News
വെയില് കനക്കും: സംസ്ഥാനത്ത് പകല് താപനിലയില് കുത്തനെ വര്ധന; അതീവ ജാഗ്രത നിര്ദേശം
സാധാരണയെക്കാള് നാല് ഡിഗ്രി സെല്ഷ്യസ് വരെ ചൂട് ഉയര്ന്നതായാണ് റിപ്പോര്ട്ട്.
തിരുവനന്തപുരം: സംസ്ഥാനത്ത് പകല് സമയത്തെ താപനിലയില് ഗണ്യമായ വര്ധന രേഖപ്പെടുത്തുന്നുവെന്ന് കാലാവസ്ഥ വകുപ്പ്. സാധാരണയെക്കാള് നാല് ഡിഗ്രി സെല്ഷ്യസ് വരെ ചൂട് ഉയര്ന്നതായാണ് റിപ്പോര്ട്ട്. വരും ദിവസങ്ങളിലും വരണ്ട അന്തരീക്ഷാവസ്ഥ തുടരുമെന്നും മുന്നറിയിപ്പുണ്ട്.
ഇതോടെ സംസ്ഥാനത്ത് പകല് താപനില 34 മുതല് 37 ഡിഗ്രി സെല്ഷ്യസ് വരെ ഉയരാന് സാധ്യതയുണ്ടെന്ന് കാലാവസ്ഥ വകുപ്പ് അറിയിച്ചു. ഉയര്ന്ന ചൂട് തുടരുന്ന സാഹചര്യത്തില് പൊതുജനങ്ങള് അതീവ ജാഗ്രത പാലിക്കണമെന്ന് സംസ്ഥാന ദുരന്ത നിവാരണ അതോറിറ്റിയും നിര്ദേശം നല്കി.
പകല് 11 മണി മുതല് 3 മണി വരെ നേരിട്ട് ശരീരത്തില് കൂടുതല് സമയം സൂര്യപ്രകാശം ഏല്ക്കുന്നത് ഒഴിവാക്കണം. കടുത്ത ചൂട് സൂര്യാഘാതം, സൂര്യാതപം, നിര്ജലീകരണം തുടങ്ങിയ ഗുരുതര ആരോഗ്യ പ്രശ്നങ്ങള്ക്ക് കാരണമാകാന് സാധ്യതയുണ്ടെന്നും അധികൃതര് മുന്നറിയിപ്പ് നല്കി.
അതേസമയം, പകല് സമയങ്ങളില് മദ്യം, കാപ്പി, ചായ, കാര്ബണേറ്റഡ് സോഫ്റ്റ് ഡ്രിങ്കുകള് എന്നിവ പോലുള്ള നിര്ജലീകരണം ഉണ്ടാക്കുന്ന പാനീയങ്ങള് ഒഴിവാക്കണമെന്നും കൂടുതല് വെള്ളവും ആരോഗ്യകരമായ ദ്രാവകങ്ങളും സ്വീകരിക്കണമെന്നും നിര്ദേശിച്ചിട്ടുണ്ട്.
News
തൊഴിലാളിവിരുദ്ധ നയങ്ങള്ക്കെതിരെ രാജ്യവ്യാപക പണിമുടക്ക്; 30 കോടി തൊഴിലാളികള് അണിനിരക്കും
ഇന്ന് രാത്രി 12 മണിക്ക് ആരംഭിക്കുന്ന പണിമുടക്ക് നാളെ അര്ധരാത്രി 12 മണി വരെ തുടരും.
