Video Stories
എട്ടാം വര്ഷത്തില് എട്ടു ലോക റെക്കോര്ഡുകളുടെ നെറുകയില് ബുര്ജ് ഖലീഫ

ദുബൈ: എഞ്ചിനിയറിംഗിലെയും വാസ്തു നിര്മിതിയിലെയും അദ്ഭുതങ്ങളെ ലോകത്തിന് അനുഭവ വേദ്യമാക്കിയ ദുബൈയുടെ ബുര്ജ് ഖലീഫ എട്ടാം വര്ഷത്തില് എട്ടു ലോക റെക്കോര്ഡുകളുടെ തിളക്കത്തില്. മറ്റൊരു വാസ്തു നിര്മിക്കും ഇത്തരമൊരു ഖ്യാതി നേടാനായിട്ടില്ലെന്നത് മറ്റൊരതിശയം. അഭിമാനവും ദൃഢനിശ്ചയവും നൂതനത്വവും സമഞ്ജസമായി സമന്വയിപ്പിച്ചു കൊണ്ടുള്ള ദുബൈയുടെ ദര്ശനമാണ് ദുബൈയുടെ നഭോ രേഖയില് ഈ സുന്ദര കെട്ടിട ഭീമന് താത്ത്വികമായി രേഖപ്പെടുത്തി വെച്ചിരിക്കുന്നത്. 828 മീറ്റര് ഉയരവും 160 നിലകളുമുള്ള ബുര്ജ് ഖലീഫ നേടിയ റെക്കോര്ഡുകള് ഇവയാണ്: ലോകത്തിലെ ഏറ്റവും ഉയരമുള്ള കെട്ടിടം, ലോകത്തിലെ ഏറ്റവും ഉയരത്തില് സ്വതന്ത്രമായി നില്ക്കുന്ന കെട്ടിടം, ലോകത്തില് ഏറ്റവും കൂടുതല് നിലകള്, ലോകത്തില് ഏറ്റവും ഉയര്ന്ന വാസ സ്ഥലം, ലോകത്തില് ഏറ്റവും ഉയര്ന്ന ബാഹ്യ നിരീക്ഷണ പേടകം, ലോകത്തില് ഏറ്റവും സഞ്ചാര ദൂരമുള്ള എലിവേറ്റര്, ലോകത്തില് ഏറ്റവും ഉയരത്തിലുള്ള സര്വീസ് എലിവേറ്റര്, ലോകത്തില് ഒറ്റ കെട്ടിടത്തില് ഏറ്റവും വലിയ ലേസര് ലൈറ്റ് ആന്റ് സൗണ്ട് ഷോ ഒരുക്കിയ കെട്ടിടം എന്നിവയാണ് ഈ എട്ടു ഗിന്നസ് റെക്കോര്ഡുകള്.
Celebrity
‘എന്നെ വേടന് എന്ന് സ്നേഹത്തോടെ ആദ്യം വിളിച്ചത് അവരാണ്’; പേരിന് പിന്നിലെ കഥ പറഞ്ഞ് വേടന്
ഞാന് സിസ്റ്റത്തെയാണ് തെറി വിളിക്കുന്നത്. ഈ സിസ്റ്റം ഏറെ കാലങ്ങളായി ബഹുഭൂരിപക്ഷം വരുന്ന ജനങ്ങളെ ചാതുര്വര്ണ്യത്തിന്റെ പേരില് ജാതീയമായി, വിദ്യാഭ്യാസപരമായി, സാമൂഹികപരമായി അടിച്ച് താഴ്ത്തി കൊണ്ടിരിക്കുകയാണ്.

