kerala
ലക്ഷം കടന്ന് സ്വര്ണവില; പവന് 1760 രൂപയുടെ വര്ധനവ്
ആഗോളവിപണിയില് സ്വര്ണവില ഔണ്സിന് 4480 ഡോളര് പിന്നിട്ടു.
സംസ്ഥാനത്ത് കുതിച്ച് കയറി സ്വര്ണവില. ഒരു ലക്ഷവും കടന്നതോടെ 1,01,600 രൂപയായി ചരിത്രത്തില് റെക്കോര്ഡുകള് ഭേദിച്ചു. ഗ്രാമിന് 220 രൂപയുടെ വന് വര്ധനവാണ് ഇന്നുണ്ടായത്. 12,700 രൂപയായാണ് ഒരു ഗ്രാം സ്വര്ണത്തിന്റെ വില വര്ധിച്ചത്. പവന് 1760 രൂപയുടെ വര്ധനവും ഇന്ന് രേഖപ്പെടുത്തി.
ആഗോള വിപണിയുടെ ചുവടുപിടിച്ച് തന്നെയാണ് ഇന്ത്യയിലും സ്വര്ണവില ഉയര്ന്നത്. ആഗോളവിപണിയില് സ്വര്ണവില ഔണ്സിന് 4480 ഡോളര് പിന്നിട്ടു. നിലവില് 4,486 ഡോളറിലാണ് വ്യാപാരം പുരോഗമിക്കുന്നത്. 3.37 ശതമാനത്തിന്റെ വര്ധനവാണ് ഇന്ന് സ്വര്ണവിലയില് ഉണ്ടായത്.
കേരളത്തില് 2000 ടണ്ണിലധികം സ്വര്ണമാണ് ജനങ്ങളുടെ കൈവശമുള്ളത്. കേരളത്തില് ഒരു വര്ഷം നടക്കുന്ന വിറ്റു വരവ് 125-150 ടണ്ണിലധികവും. യുഎസ് പലിശ നിരക്ക് വീണ്ടും കുറയ്ക്കുമെന്ന സൂചനകളും,യുഎസ് പലിശ നിരക്ക് വീണ്ടും കുറയ്ക്കു വന്ന സൂചനകളും, ഡോളറിന്റെ മൂല്യ ശോഷണവും, അന്താരാഷ്ട്ര സംഘര്ഷങ്ങളും, സ്വര്ണത്തെ ഏറ്റവും സുരക്ഷിത നിക്ഷേപം ആക്കി മാറ്റിയതാണ് വില ഉയരുന്നതിന്റെ കാരണം.
2020ല് 40,000 രൂപ വില ഉണ്ടായിരുന്ന സ്വര്ണം 5 വര്ഷത്തിനുശേഷം 60,000ത്തിനു മുകളില് രൂപയാണ് വര്ധിച്ചത്. 2020ല് 2000 ഡോളര് ആയിരുന്നു അന്താരാഷ്ട്ര സ്വര്ണവില. അഞ്ചുവര്ഷത്തിനുള്ളില് 2500 ഡോളര് ആണ് അന്താരാഷ്ട്ര വില വര്ധിച്ചത്. 2020ല് രൂപയുടെ വിനിമയ നിരക്ക് 71ല് നിന്നും 91ലേക്ക് എത്തിയതും ആഭ്യന്തര സ്വര്ണവില ഉയരുന്നതിന് കാരണമായി.
അന്താരാഷ്ട്ര സ്വര്ണവില ഇപ്പോള് 4487 ഡോളറിലാണ്. വന്കിട നിക്ഷേപകര് താല്ക്കാലിക ലാഭമെടുപ്പ് നടത്തിയാല് വിലയില് ചെറിയ കുറവ് വന്നേക്കാം. 4500 ഡോളര് കടന്നു മുന്നോട്ട് നീങ്ങിയാല് വീണ്ടും വലിയതോതില് വില വര്ധിക്കാനാണ് സാധ്യത.
