Video Stories
‘സിനിമയുടെ ക്ലൈമാക്സ് രംഗങ്ങളില് നിന്ന് പലരും ഒഴിവാക്കുമായിരുന്നു’; തുറന്നുപറഞ്ഞ് ഇന്ദ്രന്സ്
മലയാളസിനിമയുടെ ചിരിയുടെ രൂപമായിരുന്നു ഒരു കാലത്ത് നടന് ഇന്ദ്രന്സ്. ഒട്ടേറെ വേഷങ്ങളിലൂടെ മലയാളികളെ ചിരിപ്പിച്ച നടന്. സുരേന്ദ്രന് എന്ന തയ്യല്ക്കാരനില് നിന്നും ഇന്ദ്രന്സ് എന്ന നടനിലേക്കെത്തിയപ്പോള് സിനിമാമേഖലയില് ഉണ്ടായ അനുഭവങ്ങള് പങ്കുവെക്കുകയാണ് ഇന്ദ്രന്സ്. പല സിനിമകളുടേയും ക്ലൈമാക്സ് രംഗങ്ങളില് നിന്ന് മാറ്റി നിര്ത്തിയതിനെക്കുറിച്ച് ഒരു പ്രമുഖ ചാനലിന് നല്കിയ അഭിമുഖത്തില് ഇന്ദ്രന്സ് പറയുന്നു.
സിനിമയുടെ ക്ലൈമാക്സ് രംഗങ്ങളില് നിന്നും പലപ്പോഴും ഒഴിവാക്കാറുണ്ടായിരുന്നു. പ്രത്യേകിച്ച് ഗൗരവമുള്ള സിനിമകളില് നിന്ന്. ഇന്ദ്രന്സ് ഇതില് നില്ക്കേണ്ട, ചുമ്മാ നിന്നാല് മതി പുള്ളി ചിരിക്കും. അതുകൊണ്ട് ചിത്രത്തിന്റെ സീരിയസ്നെസ് പോകുമെന്നൊക്കെ സംവിധായകര് പറയാറുണ്ടായിരുന്നു. അപ്പോഴൊക്കെ വിഷമം തോന്നിയിട്ടുണ്ടെന്നും ഇന്ദ്രന്സ് പറയുന്നു. സിനിമയില് രൂപം മാറ്റണമെന്നൊന്നും ആദ്യഘട്ടങ്ങളില് തോന്നിയിരുന്നില്ല. എന്നാല് ക്ലൈമാക്സ് രംഗങ്ങളില് നിന്നൊക്കെ മാറ്റി നിര്ത്തപ്പെടുമ്പോള് രൂപം മാറ്റണമെന്നൊക്കെ പിന്നീട് തോന്നിയിട്ടുണ്ടെന്നും ഇന്ദ്രന്സ് വെളിപ്പെടുത്തുന്നു.
ആദ്യസമയത്ത് നല്ല സംവിധായകന്മാര്ക്കൊപ്പം പ്രവര്ത്തിക്കുമ്പോള് അധികം പണിയൊന്നുമുണ്ടായിരുന്നില്ല. അവര്ക്ക് വശംവദനായി കൊടുത്താലും നല്ല നല്ല ക്യാരക്ടറുകള് ചെയ്തുപോകുകയായിരുന്നു. അതൊക്കെ എനിക്കും ആസ്വദിച്ചു ചിരിക്കാനൊക്കെയുണ്ടായിരുന്നുവെന്നും അതുകൊണ്ട് രൂപത്തെക്കുറിച്ചൊന്നും കൂടുതല് ശ്രദ്ധിക്കാന് പറ്റിയില്ലെന്നും താരം പറയുന്നു.
