Health
ഈ തലവേദന കൊറോണയുടെ ലക്ഷണമാണോ?
കോവിഡ്19 ന്റെ ലക്ഷണങ്ങളിലൊന്നാണ് തലവേദനയാണ് എന്നതിനാല്, തലവേദന ഉണ്ടാകുമ്പോള് ആശങ്ക തോന്നുന്നത് ഈ ഘട്ടത്തില് സ്വാഭാവികമാണ്. കൊവിഡ്19 ന്റെ ഏറ്റവും സാധാരണമായ ലക്ഷണങ്ങളായ വരണ്ട ചുമ, പനി, കടുത്ത ക്ഷീണം, മണം അല്ലെങ്കില് രുചിയുടെ അഭാവം എന്നിവയില് തലവേദന ഉള്പ്പെടുന്നില്ല. എന്നിരുന്നാലും, കോവിഡ്19 രോഗബാധിതനായ ഏകദേശം 14 ശതമാനം ആളുകള്ക്കും തലവേദന അനുഭവപ്പെട്ടിട്ടുണ്ടെന്ന് ലോകാരോഗ്യ സംഘടനയുടെ കണക്കുകള് വ്യക്തമാക്കുന്നു.
കോവിഡ് പടര്ന്നുപിടിക്കുന്ന സാഹചര്യമാതിനാല് ഒരു ചെറുപനി വന്നാല് പോലും ആളുകള്ക്ക് ടെന്ഷനാണ്. കോവിഡാണോ തനിക്കെന്ന ചിന്തയാണ് പലരേയും അലട്ടുന്നത്. ഒരു ചെറിയ തലവേദന പോലും കൊറോണവൈറസ്സിന്റെ ലക്ഷണമായി തെറ്റിദ്ധരിക്കപ്പെടാറുണ്ട്. എന്നാല് തലവേദനയ്ക്ക് കാരണങ്ങള് പലതാണ്. നിങ്ങളുടെ തലവേദന കൊറോണവൈറസ് ലക്ഷണമാണ് എന്ന് ഉറപ്പിക്കുന്നതിന് മുമ്പായി, ഈ കാര്യങ്ങള് മനസ്സിലാക്കിയിരിക്കുക.
കോവിഡ്19 ന്റെ ലക്ഷണങ്ങളിലൊന്നാണ് തലവേദനയാണ് എന്നതിനാല്, തലവേദന ഉണ്ടാകുമ്പോള് ആശങ്ക തോന്നുന്നത് ഈ ഘട്ടത്തില് സ്വാഭാവികമാണ്. കൊവിഡ്19 ന്റെ ഏറ്റവും സാധാരണമായ ലക്ഷണങ്ങളായ വരണ്ട ചുമ, പനി, കടുത്ത ക്ഷീണം, മണം അല്ലെങ്കില് രുചിയുടെ അഭാവം എന്നിവയില് തലവേദന ഉള്പ്പെടുന്നില്ല. എന്നിരുന്നാലും, കോവിഡ്19 രോഗബാധിതനായ ഏകദേശം 14 ശതമാനം ആളുകള്ക്കും തലവേദന അനുഭവപ്പെട്ടിട്ടുണ്ടെന്ന് ലോകാരോഗ്യ സംഘടനയുടെ കണക്കുകള് വ്യക്തമാക്കുന്നു.
തലവേദനയെക്കുറിച്ച് പരിഭ്രാന്തരാകുന്നതിനുമുമ്പ്, നിങ്ങളുടെ തലവേദന വരുമ്പോള് സാധാരണയില് നിന്ന് എന്തെങ്കിലുമും മാറ്റമുണ്ടോ എന്ന് പരിശോധിക്കുക. നിങ്ങളുടെ പതിവ് തലവേദന അല്ലെങ്കില് മൈഗ്രെയ്ന് തലവേദന വരുമ്പോള് കൊവിഡ്19 രോഗത്തിന്റെ സാധാരണ ലക്ഷണങ്ങളായ പനി, വരണ്ട ചുമ, മണം, രുചി എന്നിവ നഷ്ടപ്പെടല് എന്നിവയില് ഏതെങ്കിലും ലക്ഷണങ്ങള് അതിന്റെ കൂടെ അനുഭവപ്പെടുന്നില്ല എന്നുണ്ടെങ്കില് ഭയപ്പെടേണ്ടതില്ല, ഇത് ഒരു സാധാരണ തലവേദനയാണ്.