Film
നടിയെ ആക്രമിച്ച കേസ്: ദിലീപിനെ വെറുതെ വിട്ടതിനെതിരെ അപ്പീല് നല്കാന് സര്ക്കാര് അനുമതി
ഡിജിപിയുടെയും സ്പെഷ്യല് പ്രോസിക്യൂട്ടറുടെയും ശുപാര്ശകള് അംഗീകരിച്ച് ഇന്നലെയാണ് സര്ക്കാര് അനുമതി നല്കിയത്.
നടിയെ ആക്രമിച്ച കേസില് വിചാരണ കോടതി ഉത്തരവിനെതിരെ ഹൈക്കോടതിയില് അപ്പീല് നല്കാന് സംസ്ഥാന സര്ക്കാര് ഉത്തരവിറക്കി. ഡിജിപിയുടെയും സ്പെഷ്യല് പ്രോസിക്യൂട്ടറുടെയും ശുപാര്ശകള് അംഗീകരിച്ച് ഇന്നലെയാണ് സര്ക്കാര് അനുമതി നല്കിയത്.
എട്ടാം പ്രതി ദിലീപ് ഉള്പ്പെടെയുള്ള നാലുപേരെ കുറ്റവിമുക്തരാക്കിയ എറണാകുളം പ്രിന്സിപ്പല് സെഷന്സ് കോടതി വിധിയെ ചോദ്യം ചെയ്താണ് സര്ക്കാര് അപ്പീല് നല്കുന്നത്. മുഖ്യമന്ത്രി പിണറായി വിജയനുമായി അതിജീവിത നടത്തിയ കൂടിക്കാഴ്ചയ്ക്ക് പിന്നാലെയാണ് അപ്പീല് നടപടികള് വേഗത്തിലാക്കാന് സര്ക്കാര് തീരുമാനിച്ചത്. നടിയെ ആക്രമിച്ച കേസിലെ നിര്ണായകമായ ഡിജിറ്റല് തെളിവുകള് തള്ളിയത് നിസ്സാര കാരണങ്ങള് ചൂണ്ടിക്കാട്ടിയാണെന്നാണ് ഡിജിപിയും സ്പെഷ്യല് പ്രോസിക്യൂട്ടരും ചൂണ്ടിക്കാട്ടുന്നത്. വിധിയിലെ സാങ്കേതികവും നിയമപരവുമായ പിഴവുകള് അപ്പീലില് ചൂണ്ടിക്കാട്ടും. ക്രിസ്മസ് അവധിക്ക് ശേഷം കോടതി തുറക്കുന്നതോടെ അപ്പീല് ഫയല് ചെയ്യാനാണ് നിലവിലെ തീരുമാനം.
കേസില് പള്സര് സുനി ഉള്പ്പെടെയുള്ള ആറു പ്രതികള്ക്ക് 20 വര്ഷം കഠിനതടവ് വിധിച്ചെങ്കിലും ഗൂഢാലോചന കുറ്റം തെളിയിക്കാന് പ്രോസിക്യൂഷന് കഴിഞ്ഞില്ലെന്ന് ചൂണ്ടിക്കാട്ടിയാണ് ദിലീപ് അടക്കം നാലുപേരെ വിചാരണ കോടതി വെറുതെ വിട്ടത്. എന്നാല്, കേസിലെ ഗൂഢാലോചനയുമായി ബന്ധപ്പെട്ട് ശക്തമായ തെളിവുകള് തങ്ങളുടെ പക്കലുണ്ടെന്നും ഉയര്ന്ന കോടതിയില് ഇത് തെളിയിക്കാന് കഴിയുമെന്നുമാണ് പ്രോസിക്യൂഷന്റെയും അന്വേഷണ സംഘത്തിന്റെയും നിലപാട്.
kerala
നിയമസഭാ തെരഞ്ഞെടുപ്പ്; മുന്നൊരുക്കങ്ങളിലേക്ക് കടന്ന് യുഡിഎഫ്
തൃശൂരില് കെ.മുരളീധരന് മത്സരിക്കും.
