kerala
തെലങ്കാന തദ്ദേശ തിരഞ്ഞെടുപ്പ്; കോണ്ഗ്രസിന് ഉജ്ജ്വല വിജയം
മൂന്നില് രണ്ട് ഭൂരിപക്ഷവും നേടിയാണ് മുഖ്യമന്ത്രി എ. രേവന്ത് റെഡ്ഡിയുടെ നേതൃത്വത്തിലുള്ള കോണ്ഗ്രസ് ആധിപത്യം ഉറപ്പിച്ചത്.
നിര്ണായകമായ തെലങ്കാന തദ്ദേശ സ്വയംഭരണ തിരഞ്ഞെടുപ്പില് ഭരണകക്ഷിയായ കോണ്ഗ്രസിന് ഉജ്ജ്വല വിജയം. സംസ്ഥാനത്തെ 116 മുനിസിപ്പാലിറ്റികളിലും ഏഴു മുന്സിപ്പല് കോര്പറേഷനുകളിലുമായി നടന്ന തിരഞ്ഞെടുപ്പില് മൂന്നില് രണ്ട് ഭൂരിപക്ഷവും നേടിയാണ് മുഖ്യമന്ത്രി എ. രേവന്ത് റെഡ്ഡിയുടെ നേതൃത്വത്തിലുള്ള കോണ്ഗ്രസ് ആധിപത്യം ഉറപ്പിച്ചത്.
ഇലക്ട്രോണിക് വോട്ടിങ് മെഷീനുകള്ക്ക് (ഇവിഎം) പകരം ബാലറ്റ് പേപ്പറുകള് ഉപയോഗിച്ച് നടന്ന നിര്ണായകമായ തിരഞ്ഞെടുപ്പ് ആയിരുന്നു.
ആകെ തിരഞ്ഞെടുപ്പ് നടന്ന 2,996 വാര്ഡുകളില് 1,537-ഓളം സീറ്റുകള് കോണ്ഗ്രസ് ഒറ്റയ്ക്ക് നേടി. സംസ്ഥാനത്തെ 116 മുനിസിപ്പാലിറ്റികളില് 83 എണ്ണത്തിലും കോണ്ഗ്രസ് വ്യക്തമായ ഭൂരിപക്ഷം കരസ്ഥമാക്കി. കൂടാതെ, വോട്ടെടുപ്പ് നടന്ന ഏഴു മുനിസിപ്പല് കോര്പറേഷനുകളില് അഞ്ചിലും കോണ്ഗ്രസ് ഭരണമുറപ്പിച്ചു. മഞ്ചേരിയല്, രാമഗുണ്ടം, നല്ഗൊണ്ട കോര്പറേഷനുകളില് കോണ്ഗ്രസ് തനിച്ച് ഭൂരിപക്ഷം നേടിയപ്പോള്, കോത്തഗുഡത്ത് സഖ്യകക്ഷിയായ സിപിഐയുടെ സഹായത്തോടെ അധികാരം പിടിക്കാനാണ് നീക്കം.
മുന് മുഖ്യമന്ത്രി കെ. ചന്ദ്രശേഖര റാവുവിന്റെ ഭാരത് രാഷ്ട്ര സമിതിക്ക് (ബിആര്എസ്) നേരിടേണ്ടി വന്നത് ചരിത്രത്തിലെ ഏറ്റവും വലിയ തിരിച്ചടികളിലൊന്നാണ്. 2020-ലെ തിരഞ്ഞെടുപ്പില് 1,600-ല് പരം വാര്ഡുകള് ഉണ്ടായിരുന്ന ബിആര്എസ് ഇത്തവണ 781 സീറ്റുകളിലേക്ക് ചുരുങ്ങി. വടക്കന് തെലങ്കാനയിലെ തങ്ങളുടെ കോട്ടകള് പലതും കോണ്ഗ്രസിന് മുന്നില് അടിയറവ് വെക്കേണ്ടി വന്നു.
