Connect with us

Video Stories

ലോകം സാക്ഷി, ഇവന്‍ സിസു രണ്ടാമന്‍

Published

on

മാഡ്രിഡ്: ടീം ബെഞ്ചില്‍ സിസു…. രണ്ടാം പകുതിയില്‍ അദ്ദേഹം സബ്സ്റ്റിറ്റിയൂഷന് നിര്‍ദ്ദേശം നല്‍കി…. ക്യാമറാ കണ്ണുകള്‍ പുതിയ താരത്തിലേക്ക്…. മൈതാനത്തേക്ക് സീനിയര്‍ കുപ്പായത്തില്‍ കന്നി മല്‍സരത്തിനിറങ്ങുന്ന താരത്തിന് അരികിലെത്തി സിസു എന്തോ പറഞ്ഞു-എന്‍സോ സിദാന്‍ കളത്തിലിറങ്ങുകയാണ്…. തന്റെ മൂത്ത മകന്‍ മൈതാനത്തിറങ്ങുന്നതിന്റെ ടെന്‍ഷന്‍ പക്ഷേ സിസുവിന്റെ മുഖത്തില്ല….കോപ്പാ ഡെല്‍റേ ടൂര്‍ണമെന്റില്‍ റയല്‍ മാഡ്രിഡിനായി കളിച്ച സിദാന്റെ മകന്‍ എന്‍സോ അടങ്ങിയ ടീം 6-1 നാണ് കള്‍ച്ചറല്‍ ലിയോണിസയെ പരാജയപ്പെടുത്തിയത്.

ഇരു പാദങ്ങളിലായി ലിയോണിസയെ റയല്‍ 13-2 നാണ് പരാജപ്പെടുത്തിയത്. സിദാന്റെ നാല് മക്കളില്‍ മൂത്തയാളാണ് എന്‍സോ. മൂന്നാം ഡിവിഷന്‍ ക്ലബ്ബ് കള്‍ച്ചറല്‍ ലീയോണീസക്കെതിരെ ആദ്യ പാദത്തില്‍ 7-1ന്റെ ജയം നേടിയതിനാല്‍ ആദ്യ 16 ല്‍ ഇടം ഉറപ്പാക്കിയ ആത്മവിശ്വാസത്തിലാണ് 21 കാരന്‍ മകനെ സിദാന്‍ കളത്തിലിറക്കിയത്. സാന്റിയാഗോ ബെര്‍ണേബ്യു സ്‌റ്റേഡിയത്തില്‍ എന്‍സോ ഗോള്‍ സ്‌കോര്‍ ചെയ്തപ്പോള്‍ കാണികള്‍ എന്‍സോയെ കയ്യടികളോടെ സ്വീകരിക്കുകയും ചെയ്തു. റയലിന് വേണ്ടി അരങ്ങേറ്റം കുറിച്ചതിനൊപ്പം സ്‌കോര്‍ നേടാന്‍ കൂടി സാധിച്ചതില്‍ അഭിമാനമുണ്ടെന്ന് എന്‍സോ മത്സര ശേഷം പറഞ്ഞു. പിതാവിന്റെ പരിശീലനത്തിന്‍ കീഴിലായിരുന്നു വിജയം. ഇതും സന്തോഷം പകരുന്നുവെന്ന് എന്‍സോ കൂട്ടിച്ചേര്‍ത്തു.

