Culture
‘മണ്ടന്‍ ചിന്ത’ നടപ്പാക്കുന്നതില്‍ സന്തോഷം: മോദിയെ ട്രോളി രാഹുല്‍
ന്യൂഡല്‍ഹി: ജി.എസ്.ടി. നടപ്പാക്കുന്ന സമയത്ത് രാഹുല്‍ ഗാന്ധിയുടെ നിര്‍ദേശത്തെ ആനമണ്ടന്‍ ചിന്തയെന്ന് പരിഹസിച്ച നരേന്ദ്ര മോദി ഒടുവില്‍ അത് നടപ്പാക്കാനൊരുങ്ങുമ്പോള്‍ സ്വാഗതം ചെയ്യുകയാണ് രാഹുല്‍. ഒരിക്കലും നടക്കാതെ പോവുന്നതിനേക്കാള്‍ നല്ലതാണ് വൈകിയെങ്കിലും നടപ്പാക്കുന്നതെന്ന് രാഹുല്‍ പറഞ്ഞു.
നിത്യോപയോഗസാധനങ്ങളുള്‍പ്പെടെ 99% സാധനങ്ങളുടെയും നികുതിനിരക്ക് 18 ശതമാനത്തിനു താഴെയാക്കുമെന്ന പ്രധാനമന്ത്രിയുടെ പ്രഖ്യാപനത്തെ പഴയ കാര്യം ഓര്‍മ്മപ്പെടുത്തിയാണ് കോണ്‍ഗ്രസ് അധ്യക്ഷന്റെ ട്വീറ്റ്. ഗബ്ബര്‍ സിങ് ടാക്‌സിന്റെ ഗാഢനിദ്രയില്‍നിന്ന് കോണ്‍ഗ്രസിന് ഒടുവില്‍ മോദിയെ ഉണര്‍ത്താനായി. ഉറക്കം തൂങ്ങുകയാണെങ്കിലും പണ്ട് ആക്ഷേപിച്ച കോണ്‍ഗ്രസിന്റെ ‘മണ്ടന്‍ചിന്ത’ ഇപ്പോഴെങ്കിലും അദ്ദേഹം നടപ്പാക്കാന്‍ ഒരുങ്ങുകയാണ്. വൈകിയാണെങ്കിലും നടപ്പാക്കാതെ പോയില്ല നരേന്ദ്രജി’ -രാഹുല്‍ ട്വീറ്റ് ചെയ്തതു.
ശനിയാഴ്ച നടക്കാനിരിക്കുന്ന ജി.എസ്.ടി കൗണ്‍സില്‍ യോഗത്തിന് മുന്നോടിയായാണ് രാഹുലിന്റെ ട്വീറ്റ്. പുതിയ ജി.എസ്.ടി പരിഷ്‌കാരത്തെ ഗബ്ബര്‍സിങ് ടാക്സെന്ന് പരിഹസിച്ച രാഹുലിനെ ഗുജറാത്ത് തെരഞ്ഞെടുപ്പ് പ്രചാരണഘട്ടത്തില്‍ മോദി കണക്കറ്റ് വിമര്‍ശിച്ചിരുന്നു.
അധികാരത്തില്‍ വന്നാല്‍ 99 ശതമാനം സാധനങ്ങളുടെയും നികുതിനിരക്ക് 18 ശതമാനത്തിനു താഴെയാക്കുമെന്നായിരുന്നു അന്ന് കോണ്‍ഗ്രസ് അവകാശപ്പെട്ടത്. എന്നാല്‍ 99% ശതമാനം ഉത്പന്നങ്ങളുടെയും ടാക്സ് 18%ത്തില്‍ താഴെയാക്കുമെന്ന് അവര്‍ പറയുന്നത് ഏറ്റവും വലിയ മണ്ടന്‍ ചിന്തയെന്നുമായിരുന്നു മോദിയുടെ പരിഹാസം. മാത്രമല്ല സമര്‍ത്ഥരെന്ന് സ്വയം വിശേഷിപ്പിക്കുന്ന പുതിയ സാമ്പത്തിക വിദഗ്ധര്‍ ആളുകളെ തെറ്റിദ്ധരിപ്പിക്കുകയാണെന്നും മോദി വിമര്‍ശിച്ചു.
