Video Stories
പാകസ്താനിലെ ട്രെയിനിലെ തീപ്പിടുത്തം; യാത്രക്കാര് പുറത്തേക്ക് ചാടിയത് മരണസംഖ്യ കൂട്ടി
ഇസ്്ലാമാബാദ്: പാകിസ്താന്റെ കിഴക്കന് പ്രവിശ്യയില് ഓടിക്കൊണ്ടിരുന്ന ട്രെയിനിന് തീപിടിച്ച് 73 പേര് മരിച്ചു. ലാഹോറില്നിന്ന് 400 കിലോമീറ്റര് അകലെ ലിയാഖത്പൂരിനും റങീംയാര്ഖാനും ഇടയില് തെസ്ഗാം എക്പ്രസ് ആണ് അപകടത്തില് പെട്ടത്. മരിച്ചവരില് സ്ത്രീകളും കുട്ടികളും ഉള്പ്പെടും.
യാത്രക്കാരില് ചിലര് കൂടെ കരുതിയിരുന്ന ഗ്യാസ് സിലിണ്ടര് പൊട്ടിത്തെറിച്ചാണ് തീപടര്ന്നതെന്നാണ് ഔദ്യോഗിക വിശദീകരണം. അതേസമയം ഷോര്ട്ട് സര്ക്യൂട്ടാണ് അപകട കാരണമെന്നും സൂചനയുണ്ട്. ഉഗ്രശബ്ദത്തോടെ പൊട്ടിത്തെറിയുണ്ടായതായും ട്രെയിനില് തീപടരുകയുമായിരുന്നുവെന്ന് ദൃക്സാക്ഷികളെ ഉദ്ധരിച്ച് വാര്ത്താ ഏജന്സി റിപ്പോര്ട്ട് ചെയ്തു. നിമിഷനേരം കൊണ്ട് ട്രെയിന് ഒന്നാകെ അഗ്നി വിഴുങ്ങുന്നതാണ് കണ്ടത്. നിരവധി പേര്ക്ക് പരിക്കേറ്റിട്ടുണ്ട്. ഇവരില് പലരുടേയും നില അതീവ ഗുരുതരമാണ്. പരിക്കേറ്റവരെ ലിയാഖത്പൂരിലെ ജില്ലാ ആസ്പത്രിയിലേക്കും ഗുരുതരമായി പരിക്കേറ്റവരെ ഇവിടെനിന്ന് ഭവല്പൂരിലെ ഭവല് വിക്ടോറിയ ആസ്പത്രിയിലേക്കും മാറ്റി. മരിച്ചവരുടെ മൃതദേഹങ്ങളും ജില്ലാ ആസ്പത്രിയി മോര്ച്ചറിയിലും വിക്ടോറിയ ആസ്പത്രി മോര്ച്ചറിയിലുമായി സൂക്ഷിച്ചിരിക്കുകയാണ്.
പത്തോളം അഗ്നിശമന സേനാ യൂണിറ്റുകള് മണിക്കൂറുകള് പരിശ്രമിച്ചാണ് തീ നിയന്ത്രണ വിധേയമാക്കിയത്. രക്ഷാ പ്രവര്ത്തനങ്ങള്ക്കായി സൈനിക ഹെലികോപ്റ്ററും രംഗത്തെത്തിയിരുന്നു.
ഓടിക്കൊണ്ടിരുന്ന ട്രെയിനില് പ്രഭാത ഭക്ഷണം തയ്യാറാക്കുന്നതിനിടെ രണ്ട് യാത്രക്കാരുടെ കൈവശമുണ്ടായിരുന്ന ഗ്യാസ് സിലിണ്ടറുകള് പൊട്ടിത്തെറിക്കുകയായിരുന്നുവെന്നും ഇതാണ് അപകടത്തിന് കാരണമായതെന്നും പാക് റെയില്വേ മന്ത്രി ഷെയ്ഖ് റാഷിദ് അഹമ്മദ് പറഞ്ഞു. ലാഹോറില് നടക്കുന്ന മതസമ്മേളനത്തില് പങ്കെടുക്കാന് പുറപ്പെട്ട തബ്്ലീഗ് ജമാഅത്ത് പ്രവര്ത്തകരാണ് അപകടത്തില്പെട്ടവരില് ഏറെയുമെന്ന് മന്ത്രി വ്യക്തമാക്കി. പൊള്ളലേറ്റും ശ്വാസം മുട്ടിയുമാണ് കൂടുതല് പേരും മരിച്ചത്. ഓടിക്കൊണ്ടിരുന്ന ട്രെയിനില്നിന്ന് പുറത്തേക്ക് ചാടി രക്ഷപ്പെടാന് ശ്രമിക്കുന്നതിനിടെയും ചിലര് മരണത്തിന് കീഴടങ്ങി.
