Connect with us

gulf

ടൂറിസ്റ്റ്, സന്ദര്‍ശക വിസകളില്‍ ഇനി ദുബായിയിലേക്ക് കടക്കരുത്; ഇന്ത്യക്കാര്‍ക്ക് നിര്‍ദേശം

ടൂറിസ്റ്റ്, സന്ദര്‍ശക വിസകളെടുത്ത് നൂറു കണക്കിന് യാത്രക്കാരാണ് ദുബായ് അന്താരാഷ്ട്ര വിമാന താവളത്തില്‍ കുടുങ്ങിക്കിടക്കുന്നത്

Published

on

ദുബായ്: സന്ദര്‍ശക, ടൂറിസ്റ്റ് വിസകളില്‍ ദുബായിയില്‍ ജോലി തേടിയെത്തുന്നത് അവസാനിപ്പിക്കണമെന്ന് ഇന്ത്യക്കും പാകിസ്ഥാനും മുന്നറിയിപ്പ്. സന്ദര്‍ശക വിസയെടുത്ത് ജോലി അന്വേഷിച്ചു വന്ന നൂറുകണക്കിന് ആളുകളെ ദുബായിയിലേക്ക് കഴിഞ്ഞ ദിവസം പ്രവേശനം നിഷേധിച്ചിരുന്നു. ഇതേ തുടര്‍ന്നാണ് ഇരു രാജ്യങ്ങള്‍ക്കുമുള്ള മുന്നറിയിപ്പ്.

എയര്‍ ലൈന്‍സും ട്രാവല്‍ ഏജന്റുമാരുമാണ് ഇക്കാര്യം സംബന്ധിച്ച് അറിയിച്ചത്. ഇന്ത്യക്കും പാകിസ്ഥാനും പുറമെ അഫ്ഗാനിസ്ഥാന്‍, നേപ്പാള്‍, ബംഗ്ലാദേശ് എന്നിവിടങ്ങളില്‍ നിന്നുള്ള സന്ദര്‍ശക ടൂറിസ്റ്റ് വിസക്കാര്‍ക്കും പ്രവേശനം അനുവദിക്കില്ല.

ടൂറിസ്റ്റ്, സന്ദര്‍ശക വിസകളെടുത്ത് നൂറു കണക്കിന് യാത്രക്കാരാണ് ദുബായ് അന്താരാഷ്ട്ര വിമാന താവളത്തില്‍ കുടുങ്ങിക്കിടക്കുന്നത്. ഇതോടെ ഇരു രാജ്യങ്ങളിലെയും തൊഴില്‍ അന്വേഷകരോട് ഈ തരത്തില്‍ ദുബായിയിലേക്ക് യാത്ര ചെയ്യരുതെന്ന് നിര്‍ദേശിക്കുകയായിരുന്നു.

ഈ വിസകളില്‍ ഇനി വന്നാല്‍ വന്ന അതേ സ്ഥലത്തേക്ക് തിരിച്ചയക്കും. ഇതേ തുടര്‍ന്ന് ഇന്ത്യന്‍ എയര്‍ലൈനുകളായ എയര്‍ ഇന്ത്യ, ഇന്‍ഡിഗോ എന്നീ കമ്പനികള്‍ ദുബായിയിലേക്ക് പോകുന്ന ഇന്ത്യക്കാര്‍ക്കായി പുതിയ മാര്‍ഗ നിര്‍ദേശങ്ങള്‍ നല്‍കി.

വിസിറ്റിങ്, ടൂറിസ്റ്റ് വിസകളില്‍ ദുബായിയിലേക്ക് വരുന്നവര്‍  സാധുവായ ഒരു റിട്ടേണ്‍ ടിക്കറ്റ് കൂടി കൈവശം വക്കണമെന്ന് വിമാന കമ്പനികള്‍ നിര്‍ദേശിക്കുന്നു. മടക്ക ടിക്കറ്റ് ഈ യാത്രക്കാര്‍ക്ക് കുറഞ്ഞത് 2,000 ദിര്‍ഹം ഉണ്ടായിരിക്കണമെന്നും ട്രാവല്‍ ഏജന്റുമാരെ അറിയിച്ചു.

300ഓളം ഇന്ത്യക്കാരാണ് വിമാന താവളത്തില്‍ കുടുങ്ങിക്കിടന്നത്. ഇവരില്‍ 80ഓളം പേര്‍ക്ക് പിന്നീട് പ്രവേശനം അനുവദിച്ചു. 49 പേര്‍ ഇപ്പോഴും വിമാനത്താവളത്തില്‍ തന്നെയുണ്ട്. അവരെ നാട്ടിലേക്ക് തിരിച്ചയക്കും.

അതേസമയം പാകിസ്ഥാനിലെ 1376 യാത്രക്കാര്‍ക്കാണ് പ്രവേശനം നിഷേധിച്ചത്. ഇവരില്‍ 1,276 പേരെ തിരിച്ചയച്ചെന്നും പാകിസ്ഥാന്‍ കോണ്‍സുലേറ്റ് അറിയിച്ചു.