Health
എഐ സഹായത്തോടെ ശ്വാസകോശ അര്ബുദം നേരത്തേ കണ്ടെത്താം; നൂതന രക്തപരിശോധന വികസിപ്പിച്ച് ബ്രിട്ടീഷ് ഗവേഷകര് സഹായത്തോടെ ശ്വാസകോശ അര്ബുദം നേരത്തേ കണ്ടെത്താം; നൂതന രക്തപരിശോധന വികസിപ്പിച്ച് ബ്രിട്ടീഷ് ഗവേഷകര്
ശ്വാസകോശ അര്ബുദ കോശങ്ങള്ക്ക് സാധാരണ കോശങ്ങളില് നിന്ന് വ്യത്യസ്തമായ കെമിക്കല് ഫിംഗര്പ്രിന്റ് ഉണ്ടെന്ന് പഠനത്തില് കണ്ടെത്തി
ലണ്ടന്: ശ്വാസകോശ അര്ബുദം (ലങ് കാന്സര്) നേരത്തേ കണ്ടെത്താനും രോഗത്തിന്റെ പുരോഗതി നിരീക്ഷിക്കാനും സഹായിക്കുന്ന നൂതന ഐഎ അധിഷ്ഠിത രക്തപരിശോധന വികസിപ്പിച്ച് യുകെയിലെ ഗവേഷകര്. ‘ ലങ്കാന്സീക്ക് ‘ (LungCanSeek) എന്ന് പേരിട്ടിരിക്കുന്ന ഈ പരിശോധന രോഗനിര്ണയത്തിലെ കാലതാമസം കുറയ്ക്കാനും ചികിത്സ കൂടുതല് ഫലപ്രദമാക്കാനും സഹായിക്കുമെന്ന് ഗവേഷകസംഘം വ്യക്തമാക്കി.
യൂണിവേഴ്സിറ്റി ഹോസ്പിറ്റല്സ് ഓഫ് നോര്ത്ത് മിഡ്ലാന്ഡ്സ് എന്എച്ച്എസ് ട്രസ്റ്റ് (UHNM), കീലെ സര്വകലാശാല, ലോഫ്ബറോ സര്വകലാശാല എന്നിവിടങ്ങളിലെ ഗവേഷകരാണ് ഈ കണ്ടുപിടിത്തത്തിന് പിന്നില്. ഫ്യൂറിയര് ട്രാന്സ്ഫോം ഇന്ഫ്രാറെഡ് (FT-IR) മൈക്രോസ്പെക്ട്രോസ്കോപ്പി എന്ന അത്യാധുനിക സാങ്കേതികവിദ്യയാണ് രക്തപരിശോധനയില് ഉപയോഗിക്കുന്നത്.
ട്യൂമറില് നിന്ന് വേര്പെട്ട് രക്തത്തിലൂടെ സഞ്ചരിക്കുന്ന കാന്സര് കോശങ്ങളെ (Circulating Tumor Cells-CTS) കണ്ടെത്താന് നിലവില് ഉപയോഗിക്കുന്ന രീതികള് സങ്കീര്ണ്ണവും ചെലവേറിയതുമാണ്. പലപ്പോഴും ഈ കോശങ്ങള് രക്തത്തിലെത്തുമ്പോള് ആകൃതിയിലും സ്വഭാവത്തിലും മാറ്റം സംഭവിക്കുന്നതിനാല് കണ്ടെത്താന് കഴിയാതെ പോകാറുണ്ട്. എന്നാല് രക്തത്തിലെ ഓരോ കോശത്തിനും പ്രത്യേകം കെമിക്കല് ഫിംഗര്പ്രിന്റ് ഉണ്ടെന്നും, അത് തിരിച്ചറിയാനാണ് പുതിയ പരിശോധന രൂപകല്പ്പന ചെയ്തിരിക്കുന്നതെന്നും ഗവേഷകര് വിശദീകരിച്ചു.
ശ്വാസകോശ അര്ബുദ കോശങ്ങള്ക്ക് സാധാരണ കോശങ്ങളില് നിന്ന് വ്യത്യസ്തമായ കെമിക്കല് ഫിംഗര്പ്രിന്റ് ഉണ്ടെന്ന് പഠനത്തില് കണ്ടെത്തി. ഐഎ ഉപയോഗിച്ച് ഈ ഡാറ്റ ഡിജിറ്റലായി വിശകലനം ചെയ്യുമ്പോള്, ദശലക്ഷക്കണക്കിന് സാധാരണ കോശങ്ങള്ക്കിടയില് നിന്ന് ഒരു കാന്സര് കോശത്തെ പോലും കണ്ടെത്താന് സാധിക്കുമെന്ന് ഗവേഷകര് പറയുന്നു.
