തിരുവനന്തപുരം: നെയ്യാറ്റിന്കരയില് നീന്തല് കുളത്തില് മുങ്ങി ഏഴാം ക്ലാസ് വിദ്യാര്ത്ഥി മരിച്ചു. കാരക്കോണത്ത് ഇന്ന് രാവിലെയാണ് ദാരുണമായ സംഭവം ഉണ്ടായത്.
മലയിന്കാവ് സ്വദേശി ഷാജിയുടെ മകന് നിയാസാണ് മരണപ്പെട്ടത്. ഏഴാം ക്ലാസ് വിദ്യാര്ത്ഥിയായ നിയാസ്, ഇന്ന് രാവിലെ അനുജനും സുഹൃത്തിനുമൊപ്പം നീന്താനായി കുളത്തിലേക്ക് പോയതായിരുന്നു.
കുന്നത്തുകാല് ഗ്രാമപഞ്ചായത്തിന് കീഴിലുള്ള നീന്തല് പരിശീലന കുളത്തിലാണ് അപകടം നടന്നത്. മൂന്ന് മാസം മുന്പാണ് ഈ കുളം ഉദ്ഘാടനം ചെയ്തത്. എന്നാല് കുളത്തില് മതിയായ സുരക്ഷാ ക്രമീകരണങ്ങള് ഒരുക്കിയിട്ടില്ലെന്ന് നാട്ടുകാര് ആരോപിച്ചു.