കോവിഡ്19 മൂലമുണ്ടാകുന്ന തലവേദന വരുമ്പോള് നിങ്ങളുടെ തലയ്ക്ക് ചുറ്റും ഇറുകിയതും ഞെരുക്കുന്നതുമായ ഒരു തോന്നല് അനുഭവപ്പെടാം. ഇതിന്റെ ഭാഗമായി വരുന്ന സൈറ്റോകൈന് സ്റ്റോം എന്ന അവസ്ഥ കാരണം വീക്കം, വേദന എന്നിവ ഉണ്ടാകാമെന്ന് വിദഗ്ദ്ധര് കരുതുന്നു. മൊത്തത്തില്, തലവേദന മുമ്പത്തേതിനേക്കാള് വ്യത്യസ്തമായ രീതിയില് അനുഭവപ്പെടുകയോ അല്ലെങ്കില് വിശദീകരിക്കാനാകാത്ത വിധം ക്ഷീണം, ശരീരവേദന, തളര്ച്ച തുടങ്ങിയ സൂക്ഷ്മ ലക്ഷണങ്ങളോടൊപ്പമോ ഉണ്ടാകുന്നില്ലെങ്കില് അത് ആശങ്കയുളവാക്കുന്നില്ല.
എന്നിരുന്നാലും, നിങ്ങളുടെ തലവേദന സാധാരണമല്ലാത്തതാണെന്നും, ഇത് കുഴപ്പമാണ് എന്ന തരത്തിലുള്ള എന്തെങ്കിലും ലക്ഷണങ്ങള് ഉണ്ടെന്നും നിങ്ങള്ക്ക് തോന്നുന്നുവെങ്കില്, കൊറോണ വൈറസിന്റെ മറ്റ് ലക്ഷണങ്ങളും അടയാളങ്ങളും ഇതോടൊപ്പം ചേര്ത്ത് പരിശോധിച്ച്, നിങ്ങളുടെ അടുത്തുള്ള ആരോഗ്യ വിദഗ്ദ്ധരുമായി ബന്ധപ്പെടുക.
Health
തമിഴ്നാട്ടിലെ കര്ഷകര്ക്കിടയില് വൃക്കരോഗം വര്ധിക്കുന്നു; മുന്നറിയിപ്പുമായി ലാന്സെറ്റ് പഠന റിപ്പോര്ട്ട്
ലാന്സെറ്റ് ( The Lancet ) പ്രസിദ്ധീകരിച്ച റിപ്പോര്ട്ടനുസരിച്ച് സംസ്ഥാനത്തെ 5.13 ശതമാനം കര്ഷകര്ക്ക് വൃക്കസംബന്ധമായ അസുഖങ്ങള് കണ്ടത്തിയിട്ടുണ്ട്.
ചെന്നൈ: തമിഴ്നാട്ടിലെ കര്ഷകരില് വൃക്കരോഗം ആശങ്കാജനകമായി വര്ധിക്കുന്നതായി പുതിയ പഠനം വെളിപ്പെടുത്തുന്നു. പ്രശസ്ത മെഡിക്കല് ജേണലായ ലാന്സെറ്റ് ( The Lancet ) പ്രസിദ്ധീകരിച്ച റിപ്പോര്ട്ടനുസരിച്ച് സംസ്ഥാനത്തെ 5.13 ശതമാനം കര്ഷകര്ക്ക് വൃക്കസംബന്ധമായ അസുഖങ്ങള് കണ്ടത്തിയിട്ടുണ്ട്. മദ്രാസ് മെഡിക്കല് കോളേജ് നെഫ്രോളജി വിഭാഗത്തിന്റെ നേതൃത്വത്തിലാണ് ഈ പഠനം 2023 ഓഗസ്റ്റ്-സെപ്റ്റംബര് മാസങ്ങളില് നടത്തിയത്. 