ന്യൂഡല്ഹി: കേന്ദ്രസര്ക്കാരിന്റെ തൊഴിലാളിവിരുദ്ധ നയങ്ങള്ക്കെതിരെ രാജ്യവ്യാപകമായി ഇന്ന് അര്ധരാത്രി മുതല് 24 മണിക്കൂര് ദേശീയ പണിമുടക്ക്. രാജ്യത്തെ കേന്ദ്ര തൊഴിലാളി സംഘടനകളും കര്ഷക സംഘടനകളും സംയുക്തമായാണ് പൊതുപണിമുടക്ക് പ്രഖ്യാപിച്ചിരിക്കുന്നത്. 10 ട്രേഡ് യൂണിയനുകളുടെ നേതൃത്വത്തിലുള്ള സമരത്തില് ഏകദേശം 30 കോടി തൊഴിലാളികള് പങ്കെടുക്കുമെന്ന് തൊഴിലാളി സംഘടനകള് അറിയിച്ചു.
ഇന്ന് രാത്രി 12 മണിക്ക് ആരംഭിക്കുന്ന പണിമുടക്ക് നാളെ അര്ധരാത്രി 12 മണി വരെ തുടരും. സ്വകാര്യ ബസുകളും കെഎസ്ആര്ടിസി ജീവനക്കാരും പണിമുടക്കില് പങ്കെടുക്കുന്നതിനാല് സംസ്ഥാനത്തുടനീളം ഗതാഗതം സ്തംഭിക്കാന് സാധ്യതയുണ്ട്. അതിനിടെ, ആവശ്യ സേവനങ്ങളെ പണിമുടക്കില് നിന്ന് ഒഴിവാക്കിയിട്ടുണ്ട്.
പാല്വിതരണം, പത്രങ്ങള്, ആശുപത്രികള്, മെഡിക്കല് സ്റ്റോറുകള്, ഫയര് ആന്ഡ് റെസ്ക്യൂ സര്വീസുകള്, ആംബുലന്സുകള് എന്നിവ സാധാരണ നിലയില് പ്രവര്ത്തിക്കും. കേന്ദ്ര സര്ക്കാര് കൊണ്ടുവന്ന നാല് തൊഴില് കോഡുകള് റദ്ദാക്കുക, ഡ്രാഫ്റ്റ് സീഡ് ബില്, വൈദ്യുതി ഭേദഗതി ബില്, SHANTI ആക്ട് എന്നിവ പിന്വലിക്കുക തുടങ്ങിയ ആവശ്യങ്ങള് ഉന്നയിച്ചാണ് ദേശീയ പണിമുടക്ക്. തൊഴിലാളികളുടെ അവകാശങ്ങളും തൊഴില് സുരക്ഷയും തകര്ക്കുന്ന നയങ്ങള്ക്കെതിരായ ശക്തമായ പ്രതിഷേധമാണ് സമരമെന്ന് നേതാക്കള് വ്യക്തമാക്കി.
News
തിരുവല്ല സ്പാ പീഡന കേസ്: ഒരു പ്രതി കൂടി പിടിയില്, രണ്ടുപേര് ഒളിവില്
ഈ കേസിലെ മുഖ്യപ്രതി സുബിന് അലക്സാണ്ടര്ക്കെതിരെ വീണ്ടും കാപ്പ ചുമത്താനുള്ള നീക്കവും പുരോഗമിക്കുകയാണ്
തിരുവല്ലയില് സ്പാ ജീവനക്കാരിയെ കൂട്ടബലാത്സംഗം ചെയ്ത കേസില് ഒരു പ്രതിയെ കൂടി പൊലീസ് പിടികൂടി. തിരുവല്ല ചുമത്ര സ്വദേശി പ്രശോഭിനെയാണ് റാന്നിയില് നിന്ന് പ്രത്യേക അന്വേഷണസംഘം കസ്റ്റഡിയില് എടുത്തത്. കേസില് ഇനി രണ്ട് പ്രതികള് കൂടി പിടിയിലാകാനുണ്ട്. ഇവര് ബംഗളൂരുവില് ഒളിവിലാണെന്നാണ് പൊലീസിന്റെ നിഗമനം.