എന്നാല്‍ അന്ന് മോദി പരിഹസിച്ച ആ മണ്ടന്‍ തീരുമാനം ഇന്ന് നടപ്പാക്കാനൊരുങ്ങുന്നതിനെയാണ് രാഹുല്‍ ട്വിറ്ററിലൂടെ പരിഹസിച്ചത്. ചില ഉല്‍പ്പന്നങ്ങളുടെ ജി.എസ്.ടി നിരക്ക് കുറക്കുമെന്ന് കഴിഞ്ഞദിവസം പ്രധാനമന്ത്രി മോദി പ്രഖ്യാപിച്ചിരുന്നു.
Film
വാഹനാപകടം; നടന്‍ ഷൈന്‍ ടോം ചാക്കോയുടെ പിതാവിന്റെ മൃതദേഹം വീട്ടിലെത്തിച്ചു
മൃതദേഹം ഇന്ന് വീട്ടില്‍ പൊതുദര്‍ശനത്തിന് വെക്കും.
തമിഴ്നാട്ടിലെ വാഹനാപകടത്തില്‍ മരിച്ച നടന്‍ ഷൈന്‍ ടോം ചാക്കോയുടെ പിതാവ് സി പി ചാക്കോയുടെ മൃതദേഹം തൃശൂര്‍ മുണ്ടൂരിലെ വീട്ടിലെത്തിച്ചു. മൃതദേഹം ഇന്ന് വീട്ടില്‍ പൊതുദര്‍ശനത്തിന് വെക്കും. നാളെ മുണ്ടൂര്‍ പരികര്‍മ്മല മാതാ പള്ളിയിലാണ് സംസ്‌കാര ചടങ്ങുകള്‍ നടക്കുക.
വെള്ളിയാഴ്ച ധര്‍മപുരിയെയും ഹൊസൂറിനെയും തമ്മില്‍ ബന്ധിപ്പിക്കുന്ന പുതുതായി നിര്‍മിച്ച അതിവേഗ ദേശീയപാത 844ലൂടെ കാറില്‍ ബെംഗളുരുവിലേക്ക് സഞ്ചരിക്കവെയായിരുന്നു ഇവര്‍ അപകടത്തില്‍പ്പെട്ടത്. അപകടത്തില്‍ നടന്റെ ഷോള്‍ഡറിന് താഴെ മൂന്ന് പൊട്ടലുകള്‍, നട്ടെല്ലിനും ചെറിയ പൊട്ടല്‍ സംഭവിച്ചു. ശസ്ത്രക്രിയ അനിവാര്യമെങ്കിലും സംസ്‌കാര ചടങ്ങുകള്‍ക്ക് ശേഷം തിങ്കളാഴ്ച ശസ്ത്രക്രിയ നടത്താനാണ് തീരുമാനം.
അപകടത്തില്‍ കൂടുതല്‍ പരുക്ക് മാതാവിനാണെങ്കിലും ഇരുവരുടെയും ആരോഗ്യസ്ഥിതിയില്‍ ആശങ്കപ്പെടേണ്ടതില്ലെന്ന് ഡോക്ടര്‍മാര്‍ വ്യക്തമാക്കി.
Film
സാന്ദ്ര തോമസിനെതിരെ വധഭീഷണി; പരാതി നല്‍കിയിട്ടും പൊലീസ് നടപടിയെടുത്തില്ല
പരാതി നല്‍കി രണ്ട് മാസം കഴിഞ്ഞിട്ടും കാര്യമായ നടപടികളൊന്നുമുണ്ടായില്ലെന്നാണ് ആരോപണം.
നിര്‍മാതാവ് സാന്ദ്ര തോമസിനെതിരായ വധഭീഷണിയില്‍ പരാതി നല്‍കിയിട്ടും പൊലീസ് നടപടിയെടുക്കുന്നില്ലെന്ന് ആരോപണം. പരാതി നല്‍കി രണ്ട് മാസം കഴിഞ്ഞിട്ടും കാര്യമായ നടപടികളൊന്നുമുണ്ടായില്ലെന്നാണ് ആരോപണം. പാലാരിവട്ടം പൊലീസിനെതിരെ ഡിജിപിക്ക് പരാതി നല്‍കുമെന്നും നിര്‍മാതാവ് വ്യക്തമാക്കി.
പ്രൊഡക്ഷന്‍ കണ്‍ട്രോളറുടെ വാട്സ്ആപ്പ് ഗ്രൂപ്പില്‍ ആണ് വധഭീഷണി സന്ദേശമെത്തിയത്. ഭീഷണിയുടെ ശബ്ദസന്ദേശമടക്കം പരാതി നല്‍കിയിട്ടും പൊലീസിന്റെ ഭാഗത്ത് നിന്ന് നടപടിയുണ്ടായില്ലെന്ന് സാന്ദ്ര ആരോപിച്ചു. സാന്ദ്രയുടെ പിതാവിനെതിരെയും വധഭീഷണി മുഴക്കിയിരുന്നു.