സമത്വത്തിന് വേണ്ടിയുള്ള പോരാട്ടമാണ് താന് നടത്തുന്നതെന്നും വേടന് പറയുന്നു.’ നമ്മള് നടത്തുന്നത് വ്യക്തികള്ക്കെതിരായ പോരാട്ടമല്ല, സംഘടിതമായി നിലനില്ക്കുന്ന ചാതുര്വര്ണ്യത്തിന് എതിരായി, സമത്വത്തിന് വേണ്ടിയുള്ള പോരാട്ടമാണ്. ഞാന് സമത്വവാദിയാണ് എന്ന് വിശ്വസിക്കുന്ന ആളാണ്. ഞാന് വേദികളില് കയറി തെറി വിളിക്കുന്നു, പാട്ടിലൂടെ തെറി വിളിക്കുന്നു എന്ന് പറയുന്നവരുണ്ട്. എന്നാല് ഞ ഒരു വ്യക്തിയെ അല്ല തെറി വിളിക്കുന്നത്.
ഞാന് സിസ്റ്റത്തെയാണ് തെറി വിളിക്കുന്നത്. ഈ സിസ്റ്റം ഏറെ കാലങ്ങളായി ബഹുഭൂരിപക്ഷം വരുന്ന ജനങ്ങളെ ചാതുര്വര്ണ്യത്തിന്റെ പേരില് ജാതീയമായി, വിദ്യാഭ്യാസപരമായി, സാമൂഹികപരമായി അടിച്ച് താഴ്ത്തി കൊണ്ടിരിക്കുകയാണ്. ഇത് ഇപ്പോഴുമുണ്ടോ എന്ന് ചോദിക്കുന്നിടത്ത് കൂടിയാണ് നമ്മള് ജീവിക്കുന്നത്. വളരെ വിസിബിളായി ജാതി പറയുന്നിടത്ത് വന്നു ഇവിടെ ജാതിയുണ്ടോ വേടാ എന്ന് പറയുന്ന ആളുകളുമുണ്ട്,’ എന്നും വേടൻ കൂട്ടിച്ചേർത്തു.
film
ഒ.ടി.ടി റിലീസിനൊരുങ്ങി ഈ മൂന്ന് ചിത്രങ്ങള് പ്രേക്ഷകരുടെ മുന്നിലേക്ക്
കഴിഞ്ഞ ആഴ്ച തരുണ് മൂര്ത്തി സംവിധാനം ചെയ്ത മോഹന്ലാല് നായകനായിയെത്തിയ തുടരും ഒ.ടി.ടിയില് എത്തിയിരുന്നു.

സിനിമ പ്രേമികള് ഏറെ നാളായി കാത്തിരുന്ന മൂന്ന് ചിത്രങ്ങളാണ് ഈ ആഴ്ച ഒ.ടി.ടിയില് എത്തുന്നത്. കഴിഞ്ഞ ആഴ്ച തരുണ് മൂര്ത്തി സംവിധാനം ചെയ്ത മോഹന്ലാല് നായകനായിയെത്തിയ തുടരും ഒ.ടി.ടിയില് എത്തിയിരുന്നു.
ആലപ്പുഴ ജിംഖാന, പടക്കളം, കര്ണിക എന്നി ചിത്രങ്ങളാണ് ഈ ആഴ്ച കാണികളുടെ മുന്നിലേക്കെത്തുന്നത്.
ഖാലിദ് റഹ്മാന് സംവിധാനം ചെയ്ത ആലപ്പുഴ ജിംഖാന ഈ വര്ഷം വിഷു റിലീസായി തിയറ്ററുകളില് എത്തിയിരുന്നു. ഖാലിദ് റാഹ്മാനും ശ്രീനി ശശീന്ദ്രനും ചേര്ന്ന് തിരക്കഥ രചിച്ച ചിത്രത്തിന് സംഭാഷണം തയ്യാറാക്കിയത് രതീഷ് രവിയാണ്. മുന്നിര താരങ്ങളായ നസ്ലിന്, ഗണപതി, ലുക്ക്മാന്, സന്ദീപ് പ്രദീപ്, അനഘ രവി, ഫ്രാങ്കോ ഫ്രാന്സിസ്, ബേബി ജീന്, ശിവ ഹരിഹരന്, ഷോണ് ജോയ്, കാര്ത്തിക്, നന്ദ നിഷാന്ത്, നോയില ഫ്രാന്സി എന്നിവരാണ് ചിത്രത്തില് പ്രാധാനവേഷത്തിലെത്തിയത്. ചിത്രത്തില് ജിംഷി ഖാലിദ് ഛായഗ്രഹണവും നിഷാദ് യൂസഫ് എഡിറ്റിങ്ങുമാണ് നിര്വഹിച്ചിരിക്കുന്നത്. സോണിലൈവിലൂടെ ചിത്രം സ്ട്രീമിങ് ആരംഭിക്കും.
