Culture
രാജ്യം മുഴുവന് വൈദ്യുതീകരിച്ചെന്ന് മോദി സര്ക്കാര്: 3.14 കോടി ഗ്രാമീണ ഭവനങ്ങള് ഇപ്പോഴും ഇരുട്ടിലെന്ന് സര്ക്കാര് രേഖകള്
ന്യൂഡല്ഹി: ഇന്ത്യയിലെ മുഴുവന് ഗ്രാമങ്ങളും സമ്പൂര്ണമായി വൈദ്യുതീകരിച്ചതായുള്ള മോദി സര്ക്കാറിന്റെ അവകാശ വാദവും വെറും തള്ള്. ഗ്രാമങ്ങള് വൈദ്യുതീകരിച്ചെന്ന് മേനി നടിക്കുമ്പോഴും ഗ്രാമീണ ഭവനങ്ങള് ഇപ്പോഴും കൂരിരുട്ടില് തന്നെയാണെന്നാണ് രേഖകള് പറയുന്നത്.
കേന്ദ്ര ഊര്ജ മന്ത്രാലയത്തിന്റെ കണക്കുകള് പ്രകാരം 2006-07ല് 28,706 ഗ്രാമങ്ങള് വൈദ്യുതീകരിച്ചപ്പോള് 2009-10, 2010-11 വര്ഷങ്ങളില് 18,300 ഗ്രാമങ്ങളിലധികമാണ് വൈദ്യുതീകരണം പൂര്ത്തീകരിച്ചത്. 2014 മെയ് 26ലെ കണക്കുകള് പ്രകാരം 18,452 ഗ്രാമങ്ങള് മാത്രമാണ് വൈദ്യുതീകരിക്കാന് ബാക്കിയുണ്ടായിരുന്നത്. അതായാത് സര്ക്കാര് രേഖകള് അനുസരിച്ച് തന്നെ 94 ശതമാനം ഗ്രാമങ്ങളും 2014ന് മുമ്പ് വൈദ്യുതീകരിച്ചിട്ടുണ്ട്. 46 മാസം കൊണ്ടാണ് കേന്ദ്രത്തിലെ ബി.ജെ.പി സര്ക്കാര് ഇത്രയും ഗ്രാമങ്ങള് വൈദ്യുതീകരിച്ചത്.
ശരാശരി വര്ഷത്തില് 4,813 ഗ്രാമങ്ങള് എന്ന തോതിലാണ് മോദി സര്ക്കാറിന്റെ നേട്ടം ഇതാണ് കൊട്ടി ഘോഷിച്ച് സമ്പൂര്ണ വൈദ്യുതീകരണം പൂര്ത്തിയാക്കിയെന്ന മട്ടില് നാസയുടെ പടം പുറത്തുവിട്ട് കേന്ദ്ര മന്ത്രി പിയൂഷ് ഗോയലും മോദിയും കഴിഞ്ഞ ദിവസം അവകാശവാദം ഉന്നയിച്ചത്. എല്ലാ ഗ്രാമങ്ങളിലും വൈദ്യുതി എത്തിയെന്ന് കേന്ദ്ര സര്ക്കാര് അവകാശം ഉന്നയിക്കുമ്പോഴും ജാര്ഖണ്ഡ്, യു.പി പോലുള്ള സംസ്ഥാനങ്ങളിലെ പല ഭവനങ്ങളിലും വൈദ്യുതി എത്തി നോക്കിയിട്ട് പോലുമില്ല. രാജ്യത്തെ ഗ്രാമങ്ങളിലെ ആറില് ഒരു വീട്ടില് എന്ന തോതില് ഇപ്പോഴും വൈദ്യുതി എത്തിയിട്ടില്ലെന്നാണ് കണക്കുകള് വ്യക്തമാക്കുന്നത്. 17.4 ശതമാനം ഗ്രാമീണര്ക്കും അതായത് 3.14 കോടി ഗ്രാമീണ ഭവനങ്ങളിലും വൈദ്യുതി എത്തിയിട്ടില്ലെന്ന് സാരം.