കേസിന്റെ അന്വേഷണം കൂടുതല് വ്യാപിപ്പിച്ചുകൊണ്ടായിരിക്കും തുടര് നടപടികള് സ്വീകരിക്കുകയെന്ന് പൊലീസ് അറിയിച്ചു. സംഭവത്തില് കര്ശനമായ അന്വേഷണം നടത്തുമെന്നും, പൊലീസുകാരുടെ ഭാഗത്ത് നിന്ന് എന്തെങ്കിലും വീഴ്ച ഉണ്ടായിട്ടുണ്ടെങ്കില് അവര്ക്കെതിരെയും നടപടിയെടുക്കുമെന്നും സംസ്ഥാന പൊലീസ് മേധാവി റവാഡ ചന്ദ്രശേഖര് പറഞ്ഞു.
. ഇതുസംബന്ധിച്ച പ്രാഥമിക റിപ്പോര്ട്ട് ജില്ലാ കളക്ടര്ക്ക് കൈമാറിയതായി പൊലീസ് വ്യക്തമാക്കി. ‘മരണം’ എന്ന വിളിപ്പേരില് അറിയപ്പെടുന്ന സുബിന് അലക്സാണ്ടര് നിരവധി ക്രിമിനല് കേസുകളില് പ്രതിയാണെന്ന് പൊലീസ് പറഞ്ഞു. ഇയാളെ കുറ്റപ്പുഴയിലെ വീട്ടില് നിന്നാണ് പൊലീസ് പിടികൂടിയത്.
കഴിഞ്ഞ ഞായറാഴ്ച വൈകിട്ട് മൂന്നരയോടെയായിരുന്നു സംഭവം. സുബിന് അലക്സാണ്ടര് ഉള്പ്പെടെ ആറ് പേരാണ് ഗുണ്ടാ പിരിവ് ആവശ്യപ്പെട്ട് സ്പായിലെത്തിയത്. 50,000 രൂപ ആവശ്യപ്പെട്ടെങ്കിലും നല്കാന് കഴിയില്ലെന്ന് ജീവനക്കാരി അറിയിച്ചതോടെ പ്രതികള് ചേര്ന്ന് യുവതിയെ ക്രൂരമായ കൂട്ടബലാത്സംഗത്തിന് ഇരയാക്കിയെന്നാണ് കേസ്.
അതേസമയം, പീഡനത്തിന്റെ ദൃശ്യങ്ങള് പ്രതികള് മൊബൈല് ഫോണില് ചിത്രീകരിച്ചതായും, സംഭവസമയത്ത് സ്പായിലെത്തിയ മറ്റൊരു യുവതിയെ ഭീഷണിപ്പെടുത്തി പണം അപഹരിച്ചതായും പൊലീസ് വ്യക്തമാക്കി.
india
മുസ്ലിംകളെ എന്തിനിങ്ങനെ വേട്ടയാടുന്നു? ഹിമന്തയെ കടന്നാക്രമിച്ച് അര്ണബ് ഗോസ്വാമി
ബംഗാളി സംസാരിക്കുന്ന മുസ്ലിംകളെ ലക്ഷ്യം വെച്ച് ഹിമന്ത ബിശ്വ ശര്മ നടത്തുന്ന ‘മിയ മുസ്ലിം’ പ്രയോഗത്തെ അര്ണബ് ചോദ്യം ചെയ്തു.
ന്യൂഡല്ഹി: അസം മുഖ്യമന്ത്രി ഹിമന്ത ബിശ്വ ശര്മയെ റിപ്പബ്ലിക് ടിവിയിലെ പ്രൈം ടൈം ചര്ച്ചയില് കടന്നാക്രമിച്ച് മാധ്യമപ്രവര്ത്തകന് അര്ണബ് ഗോസ്വാമി. സംസ്ഥാനത്തെ മുസ്ലിം വിരുദ്ധ പരാമര്ശങ്ങളെക്കുറിച്ചും ജനസംഖ്യാപരമായ മാറ്റങ്ങളെക്കുറിച്ചുമുള്ള അര്ണബിന്റെ മൂര്ച്ചയുള്ള ചോദ്യങ്ങള്ക്ക് മുന്നില് ഹിമന്ത പലപ്പോഴും ഉത്തരം മുട്ടുന്ന അവസ്ഥയാണുണ്ടായത്.
