Connect with us

india

കേരള സര്‍വകലാശാലയില്‍ ഇടതുജീവനക്കാരെ സ്ഥിരപ്പെടുത്താന്‍ നീക്കം

കേരള സര്‍വകലാശാലയിലെ ഇടതുഅനുഭാവികളായ കരാര്‍ ജീവനക്കാരെ സ്ഥിരപ്പെടുത്താന്‍ നീക്കം.

Published

on

തിരുവനന്തപുരം: കേരള സര്‍വകലാശാലയിലെ ഇടതുഅനുഭാവികളായ കരാര്‍ ജീവനക്കാരെ സ്ഥിരപ്പെടുത്താന്‍ നീക്കം. കരാര്‍ അടിസ്ഥാനത്തില്‍ നിയമിച്ചിട്ടുള്ള 54 ലൈബ്രറി അസിസ്റ്റന്റുമാരെ സ്ഥിരപ്പെടുത്താനാണ് നീക്കം നടക്കുന്നത്. സംസ്ഥാനത്തെ എല്ലാ സര്‍വകലാശാലകളും ലൈബ്രറി അസിസ്റ്റന്റുമാരെ നിലവിലെ ഒഴിവുകള്‍ പി.എസ്.സിക്ക് റിപ്പോര്‍ട്ട് ചെയ്തിട്ടും കേരള സര്‍വകലാശാല മാത്രം റിപ്പോര്‍ട്ട് ചെയ്യാത്തത് താല്‍ക്കാലികക്കാരെ സ്ഥിരപ്പെടുത്താനാണെന്നാണ് ആക്ഷേപം. കരാര്‍ ജീവനക്കാരുടെ സമ്മര്‍ദ്ദം മൂലമാണ് ഒഴിവുകള്‍ പി.എസ്.സിയെ അറിയിക്കാന്‍ സര്‍വകലാശാല വിമുഖത കാട്ടുന്നത്. ഭരണകക്ഷിയിലെ ചില നേതാക്കളുടെ ബന്ധുക്കളും കരാര്‍ നിയമനംലഭിച്ചവരുടെ കൂട്ടത്തിലുണ്ട്. എം.ജി 19 ഉം, കാലിക്കറ്റ് 17 ഉം, കൊച്ചി 22 ഉം, കാര്‍ഷിക 15 ഉം, കണ്ണൂര്‍ അഞ്ചും ഒഴിവുകള്‍ പി.എസ്.സിക്ക് ഇതിനകം റിപ്പോര്‍ട്ട് ചെയ്തിട്ടുണ്ട്. അതേസമയം സാങ്കേതിക സര്‍വകലാശാല ഉള്‍പ്പെടെയുള്ള സര്‍വകലാശാലകള്‍ സ്ഥിരം തസ്തികകള്‍ സൃഷ്ടിക്കാതെ കരാറടിസ്ഥാനത്തി ല്‍ ലൈബ്രറി ജീവനക്കാരെ നേരിട്ട് നിയമിച്ചിരിക്കുകയാണ്. ഡിജിറ്റല്‍ യൂണിവേഴ്‌സിറ്റി നിയമനങ്ങള്‍ ഇതേവരെ പി.എസ്.സിക്ക് കൈമാറിയിട്ടില്ല.

ലൈബ്രറി അസിസ്റ്റന്റുമാര്‍ക്കുള്ള എഴുത്തു പരീക്ഷ പി.എസ്.സികഴിഞ്ഞ ജൂലൈ മാസത്തിലാണ് സംസ്ഥാനത്തെ വിവിധ കേന്ദ്രങ്ങളില്‍വെച്ച് ഓണ്‍ ലൈനായി നടത്തിയത്. മൂവായിരത്തോളം പേര്‍ അപേക്ഷിച്ചിരുന്നു. ആകെയുള്ള ഒഴിവുകളുടെ എണ്ണം കണക്കാക്കിയാണ് പി.എസ്.സി റാങ്ക് പട്ടികതയ്യാറാക്കുന്നത്. കേരള സര്‍വകലാശാല ഒഴിവുകള്‍ അറിയിക്കാത്തതുകൊണ്ട് നിയമനപ്രക്രിയ പൂര്‍ണമാകില്ല. 54 തസ്തികകളില്‍ സംവരണ അട്ടിമറിയുമുണ്ട്. ‘കേരള’യിലെ ഒഴിവുകള്‍ അടിയന്തരമായി പി.എസ്.സിക്ക് റിപ്പോര്‍ട്ട് ചെയ്യാന്‍ നിര്‍ദ്ദേശം നല്‍കണമെന്നും, ലൈബ്രറിയിലെ കരാര്‍ ലൈബ്രറി അസിസ്റ്റന്റുമാരെ സ്ഥിരപ്പെടുത്തരുതെന്നും ആവശ്യപ്പെട്ട് സേവ് യൂണിവേഴ്‌സിറ്റി ക്യാംപെയിന്‍ കമ്മിറ്റി ഗവര്‍ണര്‍ക്കും മുഖ്യമന്ത്രിക്കും നിവേദനം നല്‍കി.

