Film
വെഞ്ഞാറമൂട് കൂട്ടക്കൊല: ‘കാലം പറഞ്ഞ കഥ’യുടെ റിലീസ് തടയണമെന്ന് ആവശ്യപ്പെട്ട് പ്രതിയുടെ പിതാവ് ഹൈക്കോടതിയില്
ഫെബ്രുവരി 6-നാണ് ചിത്രം തീയേറ്ററുകളില് എത്തുന്നത്.
കൊച്ചി: കേരളത്തെ നടുക്കിയ വെഞ്ഞാറമൂട് കൂട്ടക്കൊലപാതകത്തെ ആസ്പദമാക്കി നിര്മ്മിച്ച ‘കാലം പറഞ്ഞ കഥ’ എന്ന സിനിമയുടെ റിലീസ് തടയണമെന്ന് ആവശ്യപ്പെട്ട് കേസിലെ പ്രതി അഫാന്റെ പിതാവ് ഹൈക്കോടതിയില്. ഫെബ്രുവരി 6-നാണ് ചിത്രം തീയേറ്ററുകളില് എത്തുന്നത്.
വിചാരണ പൂര്ത്തിയാകുന്നതിന് മുന്പ് ചിത്രം പുറത്തിറങ്ങിയാല് നീതിപൂര്വമായ വിചാരണയെ ബാധിക്കുമെന്നും സാക്ഷികളെ സ്വാധീനിക്കാന് ഇടയാക്കുമെന്നുമാണ് ഹര്ജിയിലെ പ്രധാന വാദം. സിനിമ റിലീസായാല് അത് മാധ്യമ വിചാരണയ്ക്ക് കാരണമാകുമെന്നും പ്രതിയുടെ ഭാവിയെയും കുടുംബത്തിന്റെ അന്തസ്സിനെയും ബാധിക്കുമെന്നും പിതാവ് ഹര്ജിയില് ചൂണ്ടിക്കാട്ടി.
2025 ഫെബ്രുവരി 24-ന് വെഞ്ഞാറമൂട്ടില് 23-കാരനായ അഫാന് തന്റെ മുത്തശ്ശി, പിതൃസഹോദരന്, അദ്ദേഹത്തിന്റെ ഭാര്യ, സ്വന്തം സഹോദരന്, പെണ്സുഹൃത്ത് എന്നിവരടക്കം അഞ്ചുപേരെ ചുറ്റിക കൊണ്ട് അടിച്ചുകൊലപ്പെടുത്തിയത്. മാതാവിനെയും ഉപദ്രവിച്ചിരുന്നു.
അതേസമയം, സിനിമ വെഞ്ഞാറമൂട് കൊലപാതകത്തെ മാത്രം ആസ്പദമാക്കിയുള്ളതല്ലെന്നും ലഹരി വിരുദ്ധ സന്ദേശമാണ് ചിത്രം നല്കുന്നതെന്നും സംവിധായകന് പ്രസാദ് നൂറനാട് വിശദീകരിച്ചു.
kerala
‘റെയ്ഡിന് ഇടയില് സി ജെ റോയിയുടെ കയ്യില് പിസ്റ്റള് എന്നത് വിശ്വസിക്കാന് ബുദ്ധിമുട്ടുണ്ട്’ -രാജു പി നായര്
ഒരു റെയ്ഡ് അതിജീവിക്കാന് കഴിയാത്ത ദുര്ബലന് ആയിരുന്നു അദ്ദേഹം എന്ന് വിശ്വസിക്കാനും ബുദ്ധിമുട്ടുണ്ട്.’ എന്നാണ് രാജു പി നായര് ഫേസ്ബുക്കില് കുറിച്ചത്.