യാത്രക്കാര് ഗ്യാസ് സിലിണ്ടറുകള് കൈവശം വെച്ചത് സുരക്ഷാ പരിശോധനയിലുണ്ടായ വീഴ്ചയാണെന്ന് മന്ത്രി പറഞ്ഞു. വീഴ്ച ഏറ്റെടുക്കുന്നുവെന്നും ഇതേക്കുറിച്ച് അന്വേഷണം നടത്തുമെന്നും മന്ത്രി വ്യക്തമാക്കി. അതേസമയം ഗ്യാസ് സിലിണ്ടര് പൊട്ടിത്തെറിച്ചാണ് അപകടമെന്ന സര്ക്കാര് വാദം തള്ളി പരിക്കേറ്റ ചിലര് രംഗത്തെത്തി. ബുധനാഴ്ച രാത്രി തന്നെ ട്രെയിനിന്റെ ബോഗികളില് ഷോര്ട്ട് സര്ക്യൂട്ടിനെതുടര്ന്ന് ഇലക്ട്രിക് വയറുകള്ക്ക് തീപിടിച്ച ഗന്ധം അനുഭവപ്പെട്ടിരുന്നു. വ്യാഴാഴ്ച പുലര്ച്ചെ ഉഗ്ര ശബ്ദത്തോടെയുള്ള പൊട്ടിത്തെറിക്കു പിന്നാലെ ബോഗികള് ഒന്നാകെ അഗ്നി വിഴുങ്ങുകയായിരുന്നുവെന്ന് ഇവര് പറഞ്ഞു.
അപകടത്തില് പാക് പ്രധാനമന്ത്രി ഇമ്രാന് ഖാന് നടുക്കം രേഖപ്പെടുത്തി. പരിക്കേറ്റ് ആസ്പത്രികളില് കഴിയുന്നവര്ക്ക് സാധ്യമായതില് ഏറ്റവും മികച്ച ചികിത്സ ലഭ്യമാക്കാന് നിര്ദേശം നല്കിയതായി പ്രധാനമന്ത്രി അറിയിച്ചു. മരിച്ചവരുടെ ബന്ധുക്കള്ക്ക് 15 ലക്ഷം വീതവും പരിക്കേറ്റവര്ക്ക് അഞ്ചു ലക്ഷം വീതവും ധനസഹായം നല്കുമെന്ന് പാക് റെയില്വേ മന്ത്രാലയം അറിയിച്ചു.
Video Stories
ക്രിസ്മസ് ആഘോഷങ്ങളില് നിന്ന് ഹിന്ദുക്കള് വിട്ടുനില്ക്കണം: വിഎച്ച്പി
വാണിജ്യ ലാഭത്തിനായി ‘ ഹാപ്പി ക്രിസ്മസ് ‘, ‘മെറി ക്രിസ്മസ്’ തുടങ്ങിയ അലങ്കാരങ്ങള് പ്രദര്ശിപ്പിക്കുന്നത് സാംസ്കാരിക ആശയക്കുഴപ്പവും സ്വയം അവഹേളനവും പ്രോത്സാഹിപ്പിക്കുന്നതാണെന്ന് സംഘടന ആരോപിച്ചു
ന്യൂഡല്ഹി: ക്രിസ്മസ് പോലുള്ള മതപരമായ ആഘോഷങ്ങളില് നിന്ന് ഹിന്ദുക്കള് വിട്ടുനില്ക്കണമെന്ന് വിശ്വഹിന്ദു പരിഷത്ത് (വിഎച്ച്പി) ആഹ്വാനം ചെയ്തു. മതവും സാംസ്കാരിക പാരമ്പര്യവും സംരക്ഷിക്കാനാണ് ഈ നിലപാടെന്ന് സംഘടന വ്യക്തമാക്കി.
ഹിന്ദു കടയുടമകള് ക്രിസ്മസ് അലങ്കാരങ്ങള് ഒഴിവാക്കണമെന്നും, അത്തരത്തിലുള്ള കടകളില് നിന്നും സാധനങ്ങള് വാങ്ങരുതെന്നും വിഎച്ച്പി നിര്ദേശിച്ചു. വാണിജ്യ ലാഭത്തിനായി ‘ ഹാപ്പി ക്രിസ്മസ് ‘, ‘മെറി ക്രിസ്മസ്’ തുടങ്ങിയ അലങ്കാരങ്ങള് പ്രദര്ശിപ്പിക്കുന്നത് സാംസ്കാരിക ആശയക്കുഴപ്പവും സ്വയം അവഹേളനവും പ്രോത്സാഹിപ്പിക്കുന്നതാണെന്ന് സംഘടന ആരോപിച്ചു.
