്രാബല്യത്തില് വന്നു.
-
india2 days agoമദീനയിലെ ബസ് അപകടം; മരിച്ചവരുടെ കുടുംബങ്ങള്ക്ക് അഞ്ച് ലക്ഷം വീതം ധനസഹായം നല്കുമെന്ന് തെലങ്കാന സര്ക്കാര്
-
GULF2 days agoമക്കമദീന ഹൈവേയില് ഭീകരാപകടം: ഉംറ ബസ് കത്തി, 40 പേര് മരിച്ചു
-
News2 days agoകമാൽ വരദൂരിൻ്റെ 50 ഫുട്ബോൾ കഥകൾ പ്രകാശിതമായി
-
india14 hours agoപഴയ വാഹനങ്ങള്ക്ക് ഫിറ്റ്നസ് ടെസ്റ്റ് ഫീസ് 10 ഇരട്ടി; കേന്ദ്ര സര്ക്കാരിന്റെ പുതിയ നിയമം പ്രാബല്യത്തില്
-
india3 days agoബീഹാർ തിരഞ്ഞെടുപ്പ് പോസ്റ്റൽ ബാലറ്റ് ഫലം: MGB 142, NDA 98; എന്തുകൊണ്ടാണ് ഇത് ഇവിഎമ്മിന് എതിരായിരിക്കുന്നത്?
-
kerala2 days agoശബരിമല സ്വര്ണ്ണക്കൊള്ള; സന്നിധാനത്ത് പ്രത്യേക അന്വേഷണ സംഘം പരിശോധന നടത്തി
-
kerala13 hours agoവാഹനാപകടത്തില് കോമയിലായ ഒമ്പത് വയസ്സുകാരി ദൃഷാനക്ക് 1.15 കോടി നഷ്ടപരിഹാരം നല്കാന് കോടതി
-
Sports11 hours agoഎമേര്ജിങ് സ്റ്റാര്സ് ഏഷ്യ കപ്പില് ഒമാനെ തകര്ത്ത് ഇന്ത്യ