സുരാജ് വെഞ്ഞാറാമൂട്,ഷറഫുദ്ദീന്,സന്ദീപ് പ്രദീപ് എന്നിവരെ കേന്ദ്ര കഥാപാത്രങ്ങളാക്കി നവാഗതനായ മനു സ്വരാജ് സംവിധാനം ചെയ്ത ഫാന്റസി കോമഡി ചിത്രമായ ‘പടക്കളം’ ജൂണ് പത്തിന് ജിയോ ഹോട്ട് സ്റ്റാറിലൂടെ സ്ട്രീമിംങ് ആരംഭിക്കും. ചിത്രത്തിന്റെ പേരുപോലെ ആദ്യവസാനം ഒരു ഗെയിം മോഡലിലാണ് പടക്കളം കഥ പറയുന്നത്. ചിത്രത്തിന് മികച്ച പ്രതികരണമാണ് ലഭിക്കുന്നത്. പ്രാധാന അഭിനേതാക്കളായി സാഫ്, അരുണ് അജികുമാര്, യൂട്യൂബര് അരുണ് പ്രദീപ്, നിരഞ്ജ അനൂപ്, ഇഷാന് ഷൗക്കത്ത്,പൂജ മോഹന്രാജ് എന്നിവരാണ് ഉള്ളത്. ഫ്രൈഡേ ഫിലിം ഹൗസിന്റെ ബാനറില് വിജയ് ബാബുവും വിജയ് സുബ്രഹ്മണ്യവുമാണ് നിര്മാണം വഹിച്ചത്.
അരുണ് വെണ്പാല സംവിധാനം ചെയ്ത ചിത്രമായ ‘കര്ണികയാണ് ‘ അടുത്ത ചിത്രം. പയ്യാവൂര് എന്ന ഗ്രാമത്തില് ഒരു എഴുത്തുകാരന് ദുരൂഹ ആക്രമണത്തിനിരയാകുന്നതിനെ കേന്ദ്രീകരിച്ചുള്ള ഒരു ത്രിലര് ചിത്രമാണിത്. പ്രിയങ്ക നായര്, വിയാന് മംഗലശേരി, ടി.ജി രവി, ക്രിസ് വേണുഗോപാല് എന്നിവരാണ് പ്രധാന കഥാപാത്രങ്ങളായി അവതരിപ്പിക്കുന്നത്. മനോരമ മാക്സിലൂടെ ചിത്രം സ്ട്രീമിങ് ആരംഭിച്ചു കഴിഞ്ഞു.
Video Stories
നിലമ്പൂരിലെ വിദ്യാര്ഥിയുടെ മരണം’ സര്ക്കാറിന്റെ കഴിവുകേടിന്റെ ഫലം; പി.കെ കുഞ്ഞാലിക്കുട്ടി
ഇത്രയും വലിയ ഒരു പ്രശ്നം ഉണ്ടായിട്ടും അതിനെ ലഘൂകരിക്കുന്നത് വിഷയത്തില്നിന്ന് ശ്രദ്ധ തിരിച്ചുവിടാനുള്ള പാഴ് വേലയാണ്.

