നീലഗിരി; തമിഴ്‌നാട് നീലഗിരിയില്‍ കാട്ടാനയുടെ ആക്രമണത്തില്‍ ഒരാള്‍ മരിച്ചു. ശിവനന്ദി എന്നയാളാണ് മരിച്ചത്. ഒവാലിയില്‍ ഞായറാഴ്ച രാവിലെയാണ് സംഭവം. രാവിലെ ജോലിക്ക് പോകുന്നതിനിടെ തോട്ടത്തില്‍വെച്ച് കാട്ടാന ശിവനന്ദിയെ ആക്രമിക്കുകയായിരുന്നു.
കഴിഞ്ഞ ആഴ്ചകളിലും പ്രദേശത്ത് വന്യജീവികളുടെ സാന്നിധ്യം ഉണ്ടായിരുന്നു. കടുവയും പുലിയുമടക്കമുള്ള ജീവികളുടെ സാന്നിധ്യമുള്ളതായാണ് നാട്ടുകാര്‍ പറയുന്നത്. വന്യമൃഗങ്ങള്‍ നാട്ടിലിറങ്ങുന്നത് തടയാന്‍ അധികൃതര്‍ നടപടിയെടുക്കുന്നില്ലെന്ന പരാതിയും വ്യാപകമാണ്.