തദ്ദേശ തെരഞ്ഞെടുപ്പിലെ വിജയത്തിന് പിന്നാലെ നിയമസഭ തെരഞ്ഞെടുപ്പിന്റെ മുന്നൊരുക്കങ്ങളിലേക്ക് കടന്ന് യുഡിഎഫ്. തൃശൂരില് കെ.മുരളീധരന് മത്സരിക്കും. ഗുരുവായൂര് കേന്ദ്രീകരിച്ച് പ്രവര്ത്തിക്കാന് മുരളീധരന് നേതൃത്വം നിര്ദേശം നല്കി.
ജനുവരി ആദ്യ വാരം വയനാട്ടില് നടക്കുന്ന ചിന്തന് ശിബിരില് തെരഞ്ഞെടുപ്പ് പദ്ധതികള്ക്ക് കോണ്ഗ്രസ് അന്തിമ രൂപം നല്കും. ഫെബ്രുവരിയില് കേരള യാത്രക്കും തീരുമാനം. സീറ്റ് വിഭജനം ഉടന് പൂര്ത്തിയാക്കും. തെരഞ്ഞെടുപ്പിന് ഒരുങ്ങാന് ഘടകകക്ഷികള്ക്കും നിര്ദ്ദേശം നല്കി.
ജനുവരി 4,5 തീയതികളില് കോണ്ഗ്രസ് ചിന്തന് ശിബിര് വയനാട്ടില് ചേരാന് തീരുമാനമായിട്ടുണ്ട്. നിയമ സഭ തെരഞ്ഞെടുപ്പിന്റെ അന്തിമ രൂപ രേഖ തയ്യാറാക്കുകയാണ് ചിന്തന് ശിബിരിന്റെ മുഖ്യ അജണ്ട.
ഉഭയകകക്ഷി ചര്ച്ചകള് വേഗത്തില് പൂര്ത്തിയാക്കി യുഡിഎഫ് ഘടകകക്ഷികള് സ്ഥാനാര്ത്ഥി നിര്ണയത്തിലേക്ക് കടക്കാനും തീരുമാനമായിട്ടുണ്ട്. ഫെബ്രുവരി ആദ്യവാരം കാസര്കോട് മുതല് തിരുവനന്തപുരം വരെ ജാഥ സംഘടിപ്പിക്കും. പ്രതിപക്ഷ നേതാവിന്റെ നേതൃത്വത്തിലാകും ജാഥ.
kerala
ശബരിമലയില്നിന്ന് പഞ്ചലോഹ വിഗ്രഹങ്ങളും കടത്തി; വ്യവസായിയുടെ നിര്ണായക മൊഴി
വിദേശ വ്യവസായി നല്കിയ മൊഴിയാണ് എസ്ഐടി അന്വേഷണത്തില് നിര്ണായകമാകുന്നത്.
പത്തനംതിട്ട: ശബരിമല സ്വര്ണ്ണക്കൊള്ളക്കേസില് നിര്ണായക വെളിപ്പെടുത്തല്. വിദേശ വ്യവസായി നല്കിയ മൊഴിയാണ് എസ്ഐടി അന്വേഷണത്തില് നിര്ണായകമാകുന്നത്. ശബരിമലയില് നിന്ന് സ്വര്ണ്ണം കൂടാതെ പഞ്ചലോഹ വിഗ്രഹങ്ങളും കടത്തി എന്ന് വ്യവസായി അന്വേഷണ സംഘത്തോട് വെളിപ്പെടുത്തിയതായാണ് റിപ്പോര്ട്ട്.