പൊലീസിനെതിരെ ഡിജിപിക്കും വിജിലന്‍സിനും പരാതി നല്‍കുമെന്നും ഉദ്യോഗസ്ഥരുടെ ഫോണ്‍ പരിശോധിക്കണമെന്നും സാന്ദ്ര ആവശ്യപ്പെടുന്നു.
സാന്ദ്രയെ ‘തല്ലിക്കൊന്ന് കാട്ടിലെറിയും’ എന്നാണ് ശബ്ദസന്ദേശത്തിലുള്ള ഭീഷണി. സാന്ദ്രയുടെ പിതാവ് തോമസിനെ കൊല്ലുമെന്നും ഓഡിയോ സന്ദേശത്തിലുണ്ട്.
‘എന്തുകൊണ്ടാണ് ഹേമാ കമ്മിറ്റിയിലെ പരാതിക്കാര്‍ മുന്നോട്ട് വന്നില്ലായെന്നത് ഇപ്പോള്‍ മനസ്സിലായില്ലേ. ആരെങ്കിലും ശബ്ദമുയര്‍ത്തിയാല്‍ അവരെ നിശബ്ദമാക്കുന്നതാണ് രീതി. സംഭവത്തില്‍ തൊട്ടടുത്ത ദിവസം പരാതി നല്‍കിയിരുന്നു. സ്ത്രീ ആയതുകൊണ്ടാണ് ഇത്തരത്തില്‍ ആക്രമിക്കുന്നത്. ഇവര്‍ക്കെല്ലാം സ്വാധീനമുള്ളവരുടെ പിന്തുണയുണ്ട്. ഔദ്യോഗിക ഗ്രൂപ്പില്‍ സന്ദേശം എത്തിയിട്ടും ഫെഫ്ക ജനറല്‍ സെക്രട്ടറി നടപടിയെടുത്തില്ല. രണ്ട് മാസമായി പൊലീസിന്റെ ഭാഗത്ത് നിന്നും നടപടിയുണ്ടായിട്ടില്ല. വേദനാജനകമാണ്. ഇതില്‍ നിന്നും പിന്നോട്ടില്ല’, എന്നായിരുന്നു സാന്ദ്രാ തോമസിന്റെ പ്രതികരണം.
രണ്ടുമാസം മുന്‍പ് ഒരു യൂട്യൂബ് ചാനലിന് നല്‍കിയ അഭിമുഖത്തിലാണ് പ്രൊഡക്ഷന്‍ കണ്‍ട്രോളര്‍മാര്‍ക്കെതിരെ സാന്ദ്ര തോമസ് രംഗത്തെത്തിയത്.
-
kerala3 days agoലക്ഷദ്വീപ് സ്കൂള് ഭാഷാ പരിഷ്കരണം; ഉത്തരവ് ഇറക്കിയത് വിശദമായ പഠനം നടത്താതെ, വിമര്ശനവുമായി ഹൈക്കോടതി
-
kerala3 days agoപാലക്കാട് പൊലീസ് ഉദ്യോഗസ്ഥനെ ട്രെയിനിടിച്ച് മരിച്ച നിലയില് കണ്ടെത്തി
-
india3 days agoകെനിയയില് വാഹനാപകടം; അഞ്ച് വിനോദസഞ്ചാരികള് മരിച്ചു
-
Football2 days agoപാരഗ്വായെ വീഴ്ത്തി ബ്രസീൽ ലോകകപ്പിന്; അർജന്റീനയ്ക്ക് സമനിലക്കുരുക്ക്
-
Celebrity1 day ago‘എന്നെ വേടന് എന്ന് സ്നേഹത്തോടെ ആദ്യം വിളിച്ചത് അവരാണ്’; പേരിന് പിന്നിലെ കഥ പറഞ്ഞ് വേടന്
-
india2 days agoമൂല്യം 17,000 കോടി രൂപ; ആര്സിബി വില്പ്പനയ്ക്ക്?
-
kerala3 days agoചരക്ക് കപ്പല് അപകടം; വെല്ലുവിളിയായി തീ ആളിക്കത്തുന്നു; നാല് പേരെ ഇനിയും കണ്ടെത്താനായില്ല
-
kerala3 days agoമൂവാറ്റുപുഴയില് വിവാഹച്ചടങ്ങില് ഭക്ഷണം കഴിച്ച 150 ഓളം പേര്ക്ക് മഞ്ഞപ്പിത്തം സ്ഥിരീകരിച്ചു