സര്ക്കാറിന്റെ കഴിവുകേടിന്റെയും വനംവകുപ്പിന്റെ നിസ്സംഗതയുടെയും ഫലമാണ് നാട്ടില് സംഭവിച്ച് കൊണ്ടിരിക്കുന്നതെന്നും വഴിക്കടവില് വിദ്യാര്ത്ഥി ഷോക്കേറ്റ് മരിച്ചത് ഇതിന്റെ ഏറ്റവും ഒടുവിലത്തെ ഉദാഹരണമാണെന്നും മുസ്ലിംലീഗ് ദേശീയ ജനറല് സെക്രട്ടറി പി.കെ കുഞ്ഞാലിക്കുട്ടി പറഞ്ഞു.
മലയോര കര്ഷക ജനതയുടെ പ്രശ്നങ്ങള് ഏറ്റവും ചര്ച്ചയായ പ്രദേശമാണ് നിലമ്പൂര്. അവിടെ ഉപതെരഞ്ഞെടുപ്പ് നടക്കുന്നു എന്നത് കൊണ്ട് ഇതൊന്നും ചര്ച്ചയാകാതെ പോകണം എന്നാണോ പറയുന്നത്? നിരുത്തരവാദപരമായ കമന്റുകളാണ് വനം മന്ത്രി നടത്തിയത്. തെരഞ്ഞെടുപ്പ് ഉള്ളത് കൊണ്ട് ഈ പ്രശ്നങ്ങള് പ്രശ്നങ്ങളല്ലാതായി മാറുന്നില്ല.
ഇത്രയും വലിയ ഒരു പ്രശ്നം ഉണ്ടായിട്ടും അതിനെ ലഘൂകരിക്കുന്നത് വിഷയത്തില്നിന്ന് ശ്രദ്ധ തിരിച്ചുവിടാനുള്ള പാഴ് വേലയാണ്. സര്ക്കാര് ചെയ്യേണ്ടത് ചെയ്യാതെ ഉത്തരവാദിത്തമില്ലാതെ സംസാരിച്ചാല് സര്ക്കാര് കൂടുതല് പരിഹാസ്യമാവുകയാണ് ചെയ്യുക. ഉത്തരവാദിത്തത്തില്നിന്ന് ഒഴിഞ്ഞ് മാറിയിട്ട് കാര്യമില്ലെന്നും അദ്ദേഹം പറഞ്ഞു.
-
india3 days ago
‘കപ്പലില് അപകടകരമായ കാര്ഗോ, ബേപ്പൂര് തുറമുഖത്തെ സജ്ജമാക്കി’; അഴീക്കല് പോര്ട്ട് ഓഫീസര് ക്യാപ്റ്റന്
-
kerala2 days ago
ലക്ഷദ്വീപ് സ്കൂള് ഭാഷാ പരിഷ്കരണം; ഉത്തരവ് ഇറക്കിയത് വിശദമായ പഠനം നടത്താതെ, വിമര്ശനവുമായി ഹൈക്കോടതി
-
india3 days ago
അമിതമായ തിരക്ക്; മുംബൈയില് ട്രെയിനില് നിന്ന് വീണ് അഞ്ച് പേര് മരിച്ചു
-
kerala3 days ago
നടന് ഷൈന് ടോം ചാക്കോയുടെ പിതാവിന്റെ സംസ്കാരം ഇന്ന്
-
india2 days ago
കെനിയയില് വാഹനാപകടം; അഞ്ച് വിനോദസഞ്ചാരികള് മരിച്ചു
-
Celebrity15 hours ago
‘എന്നെ വേടന് എന്ന് സ്നേഹത്തോടെ ആദ്യം വിളിച്ചത് അവരാണ്’; പേരിന് പിന്നിലെ കഥ പറഞ്ഞ് വേടന്
-
kerala2 days ago
പാലക്കാട് പൊലീസ് ഉദ്യോഗസ്ഥനെ ട്രെയിനിടിച്ച് മരിച്ച നിലയില് കണ്ടെത്തി
-
kerala3 days ago
പിതാവിൻ്റെ മരണത്തിൽ സംശയം; മകന്റെ പരാതിയിൽ ഖബര് തുറന്ന് പോസ്റ്റ്മോര്ട്ടം