ഗ്രാമീണ വൈദ്യുതീകരണം എന്നതിന് സര്ക്കാര് നയം അനുസരിച്ച് സമ്പൂര്ണ വൈദ്യുതീകരിച്ച ഗ്രാമം ആകുവാന് നിബന്ധനകള് ഇപ്രകാരമാണ്. 1. സമൂഹത്തിലെ താഴെക്കിടയിലുള്ള ആളുകള് താമസിക്കുന്ന പ്രദേശങ്ങളില് ട്രാന്സ്ഫോര്മര്, വിതരണ ലൈന് എന്നിവ ലഭ്യമായാല് മതി. 2.സ്കൂള്, പഞ്ചായത്ത് ഓഫീസ്, പി.എച്ച്.സി, കമ്മ്യൂണിറ്റി സെന്റര് എന്നിവിടങ്ങളില് വൈദ്യുതി ലഭ്യമാവുക. 3. ഒരു ഗ്രാമത്തിലെ 10 ശതമാനമെങ്കിലും വൈദ്യുതീകരിക്കപ്പെട്ട ഭവനങ്ങളുണ്ടാവുക. ഇപ്രകാരം 10 ശതമാനം വൈദ്യുതീകരിച്ച വീടുകളുണ്ടായാല് പോലും അത് സമ്പൂര്ണ വൈദ്യുതീകരണമായി പരിഗണിക്കപ്പെടും. അതേ സമയം എല്ലാ വീടുകളും വൈദ്യുതീകരിച്ച പട്ടികയിലുള്ള സംസ്ഥാനങ്ങളില് ബി.ജെ.പി ഭരിക്കുന്ന ഒരേ ഒരു സംസ്ഥാനം മാത്രമേയുള്ളൂ. കേരളം, ആന്ധ്രപ്രദേശ്, തമിഴ്നാട്, പുതുച്ചേരി, ഗോവ എന്നീ സംസ്ഥാനങ്ങളില് മാത്രമാണ് 100 ശതമാനം വൈദ്യുതീകരിച്ച വീടുകളുള്ളത്. വൈദ്യുതീകരിക്കാത്ത ഭവനങ്ങള് ഏറ്റവും കൂടുതലുള്ളത് യു.പിയിലാണ്. 1.33 കോടി ഭവനങ്ങളാണ് ഇവിടെ ഇനിയും വൈദ്യുതീകരിക്കാന് ബാക്കിയുള്ളത്.
ബിഹാറില് 31.98 ലക്ഷം ഭവനങ്ങളും ഒഡീഷയില് 30.88 ലക്ഷം ഭവനങ്ങളും വൈദ്യുതീകരിക്കാന് ബാക്കിയുണ്ട്. ബിഹാറില് നാലില് രണ്ട് വീടുകളിലും ഒഡീഷയില് മൂന്നില് ഒന്ന് വീടുകളിലും മാത്രമാണ് വൈദ്യുതി ലഭ്യമായിട്ടുള്ളത്. വൈദ്യുതി ലഭ്യമെന്ന് സര്ക്കാര് രേഖകളില് പറയുമ്പോഴും തടസ്സമില്ലാതെ വൈദ്യുതി എന്നത് പല സംസ്ഥാനങ്ങളിലും സ്വപ്നം മാത്രമാണ്. അരുണാചല് പ്രദേശില് ദിവസം 11.45 മണിക്കൂര് മാത്രമാണ് വൈദ്യുതി ലഭ്യമാവുന്നത്. യു.പിയില് 12.46 ഉം ഹരിയാനയില് 12.48ഉം മണിക്കൂര് മാത്രമാണ് ഗ്രാമീണ മേഖലയില് വൈദ്യുതി ലഭിക്കുന്നത്. കാര്യങ്ങള് ഇവ്വിധം തുടരുമ്പോഴാണ് രാജ്യം മുഴുവന് വൈദ്യുതീകരിച്ചെന്ന അവകാശ വാദവുമായി മോദിയും കേന്ദ്ര സര്ക്കാറും മുന്നോട്ടു പോകുന്നത്.
kerala
തദ്ദേശ തിരഞ്ഞെടുപ്പ് വോട്ടെണ്ണല്; തൃശ്ശൂര് എടുത്ത് യുഡിഎഫ്
ജില്ലാ പഞ്ചായത്തിലെ 46 വാര്ഡുകളില് യുഡിഎഫ് മുന്നേറുന്നു.