ദേശീയ തലത്തില് ഇവിഎമ്മുകളെ ചൊല്ലിയുള്ള വിവാദം പുകയുന്നതിനിടെ, ബാലറ്റ് പേപ്പറില് നടന്ന തിരഞ്ഞെടുപ്പ് ഫലം പ്രതിപക്ഷ സഖ്യത്തിന് വലിയ ആവേശം നല്കുന്നതാണ്. വോട്ടുകള് കൃത്യമായി എണ്ണപ്പെടുന്നുവെന്നും അട്ടിമറികള്ക്ക് സാധ്യതയില്ലെന്നും ബാലറ്റ് പേപ്പര് തെളിയിച്ചതായി കോണ്ഗ്രസ് നേതാക്കള് അവകാശപ്പെട്ടു. ഇവിഎമ്മിനെതിരെ പ്രതിപക്ഷം ഉയര്ത്തുന്ന ആരോപണങ്ങള് ശരിവെക്കുന്ന ഫലമാണ് തെലങ്കാനയിലേതെന്നാണ് കോണ്ഗ്രസ് നേതാക്കള് ചൂണ്ടക്കാട്ടുന്നത്. മുഖ്യമന്ത്രി രേവന്ത് റെഡ്ഡി ഡല്ഹിയിലെത്തി പ്രിയങ്ക ഗാന്ധിയുള്പ്പെടെയുള്ള കേന്ദ്ര നേതാക്കളെ കണ്ട് ഉജ്ജ്വല വിജയത്തിന്റെ സന്തോഷം പങ്കിട്ടു.
kerala
മുസ്ലിം യൂത്ത് ലീഗ് യൂത്ത് കോണ്ക്ലേവ് നാളെ
രാവിലെ 9.30 ന് പ്രതിനിധികളുടെ ഭാവികേരളത്തെ കുറിച്ചുള്ള അഭിപ്രായങ്ങള് അവതരിപ്പിക്കും.
കോഴിക്കോട് : ഭാവി കേരളം എങ്ങിനെ ആയിരിക്കണമെന്നതിനെ സംബന്ധിച്ച് മാനിഫെസ്റ്റോ തയ്യാറാക്കുന്നതിന്റെ ഭാഗമായി മുസ്ലിം യൂത്ത് ലീഗ് സംസ്ഥാന കമ്മറ്റി സംഘടിപ്പിക്കുന്ന യൂത്ത് കോണ്ക്ലേവ് നാളെ (ഞായര്) രാവിലെ 9.30 മുതല് വൈകിട്ട് 6 മണി വരെ കോഴിക്കോട് അരയിടത്തുപാലത്തുള്ള ഹോട്ടല് ടിയാരയില് നടക്കും. നേരത്തേ രജിസ്റ്റര് ചെയ്ത തെരഞ്ഞടുക്കപ്പെട്ടവരാണ് യൂത്ത് കോണ്ക്ലേവിലെ പ്രതിനിധികള് . രാവിലെ 9.30 ന് പ്രതിനിധികളുടെ ഭാവികേരളത്തെ കുറിച്ചുള്ള അഭിപ്രായങ്ങള് അവതരിപ്പിക്കും.
പരിസ്ഥിതി, സാമ്പത്തികം, ഭാവി സെഷനില് അഡ്വ ഹരീഷ് വാസുദേവ്, ഡോ. കെ എസ് അനൂപ് ദാസ് എന്നിവര് പ്രഭാഷണം നടത്തും. കലാ -കായിക- മാധ്യമ-മാനസിക ആരോഗ്യം സെഷനില് രമേഷ് പിഷാരടി, ഡോ. സക്കീര് ഹുസൈന് വി പി, നിഷാദ് റാവുത്തര് സംസാരിക്കും. ഡോ. അഷ്റഫ് വാളൂര് മോഡറേറ്ററാകും. ലീഡേഴ്സ് ടോക്ക് സെഷനില് പാണക്കാട് സയ്യിദ് സാദിഖലി ശിഹാബ് തങ്ങളും പി.കെ കുഞ്ഞാലിക്കുട്ടിയും പ്രതിനിധികളുമായി സംവദിക്കും. തുടര്ന്ന് വിദ്യാഭ്യാസം, തൊഴില്, നൈപുണ്യം സെഷനില് എന് പ്രശാന്ത് ഐ.എ.എസ്, ഡോ. റഷീദ് അഹമ്മദ്, പ്രൊഫ.ഡോ. ആബിദാ ഫാറൂഖി, അക്ഷയ് കുമാര് ഒ സംസാരിക്കും. ഡോ. റാഷിദ് ഗസ്സാലി മോഡറേറ്ററാകും.