125 ഗ്രാമങ്ങളിലെ 3350 കര്ഷക തൊഴിലാളികളുടെ വൃക്കകളുടെ പ്രവര്ത്തനം വിലയിരുത്തിയപ്പോള് 17 ശതമാനം പേര്ക്ക് വൃക്കരോഗത്തിന്റെ ലക്ഷണങ്ങള് കണ്ടെത്തി. ആരോഗ്യപരിപാലന മാര്ഗ്ഗനിര്ദ്ദേശങ്ങള് നല്കിയ ശേഷം മൂന്ന് മാസത്തിന് ശേഷമുള്ള പുനര്പരിശോധനയില് ഈ നിരക്ക് 5.31 ശതമാനമായി കുറഞ്ഞു. ഗണ്യമായ കാര്യം രോഗം കണ്ടെത്തിയവരില് പകുതിയലധികം പേര്ക്ക് പ്രമേഹം, രക്തസമ്മര്ദ്ദം, ഹൃദ്രോഗം, ജനിതക വൈകല്യങ്ങള് തുടങ്ങിയവ ഉണ്ടായിരുന്നില്ല എന്നതാണ്. നേരിട്ടുള്ള സൂര്യപ്രകാശത്തില് ദീര്ഘനേരം ജോലി ചെയ്യുന്നതാണ് വൃക്കകളുടെ പ്രവര്ത്തനത്തെ ദോഷകരമായി ബാധിക്കുന്നതെന്ന് പഠനത്തിന് നേതൃത്വം നല്കിയ സംസ്ഥാന അവയവമാറ്റ കമ്മിഷന്റെ സെക്രട്ടറി ഡോ.എന്. ഗോപാലകൃഷ്ണന് വ്യക്തമാക്കി. അത്യുഷ്ണമായ സാഹചര്യങ്ങളില് ജോലി ചെയ്യുന്ന കര്ഷകര്, നിര്മ്മാണ തൊഴിലാളികള്, ഇഷ്ടിച്ചൂള തൊഴിലാളികള്, കീടനാശിനി തളിക്കുന്നവര്, ഉപ്പുനിര്മ്മാണ മേഖലയിലെ ജോലിക്കാര് തുടങ്ങിയവര്ക്ക് ഈ അപകടം കൂടുതലാണെന്ന് റിപ്പോര്ട്ട് വ്യക്തമാക്കുന്നു. ദിവസേന കഠിന ചൂടില് ജോലി ചെയ്യുമ്പോള് ശരീരത്തിലെ ജലാംശം നഷ്ടപ്പെടുന്നത്. (ഡീഹൈഡ്രേഷന്) വൃക്കകളില് സമ്മര്ദ്ദം സൃഷ്ടിക്കുന്നു. പ്രാരംഭഘട്ടത്തില് രോഗലക്ഷണങ്ങള് പ്രകടമാകത്തതിനാല് കര്ഷകര്ക്ക് അപകടം തിരിച്ചറിയാന് വൈകുന്നു. ഇത്തരം തൊഴിലുകളില് ഏര്പ്പെടുന്നവര് മതിയായ വെള്ളം കുടിക്കുകയും, ചെറിയ അസ്വസ്ഥതകള് കാണിച്ചാല് ഉടന് തന്നെ രക്ത പരിശോധന, യൂറിയ, ക്രിയാറ്റിന്, മൂത്ര പരിശോധന എന്നിവ നടത്തുകയും ചെയ്യണമെന്നും റിപ്പോര്ട്ടില് നിര്ദ്ദേഷിക്കുന്നു. ചൂടും നിര്ജലീകരണവും ചേര്ന്നതാണ് കര്ഷകര്ക്കിടയിലെ വൃക്കരോഗ വര്ധനവിന് പ്രധാന കാരണമെന്ന് പഠനം വ്യകതമാക്കുന്നു.
Health
അമീബിക് മസ്തിഷ്ക ജ്വരം ബാധിച്ച് ഒരാള് കൂടി മരിച്ചു
കോഴിക്കോട് മെഡിക്കല് കോളജില് ചികിത്സയിലായിരുന്ന മലപ്പുറം വണ്ടൂര് തിരുവാലി സ്വദേശി എം. ശോഭന ആണ് മരിച്ചത്.