അതേ സമയം പിതാവെന്ന നിലയിലും പരിശീലകനെന്ന നിലയിലും താന്‍ ഈ അവസരത്തില്‍ ഏറെ സന്തോഷവാനാണെന്നായിരുന്നു സിദാന്റെ പ്രതികരണം. പ്രീ സീസണ്‍ ടൂറില്‍ എന്‍സോയെ നേരത്തെ തന്നെ പരീക്ഷിച്ചിട്ടുള്ള സിദാന്‍ ഇതാദ്യമായാണ് ഒരു വലിയ മത്സരത്തിന് മകനെ രംഗത്തിറക്കുന്നത്. പകുതി കഴിഞ്ഞ് കളത്തില്‍ എത്തിയ എന്‍സോ 63-ാം മിനിട്ടില്‍ ഗോള്‍ സ്‌കോര്‍ ചെയ്തു. സിദാന്റെ മറ്റൊരു മകന്‍ ക്ലബ്ബിന്റെ യുവ ടീമിന്റെ ഗോള്‍കീപ്പറാണ്. പരിചയ സമ്പന്നരില്‍ മിക്കവരെയും പുറത്തിരുത്തി ടീമിനെ ഇറക്കിയ സിദാന്‍ നോര്‍വെ മിഡ്ഫീള്‍ഡര്‍ 17-ാകാരന്‍ മാര്‍ട്ടിന്‍ ഒഡേഗാര്‍ഡിനും അരങ്ങേറ്റത്തിന് അവസരം നല്‍കി. മരിയോ ഡയസ് ഹാട്രിക് നേടിയ മത്സരത്തില്‍ ജെയിംസ്, മോര്‍ഗാഡോ എന്നിവരായിരുന്നു റയലിന്റെ മറ്റ് ഗോള്‍ സ്‌കോറര്‍മാര്‍.

Continue Reading
Advertisement
Click to comment

Leave a Reply

Your email address will not be published. Required fields are marked *

Video Stories

എയിംസില്‍ സൈബര്‍ അക്രമണം- പിന്നില്‍ ചൈനയെന്ന് സൂചന

Published

on

ഡല്‍ഹിയിലെ ഓള്‍ ഇന്ത്യ ഇന്‍സ്റ്റിറ്റിയൂട്ട് ഓഫ് മെഡിക്കല്‍ സയന്‍സസില്‍ (എയിംസ്) സൈബര്‍ ആക്രമണം. ലക്ഷക്കണക്കിന് രോഗികളുടെ സ്വകാര്യ വിവരങ്ങള്‍ ചോര്‍ത്തിയതായി റിപ്പോര്‍ട്ട്. ചൈനീസ് ഹാക്കര്‍മാര്‍ നടത്തിയതായാണ് സൂചന. അഞ്ച് പ്രധാന സെര്‍വറുകളെ ലക്ഷ്യം വെച്ചതായി വൃത്തങ്ങള്‍ അറിയിച്ചു.

മോഷ്ടിച്ച ഡാറ്റകള്‍ ഇന്റര്‍നെറ്റിന്റെ ഡാര്‍ക്ക് വെബില്‍ വിറ്റതാകാനാണ് സാധ്യതയെന്ന് വിവരം. മോഷ്ടിച്ച എയിംസ് ഡാറ്റയ്ക്കായി ഡാര്‍ക്ക് വെബില്‍ 1,600ലധികം സെര്‍ച്ചിംഗ് ഓപ്ഷനുകള്‍ കാണിച്ചു. രാഷ്ട്രീയക്കാരും സെലിബ്രിറ്റികളും ഉള്‍പ്പെടെയുള്ള വിവിഐപികളുടെ വിവരങ്ങളാണ് മോഷ്ടിച്ച വിവരങ്ങളില്‍ ഉള്‍പ്പെട്ടിട്ടുണ്ട്. പണം തട്ടിയെടുക്കലായിരുന്നു ഹാക്കര്‍മാരുടെ പ്രധാന ലക്ഷ്യം. ഹാക്കര്‍മാര്‍ 200 കോടി രൂപ ക്രിപ്‌റ്റോ കറന്‍സി ആവശ്യപ്പെട്ടതായയും റിപ്പോര്‍ട്ടുണ്ട്.

Continue Reading

Video Stories

ലോകകപ്പ് തോൽവിയ്ക്ക് പിന്നാലെ സ്ഥാനമൊഴിഞ്ഞ് ബെല്‍ജിയം പരിശീലകനും

ലോകകപ്പിലെ ഫലമെന്തായാലും സ്ഥാനമൊഴിയുമെന്ന് ടൂര്‍ണമെന്‍റിന് മുമ്ബ് തന്നെ തീരുമാനിച്ചിരുന്നു

Published

on

ഫിഫ ലോകകപ്പില്‍ ഗ്രൂപ്പ് ഘട്ടം പോലും കടക്കാനാവാതെ ബെല്‍ജിയത്തിന്‍റെ സുവര്‍ണ തലമുറ പുറത്തായതിന് പിന്നാലെ സ്ഥാനമൊഴിയുന്നതായി അറിയിച്ച്‌ പരിശീലകന്‍ റോബര്‍ട്ടോ മാര്‍ട്ടിനസ്.