കൊച്ചി: കോണ്ഫിഡന്റ് ഗ്രൂപ്പ് ഉടമ സി ജെ റോയിയുടെ മരണത്തില് സംശയം രേഖപ്പെടുത്തി കോണ്ഗ്രസ് നേതാവ് രാജു പി നായര്. വ്യക്തിപരമായ സംശയമാണ് എന്ന് വ്യക്തമാക്കി ഫേസ്ബുക്കിലൂടെയാണ് രാജു പി നായര് പ്രതികരിച്ചിരിക്കുന്നത്. ‘ദുരൂഹമാണ്! എന്റെ സംശയമാണ്..ഒരു റെയ്ഡ് നടക്കുമ്പോള് ആദ്യം തന്നെ ഫോണ് മുതല് എല്ലാം പിടിച്ചെടുക്കും. റെയ്ഡിന് ഇടയില് അദ്ദേഹത്തിന്റെ കയ്യില് പിസ്റ്റള് എന്നത് വിശ്വസിക്കാന് ബുദ്ധിമുട്ടുണ്ട്. മാത്രമല്ല ഒരു റെയ്ഡ് അതിജീവിക്കാന് കഴിയാത്ത ദുര്ബലന് ആയിരുന്നു അദ്ദേഹം എന്ന് വിശ്വസിക്കാനും ബുദ്ധിമുട്ടുണ്ട്.’ എന്നാണ് രാജു പി നായര് ഫേസ്ബുക്കില് കുറിച്ചത്.
ആദായനികുതി വകുപ്പിനെതിരെ ഗുരുതര ആരോപണവുമായി മരിച്ച കോണ്ഫിഡന്റ് ഗ്രൂപ്പ് ഉടമ സി ജെ റോയ്യുടെ സഹോദരന് സി ജെ ബാബു ഇന്ന് രാവിലെ രംഗത്തെത്തി. അന്വേഷണ ഏജന്സിയില് നിന്ന് സമ്മര്ദമുണ്ടായിരുന്നുവെന്നും അഡീഷണല് കമ്മീഷണര് കൃഷ്ണപ്രസാദില് നിന്നും സമ്മര്ദമുണ്ടായിരുന്നെന്നും സി ജെ ബാബു പറഞ്ഞു.
ആധായവകുപ്പിന്റെ പരിശോധനയ്ക്കിടെ അതേകെട്ടിടത്തില് തന്നെയുള്ള ഓഫീസിലെത്തി സ്വയം വെടിവെച്ച് ജീവനൊടുക്കുകയായിരുന്നു സി ജെ റോയി.
ഇന്ന് സഹോദരന്റെ വീട് സ്ഥിതി ചെയ്യുന്ന കോറമംഗലയിലെ ദേവാലയത്തില് ആണ് സംസ്കാരം. പോസ്റ്റുമോര്ട്ടത്തിന് ശേഷം രാവിലെ 9 മണിയോടെ ബെംഗളൂരു ബോറിംഗ് ആശുപത്രിയില് നിന്നും മൃതദേഹം കോറമംഗലയിലെത്തിക്കും. ഉച്ചയ്ക്ക് ഒരു മണിവരെ പൊതുദര്ശനം ഉണ്ടാകും.
തൃശൂര് സ്വദേശിയാണ് റോയ്. കേരളം, കര്ണാടക, തമിഴ്നാട് ഉള്പ്പെടെ ഇന്ത്യയിലെ വിവിധ സംസ്ഥാനങ്ങളിലും വിദേശത്തുമായി റിയല് എസ്റ്റേറ്റ് മേഖലയില് സജീവ സാന്നിധ്യമായിരുന്നു സി ജെ റോയ്. റിയല് എസ്റ്റേറ്റ് കൂടാതെ ഹോസ്പിറ്റാലിറ്റി, ഏവിയേഷന്, എന്റര്ടെയ്ന്മെന്റ്, വിദ്യാഭ്യാസം, ഗോള്ഫിംഗ്, റീട്ടെയില്, ഇന്റര്നാഷണല് ട്രേഡിങ്ങ് (ബില്ഡിംഗ് മെറ്റീരിയല്സ്) തുടങ്ങിയ മേഖലകളിലും സി ജെ റോയ് സജീവ സാന്നിധ്യമായിരുന്നു. റിയല് എസ്റ്റേറ്റ് പ്രോജക്റ്റുകള് നടപ്പിലാക്കുമ്പോള് ‘സീറോ ഡെബിറ്റ്’ (കടരഹിത) നയം സ്വീകരിച്ചിരുന്നു. അറബ് ലോകത്തെ ഇന്ത്യന് ബിസിനസുകാരുടെ ഫോബ്സ് പട്ടികയില് 14-ാം സ്ഥാനത്ത് എത്തിയിരുന്നു. കോണ്ഫിഡന്റ് ഗ്രൂപ്പിന്റെ ഇന്ത്യയിലെ ആസ്ഥാനം ബെംഗളൂരുവിലും അന്താരാഷ്ട്ര ആസ്ഥാനം ദുബായിലുമാണ്.