സംസ്ഥാനത്ത് അമീബിക് മസ്തിഷ്കജ്വരം ബാധിച്ച് ഒരാള് കൂടി മരിച്ചു. കോഴിക്കോട് മെഡിക്കല് കോളജില് ചികിത്സയിലായിരുന്ന മലപ്പുറം വണ്ടൂര് തിരുവാലി സ്വദേശി എം. ശോഭന ആണ് മരിച്ചത്. സംസ്ഥാനത്ത് രോഗം ബാധിച്ച് ഒരുമാസത്തിനിടെ അഞ്ചു പേരാണ് മരിച്ചത്. ഈ മാസം നാലിനാണ് ശോഭനക്ക് രോഗം സ്ഥിരീകരിച്ചത്.
കഴിഞ്ഞ ദിവസം രോഗം ബാധിച്ച് കോഴിക്കോട് മെഡിക്കല് കോളജ് വെന്റിലേറ്ററില് കഴിഞ്ഞിരുന്ന വയനാട് സുല്ത്താന് ബത്തേരി സ്വദേശി മരിച്ചിരുന്നു. രണ്ടാഴ്ച മുമ്പ് മൂന്ന് മാസം പ്രായമായ കുഞ്ഞ് അമീബിക് മസ്തിഷ്ക ജ്വരം ബാധിച്ച് മരണപ്പെട്ടിരുന്നു. മൂന്ന് മാസം പ്രായമായ ആണ്കുഞ്ഞും വേങ്ങര സ്വദേശി റംലയുമാണ് മരിച്ചത്. നിലവില് കോഴിക്കോട് മെഡിക്കല് കോളജില് രോഗം ബാധിച്ച് 10 പേരാണ് ചികിത്സയില് കഴിയുന്നത്.
അമീബിക് മസ്തിഷ്ക ജ്വരം ബാധിച്ച് മരിച്ച മൂന്നു പേരെയും നെഗ്ലേറിയ എന്ന വിഭാഗത്തില്പ്പെട്ട അമീബയാണ് ബാധിച്ചതെന്ന് കോഴിക്കോട് മെഡിക്കല് കോളജ് പ്രിന്സിപ്പല് വ്യക്തമാക്കിയിരുന്നു.
Health
ചൈനയില് വീണ്ടും പകര്ച്ചവ്യാധി വ്യാപിക്കുന്നുവോ?, ആശുപത്രികള് രോഗികളാല് തിങ്ങിനിറയുന്നു, ആശങ്കയോടെ ലോകം
രാജ്യത്തുടനീളം ഹ്യൂമന് മെറ്റാപ്ന്യൂമോവൈറസ് (എച്ച്എംപിവി) പടരുന്നതായി സാമൂഹ്യ മാധ്യമ പോസ്റ്റുകളില് പറയുന്നു
കോവിഡ് മഹാമാരി സ്ഥിരീകരിച്ച് അഞ്ച് വര്ഷം പൂര്ത്തീകരിക്കുന്നതിനിടെ ചൈനയില് വീണ്ടും ആശങ്ക പരത്തി പുതിയ പകര്ച്ചവ്യാധി വ്യാപിക്കുന്നു. രാജ്യത്തുടനീളം ഹ്യൂമന് മെറ്റാപ്ന്യൂമോവൈറസ് (എച്ച്എംപിവി) പടരുന്നതായി സാമൂഹ്യ മാധ്യമ പോസ്റ്റുകളില് പറയുന്നു. ഹ്യൂമന് മെറ്റാപ്ന്യൂമോവൈറസ്, ഇന്ഫ്ലുവന്സ എ, കോവിഡ്19 വൈറസുകള് എന്നിങ്ങനെ ഒന്നിലധികം വൈറസ് ബാധകള് ചൈനയിലുണ്ടെന്ന റിപ്പോര്ട്ടുകള് പുറത്തുവരുന്നുണ്ട്.
