തിരുവനന്തപുരം മൃഗശാലയില്‍ നിന്ന് ചാടിപ്പോയ ഹനുമാന്‍ കുരങ്ങിനെ മരത്തിന്റെ മുകളില്‍ നിന്നും കാണാതായി. അമ്പലമുക്ക് ഭാഗത്തുണ്ടെന്ന് പറഞ്ഞതിനെ തുടര്‍ന്ന് പ്രദേശത്ത് തിരച്ചില്‍ നടത്തിയെങ്കിലും നാടന്‍ കുരങ്ങാണ് എന്ന് കണ്ടെത്തിയതിന് തുടര്‍ന്ന് തിരച്ചില്‍ അവസാനിപ്പിച്ചു.
പുതുതായി കൊണ്ടുവന്ന ഹനുമാന്‍ കുരങ്ങകളിലൊന്നാണ് ചാടിപ്പോയത്. അഞ്ചു ദിവസമായിട്ടും കുരങ്ങിനെ കൂട്ടില്‍ എത്തിക്കാന്‍ മൃഗശാല അധികൃതര്‍ക്ക് സാധിച്ചിട്ടില്ല. കഴിഞ്ഞ നാലുദിവസം കുരങ്ങ് മ്യഗശാലയിലെ വലിയ മരത്തിനു മുകളില്‍ ഉണ്ടായിരുന്നു. പല വഴി നോക്കിയിട്ടും അതിനെ മെരുക്കാന്‍ ഇതുവരെ അധികൃതര്‍ക്കായിട്ടില്ല. ഇതിനിടെയിലാണ് കുരങ്ങ് വീണ്ടും ചാടി പോകുന്നത്.