തിരുവനന്തപുരം: തദ്ദേശ തിരഞ്ഞെടുപ്പില് ത്യശ്ശൂര് കോര്പ്പറേഷന് എടുത്ത് യുഡിഎഫ് . മുനിസിപ്പാലിറ്റികളില് 41 ന്നും ബ്ലോക്ക് പഞ്ചായത്തുകളില് യുഡിഎഫ് 60. ഗ്രാമപഞ്ചായത്തുകളില് യുഡിഎഫ് 261. ഗ്രാമപഞ്ചായത്തുകളില് യുഡിഎഫ് 709 മുന്നേറുന്നു. ബ്ലോക്ക് പഞ്ചായത്തില് 144 വാര്ഡുകളില് യുഡിഎഫ് ലീഡ് ചെയ്യുന്നു. ജില്ലാ പഞ്ചായത്തിലെ 46 വാര്ഡുകളില് യുഡിഎഫ് മുന്നേറുന്നു. മുനിസിപ്പാലിറ്റികളില് 316 സീറ്റുകളില് യൂഡിഎഫും മുന്നേറുന്നു.
തിരുവനന്തപുരം കോര്പറേഷനില് യുഡിഎഫ് സ്ഥാനാര്ഥി കെ.എസ് ശബരീനാഥ് ലീഡ് ചെയ്യുകയാണ്. കൂത്താട്ടുകുളം നഗരസഭയില് യുഡിഎഫ് മുന്നേറ്റമാണ്. പന്തളം നഗരസഭയില് യുഡിഎഫ് ലീഡ് ചെയ്യുന്നു. കോതമംഗലം നഗരസഭയില് യുഡിഎഫാണ് മുന്നില്. നാല് കോര്പറേഷനിലുകളിലും യുഡിഎഫ് മുന്നേറ്റമാണ്.
ഏറ്റുമാനൂരില് യുഡിഎഫ് സ്ഥാനാര്ഥി ജയിച്ചു. നഗരസഭ ഒന്നാം വാര്ഡ് സ്ഥാനാര്ഥി പുഷ്പ വിജയകുമാറാണ് 70 വോട്ടിന് വിജയിച്ചത്. കൊട്ടാരക്കര നഗരസഭയില് നാല് ഡിവിഷനുകളില് യുഡിഎഫ് ലീഡ് ചെയ്യുന്നു. കാസര്കോട് നഗരസഭയില് യുഡിഎഫും എന്ഡിഎയും ഒപ്പത്തിനൊപ്പമാണ്. കൊട്ടാരക്കര നഗരസഭയില് നാല് ഡിവിഷനുകളില് യുഡിഎഫ് ലീഡ് ചെയ്യുന്നു. പരപ്പനങ്ങാടി നഗരസഭയില് 5 ഡിവിഷനില് യുഡിഎഫിന് വിജയം. തൊടുപുഴ നഗരസഭ ഇരുപതാം വാര്ഡില് യുഡിഎഫ് ജയിച്ചു. 20, 21 വാര്ഡുകള് യുഡിഎഫ് നിലനിര്ത്തി.
news
നടി ആക്രമിക്കപ്പെട്ട കേസ്; പ്രതികള്ക്ക് 20 വര്ഷം തടവും 50000 രൂപ പിഴയും
എട്ട് വര്ഷത്തെ നിയമപോരാട്ടങ്ങള്ക്കൊടുവിലാണ് കേസില് കുറ്റക്കാരെന്ന് കണ്ടെത്തിയത്
കൊച്ചി: കുറ്റക്കാരെന്ന് കണ്ടെത്തിയ ഒന്നു മുതല് ആറു പ്രതികള്ക്ക് കോടതി 20 വര്ഷം കഠിന തടവും 50000 രൂപ ശിക്ഷയും പ്രഖ്യാപിച്ചു.