ബംഗാളി സംസാരിക്കുന്ന മുസ്ലിംകളെ ലക്ഷ്യം വെച്ച് ഹിമന്ത ബിശ്വ ശര്മ നടത്തുന്ന ‘മിയ മുസ്ലിം’ പ്രയോഗത്തെ അര്ണബ് ചോദ്യം ചെയ്തു. ഇത് സമൂഹത്തില് ഭിന്നിപ്പുണ്ടാക്കാനുള്ള ബോധപൂര്വമായ ശ്രമമാണെന്ന് അര്ണബ് ആരോപിച്ചു. എന്നാല് ബംഗ്ലാദേശില് നിന്നുള്ള കുടിയേറ്റക്കാരെ സൂചിപ്പിക്കാനാണ് ഈ പദം ഉപയോഗിക്കുന്നതെന്നായിരുന്നു ഹിമന്തയുടെ മറുപടി.
‘അസമിലെ ഹിന്ദുക്കളുടെ ഏക രക്ഷകന് താങ്കളാണോ?’ എന്ന് അര്ണബ് ചോദിച്ചു. താന് ജയിച്ചില്ലെങ്കില് അസമിലെ ഹിന്ദുക്കള് ന്യൂനപക്ഷമാകുമെന്ന ഹിമന്തയുടെ മുന് പ്രസ്താവനയെ ചൂണ്ടിക്കാട്ടിയായിരുന്നു അര്ണബിന്റെ ചോദ്യം.
അസമില് ഏറെ വിവാദമായ പോലീസ് വെടിവയ്പ്പിന്റെ ഉത്തരവാദിത്തത്തില് നിന്നും മുഖ്യമന്ത്രി ഒഴിഞ്ഞുമാറാന് ശ്രമിച്ചതും ചര്ച്ചയില് ഉയര്ന്നു.
-
News3 days ago’15 മിനിറ്റില് വീട്ടിലെത്തും’; അവസാന ഫോണ്വിളിക്ക് പിന്നാലെ യുവാവിന്റെ യാത്ര മരണത്തിലേക്ക്
-
News3 days agoരണ്ടാം ദിനം ഇരട്ടി കളക്ഷന്; ‘ആശകള് ആയിരം’ വിജയകുതിപ്പില്
-
News3 days agoതണ്ടപ്പേര് ലഭിക്കാത്തതിന്റെ പേരില് കര്ഷകന് ആത്മഹത്യ ചെയ്ത സംഭവം; ഉദ്യോഗസ്ഥര്ക്ക് വീഴ്ചയെന്ന് കണ്ടെത്തല്
-
india3 days agoപ്രതിഷേധം കനത്തു; മുസ്ലിംകളെ വെടിവെക്കുന്ന അസം മുഖ്യമന്ത്രിയുടെ AI വീഡിയോ ബിജെപി നീക്കം ചെയ്തു
-
india3 days ago‘ഇന്ത്യയുടെ പരമാധികാരം മോദി പണയം വെക്കുന്നു’: യൂത്ത് ലീഗ് ദേശീയ കമ്മിറ്റി
-
india3 days agoപത്ത് വര്ഷത്തിലൊരിക്കല് സെന്സസ് നിര്ബന്ധമാക്കണം; സ്വകാര്യ ബില്ലുമായി അഡ്വ. ഹാരിസ് ബീരാന് എംപി
-
kerala3 days agoബി.ജെ.പി സര്ക്കാറിന് നെഹ്റുവിന്റെ ഓര്മകള് മായ്ക്കാനാവില്ല, അത് ഇന്ത്യയുടെ ഡി.എന്.എയില് പതിഞ്ഞത്: ശശി തരൂര്
-
india3 days agoഇന്ത്യ-യുഎസ് വ്യാപാര കരാര്: കര്ഷകരെയും രാജ്യത്തെയും ഒറ്റിക്കൊടുത്തു; പ്രതിപക്ഷം പ്രതിഷേധത്തില്