കേരള സര്‍വകലാശാല നേരിട്ട് നടത്തിയ അസിസ്റ്റന്റ് നിയമനങ്ങളിലെ വ്യാപക ക്രമക്കേടുകളെ തുടര്‍ന്ന് ലോകായുക്ത ഉത്തരവുപ്രകാരം യു.ഡി.എഫ് സര്‍ക്കാര്‍ അനധ്യാപക നിയമനങ്ങള്‍ പൂര്‍ണമായും പി.എസ്.സിക്ക് വിട്ടെങ്കിലും, സ്‌പെഷ്യല്‍ ചട്ടങ്ങള്‍ തയ്യാറാകാത്തതുകൊണ്ട് എല്ലാ സര്‍വകലാശാലകളിലുംവിവിധ തസ്തികകളിലായി നൂറുകണക്കിന് ജീവനക്കാര്‍ കരാര്‍ അടിസ്ഥാനത്തില്‍ തുടരുകയാണ്. ‘കേരള’യിലെ താല്‍ക്കാലിക ലൈബ്രറി ജീവനക്കാര്‍ തങ്ങള്‍ പ്രായപരിധി കഴിഞ്ഞവരെന്നത് ചൂണ്ടിക്കാട്ടി ഹൈക്കോടതിയെ സമീപിച്ചിരുന്നുവെങ്കിലും നിയമപരമായി പരിഗണിക്കാനാണ് സര്‍ക്കാരിനും സര്‍വകലാശാലയ്ക്കും കോടതി നിര്‍ദ്ദേശം നല്‍കിയിരിക്കുകയാണ്.

Continue Reading
Advertisement
Click to comment

Leave a Reply

Your email address will not be published. Required fields are marked *

india

കശ്മീര്‍ ഫയല്‍സിനെതിരെ തുറന്നടിച്ച് ഗോവ സിനിമാവേദി

കേന്ദ്രസര്‍ക്കാരിന്റെ ഒത്താശയോടെയാണ് ഗോവമേളയില്‍ ചിത്രം ഉള്‍പെടുത്തിയത്.

Published

on

15 അന്താരാഷ്ട്ര സിനിമകളില്‍ കശ്മീര്‍ ഫയല്‍സ് ഉള്‍പെടുത്തിയതിനെതിരെ ഗോവഅന്താരാഷ്ട്ര ചലച്ചിത്രോല്‍സവത്തില്‍ ജൂറി തലവന്റെ വിമര്‍ശനം. ചിത്രം മേളയിലുള്‍പെടുത്താന്‍ പാടില്ലായിരുന്നുവെന്ന് നാദവ് ലാപിഡ് തുറന്നടിച്ചു. മന്ത്രി അനുരാഗ് താക്കൂറിന്റെ സാന്നിധ്യത്തിലായിരുന്നു വിമര്‍ശനം. കശ്മീരിലെ മുസ്‌ലിംകളെ അധിക്ഷേപിക്കുന്ന തരത്തിലുള്ള ചിത്രമാണിത്.

സമാപനയോഗത്തിലായിരുന്നു ചെയര്‍മാന്റെ വിമര്‍ശനം. 14 സിനിമകളും മികച്ച നിലവാരം പുലര്‍ത്തിയപ്പോള്‍ കശ്മീര്‍ ഫയല്‍സ് ഞങ്ങളെ ഞെട്ടിച്ചു- അദ്ദേഹം പറഞ്ഞു. ഞായറാഴ്ചയാണ് മേള സമാപിച്ചത്. കശ്മീരികളുടെ 1990കളിലെ പലായനത്തെ അടിസ്ഥാനമാക്കി വിവേക് അഗ്നിഹോത്രി സംവിധാനം ചെയ്ത ചിത്രം സംഘപരിവാരം വലിയ ആഘോഷമാക്കിയിരുന്നു.

കേന്ദ്രസര്‍ക്കാരിന്റെ ഒത്താശയോടെയാണ് ഗോവമേളയില്‍ ചിത്രം ഉള്‍പെടുത്തിയത്.