എട്ട് വര്ഷത്തെ നിയമപോരാട്ടങ്ങള്ക്കൊടുവിലാണ് കേസില് കുറ്റക്കാരെന്ന് കണ്ടെത്തിയ ആറ് പ്രതികള്ക്കും വിചാരണക്കോടതി ശിക്ഷ വിധിച്ചിരിക്കുന്നത്.
പള്സര് സുനി എന്ന സുനില് എന്.എസ്. (37), മാര്ട്ടിന് ആന്റണി (33), ബി. മണികണ്ഠന് (36), വി.പി. വിജീഷ് (38), വടിവാള് സലിം എന്ന എച്ച്. സലിം (29), പ്രദീപ് (31) എന്നിവരെ കേസില് കുറ്റക്കാരായി കോടതി കണ്ടെത്തിയിരുന്നു. എട്ടാം പ്രതി നടന് ദിലീപ് അടക്കം നാല് പ്രതികളെ കോടതി വെറുതെവിട്ടിരുന്നു. കൂട്ടബലാല്സംഗം, ക്രിമിനല് ഗൂഢാലോചന, അന്യായ തടവില് വയ്ക്കല്, സ്ത്രീത്വത്തെ അപമാനിക്കല്, നഗ്നയാകാന് നിര്ബന്ധിക്കല് തുടങ്ങിയ ഗുരുതര കുറ്റങ്ങള് ഇവര്ക്കെതിരെയുണ്ട് ശിക്ഷവിധിയില് ഇളവ് വെണെന്ന് പ്രതികള് കോടതിയോട് പറഞ്ഞിരുന്നു.
വീട്ടില് അമ്മ മാത്രമേയുള്ളു എന്നായിരുന്നു പള്സര് സുനി പറഞ്ഞത്. കേസില് താന് കുറ്റമൊന്നും ചെയ്തിട്ടില്ലെന്നും നിരപരാധിയാണെന്നും മാതാപിതാക്കള് അസുഖബാധിതരായ മാതാപിതാക്കള് മാത്രമേയുള്ളു എന്നായിരുന്ന രണ്ടാം പ്രതി മാര്ട്ടിന് ആന്റണി കരഞ്ഞ് കൊണ്ട് പറഞ്ഞത്. അഞ്ചര കൊല്ലം ജയിലില് കഴിഞ്ഞെന്നും ശിക്ഷാവിധിയില് ഇളവ് വേണമെന്നും മാര്ട്ടിന് കോടതിയോട് പറഞ്ഞു.
ഭാര്യയും കുഞ്ഞുങ്ങളും മാത്രമേ ഉള്ളുവെന്നും മനസ്സറിഞ്ഞ് തെറ്റൊന്നും ചെയ്തിട്ടില്ലെന്നുമായിരുന്നു മൂന്നാംപ്രതി ബി മണികണ്ഠന് കോടതിയില് പറഞ്ഞത്. ജയില്ശിക്ഷ ഒഴിവാക്കി നല്കണമെന്നും മണികണ്ഠന് കോടതിയോട് അഭ്യര്ത്ഥിച്ചു. ഏറ്റവും കുറഞ്ഞ ശിക്ഷ നല്കണമെന്നായിരുന്നു നാലാം പ്രതി വിജീഷ് കോടതിയോട് അഭ്യര്ത്ഥിച്ചത്. കണ്ണൂര് ജയിലിലേയ്ക്ക് അയക്കണമെന്നും വിജീഷ് ആവശ്യപ്പെട്ടു. ഒരു തെറ്റും ചെയ്തിട്ടില്ലെന്നായിരുന്നു അഞ്ചാം പ്രതി വടിംവാള് സലിം കോടതിയില് പറഞ്ഞത്. ഭാര്യയും ഒരു വയസ്സുള്ള കുഞ്ഞിന്റെയും ഏക ആശ്രയം താനാണെന്നും സലീം കോടതിയില് പറഞ്ഞു. കുടുംബത്തിന്റെ ഏകആശ്രയം താനാണെന്നായിരുന്നു ആറാം പ്രതി പ്രദീപ് കോടതിയില് പറഞ്ഞത്. പ്രദീപും കോടതിയില് പൊട്ടിക്കരഞ്ഞു.