 

gulf

ഹയ്യ കാര്‍ഡ് വഴി ഇനിയും രാജ്യത്തിനു പുറത്തുള്ളവര്‍ക്കു ഖത്തറിലെത്താം: കാലാവധി അടുത്ത വര്‍ഷം ജനുവരി 24 വരെ

രാജ്യത്തിന് പുറത്തുള്ള ഹയ്യ കാര്‍ഡ് ഉടമകള്‍ക്ക് 2024 ജനുവരി 24 വരെ ഖത്തറില്‍ പ്രവേശിക്കാന്‍ കഴിയും

Published

on

അശ്‌റഫ് തൂണേരി

ദോഹ: ഖത്തര്‍ ഫിഫ ലോകകപ്പ് ആരാധകര്‍ക്കും സംഘാടകര്‍ക്കുമായി പുറത്തിറക്കിയ ഹയ്യ കാര്‍ഡ് വഴി ഇനിയും രാജ്യത്തിനു പുറത്തുള്ളവര്‍ക്കു ഖത്തറിലെത്താമെന്നും കാലാവധി അടുത്ത വര്‍ഷം ജനുവരി 24 വരെ ഉണ്ടായിരിക്കുമെന്നും ഖത്തര്‍ ആഭ്യന്തര മന്ത്രാലയം അറിയിച്ചു. രാജ്യത്തിന് പുറത്തുള്ള ഹയ്യ കാര്‍ഡ് ഉടമകള്‍ക്ക് 2024 ജനുവരി 24 വരെ ഖത്തറില്‍ പ്രവേശിക്കാന്‍ കഴിയും. ഒപ്പം ചില വ്യവസ്ഥകളും നിബന്ധനകളും പാലിക്കുകയും വേണം.

സ്ഥിരീകരിച്ച ഹോട്ടല്‍ ബുക്കിങ് അല്ലെങ്കില്‍ കുടുംബാംഗങ്ങള്‍ക്കോ സുഹൃത്തുക്കള്‍ക്കൊപ്പമോ ഉള്ള താമസ സൗകര്യത്തിനുള്ള തെളിവ് ഹയ്യ പോര്‍ട്ടലിലൂടെ നല്‍കണം. കൂടാതെ
ഖത്തറിലെത്തുമ്പോള്‍ പാസ്‌പോര്‍ട്ടില്‍ മൂന്ന് മാസത്തില്‍ കുറയാത്ത കാലാവധി വേണം.
ഖത്തറില്‍ താമസിക്കുന്ന കാലയളവില്‍ ആരോഗ്യ ഇന്‍ഷുറന്‍സ് പരിരക്ഷ വേണം.യാത്രക്ക് മുമ്പ് തന്നെ ഇത് ഉറപ്പുവരുത്തേണ്ടതാണ്.

തിരിച്ചു പോകാനുള്ള വിമാന ടിക്കറ്റ് മുന്‍കൂര്‍ ബുക്ക് ചെയ്യണം.
‘ഹയ്യ വിത്ത് മി’ ഹയ്യ കാര്‍ഡ് ഉടമകള്‍ക്ക് മൂന്ന് കുടുംബാംഗങ്ങളെയോ സുഹൃത്തുക്കളെയോ വരെ ഖത്തറിലേക്ക് കൊണ്ടുവരാനാവും. നിരക്ക് ഈടാക്കാതെ മള്‍ട്ടിപ്പിള്‍ എന്‍ട്രി പെര്‍മിറ്റ് ആണ് അനുവദിക്കുക. 2024 ജനുവരി 24 വരെ കാലയളവില്‍ നിരവധി തവണ രാജ്യം സന്ദര്‍ശിക്കാം.
വിമാനത്താവളത്തിലോ മറ്റു പ്രവേശന മാര്‍ഗങ്ങളിലോ സന്ദര്‍ശകര്‍ക്ക് ഇഗേറ്റ് വഴി പുറത്തുകടക്കാനാവുമെന്ന പ്രത്യേകതയുമുണ്ട്. അതുകൊണ്ട് തന്നെ എമിഗ്രേഷന്‍ കൗണ്ടറില്‍ കാത്തു നില്‍ക്കേണ്ടി വരില്ല.

2022 ഖത്തര്‍ ഫിഫ ലോകകപ്പിനായി അനുവദിച്ച എല്ലാ ഹയ്യ കാര്‍ഡ് ഉടമകള്‍ക്കും വ്യവസ്ഥകള്‍ പാലിച്ചു ഖത്തര്‍ സന്ദര്‍ശിക്കാവുന്നതാണെന്ന് ഖത്തര്‍ ആഭ്യന്തര മന്ത്രാലയം വിശദീകരിച്ചു.