സംരഭകത്വം സെഷനില് ഡോ. ടോം ജോസഫ്, ഉമര് അബ്ദുസ്സലാം, കെ.വി ഹുദൈഫ് എന്നിവര് പങ്കെടുക്കും. അഡ്വ. വി കെ ഫൈസല് ബാബു മോഡറേറ്ററാകും. സാമൂഹ്യ ശാക്തീകരണവും സമഗ്ര വികസനവും സെഷനില് പ്രൊഫ. ഡോ. പി നസീര് , സുദേഷ് എം രഘു, പ്രശാന്ത് ഈഴവന്, ഷിബി പീറ്റര് എന്നിവര് പ്രസംഗിക്കും. അഡ്വ. നജ്മ തബ്ഷീറ മോഡറേറ്ററാകും. യൂത്ത് കോണ്ക്ലേവ് സമാപന സെഷനില് പാണക്കാട് സയ്യിദ് മുനവ്വറലി ശിഹാബ് തങ്ങള് യൂത്ത് മാനിഫെസ്റ്റോ പ്രഖ്യാപനം നടത്തും. വിവിധ സെഷനുകളില് സംസ്ഥാന ഭാരവാഹികളായ പി കെ ഫിറോസ്, പി ഇസ്മായില്, മുജീബ് കാടേരി, ഫൈസല് ബാഫഖി തങ്ങള്, അഷ്റഫ് എടനീര്, കെ എ മാഹീന്, അഡ്വ കാര്യറ നസീര് , ഗഫൂര് കോല്ക്കളത്തില്, സി.കെ മുഹമ്മദലി, ടി.പി.എം ജിഷാന്, അഡ്വ. ഫാത്തിമ തഹ്ലിയ, ദേശീയ ജനറല് സെക്രട്ടറി ടി.പി അഷ്റഫലി എന്നിവര് പ്രസീഡിയം നിയന്ത്രിക്കും.
kerala
‘ശബരിമല സ്വര്ണക്കൊള്ളയുടെ തുടര്ച്ചയാണ് ആഗോള അയ്യപ്പ സംഗമം’ -വി.ഡി. സതീശന്
ആഗോള അയ്യപ്പ സംഗമത്തിന്റെ പേരില് കോടികളുടെ തട്ടിപ്പ് നടന്നെന്നും ദേവസ്വം മന്ത്രി കൈകഴുകി രക്ഷപ്പെടാന് ശ്രമിക്കുകയാണെന്നും വി ഡി സതീശന് ആരോപിച്ചു.
മലപ്പുറം: ശബരിമലയില് നടന്നതുപോലെയുള്ള കൊള്ളയാണ് ആഗോള അയ്യപ്പ സംഗമത്തിലും നടന്നതെന്ന് പ്രതിപക്ഷ നേതാവ് വി ഡി സതീശന്.
രാഷ്ട്രീയ മുതലെടുപ്പിന് വേണ്ടി ആഗോള അയ്യപ്പ സംഗമം നടത്തി. അവിടെ നടന്ന കൊള്ളയുടെ കണക്കുകളാണ് പുറത്ത് വരുന്നതെന്നും വി ഡി സതീശന് പറഞ്ഞു.
ആഗോള അയ്യപ്പ സംഗമത്തിന്റെ പേരില് കോടികളുടെ തട്ടിപ്പ് നടന്നെന്നും ദേവസ്വം മന്ത്രി കൈകഴുകി രക്ഷപ്പെടാന് ശ്രമിക്കുകയാണെന്നും വി ഡി സതീശന് ആരോപിച്ചു. സര്ക്കാര് പരസ്പരം വിരുദ്ധമായ കണക്കുകളാണ് ഹൈക്കോടതിയില് കൊടുത്തത്. അയ്യപ്പന്റെ പേരില് മുഖ്യമന്ത്രി തട്ടിപ്പ് നടത്തേണ്ടിയിരുന്നോയെന്നും അദ്ദേഹം ചോദിച്ചു.
ഉത്തരവാദി ആരാണെങ്കിലും നിയമത്തിനു മുന്നില് കൊണ്ടുവരണം. ദേവസ്വം ബോര്ഡിനും സര്ക്കാറിനും ഉത്തരവാദിത്വമുണ്ട്. ദേവസ്വം ബോര്ഡ് വാര്ത്താ കുറിപ്പ് ഇറക്കാതെ കൃത്യമായി കണക്ക് കോടതിയില് കൊടുക്കണം. രാഷ്ട്രീയ മുതലെടുപ്പിന് വേണ്ടി നടത്തിയ പരിപാടിയുടെ പരിണിതഫലമാണ് ഇത്. സര്ക്കാരിന് ഉത്തരവാദിത്വമില്ലെങ്കില് ഗോവിന്ദന് മാസ്റ്റര് എന്തിനാണ് പ്രതിരോധിക്കുന്നത്. മുഖ്യമന്ത്രി ഇതില് ശ്രദ്ധിക്കണമായിരുന്നെന്നും വി ഡി സതീശന് പറഞ്ഞു.