kerala
പാലക്കാട്ട് കത്തിക്കരിഞ്ഞ നിലയില് കണ്ടെത്തിയ മൃതദേഹം; പഞ്ചായത്ത് ക്ലര്ക്കിന്റേതെന്ന് തിരിച്ചറിഞ്ഞു
പെട്രോള് ഒഴിച്ച് തീകൊളുത്തി ആത്മഹത്യ ചെയ്തതെന്ന് നിഗമനം.
പാലക്കാട്: പാലക്കാട് വാളയാറില് കത്തിക്കരിഞ്ഞ നിലയില് കണ്ടെത്തിയ മൃതദേഹം കോട്ടയം തലയോലപ്പറമ്പ് സ്വദേശി വിപിന്ദാസ് (42) ന്റെതെന്ന് കണ്ടെത്തി. ചെമ്പ് ഗ്രാമപഞ്ചായത്തിലെ ക്ലര്ക്കായ വിപിന് ബിഎല്ഒ കൂടിയാണ്. പെട്രോള് ഒഴിച്ച് തീകൊളുത്തി ആത്മഹത്യ ചെയ്തതെന്ന് നിഗമനം. ചെമ്പ് ഗ്രാമപഞ്ചായത്തിലെ ക്ലര്ക്കായ വിപിന് ബിഎല്ഒ കൂടിയാണ്. വിപിനെ ഒക്ടോബര് 30നാണ് പാലാരിവട്ടത്തില് നിന്ന് കാണാതായത്.
-
kerala12 hours agoയുഡിഎഫില് വിശ്വാസം അര്പ്പിച്ച കേരള ജനതയ്ക്ക് സല്യൂട്ട്; രാഹുല് ഗാന്ധി
-
news2 days agoനടി ആക്രമിക്കപ്പെട്ട കേസ്; പ്രതികള്ക്ക് 20 വര്ഷം തടവും 50000 രൂപ പിഴയും
-
Sports3 days agoകൂച്ച് ബെഹാര് ട്രോഫിയില് ഇഞ്ചോടിഞ്ച് പോരാട്ടം; ആറു റണ്സിന് കേരളത്തിന് തോല്വി
-
kerala1 day agoഅമ്മയില് ദിലീപിനെ തിരിച്ചെടുക്കുന്നതില് യാതൊരു ചര്ച്ചയും നടന്നിട്ടില്ല; ശ്വേത മേനോന്
-
india2 days agoഇന്ത്യന് ജലാതിര്ത്തിയില് പാക് മത്സ്യബന്ധന ബോട്ട് പിടികൂടി; 11 പേര് കസ്റ്റഡിയില്
-
kerala3 days agoഇരട്ടവോട്ട് ശ്രമം; രണ്ട് പേരെ പൊലീസ് പിടികൂടി
-
india2 days agoസ്കൂള് വിദ്യാര്ത്ഥിനികളോട് മോശമായി പെരുമാറിയ അധ്യാപകനെ രക്ഷിതാക്കളും നാട്ടുകാരും മര്ദിച്ച് പൊലീസിന് കൈമാറി
-
kerala2 days agoനീതി ലഭിച്ചില്ലെന്ന് അതിജീവിത പറയുമ്പോള്, നീതി ലഭിച്ചു എന്ന് നമുക്കെങ്ങനെ പറയാന് കഴിയും; പ്രേംകുമാര്