തിരുവനന്തപുരം: സിപിഎം എന്ന പാര്ട്ടിയില് നിന്ന് ലഭിച്ചത് സങ്കടങ്ങള് മാത്രമെന്ന് സിപിഎം നേതാവും മുന് എംഎല്എയുമായ അയിഷ പോറ്റി. പാര്ട്ടി പ്രവര്ത്തനങ്ങളില് സജീവമല്ലെന്നു കാട്ടി സിപിഎം കൊട്ടാരക്കര ഏരിയ കമ്മിറ്റിയില്നിന്ന് അയിഷ പോറ്റിയെ ഒഴിവാക്കിയിരുന്നു. ഏരിയ സമ്മേളനത്തില്നിന്നു വിട്ടുനിന്ന അയിഷ പോറ്റി ഏറെനാളായി നേതൃത്വവുമായി അകല്ച്ചയിലാണ്. ഒന്നും ചെയ്യാനാകാതെ പാര്ട്ടിയില് നില്ക്കാനാകില്ലെന്നും. ഓടി നടന്നു ചെയ്യാന് കഴിയുന്നവര് തുടരട്ടെയെന്നുമായിരുന്നു മുന് നിലപാട്.
കെപിസിസി പ്രസിഡന്റ് സണ്ണി ജോസഫാണ് അയിഷ പോറ്റി കോണ്ഗ്രസില് മെമ്പര്ഷിപ്പ് കൈമാറിയത്. പാര്ട്ടിയുടെ അഭിമാനമായി തുടരുന്നതില് അയിഷ പോറ്റിക്ക് എല്ലാവിധ പിന്തുണയും ഉണ്ടാകുമെന്ന് കെ.സി വേണുഗോപാല് പറഞ്ഞു. കോണ്ഗ്രസ് കുടുംബത്തിലേക്ക് ക്ഷണിക്കുന്നതായി ദീപ ദാസ് മുന്ഷി പറഞ്ഞു.