ഡിസംബര് 13ന് വിഎച്ച്പി ഇന്ദ്രപ്രസ്ഥ പ്രവിശ്യാ മന്ത്രി സുരേന്ദ്ര ഗുപ്ത കടയുടമകള്ക്കും ഷോപ്പിംഗ് മാള് നടത്തിപ്പുകാര്ക്കും വിദ്യാഭ്യാസ സ്ഥാപനങ്ങള്ക്കുമുള്ള കത്തില് ക്രിസ്മസ് ആഘോഷങ്ങളില് നിന്ന് പിന്മാറണമെന്ന് ആവശ്യപ്പെട്ടു. രാജ്യത്തിന്റെ വിവിധ ഭാഗങ്ങളില് ദീര്ഘകാലമായി സംഘടിത മതപരിവര്ത്തന ശ്രമങ്ങള് നടക്കുന്നുണ്ടെന്നും മറ്റ് മതങ്ങളുടെ ഉത്സവങ്ങളില് പങ്കെടുക്കുന്നത് അവയ്ക്ക് സാമൂഹിക അംഗീകാരം നല്കുന്നതായെന്നും കത്തില് പറയുന്നു.
ക്രിസ്മസ് ആഘോഷിക്കുന്നതോ അലങ്കാരങ്ങള് പ്രദര്ശിപ്പിക്കുന്നതോ ചെയ്യുന്ന ഷോപ്പിംഗ് മാളുകളുടെയും സ്കൂളുകളുടെയും മാനേജ്മെന്റുകള്ക്ക് കത്തയക്കുമെന്നും വിഎച്ച്പി അറിയിച്ചു. ഇതിലൂടെ സംഘര്ഷമോ ശത്രുതയോ സൃഷ്ടിക്കുകയല്ല ലക്ഷ്യമെന്നും സമാധാനപരമായ സാംസ്കാരിക ഉണര്വ് വളര്ത്തുകയാണ് ഉദ്ദേശമെന്നും സംഘടന നേതാക്കള് വിശദീകരിച്ചു.
ക്രിസ്ത്യന് മിഷനറിമാര് ഹിന്ദുസമൂഹത്തിന്റെ സഹിഷ്ണുതയെ ചൂഷണം ചെയ്ത് മതപരിവര്ത്തനം നടത്തുകയാണെന്നും അത് തടയുകയാണ് കത്തിന്റെ ലക്ഷ്യമെന്നും സുരേന്ദ്ര ഗുപ്ത മാധ്യമത്തോട് പറഞ്ഞു. ഇന്ത്യയില് മതപരിവര്ത്തന പ്രവര്ത്തനങ്ങളില് നിന്ന് സഭ പരസ്യമായി വിട്ടുനില്ക്കണമെന്ന് അദ്ദേഹം ആവശ്യപ്പെട്ടു. മതപരിവര്ത്തന ശ്രമങ്ങള് തുടരുന്ന സാഹചര്യത്തില് സമൂഹത്തെ സംരക്ഷിക്കാന് അവകാശമുണ്ടെന്നുമാണ് വിഎച്ച്പിയുടെ നിലപാട്.
Video Stories
ഇന്ത്യന് ടി20 ടീമില് വന് മാറ്റങ്ങള്; സഞ്ജു തിരിച്ചെത്തി
ഗില്ലിനെ ടീമില് നിന്ന് ഒഴിവാക്കിയ സാഹചര്യത്തില് സഞ്ജുവിനെ ഓപ്പണറായി തന്നെ പരിഗണിക്കാനാണ് സാധ്യത
മുംബൈ: 2026ലെ ടി20 ലോകകപ്പിനും ന്യൂസിലന്ഡിനെതിരായ ടി20 പരമ്പരയ്ക്കുമുള്ള ഇന്ത്യന് ക്രിക്കറ്റ് ടീം ബിസിസിഐ പ്രഖ്യാപിച്ചു. ശുഭ്മാന് ഗില്ലിനെ വൈസ് ക്യാപ്റ്റന് സ്ഥാനത്ത് നിന്ന് മാറ്റിയതോടൊപ്പം ടീമില് നിന്ന് പൂര്ണമായും ഒഴിവാക്കി. സഞ്ജു സാംസണ് വീണ്ടും ഇന്ത്യന് ടീമില് ഇടം നേടി.