news
മഹാരാഷ്ട്രയിലെ ആദ്യ വനിതാ ഉപമുഖ്യമന്ത്രി; സുനേത്ര പവാര് ഇന്ന് സത്യപ്രതിജ്ഞ ചെയ്യും
എന്സിപിയുടെ മുതിര്ന്ന നേതാക്കള് ഭാരാമതിയില് നടത്തിയ യോഗത്തിന് ശേഷമാണ് തീരുമാനം.
മുംബൈ: വിമാനാപകടത്തില് കൊല്ലപ്പെട്ട അജിത് പവാറിന്റെ ഭാര്യ സുനേത്ര പവാര് മഹാരാഷ്ട്രയുടെ ആദ്യ വനിത ഉപമുഖ്യമന്ത്രിയായി ഇന്ന് സത്യപ്രതിജ്ഞ ചെയ്യും. എന്സിപിയുടെ മുതിര്ന്ന നേതാക്കള് ഭാരാമതിയില് നടത്തിയ യോഗത്തിന് ശേഷമാണ് തീരുമാനം. നിലവില് രാജ്യസഭാ എംപിയാണ് സുനേത്ര പവാര്. സത്യപ്രതിജ്ഞയ്ക്കായി സുനേത്ര മുംബൈയിലെത്തി. സത്യപ്രതിജ്ഞ ഇന്ന് വൈകിട്ട് നടക്കും. അതേസമയം, ഇന്ന് ഉച്ചയ്ക്ക് എന്സിപി അജിത്ത് പവാര് വിഭാഗത്തിന്റെ നിയമസഭാ കക്ഷിയോഗം ചേരും. എന്സിപിയുടെ മുതിര്ന്ന നേതാക്കളായ ചഗന് ബുജ്ജ്വല് പ്രഫുല് പട്ടേല് എന്നിവര് ചേര്ന്നാണ് തീരുമാനമെടുത്തത്.
kerala
‘ സിജെ റോയ്യുടെ വിയോഗം അവിശ്വസനീയവും അത്യന്തം വേദനാജനകവും’-അനുശോചിച്ച് മോഹന്ലാല്
അദ്ദേഹം എനിക്കൊരു സുഹൃത്തിനേക്കാളും മുകളിലായിരുന്നു. സ്നേഹത്തോടും ഊഷ്മളതയോടെയും റോയ് എന്നും ഓര്മിക്കപ്പെടും’ മോഹന്ലാല് അനുശോചിച്ചു.
ബംഗളൂരുവില് ജീവനൊടുക്കിയ വ്യവസായിയും കോണ്ഫിഡന്റ് ഗ്രൂപ്പ് ഉടമയുമായ സി.ജെ റോയ്യുടെ മരണത്തില് അനുശോചിച്ച് നടന് മോഹന്ലാല്.
തന്റെ പ്രിയ സുഹൃത്ത് സി.ജെ റോയ്യുടെ വിയോഗം അവിശ്വസനീയവും അത്യന്തം വേദനാജനകവുമാണെന്ന് മോഹന്ലാല് ഫേസ്ബുക്കില് കുറിച്ചു.
‘അതീവ ദുഃഖത്തിന്റെ ഈ സമയത്ത് അദ്ദേഹത്തിന്റെ കുടുംബത്തോടൊപ്പമാണ് എന്റെ ഹൃദയം. അദ്ദേഹം എനിക്കൊരു സുഹൃത്തിനേക്കാളും മുകളിലായിരുന്നു. സ്നേഹത്തോടും ഊഷ്മളതയോടെയും റോയ് എന്നും ഓര്മിക്കപ്പെടും’ മോഹന്ലാല് അനുശോചിച്ചു.
