More
മനോരമ ന്യൂസ് മേക്കര് പുരസ്ക്കാരം മോഹന്ലാലിന്

കൊച്ചി: മനോരമ ന്യൂസ് ചാനലിന്റെ 2016-ലെ ന്യൂസ്മേക്കര് പുരസ്ക്കാരത്തിന് ചലചിത്രതാരം മോഹന്ലാല് അര്ഹനായി. മനോരമ ചാനലിന്റെ അഭിപ്രായവോട്ടെടുപ്പില് ഏറ്റവുമധികം വോട്ട് നേടിയാണ് മോഹന്ലാലിനെ ന്യൂസ്മേക്കറായി തിരഞ്ഞെടുത്തത്. എഴുത്തുകാരന് എം മുകുന്ദനാണ് പുരസ്കാര പ്രഖ്യാപനം നടത്തിയത്.
ന്യൂസ് മേക്കര് പട്ടികയില് അവസാന റൗണ്ടിലെത്തിയത് ധനമന്ത്രി ഡോ തോമസ് ഐസക്, ഹോക്കി താരം പി.ആര് ശ്രീജേഷ്, ഒ രാജഗോപാല് എംഎല്എ, മോഹന്ലാല് എന്നിവരായിരുന്നു.
ഏറ്റവും ജനസ്വാധീനമുള്ള നടനാണ് മോഹന്ലാലെന്ന് എം മുകുന്ദന് പറഞ്ഞു. മുപ്പത്തിയെട്ട് വര്ഷത്തെ അഭിനയ ജീവിതത്തിന്റെ ഫലമാണ് ഈ നേട്ടമെന്ന് കരുതുന്നതായി മോഹന്ലാല് പ്രതികരിച്ചു. കഴിഞ്ഞ വര്ഷം വിജിലന്സ് ഡയറക്ടര് ജേക്കബ്ബ് തോമസിനായിരുന്നു ന്യൂസ് മേക്കര് പുരസ്ക്കാരം ലഭിച്ചത്.
india
വനിതാ ചെസ് ലോകകപ്പ് ഫൈനലില് കൊനേരു ഹംപിയെ പരാജയപ്പെടുത്തി ദിവ്യ ദേശ്മുഖ്
അഭിമാനകരമായ കിരീടനേട്ടത്തിനുമപ്പുറം ഈ വിജയത്തോടെ ദിവ്യ ദേശ്മുഖ് ഗ്രാന്ഡ്മാസ്റ്റര് പദവിയും സ്വന്തമാക്കി

kerala
കൂടത്തായി കൊലപാതകം: ജോളിയുടെ ആദ്യ ഭര്ത്താവിന്റെ മരണം സയനൈഡ് ഉള്ളില്ച്ചെന്നെന്ന് ഫൊറന്സിക് സര്ജന്
കോഴിക്കോട് മെഡിക്കല് കോളജ് ഫൊറന്സിക് വിഭാഗം മുന് സര്ജന് ഡോ.കെ പ്രസന്നനാണ് സാക്ഷി വിസ്താരത്തിനിടെ കോടതിയില് മൊഴി നല്കിയത്