സൂര്യകുമാര് യാദവ് ക്യാപ്റ്റനായ ടീമില് അക്സര് പട്ടേല് വൈസ് ക്യാപ്റ്റനാണ്. വിക്കറ്റ് കീപ്പര് ബാറ്ററായ ജിതേഷ് ശര്മ്മയെ ഒഴിവാക്കി, ഇഷാന് കിഷനെ ടീമില് ഉള്പ്പെടുത്തി. റിങ്കു സിംഗ്, വാഷിംഗ്ടണ് സുന്ദര് എന്നിവരും ടീമില് ഇടം നേടി. ഈ ടീമില് സ്റ്റാന്ഡ്ബൈ അംഗങ്ങള് ഇല്ല. ചീഫ് സെലക്ടര് അജിത് അഗാര്ക്കറുടെ നേതൃത്വത്തിലുള്ള ബിസിസിഐ സെലക്ഷന് കമ്മിറ്റിയാണ് ടീമിനെ തിരഞ്ഞെടുത്തത്.
ദക്ഷിണാഫ്രിക്കയ്ക്കെതിരായ അവസാന മത്സരത്തില് ലഭിച്ച അവസരം മികച്ച രീതിയില് ഉപയോഗിച്ചതാണ് സഞ്ജുവിന് ടീമിലേക്ക് വഴി തുറന്നത്. ഗില്ലിന് പകരക്കാരനായി ഓപ്പണറായി ഇറങ്ങിയ സഞ്ജു 22 പന്തില് നിന്ന് 37 റണ്സ് നേടി. ഈ പ്രകടനം അജിത് അഗാര്ക്കര് പ്രത്യേകമായി ചൂണ്ടിക്കാട്ടി. ഗില്ലിനെ ടീമില് നിന്ന് ഒഴിവാക്കിയ സാഹചര്യത്തില് സഞ്ജുവിനെ ഓപ്പണറായി തന്നെ പരിഗണിക്കാനാണ് സാധ്യത.
ഇന്ത്യന് ടീം (ടി20):
സൂര്യകുമാര് യാദവ് (ക്യാപ്റ്റന്), അഭിഷേക് ശര്മ്മ, തിലക് വര്മ്മ, ഹാര്ദിക് പാണ്ഡ്യ, ശിവം ദുബൈ, അക്സര് പട്ടേല് (വൈസ് ക്യാപ്റ്റന്), ജസ്പ്രീത് ബുംറ, അര്ഷദീപ് സിംഗ്, വരുണ് ചക്രവര്ത്തി, കുല്ദീപ് യാദവ്, ഹര്ഷിത് റാണ, സഞ്ജു സാംസണ് (വിക്കറ്റ് കീപ്പര്), വാഷിംഗ്ടണ് സുന്ദര്, ഇഷാന് കിഷന്, റിങ്കു സിംഗ്.
Video Stories
ഹാസ്യത്തിലൂടെയും മൂര്ച്ചയുള്ള തിരക്കഥകളിലൂടെയും മലയാളിക്ക് ജീവിതം കാണിച്ച കലാകാരന്; ശ്രീനിവാസന് ആദരാഞ്ജലികള്
ലളിതമായ വാക്കുകളില് വലിയ സത്യങ്ങള് ഒളിപ്പിച്ചുവെച്ച ആ തൂലികയും അഭിനയശൈലിയും എന്നും നമ്മുടെ കൂടെയുണ്ടാകും. “പകരം വെക്കാനില്ലാത്ത പ്രതിഭയ്ക്ക് ആദരപൂര്വ്വം പ്രണാമം”
കൊച്ചി: അന്തരിച്ച നടനും സംവിധായകനും തിരക്കഥാകൃത്തുമായ ശ്രീനിവാസന് മലയാള സിനിമാ ലോകം കണ്ണീരോടെ വിട നല്കി. ഹാസ്യവും സാമൂഹ്യ വിമര്ശനവും ചേര്ത്ത് മലയാളിക്ക് ജീവിതത്തിന്റെ യാഥാര്ത്ഥ്യങ്ങള് കാണിച്ചുതന്ന കലാകാരനാണ് ശ്രീനിവാസനെന്ന് കേന്ദ്രമന്ത്രി സുരേഷ് ഗോപി അനുസ്മരിച്ചു.