ഇന്നലെ ബംഗളൂരുവിലെ ഓഫീസിലും കഫെയിലും റെയ്ഡ് നടക്കുന്നതിനിടെയാണ് അദ്ദേഹം ജീവനൊടുക്കിയത്. ഐടി ഉദ്യോഗസ്ഥര് ആവശ്യപ്പെട്ടതനുസരിച്ച് ഉച്ചക്ക് ശേഷമാണ് റോയ് ഓഫീസിലെത്തിയത്. ഒന്നര മണിക്കൂറോളം ആദായനികുതി വകുപ്പ് റോയിയെ ചോദ്യം ചെയ്തിരുന്നു. ഇതിന് പിന്നാലെയായിരുന്നു ആത്മഹത്യ.
അശോക് നഗറിലെ ഹൊസൂര് റോഡിലാണ് കോണ്ഫിഡന്റ് ഗ്രൂപ്പിന്റെ ഓഫീസ്. റിയല് എസ്റ്റേറ്റ് രംഗത്താണ് കോണ്ഫിഡന്റ് ഗ്രൂപ്പ് പ്രവര്ത്തിക്കുന്നത്. കേരളത്തിനകത്തും പുറത്തും ഗള്ഫിലും നിരവധി സംരംഭങ്ങളാണ് കോണ്ഫിഡന്റ് ഗ്രൂപ്പിനുള്ളത്. കേരളത്തിലും ബംഗളൂരുവിലും ഗള്ഫിലും കമ്പനിക്ക് നിക്ഷേപമുണ്ട്. സിനിമാ നിര്മാണരംഗത്തും റോയ് പ്രവര്ത്തിച്ചിരുന്നു. നാല് സിനിമകള് സി.ജെ റോയ് നിര്മിച്ചിട്ടുണ്ട്.
അതേസമയം, സിജെ റോയിയുടെ സംസ്കാരം ഇന്ന് നടക്കും. സഹോദരന് സി ജെ ബാബുവിന്റെ കോറമംഗലയിലെ വീട്ടില് വച്ചാണ് സംസ്കാര ചടങ്ങുകള് നടക്കുക. പോസ്റ്റുമോര്ട്ടത്തിന് ശേഷം രാവിലെ ഒന്പത് മണിയോടെ മൃതദേഹം കോറമംഗലയിലെത്തിക്കും. സി ജെ ബാബുവിന്റെ വീട്ടിലെ പൊതുദര്ശനത്തിന് ശേഷമാണ് സംസ്കാര ചടങ്ങുകള്.
-
News1 day agoഇറാനിന് പകരം വെനസ്വേലയിൽ നിന്ന് എണ്ണ വാങ്ങാം; ഇന്ത്യയോട് നിർദേശവുമായി ട്രംപ്
-
kerala1 day agoചീട്ടുകൊട്ടാരം പോലെ ഒരു ബജറ്റ്
-
kerala1 day agoകൈമുറിച്ചുമാറ്റിയ സംഭവം: പല്ലശേന സ്വദേശിയായ പെണ്കുട്ടി വിനോദിനിക്ക് കൃത്രിമക്കൈ വെച്ചുപിടിപ്പിച്ചു
-
india1 day agoകേരളത്തെ ഒട്ടും പരിഗണിക്കാത്ത ഒരു ബജറ്റാണ് ഇപ്പോള് പ്രഖ്യാപിച്ചിരിക്കുന്നത്: ഡോ. എം.പി അബ്ദുസ്സമദ് സമദാനി
-
News1 day agoചിക്കന്പോക്സ് പടരുന്നു; ജാഗ്രത നിര്ദേശങ്ങളുമായി ആരോഗ്യ വകുപ്പ്
-
News1 day agoസഹോദരങ്ങള് കിണറ്റില് വീണു; ഒരാള്ക്ക് ദാരുണാന്ത്യം
-
News1 day agoദുബൈക്ക് ചരിത്ര നേട്ടം; അഭ്യന്തര സാമ്പത്തിക വളര്ച്ചയില് ഉയരം കീഴടക്കി
-
News1 day agoറമദാന് സ്പോര്ട്സ് ടൂര്ണ്ണമെന്റ്: റജിസ്ട്രേഷന് ആരംഭിച്ചു
