തിരുവനന്തപുരം: മൃഗശാലയില്‍ നിന്ന് ഒരാഴ്ച മുമ്പ് കൂട്ടില്‍ അടയ്ക്കുന്നതിനിടെ ചാടിപ്പോയ ഹനുമാന്‍ കുരങ്ങ് വീണ്ടും നഗരത്തില്‍ ഇറങ്ങി. മസ്‌കറ്റ് ഹോട്ടലിന്റെ സമീപത്തെ മരത്തിനു മുകളിലാണ് വൈകുന്നേരം കുരങ്ങിനെ കണ്ടെത്തിയത്.
കഴിഞ്ഞ ഒരാഴ്ചയായി പൊലീസിന്റെയും മൃഗശാല ഉദ്യോഗസ്ഥരെയും വട്ടംകറക്കി നഗരം ചുറ്റി നടക്കുകയാണ് കുരങ്ങന്‍. ഇന്നലെ വൈകുന്നേരം ഒരു പുളിമരത്തിന്റെ മുകളില്‍ തളിര്‍ ഇലകള്‍ തിന്നുകൊണ്ടിരിക്കുന്ന കുരങ്ങിനെ വഴിയാത്രക്കാരാണ് കണ്ടെത്തിയത്. എങ്ങനെയാണ് കുരങ്ങിനെ പിടിക്കുകയെന്ന കാര്യത്തില്‍ മൃഗശാല അധികൃതര്‍ക്ക് ഇപ്പോഴും ഒരു ധാരണയില്ല.