പുതിയ വൈറസ് വ്യാപിച്ചതിനെ തുടര്ന്ന് മരണസംഖ്യ വര്ധിച്ചിരിക്കുകയാണ്. അതേസമയം പുതിയ മഹാമാരി സ്ഥിരീകരിക്കുകയോ ജാഗ്രത പാലിക്കണമെന്ന് മുന്നറിയിപ്പ് നല്കുകയോ ആരോഗ്യ അടിയന്തരാവസ്ഥ പ്രഖ്യാപിക്കുകയൊ ചൈനീസ് ആരോഗ്യ അധികാരികളും ലോകാരോഗ്യ സംഘടനയും ചെയ്തിട്ടില്ല. ചൈനയിലേതാണെന്ന അടിക്കുറിപ്പോടെ സോഷ്യല്മീഡിയയില് വ്യാപകമായി പ്രചരിക്കുന്ന വീഡിയോയില് ഒരു ആശുപത്രിയില് മാസ്ക് ധരിച്ച രോഗികള് തിങ്ങിനിറഞ്ഞിരിക്കുന്നത് കാണാം. ചിലര് ചുമയ്ക്കുന്നുമുണ്ട്. എന്നാല് ചിത്രീകരണത്തിന്റെ ഉറവിടമൊ തിയതിയോ വ്യക്തമല്ല. മറ്റൊരു വീഡിയോയില് ആശുപത്രിയിലെ ഇടനാഴി മുഴുവന് മുതിര്ന്ന ആളുകളെക്കൊണ്ട് നിറഞ്ഞിരിക്കുന്നു. 12 മില്യണ് പേരാണ് ഈ വീഡിയേ കണ്ടിരിക്കുന്നത്. ”ഇന്ഫ്ലുവന്സ എ, ഹ്യൂമന് മെറ്റാപ്ന്യൂമോവൈറസ് എന്നീ വൈറസുകളുടെ വ്യാപനത്തെ തുടര്ന്ന് ചൈനയിലെ ആശുപത്രികള് നിറഞ്ഞിരിക്കുന്നു. മൂന്ന് വര്ഷം മുന്പത്തെ ചൈനയിലെ കോവിഡ് കാലത്തെയാണ് ഇത് സൂചിപ്പിക്കുന്നത്” എന്ന് പോസ്റ്റില് പറയുന്നു.
ഉറവിടം വ്യക്തമല്ലാത്ത ന്യുമോണിയ കേസുകള് നിരീക്ഷിച്ചു വരിയാണെന്നാണ് ചൈനയുടെ രോഗ നിയന്ത്രണ അതോറിറ്റി റോയിട്ടേഴ്സിനോട് വ്യക്തമാക്കി. നാഷണല് ഡിസീസ് കണ്ട്രോള് ആന്ഡ് പ്രിവന്ഷന് അഡ്മിനിസ്ട്രേഷന് ലബോറട്ടറികള്ക്ക് കേസുകള് പരിശോധിക്കാനും സ്ഥിരീകരിക്കാനുമുള്ള ചട്ടവും മാര്ഗനിര്ദേശങ്ങളും പുറത്തിറക്കിയിട്ടുണ്ട്. പൊതുസ്ഥലങ്ങളില് മാസ്ക് ധരിക്കാനും സാമൂഹിക അകലം പാലിക്കാനും നിര്ദേശം നല്കിയതായും അധികൃതര് വ്യക്തമാക്കി.
അക്യൂട്ട് റെസ്പിറേറ്ററി രോഗങ്ങളുടെ ഡാറ്റ ഡിസംബര് 16 മുതല് 22 വരെയുള്ള വാരത്തില് അണുബാധകളുടെ വര്ധനവ് കാണിക്കുന്നതായി വ്യാഴാഴ്ച പുറത്തിറക്കിയ ഔദ്യോഗിക പ്രസ്താവനയില് നല്കിയിട്ടുണ്ട്. ശൈത്യകാലത്തും വസന്തകാലത്തും ചൈനയെ വിവിധ ശ്വാസകോശ സംബന്ധമായ പകര്ച്ചവ്യാധികള് ബാധിക്കാന് സാധ്യതയുണ്ടെന്ന് മറ്റൊരു ഉദ്യോഗസ്ഥനായ കന് ബിയാവോ വാര്ത്താ സമ്മേളനത്തില് പറഞ്ഞു. അടുത്തിടെ കണ്ടെത്തിയ കേസുകളില് റിനോവൈറസ്, ഹ്യൂമന് മെറ്റാപ്ന്യൂമോവൈറസ് തുടങ്ങിയ രോഗാണുക്കളും ഉള്പ്പെടുന്നു. പ്രത്യേകിച്ച് വടക്കന് പ്രവിശ്യകളില് 14 വയസിന് താഴെയുള്ളവരില് ഹ്യൂമന് മെറ്റാപ്ന്യൂമോവൈറസ് കേസുകള് വര്ധിച്ചിട്ടുണ്ട്. ഹ്യൂമന് മെറ്റാപ്ന്യൂമോവൈറസ് ബാധിച്ചവര്ക്ക് ആന്റിവൈറല് മരുന്നുകള് നല്കുന്നതിനെതിരെ ഷാങ്ഹായ് ആശുപത്രിയിലെ ഡോക്ടര് മുന്നറിയിപ്പ് നല്കിയിട്ടുണ്ട്.