kerala
കേരള ജനതയുടെ അഭിലാഷങ്ങള് യാഥാര്ത്ഥ്യമാക്കും -വി.ഡി സതീശന്
മലപ്പുറത്ത് തരംഗമായി പുതുയുഗ യാത്ര
കൊണ്ടോട്ടി: സംസ്ഥാനത്തെ ജനങ്ങളുടെ ഹൃദയാഭിലാഷങ്ങള് യാഥാര്ത്ഥ്യമാക്കുന്നതിന് വേണ്ടി ഒരു മഹാ യുദ്ധത്തിനൊരുങ്ങുകയാണ് യു.ഡി.എഫെന്ന് പ്രതിപക്ഷ നേതാവ് വി.ഡി സതീശന്. പുതുയുഗ യാത്രക്ക് മലപ്പുറം കൊണ്ടോട്ടിയില് നല്കിയ സ്വീകരണത്തില് സംസാരിക്കുകയായിരുന്നു അദ്ദേഹം. 10 വര്ഷക്കാലമായി കേരളത്തെ ഇടത് സര്ക്കാര് തകര്ത്തു തരിപ്പണമാക്കി.
6 ലക്ഷം കോടി രൂപയുടെ കടബാധ്യത ജനത്തിന്റെ തലയില് വെച്ചിട്ടുണ്ട്. എവിടെയെല്ലാം സര്ക്കാര് പരാജയപ്പെട്ടോ, അവിടെ നിന്നെല്ലാം കേരളത്തെ ഉയര്ത്തിക്കൊണ്ടുവരേണ്ടത് യു.ഡി.എഫിന്റെ ബാധ്യതയാണ്. കട്ടവരെ സംരക്ഷിക്കാന് മാത്രം നിലനിര്ത്തുന്ന പാര്ട്ടിയായി സി.പി.എം മാറി. വര്ഗീയത മാത്രമാണ് എല്.ഡി.എഫ് അജണ്ട. മതേതരത്വം നിലനിര്ത്തുന്നതില് പാണക്കാട് സാദിഖലി തങ്ങള് നേതൃത്വം നല്കുന്ന മുസ്ലിം ലീഗ് വഹിക്കുന്ന പങ്ക് മതേതര കേരളം തിരിച്ചറിഞ്ഞതാണ് എന്നും അദ്ദേഹം പറഞ്ഞു.
ചടങ്ങില് കെ.കെ.ആലിബാപ്പു അധ്യക്ഷനായി.
-
kerala2 days agoഎന്തിനാണ് പച്ചക്കള്ളങ്ങള് പറയുന്നത്? സംസാരിക്കുന്നില്ലെന്നാണ് ഷാഫി പറഞ്ഞത്, സംഭവിച്ചത് കുടുംബത്തില് ഉണ്ടാകുന്ന പോലെയുള്ള കാര്യങ്ങള്: വി.ഡി സതീശന്
-
kerala2 days agoസിപിഎമ്മിനകത്ത് ഒരുപാട് നയവ്യതിയാനം സംഭവിക്കുന്നുണ്ട്: എ. സുരേഷ്
-
More2 days agoയുഎസില് വാഹനാപകടം: മരിച്ച ഇന്ത്യന് വിദ്യാര്ഥിനിയുടെ കുടുംബത്തിന് 262 കോടി രൂപ നഷ്ടപരിഹാരം
-
india2 days ago‘മോദി ജി ഇനി എങ്കിലും കേള്ക്കുമോ?’: ദേശീയ പണിമുടക്കിന് പൂര്ണ്ണ പിന്തുണയുമായി രാഹുല് ഗാന്ധി
-
india2 days agoസി.ജെ റോയിയുടെ മരണം: ഐടി ഉദ്യോഗസ്ഥര്ക്കെതിരെ തെളിവില്ലെന്ന് എസ്ഐടി
-
kerala2 days agoവാജിവാഹനത്തിൽ സ്വർണപ്പാളി ഒട്ടിച്ചത് ഞാൻ തന്നെ; മോഹൻലാൽ സ്വർണം നൽകാമെന്നു പറഞ്ഞു, പലരും പങ്കാളികളായി: സുരേഷ് ഗോപി
-
india2 days agoപശ്ചിമബംഗാളില് ബിജെപി അധികാരത്തില് വന്നാല് മുഗള് ഭരണാധികാരികളുടെ എല്ലാ അടയാളങ്ങളും നീക്കം ചെയ്യും: വിദ്വേഷ പരാമര്ശവുമായി സുവേന്ദു അധികാരി
-
News2 days agoകൊല്ലപ്പെട്ട ഫലസ്തീനികളുടെ അവയവങ്ങള് അടിച്ചുമാറ്റാന് നെതന്യാഹു അനുമതി തേടി; സോഷ്യല് മീഡിയ പോസ്റ്റ്