കൊച്ചി: നഗരത്തില് രാത്രി 12 മണിക്ക് ശേഷം ആവശ്യക്കാരിലേക്ക് മദ്യം എത്തിച്ചുനല്കിയിരുന്ന സിനിമ ജൂനിയര് ആര്ട്ടിസ്റ്റ് എക്സൈസിന്റെ പിടിയിലായി. തിരൂരങ്ങാടി സ്വദേശി അല്ക്കൂ എന്ന ഷെഫീക്കിനെയാണ് 52 ലിറ്റര് മദ്യവുമായി അറസ്റ്റ് ചെയ്തത്. അര്ധരാത്രിക്ക് ശേഷമുള്ള അനധികൃത മദ്യവിതരണത്തെ കുറിച്ചുള്ള രഹസ്യവിവരത്തിന്റെ അടിസ്ഥാനത്തിലാണ് എക്സൈസ് പരിശോധന നടത്തിയത്. നഗരത്തിലെ വിവിധ ഭാഗങ്ങളിലേക്ക് ആവശ്യാനുസരണം മദ്യം എത്തിച്ചുനല്കുന്ന രീതിയിലായിരുന്നു പ്രവര്ത്തനം എന്ന് അധികൃതര് വ്യക്തമാക്കി. സംഭവത്തില് കൂടുതല് അന്വേഷണം പുരോഗമിക്കുന്നു.