1,814 പേരെ ഉള്പ്പെടുത്തി നടത്തിയ പഠനത്തില് 1,095 പേര് ശ്വാസകോശ അര്ബുദബാധിതരും 719 പേര് കാന്സര് ഇല്ലാത്തവരുമായിരുന്നു. ലങ്കാന്സീക്ക് പരിശോധനയില് ഐഎ പോസിറ്റീവ് ആയി കണ്ടെത്തിയവരെ പിന്നീട് കുറഞ്ഞ ഡോസ് CT സ്കാന് (LDCT) ഉപയോഗിച്ച് സ്ഥിരീകരിച്ചു.
ഈ പുതിയ സമീപനം ഡോക്ടര്മാര്ക്ക് ശ്വാസകോശ അര്ബുദം തുടക്കഘട്ടത്തില് തന്നെ കണ്ടെത്താന് സഹായിക്കുമെന്നും അതോടൊപ്പം അനാവശ്യ സ്കാനുകളും ചികിത്സാചെലവും കുറയ്ക്കാന് കഴിയുമെന്നും ഗവേഷകര് വ്യക്തമാക്കി.
kerala
സംസ്ഥാനത്ത് ഇന്ന് സ്വര്ണ വിലയില് നേരിയ ഇടിവ്
ഒരു പവന് സ്വര്ണത്തിന് ഇന്ന് 80 രൂപയാണ് കുറഞ്ഞിരിക്കുന്നത്.
തിരുവനന്തപുരം: സംസ്ഥാനത്തെ സ്വര്ണവിലയില് ഇന്ന് നേരിയ ഇടിവ്. ഒരു പവന് സ്വര്ണത്തിന് ഇന്ന് 80 രൂപയാണ് കുറഞ്ഞിരിക്കുന്നത്. ഗ്രാമിന് 10 രൂപയും കുറഞ്ഞു. ഇതോടെ സംസ്ഥാനത്ത് ഒരു ഗ്രാം സ്വര്ണത്തിന്റെ വില 11935 രൂപയായി. ഒരു പവന് സ്വര്ണത്തിന് ഇന്ന് 95480 രൂപയും നല്കേണ്ടതായി വരും.
ലോകത്തെ ഏറ്റവും വലിയ സ്വര്ണ ഉപഭോക്താക്കളാണ് ഇന്ത്യ. ഓരോ വര്ഷവും ടണ് കണക്കിന് സ്വര്ണം രാജ്യത്ത് ഇറക്കുമതി ചെയ്യപ്പെടുന്നു. അതുകൊണ്ട് ആഗോള വിപണിയില് സംഭവിക്കുന്ന ചെറിയ ചലനങ്ങള് പോലും അടിസ്ഥാനപരമായി ഇന്ത്യയിലെ സ്വര്ണവിലയില് പ്രതിഫലിക്കും.
kerala
പാലക്കാട് ബ്ലോക്ക് പഞ്ചായത്ത് യുഡിഎഫ് സ്ഥാനാര്ത്ഥിക്കും സംഘത്തിനും നേരെ ആക്രമണം; ഒരാള്ക്ക് ഗുരുതര പരിക്ക്
പിന്നില് ബിജെപിയെന്ന് കോണ്ഗ്രസ്
പാലക്കാട്: പാലക്കാട് ബ്ലോക്ക് പഞ്ചായത്ത് യുഡിഎഫ് സ്ഥാനാര്ത്ഥിക്കും സംഘത്തിനും നേരെ ആക്രമണം. പാലക്കാട് കല്ലേക്കാടാണ് സംഭവം. പാലക്കാട് ഡിസിസി സെക്രട്ടറി നന്ദബാലന്റെ വീട്ടിലേക്ക് അതിക്രമിച്ചുകയറിയാണ് ഒരു സംഘം ആക്രമണം നടത്തിയത്. പാലക്കാട് ബ്ലോക്ക് പഞ്ചായത്ത് യുഡിഎഫ് സ്ഥാനാര്ത്ഥിക്കും സംഘത്തിനും നേരെയാണ് ആക്രമണമുണ്ടായത്. സംഭവത്തില് ഒരാളുടെ കണ്ണിന് ഗുരുതര പരിക്കേറ്റു. ആക്രമണത്തിന് പിന്നില് ബിജെപി ആണെന്ന് കോണ്ഗ്രസ് ആരോപിച്ചു.