‘എന്‍റെ അവസ്ഥ വളരെ വ്യക്തമാണ്. പരിശീലക സ്ഥാനത്ത് എന്‍റെ അവസാനമാണിത്. ലോകകപ്പിലെ ഫലമെന്തായാലും സ്ഥാനമൊഴിയുമെന്ന് ടൂര്‍ണമെന്‍റിന് മുമ്ബ് തന്നെ തീരുമാനിച്ചിരുന്നു. ദീര്‍ഘകാലം ടീമിനെ പരിശീലിപ്പിച്ച്‌ വരികയായിരുന്നു. ഞാന്‍ രാജിവച്ച്‌ ഒഴിയുന്നില്ല. അങ്ങനെ എന്‍റെ റോള്‍ അവസാനിക്കുകയാണ്’ എന്നും റോബര്‍ട്ടോ മാര്‍ട്ടിനസ് മത്സര ശേഷം മാധ്യമങ്ങളോട് പറഞ്ഞു.

ഖത്തറിലെ പുറത്താകലിന് പിന്നാലെ സ്ഥാനമൊഴിയുകയാണെന്ന് മാര്‍ട്ടിനസ് വ്യക്തമാക്കിയതായി ഇഎസ്‌പിഎന്‍ റിപ്പോര്‍ട്ട് ചെയ്തു. അവസാന ഗ്രൂപ്പ് മത്സരത്തില്‍ ക്രൊയേഷ്യയോട് 0-0ന് സമനില വഴങ്ങിയതോടെ പോയിന്‍റ് പട്ടികയില്‍ മൂന്നാം സ്ഥാനത്തേക്ക് വീണാണ് ബെല്‍ജിയത്തിന്‍റെ ഗോള്‍ഡന്‍ ജനറേഷന്‍ ഖത്തര്‍ ലോകകപ്പില്‍ നിന്ന് പുറത്തായത്. ഗ്രൂപ്പ് എഫില്‍ നിന്ന് മൊറോക്കോ ഗ്രൂപ്പ് ചാമ്ബ്യന്‍മാരായും ക്രൊയേഷ്യ രണ്ടാം സ്ഥാനക്കാരായും പ്രീ ക്വാര്‍ട്ടറിലെത്തി.

Continue Reading

Video Stories

പ്രീക്വാര്‍ട്ടര്‍ കാണാതെ ജര്‍മനി പുറത്ത്

മുള്ളര്‍, ന്യൂയര്‍ തുടങ്ങിയ താരങ്ങളുടെ അവസാന ലോകകപ്പ് അങ്ങനെ കണ്ണീര്‍ മാത്രം സമ്മാനിച്ചുകൊണ്ട് ജര്‍മന്‍ ആരാധകര്‍ക്ക് മുന്നിലൂടെ കടന്നുപോയി.

Published

on

തുടര്‍ച്ചയായ രണ്ടാം വട്ടവും കരുത്തരായ ജര്‍മനി ഗ്രൂപ്പ് സ്റ്റേജില്‍ തന്നെ പുറത്തായിരിക്കുന്നു.2014ല്‍ കിരീടം നേടിയതിനു ശേഷം ഇതുവരെ അവര്‍ക്ക് ഗ്രൂപ്പ് ഘട്ടം പിന്നിടുവാന്‍ കഴിഞ്ഞിട്ടില്ല.