Continue Reading

gulf

ഖത്തറില്‍ സന്ദര്‍ശകര്‍ക്ക് ആരോഗ്യ ഇന്‍ഷുറന്‍സ് നിര്‍ബന്ധം

ഫെബ്രുവരി ഒന്നുമുതല്‍ രാജ്യത്തെത്തുന്ന എല്ലാ സന്ദര്‍ശകര്‍ക്കും ആരോഗ്യ ഇന്‍ഷുറന്‍സ് നിര്‍ബന്ധമാണ്

Published

on

ഖത്തറില്‍ ആരോഗ്യ ഇന്‍ഷുറന്‍സ് പദ്ധതിയുടെ ആദ്യഘട്ടം ഫെബ്രുവരി ഒന്നിന് തുടങ്ങും. ഫെബ്രുവരി ഒന്നുമുതല്‍ രാജ്യത്തെത്തുന്ന എല്ലാ സന്ദര്‍ശകര്‍ക്കും ആരോഗ്യ ഇന്‍ഷുറന്‍സ് നിര്‍ബന്ധമാണ്.ഇന്‍ഷുറന്‍സ് എടുക്കാതെ വിസിറ്റിങ് വിസ ലഭിക്കില്ല. പൊതുജനാരോഗ്യ മന്ത്രാലയമാണ് ഇക്കാര്യം അറിയിച്ചത്.

പദ്ധതി ഘട്ടം ഘട്ടമായി നടപ്പാക്കുന്നതിന്റെ ഭാഗമായാണ് സന്ദര്‍ശകര്‍ക്ക് പോളിസി നിര്‍ബന്ധമാക്കിയത്. പൊതുജനാരോഗ്യ മന്ത്രാലയത്തില്‍ രജിസ്റ്റര്‍ ചെയ്ത ഇന്‍ഷുറന്‍സ് കമ്ബനികളില്‍ നിന്നാണ് പോളിസി എടുക്കേണ്ടത്. അടിയന്തര, അപകട സേവനങ്ങള്‍ മാത്രമാണ് സന്ദര്‍ശകര്‍ക്കുള്ള ഇന്‍ഷുറന്‍സ് പോളിസിയില്‍ ഉള്‍ക്കൊള്ളുന്നത്. 50 റിയാലാണ് പ്രതിമാസ പ്രീമിയം. അധികസേവനങ്ങള്‍ ഉള്‍ക്കൊള്ളുന്ന പോളിസിക്ക് പ്രീമിയവും കൂടും.അന്താരാഷ്ട്ര ആരോഗ്യ ഇന്‍ഷുറന്‍സ് ഉള്ളവരുടെ കാര്യത്തില്‍ പോളിസിയില്‍ ഖത്തര്‍ ഉള്‍പ്പെട്ടിരിക്കണം എന്നതാണ് വ്യവസ്ഥ. ഖത്തറില്‍ അംഗീകാരമുള്ള കമ്ബനിയായിരിക്കണം ഈ പോളിസി നല്‍കേണ്ടതെന്നും പൊതുജനാരോഗ്യ മന്ത്രാലയം വ്യക്തമാക്കി.

Continue Reading

gulf

സി.എം ഉബൈദുല്ലാഹ് മൗലവി അന്തരിച്ചു

ദീര്‍ഘകാലം ദുബായില്‍ പള്ളി ജോലിയും അധ്യാപനവും തുടര്‍ന്നു

Published

on

പ്രമുഖ മതപണ്ഡിതന്‍ സി.എം ഉബൈദുല്ലാഹ് മൗലവി (82) അന്തരിച്ചു. സമസ്ത കാസര്‍ക്കോട് ജില്ലാ മുശാഖറ മെമ്പറും ചെമ്പരിക്ക ജമാഅത്ത് കമ്മിറ്റി പ്രസിഡന്റുമായിരുന്നു. ദീര്‍ഘകാലം ദുബായില്‍ പള്ളി ജോലിയും അധ്യാപനവും തുടര്‍ന്നു. ചെമ്പരിക്ക ജുമാ മസ്ജിദ് ഖത്തീബായും സേവനം അനുഷ്ഠിച്ചു. പിന്നീട് ആരോഗ്യസ്ഥി മോശമായതിനെ തുടര്‍ന്ന് വിശ്രമ ജീവിതം നയിക്കുകയായിരുന്നു.

പരേതനായ ഖാസി സി. മുഹമ്മദ് കുഞ്ഞി മുസ്ലിയാരുടെയും ബീഫാത്വിമ ഹജ്ഞുമ്മയുടെയും ഇളയപുത്രനാണ്. മര്‍ഹൂം ഖാസി സിഎം അബ്ദുല്ല മൗലവിയുടെ ഇളയ സഹോദരനാണ് ഖദീജ പള്ളിക്കരയാണ് ഭാര്യ. മക്കള്‍: ദൈനബി, റുഖിയ, സഫിയ്യ, സഫൂറ, ഹബീബ്, കബീര്‍, ശഫീഖ്.

മരുമക്കള്‍: അസീസ് പൂച്ചക്കാട്, അബ്ദുല്ല ചെമ്പരിക്ക, അഹ്മദ് ചേരൂര്‍, സികെ മുനീര്‍ നായമ്മാര്‍മൂല, മര്‍യം തസ്ലീന കടവത്ത്, ആയിശ തൊട്ടി, നാസില പള്ളിപ്പുഴ.

Continue Reading

Trending