2019- 20 കാലഘട്ടങ്ങളിലായി നാല് വിഗ്രഹങ്ങളാണ് ഇത്തരത്തില് രാജ്യാന്തര പുരാവസ്തു കടത്ത് സംഘത്തിന് കൈമാറിയത് എന്നാണ് മൊഴി. സ്വര്ണ്ണക്കൊള്ളയിലെ ഒന്നാം പ്രതി ഉണ്ണികൃഷ്ണന് പോറ്റി ഈ കച്ചവടത്തിന്റെയും ഇടനിലക്കാരനായിരുന്നെന്നും ‘ഡി മണി’ എന്നറിയപ്പെടുന്ന ചെന്നൈ സ്വദേശിയാണ് വിഗ്രഹങ്ങള് വാങ്ങിയതെന്നും മൊഴിയില് പറയുന്നു.
2020 ഒക്ടോബര് 26ന് തിരുവനന്തപുരത്ത് വെച്ച് പണം കൈമാറിയെന്നും ശബരിമലയുമായി ബന്ധപ്പെട്ട ഒരു ഉന്നതനും ഈ കച്ചവടത്തില് പങ്കുണ്ടെന്നും വ്യവസായിയുടെ മൊഴിയില് പറയുന്നു. ഉന്നതനും പോറ്റിയും ഡി മണിയും മാത്രമാണ് തിരുവനന്തപുരത്ത് നടന്ന പണം കൈമാറ്റത്തില് പങ്കെടുത്തതെന്നും വ്യവസായി മൊഴി നല്കി.
അതേസമയം, കേസിലെ പത്താം പ്രതി സ്വര്ണവ്യാപാരി ഗോവര്ദ്ധന്റെ രണ്ട് ജാമ്യാപേക്ഷകള് ഹൈക്കോടതി ഇന്ന് പരിഗണിക്കും. ജസ്റ്റിസ് എസ് മുരളീകൃഷ്ണ അധ്യക്ഷനായ അവധിക്കാല സിംഗിള് ബെഞ്ചാണ് ഹര്ജി പരിഗണിക്കുന്നത്. ഹര്ജിയില് ഹൈക്കോടതി എസ്ഐടിയോട് വിശദീകരണം തേടും.
-
kerala18 hours agoപെരിന്തൽമണ്ണ മുസ്ലിം ലീഗ് ഓഫീസ് അക്രമം: 5 പേർ അറസ്റ്റിൽ
-
kerala2 days agoകളിച്ചുകൊണ്ടിരിക്കുന്നതിനിടയില് കുഴഞ്ഞുവീണു; പാലക്കാട് 14കാരന് ദാരുണാന്ത്യം
-
kerala2 days agoവയനാട്ടില് ജനവാസമേഖലയില് വീണ്ടും കടുവയിറങ്ങി
-
kerala2 days agoവാളയാറിലെ ആള്ക്കൂട്ടക്കൊല; പ്രതികള്ക്ക് ശിക്ഷ ഉറപ്പാക്കണം മുഖ്യമന്ത്രിക്ക് കത്ത് നല്കി വി.ഡി സതീശന്
-
kerala18 hours agoവാളയാര് ആള്ക്കൂട്ടക്കൊല; നാല് പേര് ബിജെപി അനുഭാവികളെന്ന് സ്പെഷ്യല് ബ്രാഞ്ച് റിപ്പോര്ട്ട്
-
kerala2 days agoവാളയാറിലെ ആള്ക്കൂട്ട കൊലപാതകം; നഷ്ടപരിഹാരം പ്രഖ്യാപിക്കുന്നത് വരെ മൃതദേഹം ഏറ്റെടുക്കില്ലെന്ന് കുടുംബം
-
india2 days agoകാശ്മീരില് ആദ്യ മഞ്ഞുവീഴ്ച; ‘ചില്ലൈ കലാന്’ ആരംഭിച്ചു
-
india2 days agoനാല് വയസുകാരിയെ ബലാത്സംഗം ചെയ്ത പ്രതിയെ വെടിവച്ച് വീഴ്ത്തി പൊലീസ് ഉദ്യോഗസ്ഥ