‘ ഹാസ്യത്തിലൂടെയും മൂര്ച്ചയുള്ള തിരക്കഥകളിലൂടെയും മലയാളിക്ക് ജീവിതം കാണിച്ചുതന്ന പ്രിയപ്പെട്ട ശ്രീനിയേട്ടന്. ലളിതമായ വാക്കുകളില് വലിയ സത്യങ്ങള് ഒളിപ്പിച്ചുവെച്ച ആ തൂലികയും അഭിനയശൈലിയും എന്നും നമ്മുടെ കൂടെയുണ്ടാകും. പകരം വെക്കാനില്ലാത്ത പ്രതിഭയ്ക്ക് ആദരപൂര്വ്വം പ്രണാമം ‘ എന്നായിരുന്നു സുരേഷ് ഗോപി ഫേസ്ബുക്കില് കുറിച്ചത്.
സംവിധായകന് സത്യന് അന്തിക്കാട് ശ്രീനിവാസനുമായുള്ള ആത്മബന്ധം ഓര്ത്തെടുത്തു. രണ്ടാഴ്ചയ്ക്കൊരിക്കല് ശ്രീനിവാസെന്റ വീട്ടില് എത്താറുണ്ടായിരുന്നുവെന്നും, കാലിന് ശസ്ത്രക്രിയ കഴിഞ്ഞ് വാക്കറിന്റെ സഹായത്തോടെ നടക്കുകയായിരുന്നെങ്കിലും തിരിച്ചുവരുമെന്ന പ്രതീക്ഷ അദ്ദേഹത്തിനുണ്ടായിരുന്നുവെന്നും സത്യന് അന്തിക്കാട് പറഞ്ഞു. തെരഞ്ഞെടുപ്പ് കാലത്ത് ‘ സന്ദേശം ‘ എന്ന സിനിമയുടെ ഇന്നത്തെ പ്രസക്തിയെ കുറിച്ച് ഇരുവരും ചര്ച്ച ചെയ്തിരുന്നുവെന്നും അദ്ദേഹം വ്യക്തമാക്കി. മാധ്യമങ്ങളോട് സംസാരിക്കുന്നതിനിടെ വാക്കുകള് പൂര്ത്തിയാക്കാനാവാതെ സത്യന് അന്തിക്കാട് വികാരാധീനനായി.
ഹാസ്യവും വിമര്ശനവും ചേര്ത്തു മലയാള സിനിമയ്ക്ക് പുതിയ ദിശ നല്കിയ ശ്രീനിവാസെന്റ വേര്പാട് മലയാള സിനിമയ്ക്ക് ഒരിക്കലും നികത്താനാകാത്ത നഷ്ടമാണെന്ന് സഹപ്രവര്ത്തകരും ആരാധകരും പറയുന്നു.
-
kerala1 day agoപെരിന്തൽമണ്ണ മുസ്ലിം ലീഗ് ഓഫീസ് അക്രമം: 5 പേർ അറസ്റ്റിൽ
-
kerala2 days agoകളിച്ചുകൊണ്ടിരിക്കുന്നതിനിടയില് കുഴഞ്ഞുവീണു; പാലക്കാട് 14കാരന് ദാരുണാന്ത്യം
-
kerala4 hours agoകൊച്ചി നഗരസഭ മേയര്, ഡെപ്യൂട്ടി മേയര് സ്ഥാനങ്ങളില് കോണ്ഗ്രസ് പ്രതിനിധികളെ പ്രഖ്യാപിച്ചു
-
kerala1 day agoവാളയാര് ആള്ക്കൂട്ടക്കൊല; നാല് പേര് ബിജെപി അനുഭാവികളെന്ന് സ്പെഷ്യല് ബ്രാഞ്ച് റിപ്പോര്ട്ട്
-
kerala2 days agoവയനാട്ടില് ജനവാസമേഖലയില് വീണ്ടും കടുവയിറങ്ങി
-
kerala2 days agoവാളയാറിലെ ആള്ക്കൂട്ടക്കൊല; പ്രതികള്ക്ക് ശിക്ഷ ഉറപ്പാക്കണം മുഖ്യമന്ത്രിക്ക് കത്ത് നല്കി വി.ഡി സതീശന്
-
india2 days agoനാല് വയസുകാരിയെ ബലാത്സംഗം ചെയ്ത പ്രതിയെ വെടിവച്ച് വീഴ്ത്തി പൊലീസ് ഉദ്യോഗസ്ഥ
-
india2 days agoകാശ്മീരില് ആദ്യ മഞ്ഞുവീഴ്ച; ‘ചില്ലൈ കലാന്’ ആരംഭിച്ചു