കോഴിക്കോട്: കൂടത്തായി കൊലപാതക പരമ്പരയില് പ്രതി ജോളിയുടെ ആദ്യ ഭര്ത്താവ് റോയ് തോമസ് മരിച്ചത് സയനൈഡ് ഉള്ളില്ച്ചെന്നാണെന്ന് ഫൊറന്സിക് സര്ജന്റെ മൊഴി. റോയ് തോമസിന്റെ ശരീരഭാഗങ്ങളുടെ രാസപരിശോധനാ റിപ്പോര്ട്ട് പ്രകാരം സയനൈഡ് സാന്നിധ്യം സ്ഥിരീകരിച്ചുവെന്നാണ് മൊഴി. കോഴിക്കോട് മെഡിക്കല് കോളജ് ഫൊറന്സിക് വിഭാഗം മുന് സര്ജന് ഡോ.കെ പ്രസന്നനാണ് സാക്ഷി വിസ്താരത്തിനിടെ കോടതിയില് മൊഴി നല്കിയത്.
കടലക്കറിയില് സയനൈഡ് കലര്ത്തി ജോളി ആദ്യ ഭര്ത്താവ് റോയ് തോമസിനെ കൊലപ്പെടുത്തിയെന്നായിരുന്നു കേസ്. റോയി തോമസിന്റെ പോസ്റ്റുമോര്ട്ടം നടത്തിയ ഡോ.ആര്.സോനു അന്തരിച്ചതിനാലാണ് അന്നു വകുപ്പിന്റെ ചുമതല വഹിച്ചുവന്ന ഡോ.കെ.പ്രസന്നന്റെ സാക്ഷി വിസ്താരം കോടതിയില് രേഖപ്പെടുത്തിയത്. റോയിയുടെ മരണം ആത്മഹത്യയാണെന്നായിരുന്നു അന്ന് കണ്ടെത്തിയത്. റോയ് തോമസ് ഹൃദയാഘാതത്തെ തുടര്ന്ന് മരിച്ചു എന്നായിരുന്നു പ്രതി ജോളിയുടെ മൊഴി.
കൂടത്തായിയില് 2002 മുതല് 2016വരെ ഒരേ കുടുംബത്തിലെ ആറുപേരെയാണ് ജോളി കൊലപ്പെടുത്തിയത്. റിട്ട. വിദ്യാഭ്യാസവകുപ്പ് ഉദ്യോഗസ്ഥന് കൂടത്തായി പൊന്നാമറ്റം ടോം തോമസ് (66), ഭാര്യ റിട്ട. അധ്യാപിക അന്നമ്മ തോമസ് (60), ജോളിയുടെ ആദ്യ ഭര്ത്താവ് റോയ് തോമസ് (40), അന്നമ്മയുടെ സഹോദരന് എം.എം. മാത്യു മഞ്ചാടിയില് (68), ടോം തോമസിന്റെ സഹോദരപുത്രന് ഷാജു സ്കറിയയുടെ ഭാര്യ സിലി (44), മകള് ആല്ഫൈന് (2) എന്നിവരാണ് കൊല്ലപ്പെട്ടത്.
kerala
എംആര് അജിത് കുമാറിനെ പൊലീസില് നിന്ന് മാറ്റി; എക്സൈസ് കമ്മീഷണറായി പുതിയ നിയമനം
ശബരിമല ട്രാക്ടര് യാത്ര വിവാദമായതിന് പിന്നാലെയാണ് അജിത് കുമാറിനെ പൊലീസില് നിന്ന് മാറ്റാനുള്ള തീരുമാനം ഉണ്ടായത്

തിരുവന്തപുരം: എഡിജിപി എംആര് അജിത് കുമാറിനെ പൊലീസില് നിന്ന് മാറ്റി. എക്സൈസ് കമ്മീഷണറായിട്ടാണ് പുതിയ നിയമനം. ഇത് സംബന്ധിച്ച ഉത്തരവ് പുറത്തിറങ്ങി. ശബരിമല ട്രാക്ടര് യാത്ര വിവാദമായതിന് പിന്നാലെയാണ് അജിത് കുമാറിനെ പൊലീസില് നിന്ന് മാറ്റാനുള്ള തീരുമാനം ഉണ്ടായത്. സംഭവത്തില് അജിത് കുമാറിന് വീഴ്ച സംഭവിച്ചതായി ഡിജിപി റിപ്പോര്ട്ട് നല്കുകയും നടപടിക്ക് ശുപാര്ശ നല്കിയിരുന്നു.
നിലവിലെ എക്സൈസ് കമ്മീഷണര് മഹിപാല് യാദവ് ചികിത്സാര്ഥം ലീവിലാണ്. ആ ഒഴിവിലാണ് പുതിയ നിയമനം. ബറ്റാലിയന് എഡിജിപി സ്ഥാനത്ത് നിന്ന് മാറ്റിയാണ് അജിത് കുമാറിനെ എക്സൈസ് കമ്മീഷണറാക്കുന്നത്.
-
kerala3 days ago
വടക്കന് കേരളത്തിലും മലയോര മേഖലകളിലും ശക്തമായ മഴ തുടരും; മൂന്ന് ജില്ലകളില് യെല്ലോ അലേര്ട്ട്
-
kerala3 days ago
ഗോവിന്ദച്ചാമി ജയില് ചാടിയ സംഭവം; അന്വേഷണ റിപ്പോര്ട്ട് ഇന്ന് സമര്പ്പിക്കും
-
kerala3 days ago
കനത്ത മഴ; ബാണാസുരസാഗര് അണക്കെട്ടില് ഇന്ന് കൂടുതല് ജലം തുറന്ന് വിടും
-
india2 days ago
വനിതാ ചെസ് ലോകകപ്പ് ഫൈനലില് കൊനേരു ഹംപിയെ പരാജയപ്പെടുത്തി ദിവ്യ ദേശ്മുഖ്
-
india3 days ago
തിരിച്ചുകയറി രൂപ മൂല്യം; 9 പൈസയുടെ നേട്ടം
-
kerala3 days ago
കുന്നംകുളത്ത് സി പി എം-ബിജെപി പ്രവര്ത്തകര് തമ്മില് സംഘര്ഷം
-
GULF2 days ago
സൗദി അറേബ്യയിലെ ദമ്മാമിൽ പുതിയ ഹൈപ്പർമാർക്കറ്റ് തുറന്ന് ലുലു
-
kerala2 days ago
മുണ്ടക്കൈ-ചൂരല്മല ദുരന്തം; ഓര്മകള്ക്ക് ഒരു വര്ഷം; എങ്ങുമെത്താതെ പുനരധിവാസം