സംഭവത്തില് അഞ്ച് ബിജെപി പ്രവര്ത്തകരെ പൊലീസ് കസ്റ്റഡിയിലെടുത്തിട്ടുണ്ട്. കല്ലേക്കാട് സ്വദേശികളായ അഞ്ച് ബിജെപി പ്രവര്ത്തകരെയാണ് പാലക്കാട് ടൗണ് നോര്ത്ത് പൊലീസ് കസ്റ്റഡിയിലെടുത്തത്. ഇന്ന് പുലര്ച്ചെ 12 മണിയോടെയാണ് ബിജെപി പ്രവര്ത്തകര് ബ്ലോക്ക് പഞ്ചായത്ത് യുഡിഎഫ് സ്ഥാനാര്ത്ഥി, ഡിസിസി സെക്രട്ടറി, കെഎസ്യു പ്രവര്ത്തകര് എന്നിവരെ ആക്രമിച്ചത്.
തദ്ദേശ തെരഞ്ഞെടുപ്പില് രണ്ടാംഘട്ട വോട്ടെടുപ്പ് നടക്കുന്നതിനിടെയാണ് ആക്രമണം. ഇന്ന് തൃശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളിലാണ് വോട്ടെടുപ്പ് നടക്കുന്നത്.
-
kerala3 days agoമതസഹോദര്യത്തിന്റെ പേരില് ക്ഷേത്ര നടയിലുള്ള ബാങ്ക് വിളി തടയണം, അടുത്ത വര്ഷം മുതല് പച്ചപ്പള്ളിയും പാടില്ല -കെ.പി.ശശികല
-
kerala2 days ago14 ജില്ലകളിലും തദ്ദേശ അംഗങ്ങളുമായി മുവായിരവും കടന്ന് മുസ്ലിം ലീഗ്
-
india3 days agoബിഹാറില് നിയമന ഉത്തരവ് കൈമാറുന്നതിനിടെ വനിത ഡോക്ടറുടെ നിഖാബ് വലിച്ചുമാറ്റി നിതീഷ് കുമാര്
-
kerala2 days agoരാഷ്ട്രപിതാവിന്റെ ഘാതകര് ഗാന്ധിജിയുടെ പേരിനെയും ഓര്മകളെയും ഭയക്കുന്നു; കേന്ദ്ര സര്ക്കാര് നടപടിയെ വിമര്ശിച്ച് പ്രതിപക്ഷ നേതാവ്
-
india3 days agoമെസ്സിയുടെ ഇന്ത്യാ പര്യടനത്തിന് കൊടിയിറക്കം; മോദിയുമായുള്ള കൂടിക്കാഴ്ച നടന്നില്ല
-
kerala3 days agoകുതിച്ചുയര്ന്ന് സ്വര്ണവില; ഒരുലക്ഷമാകാന് വെറും 720 രൂപ മാത്രം
-
india18 hours agoട്രെയിനുകളിൽ ലഗേജ് പരിധി: നിശ്ചിത പരിധി കടന്നാൽ അധിക ചാർജ് ഈടാക്കുമെന്ന് റെയിൽവേ മന്ത്രി
-
kerala3 days agoഇന്ത്യൻ സ്വാതന്ത്ര്യസമര ചരിത്രം ഞങ്ങളുടെ വർത്തമാനകാലത്തിന്റെ കണ്ണാടിയാണ്: പലസ്തീൻ അംബാസഡർ