Continue Reading

india

ഈജിപ്ത് പ്രസിഡന്റ് അല്‍സിസി അടുത്ത റിപ്പബ്ലിക് ദിനത്തിലെ വിശിഷ്ടാതിഥി

കമാല്ഡ അബ്ദുല്‍നാസറിന്റെ കാലത്ത് ശക്തിപ്പെട്ട ബന്ധമാണിത്.

Published

on

ഈജിപ്ത് പ്രസിഡന്റ് അബ്ദുല്‍ ഫത്താഹ് അല്‍സിസി അടുത്ത റിപ്പബ്ലിക് ദിനത്തിലെ വിശിഷ്ടാതിഥിയാകും. ഇരുരാജ്യങ്ങളും നയതന്ത്രബന്ധം സ്ഥാപിച്ചതിന്റെ എഴുപത്തഞ്ചാം വാര്‍ഷികത്തിലാണ് ഈ തീരുമാനം. ആദ്യമായാണ് സിസി ഇന്ത്യയുടെ വിശിഷ്ടാതിഥിയായെത്തുന്നത്. കമാല്ഡ അബ്ദുല്‍നാസറിന്റെ കാലത്ത് ശക്തിപ്പെട്ട ബന്ധമാണിത്.

ജി-20 ഗ്രൂപ്പിലെ 19 അംഗങ്ങളിലൊന്നാണ് ഈജിപ്ത്. ഇന്ത്യയാണ് ഇപ്പോഴത്തെ ഗ്രൂപ്പിന്റെ തലപ്പത്ത്.

Continue Reading

india

മുസ്‌ലിം വിദ്യാര്‍ത്ഥിയെ ഭീകരവാദിയുമായി തുലനംചെയ്ത കോളജ് അധ്യാപകന് സസ്‌പെന്‍ഷന്‍

മുംബൈ ഭീകരാക്രമണത്തിലെ പ്രതി തൂക്കിലേറ്റപ്പെട്ട പാക്കിസ്ഥാന്‍ സ്വദേശി അജ്മല്‍ കസബിനെയാണ് വിദ്യാര്‍ത്ഥിയോട് അധ്യാപകന്‍ ഉപമിച്ചത്.

Published

on

മുസ്‌ലിം വിദ്യാര്‍ത്ഥിയെ ഭീകരവാദിയുമായി തുലനംചെയ്ത കോളജ് അധ്യാപകന് സസ്‌പെന്‍ഷന്‍. ഉഡുപ്പി മണിപ്പാല്‍ ഇന്‍സ്റ്റിറ്റ്യൂട്ട് ഓഫ് ടെക്‌നോളജിയിലാണ ്‌സംഭവം. കഴിഞ്ഞയാഴ്ച നടന്ന സംഭാഷണത്തിന്റെ വീഡിയോ പുറത്തുവന്നു.

നിന്റെ പേരെന്താണ്?

പേര് പറയുന്ന വിദ്യാര്‍ത്ഥി മുസ്‌ലിമാണെന്ന് അറിഞ്ഞതോടെ നിങ്ങള്‍ കസബിനെപോലെയാണെന്നായിരുന്നു അധ്യാപകന്റെ പരിഹാസം. നിങ്ങള്‍ക്ക് അതൊരു തമാശയായിരിക്കാം. എനിക്കങ്ങനെയല്ല. വിദ്യാര്‍ത്ഥി തിരിച്ചടിച്ചു. നിങ്ങള്‍ക്ക് എന്റെ മതത്തെ പരിഹസിക്കാം. എന്നാലത് എനിക്ക് അഭിമാനമാണെന്ന് വിദ്യാര്‍ത്ഥി വിശദീകരിക്കുന്നു. സംഭവം വിവാദമായതോടെയാണ് അധ്യാപകനെ മാനേജ്‌മെന്റ ്പിരിച്ചുവിട്ടത്. മുംബൈ ഭീകരാക്രമണത്തിലെ പ്രതി തൂക്കിലേറ്റപ്പെട്ട പാക്കിസ്ഥാന്‍ സ്വദേശി അജ്മല്‍ കസബിനെയാണ് വിദ്യാര്‍ത്ഥിയോട് അധ്യാപകന്‍ ഉപമിച്ചത്.
നിങ്ങള്‍ എന്റെ മകനെപ്പോലെയാണെന്ന് പറഞ്ഞ് അധ്യാപകന്‍ വിഷയം തണുപ്പിക്കാന്‍ നോക്കിയപ്പോള്‍ മകനെ താങ്കള്‍ ഇങ്ങനെ വിളിക്കുമോ എന്ന് വിദ്യാര്‍ത്ഥി തിരിച്ചുചോദിക്കുന്നുമുണ്ട്.

Continue Reading

Trending