ഹ്യൂമന് മെറ്റാപ്ന്യൂമോവൈറസ് (HMPV) സാധാരണയായി ജലദോഷത്തിന് സമാനമായ ലക്ഷണങ്ങള് ഉണ്ടാക്കുന്ന ഒരു വൈറസാണ്. ചെറിയ കുട്ടികള്, പ്രായമായവര്, പ്രതിരോധശേഷി കുറഞ്ഞവര് എന്നിവരില് രോഗം ഗുരുതരമാകാന് സാധ്യതയുണ്ട്. ചുമയ്ക്കുമ്പോഴോ തുമ്മുമ്പോഴോ പുറത്തുവരുന്ന സ്രവങ്ങളിലൂടെ പടരുന്നതിനാല് പെട്ടെന്ന് രോഗം പകരാനുള്ള സാധ്യത കൂടും. രോഗബാധിതരുമായുള്ള അടുത്ത സമ്പര്ക്കം മൂലവും രോഗം പകരാം. ചുമ, പനി, ശ്വാസം മുട്ടല് തുടങ്ങിയവയാണ് രോഗത്തിന്റെ ലക്ഷണങ്ങള്. എച്ച്എംപിവിക്കെതിരെ വാക്സിന് ലഭ്യമല്ല. നിലവില് രോഗലക്ഷണങ്ങള് കുറയ്ക്കാനുള്ള ചികില്സയാണ് നല്കി വരുന്നത്.
-
world1 day agoയു കെ പ്രവിസികളുടെ കരുത്തും കരുതലും -ബ്രിട്ടൻ കെഎംസിസി
-
world2 days agoക്യൂബയ്ക്കെതിരായ സാമ്പത്തിക ഉപരോധം പിന്വലിക്കണം: യു.എന്
-
kerala1 day ago‘ഓരോ ഹിന്ദു സഖാവും ഇത് ഉറക്കെ ചോദിക്കണം’; പാലത്തായി കേസിൽ വർഗീയ പരാമർശം നടത്തിയ സിപിഎം നേതാവിനെ പിന്തുണച്ച് കെ.പി ശശികല
-
kerala3 days agoപാലത്തായി കേസ്; പെൺകുട്ടിയെ മാനസികമായി പീഡിപ്പിച്ച കൗൺസലറെ സസ്പെൻഡ് ചെയ്തു
-
Health1 day agoബിഹാറിലെ അമ്മമാരുടെ മുലപ്പാലിൽ യുറേനിയം; ശിശുക്കൾക്ക് ഗുരുതര ആരോഗ്യപ്രശ്നങ്ങൾ ഉണ്ടാക്കുമെന്ന് പഠനം
-
kerala3 days agoതൃശൂര് ബി.ജെ.പിയില് തമ്മില്ത്തല്ല്; കൗണ്സിലര്ക്ക് അവസാന നിമിഷം സീറ്റ് നഷ്ടം, പകരം ആര്.എസ്.എസ് നേതാവിന്റെ മകള് സ്ഥാനാര്ത്ഥി
-
Cricket1 day agoരാഹുൽ റിട്ടേൺസ്; ദക്ഷിണാഫ്രിക്കക്കെതിരായ ഏകദിന സ്ക്വാഡ് പ്രഖ്യാപിച്ചു; കെഎൽ രാഹുൽ ഇന്ത്യയെ നയിക്കും
-
india2 days agoനൈജീരിയയിലെ സ്കൂളില് അതിക്രമം: 303 വിദ്യാര്ത്ഥികളെയും 12 അധ്യാപകരെയും തട്ടിക്കൊണ്ടുപോയി