രണ്ടിനെതിരെ നാല് ഗോളുകള്‍ക്കായിരുന്നു ജര്‍മനി അവസാന മത്സരത്തില്‍ കോസ്റ്ററിക്കയെ തകര്‍ത്തുവിട്ടത്. ചെല്‍സി താരം കായ് ഹാവര്‍ട്‌സ് മത്സരത്തില്‍ ഇരട്ടഗോള്‍ നേട്ടം സ്വന്തമാക്കി.പത്താം മിനിറ്റില്‍ തന്നെ ജര്‍മനി മുന്നിലെത്തുകയുണ്ടായി. റൗമിന്റെ പാസില്‍ നിന്നും ഗ്‌നാബ്രിയാണ് ലക്ഷ്യം കണ്ടത്. ശേഷം പുരോഗമിച്ച മത്സരത്തില്‍ ആദ്യ പകുതിയില്‍ കൂടുതല്‍ ഗോളുകള്‍ ഒന്നുംതന്നെ പിറന്നില്ല.

തുടര്‍ന്ന് രണ്ടാം പകുതി ആരംഭിച്ച് അമ്പത്തിയെട്ടാം മിനിറ്റില്‍ തന്നെ കോസ്റ്റാറിക്ക ഗോള്‍ മടക്കി. യെല്‍റ്റ്‌സിന്‍ റ്റെജഡയായിരുന്നു അവരെ ഒപ്പമെത്തിച്ചത്. പിന്നീട് നിരന്തരം ലീഡ് നേടുവാനുള്ള ജര്‍മനിയുടെ ശ്രമങ്ങള്‍ ആണ് കാണുവാന്‍ കഴിഞ്ഞത്. എന്നാല്‍ എഴുപതാം മിനിറ്റില്‍ ന്യൂയറിന്റെ സെല്‍ഫ് ഗോളില്‍ കോസ്റ്റാറിക്ക ലീഡ് നേടി. വീണ്ടുമൊരു അട്ടിമറി ജര്‍മനി മണുക്കുന്നുവെന്ന് തോന്നിയ നിമിഷം. എന്നാല്‍ വെറും 3 മിനിട്ടിന്റെ ഇടവേളയില്‍ സബ് ആയി കളത്തിലിറങ്ങിയ ഹാവര്‍ട്‌സിലൂടെ ജര്‍മനി ഗോള്‍ മടക്കി.

തുടര്‍ന്ന് വിജയഗോളിനായുള്ള ശ്രമങ്ങള്‍ക്കൊടുവില്‍ ഹാവര്‍ട്‌സ് ടീമിന്റെ മൂന്നാം ഗോളും തന്റെ ഇരട്ടഗോളും പൂര്‍ത്തിയാക്കി. ഗ്‌നാബ്രിയായിരുന്നു ഗോളില്‍ പങ്കാളിയായത്. 4 മിനിറ്റിന് ശേഷം ഫുള്‍ക്രഗ് കൂടി സ്‌കോര്‍ ചെയ്തതോടെ ജര്‍മന്‍ പട്ടിക പൂര്‍ത്തിയായി. സനെയാണ് ഗോളിന് വഴിയിരുക്കിയത്.

ഒടുവില്‍ രണ്ടിനെതിരെ നാല് ഗോളുകള്‍ക്ക് ജര്‍മന്‍ പട വിജയം സ്വന്തമാക്കുകയായിരുന്നു. മികച്ചൊരു വിജയം നേടിയിട്ടും നോക്കൗട്ടിലേക്ക് പ്രവേശിക്കുവാന്‍ കഴിയാതിരുന്നത് അവര്‍ക്ക് വലിയ തിരിച്ചടിയായി. ആദ്യ മത്സരത്തില്‍ ജപ്പാനോട് ഏറ്റ പരാജയമാണ് ഈയൊരു വിധി എഴുതിയത്.മുള്ളര്‍, ന്യൂയര്‍ തുടങ്ങിയ താരങ്ങളുടെ അവസാന ലോകകപ്പ് അങ്ങനെ കണ്ണീര്‍ മാത്രം സമ്മാനിച്ചുകൊണ്ട് ജര്‍മന്‍ ആരാധകര്‍ക്ക് മുന്നിലൂടെ കടന്നുപോയി.

 

Continue Reading

Trending